泰好記

營業中

休息中

今晚同朋友去咗位於旺角的一家泰國餐廳（泰好記），我們品嚐了他們的一些招牌套餐，包括泰色青芒沙律，冬陰功海鮮湯，馬拉盞通菜，菠蘿炒飯，芒果糯米飯，西瓜冰和椰汁三色冰。泰色青芒沙律新鮮的蔬菜與青芒果結合在一起，增添了豐富的口感和清新的味道。搭配了泰式酸辣醬汁，這道菜帶來了一個令人愉悅的開胃體驗。西瓜冰則是一道清涼解渴的甜點，西瓜的新鮮和冰涼給人帶來了一種令人愉悅的感覺。椰汁三色冰以椰汁為基底，加入了紅豆、綠豆和仙草，味道鮮美且口感豐富。這道冰品非常適合作為一個夏天的消暑甜品。冬陰功海鮮湯以辣椒、檸檬葉和香茅為基礎，味道鮮美且具有獨特的泰國風味。湯中的海鮮和蔬菜豐富了它的口感，使它成為一道暖胃又開胃的湯品。馬拉盞通菜是一道以香料和辣椒調味的泰國傳統菜餚，其中的通菜豆莢帶來了一種脆爽的口感。菠蘿炒飯則以新鮮的菠蘿和香料來提升其風味，每一口都散發出濃郁的香氣，令人回味無窮。芒果糯米飯是一道經典的泰國甜點，糯米飯的黏滑與芒果的甜美相得益彰。

📍 泰好記平價地道泰菜同朋友一齊出去食，好想搵個中間點，要食泰菜唔使去九龍城，今次選擇咗喺旺角女人街呢一間泰國菜有少少驚喜，冇諗過呢一個價位竟然可以食到正宗泰國菜仲要晚市嚟講，60幾蚊就有個炒飯！整體嚟講我覺得串燒係好食嘅非常之推介，特別係佢嘅燒雞翼 。嘢食方面價錢都叫做幾抵食，而且味道唔錯 。今次叫咗幾個小食再加一個主食，同埋三杯飲品 。兩個人埋單，平均人均100至200左右 見到Menu嗰度寫住晏晝仲更加平，下次如果出嚟旺角都會再考慮呢一間 。

泰好記女人街不嬲都多嘢食，呢排天氣實在太熱，所以決定去食泰國菜，酸酸辣辣開下自己個胃入到去竟然真係有泰文聽，明顯係正宗泰國人打理。生菜包可以選擇炒唔同嘅肉類，我就揀咗豬肉。豬類嘅份量非常之多，而且炒到好香，但係又唔會乾爭爭，味道惹味加埋新鮮嘅生菜就啱啱好。海南雞飯跟住份量都多，同埋最緊要保留到海南雞飯嘅嫩滑配埋佢嗰個酸酸甜甜嘅醬菠蘿炒飯裏面除咗菠蘿之外，仲有腰果肉鬆，泰式臘腸，同埋提子乾。材料豐富，泰式味道濃馬拉盞炒四季豆第一次食馬拉盞炒四季豆原來兩者都可以好夾而且佢炒到啱啱好四季豆唔會太乾身加埋杯芒果味特濃嘅冰沙同埋椰汁珍多冰爽歪歪

最近天氣比較熱，夏天嚟緊啦 ☀️ 咁熱嘅天氣令我諗起泰國🤣 當然都會掛住泰國啲美食啦，所以就黎呢間正宗泰國餐廳嚟食吓啲泰國嘢😍 佢啲午餐都幾抵食㗎，包括主食同飲品，加$12仲可以有小食添😍 小食我就試咗雞中翼、炸蝦餅、雞肉串燒 🐥 全部都好正，雞中翼炸得好香口，蝦餅仲有甜酸醬點，串燒就有沙嗲醬點😙燒豬頸肉配白飯 🍚泰式豬頸肉燒得好好食，食落好爽口，調味啱啱好，仲可以自己點醬汁添👍 配埋白飯啱晒，食完覺得津津有味 😋金邊粉 🍜食泰國嘢當然都要食佢嘅傳統金邊粉啦，材料好豐富，有蝦、蛋、芽菜同埋豆卜，仲有好多花生碎同埋青檸俾你做調味🤗馬拉盞炒通菜 🥬佢有好多唔同嘅菜俾你揀嘅，有通菜、椰菜苗、芥蘭等等，而調味方面亦都有好多選擇，例如馬拉盞、蒜蓉、蝦醬等等，好有泰式風味🤩芒果沙冰 🥭 咁熱嘅天氣當然要飲沙冰啦，泰國最出名就係芒果，所以特登揀咗個芒果沙冰，飲完即刻覺得好清涼，個人即刻醒晒🤣泰式奶茶沙冰 🍧估唔到佢亦都有泰式奶茶沙冰添😍 之前淨係飲過泰式奶茶，加埋沙冰更加好飲 🧊

前幾日同朋友都好想食泰國菜，所以喺旺角搵咗呢一間評價都好似唔錯嘅去試吓，餐廳都闊落，坐得幾舒服，價錢合理！👍🏻👍🏻🍴燒蝦泰式蛋包金邊粉食泰國嘢點少得Pad Thai，酸酸甜甜，加埋花生碎同其他配菜非常有口感，金邊粉冇得輸🤪🍴生蝦刺身新鮮嘅蝦刺身加上蒜頭同辣汁好惹味，當前菜好開胃！🍴串燒三拼有豬雞牛各兩串，串燒唔會燒到好乾，醃料非常正宗，點甜甜地嘅花生醬食好滿足😋🍴馬拉盞炒通菜食得出好有鑊氣，少少辣好惹味🍹芒果沙冰唔係化學味，新鮮芒果打🍹泰式奶茶少甜嘅甜度非常適合香港人口味

😋想食泰國菜都唔一定要去九龍城，旺角女人街新開既呢間泰菜非常抵食，店員大部份都係泰國人，地點好方便就腳，環境闊落仲坐得好舒服添！🌟二人套餐A（$299）泰式木瓜絲沙律冬陰功湯馬拉盞炒通菜泰式乾炒牛河泰式甜品飲品兩杯👍🏻二人餐有齊沙律、湯、主食、炒菜，仲送埋甜品同埋嘢飲，超級豐富，而且碟碟都足料大份！木瓜絲沙律同冬陰功湯10分開胃，酸酸辣辣好正宗。👅炒嘢方面鑊氣都好夠火候，另外再試左燒豬頸肉，入口鬆軟多汁，值得推介！一定要飲埋芒果沙冰，味道天然又清甜，消暑解渴一流呀！

同朋友係旺角去左一間叫泰好記既泰國餐廳，叫左佢地嘅$299雙人套餐青芒果沙律一上枱就已經有一種好清新好開胃既感覺，酸酸甜甜嘅青芒果，洋蔥配埋脆口嘅花生，開胃一流！跟住黎嘅小冬陰功湯，佢份量都好夠兩人飲，香濃嘅湯底加上新鮮嘅蝦，個陣酸辣味真係令人回味無窮。然後有馬拉盞炒椰菜苗，炒得好香，椰菜苗嫩口，再加上馬拉盞嘅鹹香味，食到停唔到口。至於泰式乾炒河，河粉炒得乾身，好夠鑊氣，又唔會油膩，大推呀依個😉飲品我地叫左杯芒果沙冰，清新解渴，飲得出係新鮮泰國芒果整既，仲有叫左杯熱柚子茶，暖胃又解膩😊整體黎講，呢個雙人套餐真係CP值超高，份量足夠，味道一流，值得推介俾大家去試一試！

位於旺角通菜街的「泰好記」性價比好高，每一道菜都好好食，加上熱情周到的服務，十級推薦！！開胃的「泰式木瓜絲沙律」🥕以青木瓜為主料，配上爽脆的豆角、花生及蕃茄仔，平衡辣、酸、甜等味道「冬蔭功湯」🍜滋味濃郁，酸辣並重，香茅味突出，入面仲有蝦、菇、蕃茄仔🦐🍅「馬拉盏炒通菜」🥢色香味俱全，通菜爽脆，配以馬拉盏醬汁更添層次「泰式乾炒牛河」🍜牛肉一啲都唔韌，河粉煙靭，加上泰式醬汁，好惹味食到停唔到口👍🏻甜品「大菜糕」🍴爽口的大菜糕配以椰肉,清涼解膩「椰汁珍多冰」🥤香濃醇厚的椰奶,清涼消暑「泰式奶茶沙冰」☕️香醇濃郁的奶茶配以冰涼沙冰,盡顯泰式風情

旺角真係香港既美食天堂，今次我就同朋友去泰好記食晚餐，我地叫左個二人套餐，真係超抵食❤️😈泰式木瓜絲沙律必叫之一，酸辣爽口，超開胃😈椰汁雞湯（小）材料超豐富，椰味超濃郁，再加上海量雞肉，超低卡同健康😆😈蝦醬炒通菜綠油油既通菜再加上香濃既蝦醬，好食到爆炸😈菠蘿炒飯炒飯超大碟，材料豐富，有腰果，肉鬆，肉，粟米同胡蘿蔔等等，鑊味十足👍😈泰式奶茶茶味十足，清甜可口😈菠蘿沙冰即叫即整，菠蘿味好香濃，解渴一流😈串燒拼盤我哋額外叫咗串燒拼盤，有牛雞豬選擇，我哋每樣叫咗兩串😬串燒燒得啱啱好，肉質好結實，超推薦餐廳名稱：泰好記 (旺角)餐廳地址：旺角通菜街75-77號地舖

呢間係旺角既泰菜唔算貴, 野食都幾多可以選擇灼獅蚶呢道菜都幾少見, 但係我鐘意食獅蚶, 即管睇下同港式有咩分別味道黎講因為都幾新鮮, 所以好爽既口味, 呢個整法冇特別用香料遮左原本既味道, 接近原味, 幾鮮甜椰汁雞湯椰汁味唔算重, 但係飲落幾香甜同埋濃濃既雞肉香味, 佢既雞肉質素唔差, 因為都有雞味而唔係雪味燒蝦泰式蛋包金邊粉呢個炒粉粉得唔錯, 燒蝦仲keep到彈牙同蝦既香味, 粉仲係爽口的馬拉盞炒通菜通菜好爽口, 夾埋馬拉盞味道不錯

女人街兩邊有好多平民化又高質嘅餐廳，今次行過呢間「泰好記」比個屏幕吸引就入去試下啦😚仲以為內街入邊嘅舖頭比較狹窄，入到去原來又大又舒適，招呼亦好殷勤，餐牌上選擇非常多，有選擇困難嘅朋友，可以試下二人餐或四人餐😆😆，今次我哋嗌咗呢d：咖喱炒蜆 $148+ 蒜蓉包 $38好香濃嘅咖喱😍，有洋蔥、青椒等配菜，咖喱汁掛晒上粒粒蜆肉，真係想連殼都食埋😆，為咗唔想嘥啲咖喱汁就特登嗌多個蒜蓉包，perfect池😋😋燒豬頸肉 $80燒得好腍身，配埋兩款醬汁，有辣有唔辣，非常惹味👍🏻蒜蓉椰菜苗 $78去泰國餐廳必叫嘅蔬菜🥬，椰菜苗好嫩，簡簡單單蒜蓉炒已經好清甜🫶🏻🫶🏻泰式檸檬茶 $25鍾意泰式檸檬茶有一種獨特嘅茶澀香，泰菜偏濃味，飲杯冰凍檸檬茶解膩啱啱好❤️

夏日即將到來，正是品嚐泰式美食的好時機。我最近同朋友去了一家泰式餐廳，品嚐了餐廳的招牌菜式，感受一下泰國的風情😎蝦醬炒飯飯粒粒分明，充滿了蝦醬的鮮味。蝦醬的陣陣香味，與飯粒完美融合，令人食指大動👍泰式乾炒牛河牛肉鮮嫩多汁，帶有一點點油香，夠鑊氣之餘，更有蛋香，口感層次感十足🥰泰式甜品拼盤拼盤上有各式小巧精緻的甜品，有芒果糯米飯、椰汁糕等等，為整頓晚餐畫上了完美句點。飲品方面，點了芒果沙冰和椰青芒果沙冰酸甜可口，是夏天最佳解暑良品；而椰青則是必點的泰式特飲，帶有一絲椰子的香氣，清而不腻✨好味指數：8/10 性價比指數：9/10餐廳名稱：泰好記 餐廳地址：旺角通菜街75-77號 電話：5722 7837

位於旺角通菜街有一間隱世正宗泰國餐廳「泰好記」。店內佈置充滿泰國風情，一入門口便聽到播放著泰文音樂，令人彷彿置身於泰國街頭。呢度嘅價錢親民，值得一試。.抵食二人套餐 $299只需$299，便包含前菜、湯、炒菜、主食、飲品同甜品，真係超值之選。.冬蔭海鮮湯湯底酸辣適中，帶有濃郁嘅香茅同檸檬草味道，海鮮新鮮彈牙，每一口都充滿泰國風味。湯嘅酸度來自新鮮嘅檸檬汁，辣度則來自泰國特有嘅辣椒，令人飲完後口齒留香，胃口大開。.青芒果沙律口感清爽，青芒果嘅酸甜搭配花生碎嘅香脆，仲有魚露嘅鹹香，整體味道層次豐富。青芒果嘅酸味刺激味蕾，花生碎嘅脆感增加咗口感嘅多樣性，魚露嘅鹹味則完美平衡咗成道菜嘅味道。.馬拉盞椰菜苗火候啱啱好，椰菜苗脆嫩，啱啱都係馬拉盞嘅鹹香。椰菜苗嘅清甜同馬拉盞嘅濃郁鹹香形成強烈對比，好惹味.菠蘿炒飯口感鬆軟，米飯粒粒分明，菠蘿嘅甜味同粟米粒，臘腸粒，葡萄乾，蘿蔔粒，雞肉粒嘅鮮味完美結合，再加上少許咖喱粉嘅香氣，令人回味無窮.泰式奶茶沙冰，泰式凍奶茶兩者各有特色。沙冰口感綿密，奶茶香濃，冰涼解暑；而泰式奶茶則係香甜順滑，茶味濃郁，兩者都係夏日消暑嘅好選擇。沙冰嘅細膩口感令人一口接一口，

泰國朋友仔話帶我去旺角食鄉下菜。去到就見到好多泰國姐姐同妹妹，無論係食客定係員工，大部份都係泰國人。我哋個三個人點咗個二人餐再加埋一個小食拼盤分享。先來兩杯跟餐特飲，提子沙冰同埋椰汁三色冰。沙冰大大杯，三色冰好多料。見個菜單芒果沙律旁冇辣椒符號，以為佢唔辣，點知你都之後佢其實都幾辣下，但係辣得來又幾好食嘅。估唔到二人餐個椰汁雞湯有咁大煲，大家都飲咗幾碗，雞肉同菇菌份量都好好多，椰汁加上香茅好開胃。炒椰菜苗可以選擇唔同炒法，馬拉盞夠香口。菜的份量亦都有好多。主食係乾炒河，有豬牛雞可以揀，我哋揀咗牛肉，碟乾炒牛河牛肉份量比想像中多大大塊。小食拼盤有蝦餅，雞捲同魚卷，每樣兩件，每現在切開一半，所以有12小件，份量其實係幾多嘅。整體嚟講，味道正宗，價錢又合理，下次可以帶屋企人去食。

通菜街出名係旺角多美食嘅地方，係今日同朋友嚟覓食，發現咗呢間餐廳泰有feel，原因係佢哋員工都係泰國人，入到去發現播住泰文歌，食落感覺廚師都應該係泰國人，幾正😛冬蔭海鮮湯加入鮮蝦，辣椒、檸檬汁和魚露熬煮出酸辣鮮美嘅湯底，飲落層次豐富。湯飲落小辣，蝦肉已除殼，肉質彈牙，而且就算叫”細size”都份量十足！係喺泰國本地食到嘅味道。泰式青咖哩(牛)配白飯青咖哩入面除左有我哋點嘅牛，仲有茄子、其他香料，青咖哩醬濃郁順滑，椰漿味突出，配飯食一流，食落就知非常正宗！香葉辣椒海鮮河河粉夠彈，以泰式香葉、辣椒同魚露等調味料炒成，帶有刺激嘅辣味，配料方面鋪滿了蝦、魷魚、青口，用料都幾用心，而且最難得係超勁獲氣！食落夠惹味🤩燒牛肉沙律牛肉經過特製醬汁醃製後過，再以高溫烤至微焦內裡仲粉嫩。搭配新鮮的蔬菜，例如蕃茄、青瓜絲、、芹菜絲同紅洋蔥等，再淋上泰式酸甜醬汁，十分開胃醒神。牛肉份量方面亦十分對得住價錢，好推薦大家試下。青檸梳打青檸味突出，酸得黎爽，醒神！