泰城 (已結業)

由於今日lunch時嚐過一口同事的冬陰公湯，心裏總是念念不忘... 於是，晚上就去了吃冬陰公呢~!今晚剛巧去了油麻地，見到一間泰式食店在店外貼了雜誌報導，於是心想可能不錯吧，不如就一試啦~點了這個冬陰公湯河，先喝一口湯，感覺頗酸，但覺得不夠辣，因為我以為會很辣而order了少辣，--"...，如有機會再吃，我想我不會少辣呢! 雖然味道也不錯，但我想再辣一點一定會更美味~!!!湯河裏的海鮮有蝦、青口和魷魚，我想用的應該都是急凍海鮮，略嫌不夠鮮味，而且，蝦是小蝦仁，如果是原隻中蝦連蝦頭落湯煮，我想會更鮮味~!! 賣相相信也會更吸引~!! 不過，我想是成本問題吧?! 畢竟這裏收費不高，屬合理價錢，這個湯河連飲品是$68，還有一籃蝦片作餐前小吃! 最後，想一提的是，這裏的員工態度親切有禮，感覺不錯~

有事去朋友律師行，之後在附近搵食記得在個多星期前在這裡吃過海南雞飯下面有張相是個多星期的感覺幾好味所以試試找番呢度剛剛接近兩點今次試試第二樣一人一個泰式炒金邊粉份量都可以，不過好似得個甜字鑊氣亦沒有，配料有幾條肉絲之外都仲有隻蝦，今次真的麻麻早上知道叫番海南雞坐位吾算好迫，可能我地2人坐張4人卡位，見到1人都係咁坐凍檸茶勝在夠凍感覺上都幾多熟客光僱佢地一坐低不用看餐牌就叫野坐一陣見到開始滿座有人等位有機會再去試其他

次次返學經過都見到佢，但係成日覺得太貴唔太想去食不過個晚放8:30pm，好多鋪頭都開始收檔，決定一試個時唔係太多人，可以一個人坐卡位...不過真係唔係幾舒服 一來張檯特別高，二來卡位特別窄唔知坐過既人有冇同感呢?每一台都有一小籃蝦片，份量算多，唔太鹹，都幾好食既 由於我夜晚一飲有咖啡因既野就瞓唔到，於是叫左杯熱利賓納幾夠味，OK嘅到上主菜了 - 泰式海南雞飯 ($58)雖然話係招牌菜，我都抱左幾大期待，但係往往都出乎意料...雞胸肉一D都唔覺「鞋」飯份量好足個汁又酸又辣，我平時都唔係好食酸同辣嘅野，去譚仔都係食清湯，但係呢個汁我接受到，又幾好味喎點完D雞有剩仲可以撈埋飯，絕對係全碟飯既highlight!個飯椰汁味重，雖然佢係黃色，但係完全食唔到雞油味...我唔抗拒椰子味，但係海南雞飯個飯得椰子味會唔會唔係幾合理?D飯唔夠乾身，食食下食到D油油地又唔係飯既野，唔通係椰油??雞好似真係少左D...多返兩三舊會好好多，感覺我食完好似係比D飯質飽咁...總括黎講，如果你咁岩經過，可以試一次既但係唔使專程黎試，如果唔係你可能會失望...

今日想食個下午茶, 就去左泰城 見耐無去. 叫左個海南雞飯加個熱奶茶先講個奶茶, 杯茶又苦又澀 唔講以為用苦茶沖出黎, 另外奶好少. 成杯野連合格都講唔上另外, 個雞飯, 個醬係幾好食, 但係D雞... 一黎唔嫩, 二黎佢俾果D雞, 好似賣淨跟住亂汁埋一份俾你, 翼胸脾都有. 外觀真係好差 味道冇雞味, 得個醬係好少少. 再者, 服務態度好差, 叫極都唔應 但收錢就光速. 最後, 可能附近多左幾個車站往返內地, 好多內地人係到內邊食邊等車咁... 完全好似車站式快餐店

幫襯過「泰城」好多次，喜歡那裡的平民小店風味，價值又不貴，可惜食物和服務都時好時壞，所以已有一段時間沒有幫襯了。 今晚朋友建議去吃，我雖則有點猶豫，就給它多一次機會啦。我們兩人點了個四餸的二人套餐（$188），可在餐牌十多款菜式中揀四款，算幾抵吃。先來飲品： 熱香蘭葉茶，味道頗芳香醒神，很有泰國風味。第一道菜是串燒豬肉和雞肉，燒得幾香口，但肉質略為硬，點些沙嗲醬就較好味。香葉包雞： 雞肉仍算腍，又不失香脆，算不俗。泰式海南雞： 望落有些血紅，打了折扣，但撇開這點，雞肉仍算嫰滑，如果這碟的份量多一點，就更好。紅咖哩豬肉煲： 咖哩味頗香濃，汁液味道也豐富，適合撈飯，且也不算太辣，而可惜豬肉雖煮得腍，但不夠入味，似乎雜菜和咖哩汁才是主菜。椰香飯，味道甘香，也清甜，令人感覺開胃。今晚的食物質素算可以，狀態回勇了，且每人大約$100，確實抵吃，如不要求環境舒適的話，這間仍可一試的。

1. 泰式生蝦刺身$60／8隻 ~ 都OK喎.2. 喇沙海南雞絲金邊粉$48 ~ 配粉絲春卷，可惜春卷唔掂。喇沙都幾大碗，雞絲亦不鞋口。3. 泰式去骨海南雞飯$48 ~ 雞一般。4. 咸魚炒芥蘭$45 ~ 夠咸，咸魚亦夠多。5. 香蘭葉冰 ~ 有陣我不喜愛的斑蘭味，而且很甜。

番學前食個DINNER是但簡間,整左個海南雞飯先講D雞,無味也很不嫩滑,我認為你無味也要夠嫩先得,呢個失敗左.跟手個飯係好強烈椰汁味,我最憎(喜歡既可能覺得好食)咩唔係要有雞油味先係油飯既咩(佢一D都無),唉好灰,仲要煮到D飯好濕,結果我係用左D醬撈飯,唔可以浪費既咁個汁都幾好味,酸酸地也夠SPICY.前菜簡左鳳爪是去骨的,呢個又唔夠酸,失望我只能講呢來呢度就不要食雞飯了,可能其他野好食既但無記錯全部加埋50蚊,又算平既

Worst thai food ive had in hong kong. Tom yum soup was like tomato soup with wilted lettuce. No thai spices in it at all. And i once again learned the lesson that you shouldnt order milk tea unless youre in a hk style cafe.

路過碧街找巴士，眼看有間泰國舖、本人對東南亜食品喜愛，其實都有着一份從來不善變的心...兩點過後，人流不多、一個人正好容易找上位子，叫上一份冬陰公湯雞絲米線跟咖啡$35.冬陰公湯雞絲米線...湯底算是香濃，將椰汁混在湯內、更帶出冬陰公湯之鮮明味道，可惜天意弄人敗畢於雞絲身上、雞絲取其胸肉，口感肉質梅而且淋、絕對扣下分數，米線質地煮得適宜，亦不會有過份糊口之感。跟餐的咖啡，是一般茶餐廳货式、一嚐還可，勿抱太大盼望

話說除夕和朋友去食野,個SET 2送1湯或姐3送,都係$138 XD除夕禁既PRICE,認真平XD飛天菜少少SPICY,不過D菜老左少少炭燒豬頸肉好嫩口,而且夠HOT~好有炭燒的FEEL,又爽口青咖哩雞紅咖哩牛黃咖哩豬本來一個SET只有一個咖哩~不過佢都照出3個俾我地少少SPICY,但更強的係咖哩香~好像仲下左好多香料我直情拎D咖哩汁NO飯食XDD海南雞尼個唔好得~太老~服務來說都可以,有個哥哥都好落力介紹XD

同朋友放學後唔知食咩, 行行下見到此店, 見到張貼了很多明星光顧的照片, 在明星效應下, 一於入去試試時間為晚上八時半左右, 當時只有三檯客,唔使等位. 地方好清潔, 不過用餐位置頗為窄, 好彩當晚附近的檯都沒有客人, 不然要與鄰桌客人背貼背而坐侍應服務很好, 反應又快 (可能客人較少的關係吧....) 我們叫了一個二人套餐, 包含一湯, 兩菜, 兩白飯及兩飲品 :酸辣海鮮湯 - 這個湯與名字相符, 很酸很辣, 不過, 入口不像一個湯, 只像一碗醋加雪藏海鮮加辣椒加滾水的製成品, 難吃極了炭燒豬頸肉 - 燒得頗香口, 肉味濃, 配合附上辣汁, 很惹味, 不過此菜不熱, 只有微溫青咖哩雞 - 夠辣, 咖哩汁唔係稀到似水果種, 讚! 又有足夠的配菜, 雞肉都滑, 不過無咩雞味 (雪藏的, 沒法子),不過同配菜混來一起吃, 口感豐富, 但唯獨缺少了泰國的小節瓜 結帳每人八十元, 合理價錢, 但食物賣相不錯, 但質索應有改善空間

其實食過好多次，同過好多唔同既朋友食ga la..^^ 但成日都唔記得上黎寫野...再次幫襯後..再唔寫好似有d對唔住自己，對唔住d鍾意搵好野食既食家!!一直都覺得里間細細間既泰國餐廳幾正幾好食..一段時間無黎幫襯後...發現食物質素唔單止無退步，而且有新菜色！cool！一直好欣賞佢地既泰式金邊粉，食過好幾間泰國餐廳既金邊粉，發現最好味係里間！佢地既海南雞正到不得了！雞肉非常非常滑！簡直"滑不留口"！(今次一口氣叫左一隻，過足口癮)唔太記得個菜色名...只係記得炒通菜，碟野大碟夾抵食，非常野味！讚呀！另外，最值得欣賞既係佢地差不多每樣菜色都會配拾d醬料，非常特別，令本來好似無咩特別既食物變得好有特色！之前提過佢地有新菜色，就係蝦餅釀雞翼啦！味道一流ga！大家記得要試下！佢地既串燒亦唔錯ga...非常入味！可惜唔記得影相..無相俾大家睇添>o<anyway...一間非常值得光顧既餐廳！！

一早約左班同事要食飯, 我本身plan住食0個間無左, 我就上openrice揀油麻地...見到入面0的相...嘩!! 真係流哂口水, 好!! 就試下啦!!我0地就一夠鐘即走喇!! 唔夠6:30就到左,發覺餐廳環境好舒服,白色綠色做主打,GOOD !!呢度有十幾張,唔係好大,但已經坐滿一半人了,好, 等齊哂人, 我就拍板落order喇!! 所有都係餐牌0地推介的食物啊!!1> 木瓜沙律: 好清新啊!! 0的木瓜出奇地好食呢!!2> 炭燒豬頸肉: 好味, 好香啊!! 個汁又正~~3> 雞亦: 呢個都好正, 不過我覺得入面0的味唔夠濃~~4> 冬蔭公蝦湯: 呢個出面完全食唔到喇!! 好正啊!! 仲要係今日的最最最好味呢!!5> 串燒豬同雞: 串燒就ok啦, 又唔算話勁好味, 不過個汁都好正~~6> 海南雞: 哈哈, 呢個真係正到暈啊!! 0個然係招牌,個汁又正~~係油麻地區有間咁正0既餐廳~~下次一定會再去啊!! 如果大家想食, 我諗book檯好0的...

今天全家人入左油麻地行下，家姐book左呢間餐廳，佢之前食過話幾好。我一向都鐘意食泰菜，呢間味道真係唔錯。我地點了:炒椰菜 惹味串燒豬 燒得幾香, 唔會太乾燒尤魚 必叫, 有驚喜, 一d都唔硬, 勁讚冬陰公雞亦河 味道唔錯 ,勁讚紅咖哩雞 好香喎. 蒜茸包 梗係點咖哩汁啦;)芒果黑糯米 勁讚服務一般,唔算好但整體都好正..下次會再來呀!

今天跟太太到油麻地探中醫朋友並到他的診所參觀，正直下午茶時間，一出大廈門口看到了對面的泰菜舖就決定“近近地“進去了，我們坐低後點了海南雞飯(門口寫著海南雞飯專門店，不能不試試專門店的強項），還點了炒金邊粉及冬䕃公豬頸肉金邊粉。先說服務，樓面人手夠，服務不過不失。等候上餐時間也好，不用等太久就可以吃了海南雞飯評語：份量夠但雞太“鞋“，飯質“林“但像黃色的白飯，另一點是最意外的，飯全是米碎炒金邊粉評語：份量一般，味道一般，吃上去有點像焗茄汁意粉的感覺冬䕃公豬頸肉金邊粉評語：這個是令我最失望的，因為我吃不出冬䕃公的酸和辣，反而吃到了甜味，材料少，應有的香茅南薑，菇和辣椒都只有很少很少，金邊粉質感很粗很鞋，有點硬，吃了後有點口渴(可能太甜掛)，老實說，甜的冬䕃公第一次試到，怎能不失望總括來說我吃不到泰菜應有的味道，令人失望下星期來找醫師看症時一定要看看有什麼好吃的東西