泰國小食

營業中

休息中

兩位泰籍兄弟主理既燒烤店，其中以泰式糯米腸好食到不得了，雞中亦都係好juicy, 配埋酸辣汁簡直係一流，好食到一個點！最近佢地好似返左泰國vacation, 希望快啲開返啦！

俾卡幫妮偶然地發現咗呢間好味既串燒👍🏻👍🏻👍🏻本身打算排對面有間幾出名嘅串燒，但係條隊實在太長，所以放棄咗😆😆行過馬路打算去買其他野食，抬頭一睇，見到呢間串燒好似都好唔錯喎，條隊又比較短，即刻排隊買黎試下😂😂等左幾個人就到我地啦☺️☺️牛肉$15豬肉$13雞腎$13雞肉$13雞軟骨$15珍寶腸$15 豬頸肉 $15雞翼 $15樣樣都好味呀😋😋好有質素👍🏻👍🏻👍🏻特別推介豬頸肉、雞軟骨、珍寶腸、雞腎、雞翼😋😋😋醬汁揀咗沙嗲汁同埋酸辣汁，兩款都好好味呀☺️☺️我特別鍾意個沙嗲汁，係咁點嚟食😂😂😂 叫咁多樣加埋先 $114，性價比都好高☺️☺️下次會再去買黎食👍🏻👍🏻👍🏻

九龍城出名多泰國菜，泰式串燒嘅鋪頭都唔少㗎，自己行開九龍城都會幫襯，今次除夕日特登嚟九龍城食宵夜，就想食泰式串燒。大約10點黎到竟然見到鋪頭前面大排長龍。.呢間泰國小食同埋金泰冰沙嘅串燒我由細到大，兩間嘅價錢差唔多，主要分別就係醬汁方面，泰國小食有三種醬汁，沙嗲、酸辣同辣汁我自己唔係好食得辣，所以就會揀沙嗲。.串燒每款都有啲驚喜，今次就叫咗雞翼、牛肉、雞肉、豬頸肉同埋仲有一款係類似台灣大腸包小腸嘅糯米腸。.我最鍾意嘅係牛肉，肉質非常軟嫩juicy，好正！一口咬下感受到牛肉的香氣，肉汁及油脂在嘴裡散開。其他嘅質素都唔錯👍🏻加上，外層鹹鹹甜甜的沙嗲醬越吃越開胃！.串燒價錢大約係$12至$20左右，性價比高！

《泰國小食》來到九龍城泰國街，當然去食泰國菜，第一站食下街邊串燒先😝😝😝，肥肥就食咗兩串先，因為要留個肚食其他美食！！！！！！！！！ 第一串：雞肉串(沙嗲汁)🐔🐔🐔($12)(7/10)雞肉醃肉好夠味， 唔係好柴幾juicy，冇汁的話都夠味，只係有細塊。個沙嗲較甜，同埋應該唔係用粗粒花生醬或用花生，因為唔似平日食個d有花生碎，但同串雞都幾夾。第二串：糯米豬肉腸(酸辣汁)🐖🐖🐖($15)(6/10)似台灣大腸包小腸的大腸，但當中的糯米飯就太 淋，口感唔係太好。外皮腸衣比較硬， 所以有d 難咬口。老闆俾我試埋酸辣汁，個汁酸辣得宜，但魚露的味太出都係唔係幾夾，有失望，如果係配牛肉等等會較好。==============================味道：(7/10)抵食：(7/10)環境：(7/10)服務：(7/10)

晚上做完運動, 加上天氣有點涼涼的, 人就特別容易感覺肚餓.雖然知道晚上不應該太晚吃東西, 但要知道, 人的食慾真是很難控制的!最後, 還是敗在那種飄揚在空氣中, 燒烤的香味...九龍城有很多泰式燒烤店, 提供了很多串燒的選擇, 隨便一間, 都是滿滿的泰式風味.無論是烤雞腿, 泰式香腸, 雞牛豬串, 大肉腸, 魚蛋, 應有盡有!加上秘製的泰式酸辣汁, 沙嗲汁等, 總有一款對你口味!這天要的是墨魚丸, 一串有4個丸子, 大大的, 挺有咬口, 配上泰式酸辣汁, 辣辣的, 就一個字, 爽!

食完"遊船河", 一出門口, 行兩行, 唔知點解發現這舖....就試吓......肉有點勒,大大串的.猪頸肉$12; 腎賣$10不過, 除咗d沙嗲汁都ok外, 兩串野都只係普普通通......

七月上旬‧有雨喜歡吃零食，有什麼比邊行街邊吃一串串燒更好？行經這裡，要了一串燒雞腎。燒得邊位乾身，微脆。雞腎本身很厚身，口感極爽脆，非常不錯。可選幾款醬汁，勁推的是辣汁，真的辣得冒汗！

食完duke's deli 既pizza...仲心思思想食野...0係九龍城轉車, 就行入去食一食金泰既串燒點知未開門?! :-/所以揀左去泰國小食...d 腎同埋肉加埋酸辣汁好好味...第二次再去, 買多左几串, 仲買左糯米腸同扎肉tim但係糯米腸同扎肉配酸辣汁就麻麻地...因為兩者都比較鬆, 好多酸辣汁走左入去條腸度...超級酸!!!同埋扎肉好鬆散...唔係咁好食, 可以唔試總括黎計, 酸辣汁配肉類好味...糯米腸亦几特別可以一試但係扎肉就太鬆散...又無肉味...(或者係比個酸辣汁蓋過左啦)至於沙嗲醬...我未試過, 但係見人地買要沙嗲醬...個賣相就麻麻地淺黃色一pat 咁...根本都唔似沙嗲醬?

家姐打電話給我,指明要吃燒雞翼,夜麻麻不知去哪兒,突然醒起平日搭車回家路過的這間店.買了2隻雞翼,2串墨魚丸.買了後店員加熱.最後要了沙嗲汁.回到家先食雞翼,雞翼用上雞全翼,加了沙爹汁幾好味,皮燒得脆,又唔燶.幾好味道,至於墨魚丸咬完眉皺,真是未食過這麼難吃的墨魚丸,粉勁多,又勁淋,完全無咬口,墨魚丸粒欠奉.只有馬蹄粒,再加上燒得唔夠火喉,完全唔合格.哎,為了唔好浪費食物,只好苦了肚子

創發吃得人渾身不對勁，經過串燒店，立刻停下腳步。要了一串沙爹雞肉。泰籍哥哥把肉串放在電爐上反熱，所以也要等上好幾分鐘才能拿到手。肉串香氣撲鼻，雞肉面頭微焦，但肉質仍然嫩滑，若果沙爹醬能夠再濃郁一點的話，就會更加惹味。吃過好味沙爹，之前的不爽都抵消了！

同 2 號食完甜品，路過呢間串燒店，被吸引了~~~要了串雞肉同豬頸肉，加埋佢 d 醬汁，好野味~~~ 正~~~好~~~ 又係時候繼續搵食...

喺昌發遊完船河後，繼續帶住半空嘅肚去搵食。人地就食飯後甜品，我就每逢唻到九龍城就食飯後串燒。喺城南道一轉入去衙前圍道就見到依間野「泰國小食」，於是叫左幾串雞肉同豬頸肉。老闆(?)係咁依燒左一燒就袋晒畀我地，媽媽就不禁講左句「嘩，嘜咁快嘅」。淋埋串燒醬同泰式辣醬就大功告成。雞肉非常之嫩滑，加上醬汁有齊晒花生、青檸、辣椒、魚露等味道，很滿足。豬頸肉則睇落好乾，比平時的厚同細粒，但咬落去發覺幾爽而且夠肥夠香口，又係同樣嘅醬，同樣嘅滿足感。味道方面係非常不錯，但通病就係唔似串燒，冇嗰種燒過嘅香味。冇計，睇佢個爐個火咁細，仲要只係燒左一陣，可以點? 食泰式串燒，首推還是太子道的金泰。