泰國婆

營業中

休息中

一田購物後，到左附近的#泰國婆 開餐，行到倦就要了原個椰青解下渴先，清甜又大個的新鮮椰青，好清涼爽口。咖哩麵包軟殼蟹，1次可以食到炸到香脆的軟殼蟹，黃咖哩內有洋蔥、紅、黃椒同芹菜，熱辣辣又香氣十足，個包超大個，跟咖哩融為一體很好吃。泰式海南雞飯轉雞髀，加$轉雞髀位，皮薄清涼爽口，髀肉嫩滑很美味，點埋泰式醬汁，酸辣甜的很可口，跟雞油配合一齊食好正😊。鐵板蠔仔餅，即叫即制熱辣辣，餅厚身蛋味香濃，蠔仔肉漲卜卜，新鮮飽滿, 調味得味道相當唔錯。

週日1:45分左右到呢間野食午餐 基本上都有好多張空枱目測得9枱客 樓面員工有7個入到黎水都無杯 要叫先比員工係後場傾計 嘻嘻哈哈咁 無人主動加下水 侍應同食客枱數幾乎係一比一 都可以做到咁hea唔該加強trainings 啦##############################

💡值得一試的泰國風味今晚嘅泰國菜小聚真係好滿足，每樣菜都各有特色，味道同質素都唔錯！環境舒服，服務態度又好，好適合同朋友一齊嚟食飯傾偈。🍜炒金邊粉 金邊粉炒得啱啱好，唔會太乾或者太濕，口感煙韌！配料好豐富，有蛋、豆腐、蝦仁同埋花生碎，酸酸甜甜嘅味道好開胃，仲有少少辣味刺激味蕾，正！😋 🥬蒜蓉炒唐生菜 唐生菜炒得翠綠爽脆，蒜蓉味好香，但又唔會蓋過菜嘅清甜。食完金邊粉再食呢個菜，感覺好清爽，平衡返油膩感！🌿 健康又好味～🍢雞肉串燒雞肉串燒燒得外焦內嫩，肉質好juicy，仲有少少炭燒香味！蘸埋佢哋特製嘅沙嗲醬，帶少少花生香同微辣，真係好惹味！🐔海南雞 海南雞嘅雞肉好滑嫩，皮薄肉厚，食落一啲都唔油膩！海南雞迷必試！🥭芒果糯米飯 甜品時間到！芒果好甜又多汁，糯米飯軟糯得嚟又帶少少椰香味，仲有椰漿淋喺面，食落好滿足。

泰國婆(香港)☆║．．．．．．．．．．．．．║☆‼️ 鳳尾蝦炒金邊粉 $88✅ 金邊粉大大碟 佢嘅蝦都唔係淨係得一兩隻 佢冇落到好多油去炒 食落都係偏清爽 亦好開胃‼️ 泰式燒豬頸肉 $78✅ 豬頸肉外脆內軟 調味適中 配上咗酸甜嘅醬汁 食落就冇咁油膩 食多幾塊都冇問題‼️ 泰式椰子沙冰 $38✅ 沙冰係好重嘅椰奶味 甜度適中 清爽解膩 最啱就係配泰國菜‼️ 芒果糯米飯 $68✅ 佢地嘅芒果糯米飯 除左普通嘅糯米 仲有紫糯米 兩款嘅口感完全唔一樣 加埋芒果一齊食就好有層次感 芒果嘅份量慷慨 鮮甜多汁 黎到呢間餐廳一定要試下‼️ 泰式海南雞飯 $82✅ 海南雞飯嘅雞件嫩滑 唔會過肥 值得一讚嘅係佢嘅飯唔係一般嘅雞油飯 而加入左薑黃 所以除咗一般嘅油香之外 仲有一陣薑黃嘅味道‼️ 飛天炒通菜（辣） $78✅ 呢個炒通菜夠晒鑊氣 加入辣椒令味道更加香口 但係又唔會過辣 只係幫你調一調味 我相信就算唔食得辣嘅都會鍾意呢碟菜📍 香港將軍澳坑口重華路8號東港城2樓238號舖☎️ 電話號碼 +852 28873737📷 Canon R8 + RF24-105mm f/4-7.1 IS STM📩喜歡我的文章，可以

將軍澳冇乜泰國菜尤其係坑口簡直係泰國菜荒漠難得有新鋪開張一定要去幫襯吓餐廳座位比較迫除非你係坐卡位唔係嗌多幾個餸都冇位擺泰式凍奶茶盛惠$25杯 杯比較細講真話麻麻哋好飲好似溝咗奶粉咁唔會再叫之後叫咗碗船河材料都足 湯頭比較甜整體嚟講都好味木瓜絲沙律 份量好大味道酸酸辣辣非常之開胃而呢個價錢嚟講 非常抵食炭燒豬頸肉有好香炭燒味 每塊都大大塊咬落口感好好 好香油香作為一個豬頸肉愛好者非常推薦鐵板蠔仔蛋非常惹味有鑊氣不過相對比較油膩好彩蛋下面有芽菜底感覺會冇咁油膩 清新爽口啲整體嚟講會再幫襯係除咗座位比較逼夾以價錢同食物質素份量比性價比都算高如果諗起想食泰國菜都會諗起佢

二訪坑口依間「泰國婆」，又同屋企人試下其他唔同菜式先。*此餐廳收取加一服務費。泰式煲仔翅（單點$188），好足料，勾翅口感厚身，蟹肉味道鮮甜，內有瑤柱、冬菇、雞絲、芫荽，湯底口感濃稠，飲落鮮味十足，配以紅醋食用，味道更佳。泰式青木瓜沙律（單點$78），表面鋪滿櫻花蝦、車厘茄、花生，青木瓜、紅蘿蔔、豆角、生菜口感爽脆，食落味道酸辣。芭堤亞雞肉卷6件（單點$48），腐皮色澤金黃、口感薄脆，雞肉卷肉質嫩滑，食落好Juicy，配以泰式甜辣醬食用，食落好惹味。泰式凍奶茶（兩杯$50），採用泰國手標紅茶、泰國煉奶製作，飲落茶味濃厚、甜而不膩。

今日嚟坑口東港城搵泰國婆😄餐廳都幾大，座位寬敞舒服泰式柚子鮮蝦沙律～柚子酸酸甜甜與鮮蝦完美配合，清新美味非常開胃😋泰式黃咖喱牛腩配薄餅～香氣撲鼻，微辣濃郁順滑，牛腩經過長時間的燉煮，肉質軟嫩，薄餅外脆內軟用嚟沾咖喱，絕配👍原個椰青焗飯～具代表性的泰國食品，絕對必點的一道菜，用原個新鮮椰子裝滿焗飯，飯粒與海鮮索滿香甜的椰漿，係一道色香味俱全的佳餚👍✨#將軍澳美食 #香港美食 #香港必食 #香港探店 #香港打卡 #香港旅遊 #香港必喝 #將軍澳探店 #香港泰菜 #香港好去處 #將軍澳推薦食品

見到新開咗呢間泰國餐館好似唔錯，就同屋企人過嚟試吓。我哋拎咗一張六人飛，門口服務員話大枱第一張就到我哋叫我哋等多一陣，仲指住話轉頭會比呢張大枱我哋！等咗大概半個鐘都未有位就去個洗手間先，點知返到嚟，餐廳入面職員竟然安排咗我啲屋企人入咗去坐張四人枱，而喺我哋後面攞飛嘅六人坐咗嗰張大枱😳，即刻問發生乜嘢事？佢哋話佢哋張飛攞嘅時間早過我哋，但係睇返張籌，我哋個號碼係先過佢哋，呢下餐廳安排得真係好差，最後我哋六個人坐住張四人枱好迫好迫咁食嘢！好迫真係好迫，完全唔夠位放嘢食！除咗條燒烏頭之外，佢哋上菜嘅時間速度都快，我哋要食得好快，因為食完一碟先至可以有空間擺另一碟餸…….勁無奈😮‍💨食物方面，個船麵湯底極度唔鍾意。成浸跌打酒嗰啲藥油味。好伏！海南雞同燒烏頭正常。最出色係個咖喱麵包軟殼蟹👍最後埋單連加一$779

今次同朋友去咗將軍澳「泰國婆」食飯，泰國風味十足，每道菜都係地道又有誠意！🍴🇹🇭 鳳尾蝦炒金邊粉金邊粉乾身而且炒得香氣十足，配上鮮甜鳳尾蝦，口感彈牙，味道酸甜鹹辣啱啱好～薄餅薄餅一客有8塊味濃，食完一塊仲想要多一塊！所以好快就清晒明爐鳥頭即叫即整，成個明爐上枱烤熱鳥頭，湯底係酸酸辣辣嘅汁底肉質嫩滑，蘸上泰式醬料更加惹味，呢個真係必點！ 泰式燒豬頸肉豬頸肉烤得焦香，咬落去油脂分佈均勻，肉汁滿滿，配埋酸辣醬，滋味無窮！ 馬拉蓋炒通菜通菜炒得嫩綠爽口，蒜香味濃仲帶少少辣，份量十足串燒拼盤（雞・牛・豬）拼盤一次過可以試晒三款肉類，燒得香噴噴，唔會燒得太乾爭爭，配埋特色沙嗲醬汁好夾原個椰青清甜椰青飲落去清新解渴，仲可以食埋嫩椰肉芒果糯米飯最後點少得泰國經典甜品！糯米飯軟糯香甜，配埋香濃椰漿同鮮甜芒果，簡直係完美的結合！ 泰式千層糕千層糕外觀精緻，層層分明，味道香甜但唔膩口，甜品控必試！

前排約咗舊同事喺坑口食飯，見到呢間新開嘅泰國婆，大家都想食啲開胃菜就即刻試吓！！🥬🥬馬拉盞炒通菜呢個幾好喎，唔會話食到好辣，但係又香又惹味，通菜爽口又入味，而且都幾大碟，不過因為好惹味兩個人都食得晒！🍲🍲泰式船湯河個湯底非常之濃，但唔會話好鹹。最鍾意配啲脆炸豬皮一齊食，我哋兩個都好鍾意，入面嘅配菜都好多！🌶️🥩泰式紅咖喱牛肉片呢個牛肉非常之香，一開始以為都會好辣，但都算係適中，本身淨係叫咗個飯，但係紅咖喱味真係太香啦，再叫多個薄餅一齊食！🧋☕另外我哋都嗌咗兩杯飲品，泰式奶茶同埋珍多冰，兩杯飲品都幾正宗，泰式奶茶嘅茶味好香呢度小小嘅菜式，已經食到我哋兩個好飽，本身仲好想食甜品都食唔到！下次一定要再食😝🍽 泰國婆 (坑口)📌 將軍澳坑口重華路8號東港城2樓238號舖☎️ 2887 3737⏰ 星期一至日11:00 - 21:30 #將軍澳美食 #香港美食 #香港必食 #香港探店 #香港打卡 #香港旅遊 #香港必喝 #將軍澳探店 #香港泰菜 #香港好去處 #將軍澳推薦食品

坑口新開的泰國餐廳，餐廳以木系簡約風裝修，很有泰國風情。泰式肉碎生菜包泰式生菜包內充滿了酸、辣、咸的元素。獨特的泰國香料，加魚露、檸檬汁和新鮮香菜，非常清新，口感層次豐富。生菜葉脆嫩清爽，咬下去時，清新的生菜與多汁的肉餡混合着，非常好吃。泰式海南雞飯 雞肉滑嫩無骨，特別是髀位的肉質更是鮮美。搭配的雞油飯粒粒分明，帶有淡淡的雞油香，淋上海南雞的醬料，味道更加豐富。附送的冬瓜湯清爽可口。泰式紅咖喱牛肉片 牛肉份量十足，肉質軟嫩，搭配爽口的豆角，咖喱汁香濃，微辣的味道正好，讓人一口接一口。芒果糯米飯 芒果糯米飯糯米香甜，搭配新鮮的芒果，口感綿密，甜而不膩。

早排收工同朋友去到東港城一試泰式美食，這裡的美食都相當地道，好有係泰國食的風味 。原個椰青焗飯絕對是必點的一道菜，原粒新鮮椰子裝滿焗飯，一上枱就散發出濃郁椰香。飯粒粒粒分明，索滿椰汁的香甜，最正係可以食到新鮮椰肉，口感好豐富 。泰式船麵湯河船麵的湯頭濃郁，有肉香同香料的清新 。配料有嫩滑的肉片、脆口的豬皮、既有鮮味又帶有鹹香 。泰式咖喱雞青咖喱搭配薄餅確實是無得頂的的組合，青咖喱特有的香料味道配上酥脆的薄餅，既能吸收咖喱的醬汁，又能享受不同的口感 。泰式肉碎生菜包爽脆的生菜配上香辣肉碎，醬料味道適中，包著吃特別開胃。泰式冬蔭功湯酸辣平衡，香茅和檸檬草的香氣充分釋放，湯頭層次豐富。豬頸肉沙律醬料酸辣惹味，豬頸肉嫩滑，搭配埋其他菜，非常開胃醒神 。串燒拼盤（雞、牛、豬）三種肉類各具特色，醃製入味，燒到恰到好處，點埋沙嗲食一流 。街頭椰子栗米雪條清甜不膩的甜品，既能解膩又可以食到椰子的清香 。味道不太甜，食落唔會有負擔 。

坑口搵食時，記起有間唔錯嘅泰國婆，剛好有位唔使等，餐廳是半開放式夠晒開揚！半隻海南雞，雞胸完全唔會鞋，髀位超嫩滑就更加唔使講，冇骨啖啖肉，仲有碗清甜雞湯跟埋。咖哩牛肉，牛肉片份量多，內還有爽口豆角，香濃咖哩汁微辣，再叫碗白飯撈飯很正。鳳尾蝦炒金邊粉，炒得夠晒火喉，唔覺油膩好惹味。飲品點了泰式奶茶同凍檸茶，茶香大杯都唔錯。#將軍澳美食 #香港美食 #香港必食 #香港探店 #香港打卡 #香港旅遊 #香港必喝 #將軍澳探店 #香港泰菜 #香港好去處 #將軍澳推薦食品

難得在坑口找到一間質素這麼高的泰國餐廳，而價格也相當合理，吸引了不少鄰近居民前來用餐。🏠餐廳： 泰國婆 📍地址： 將軍澳坑口重華路8號東港城2樓238號舖泰國婆的椰青焗飯（$128）是一道讓人驚艷的佳餚，整個椰青外殼內包滿了椰香四溢的焗飯，配上大量椰子肉和少許椰漿，口感極其吸引，份量豐富，絕對滿足。此外，這裡的泰式冬陰公湯（$98）也不容錯過，湯料香料豐富，酸辣的湯底中透出鮮味，味道恰到好處，讓人欲罷不能。豬頸肉沙律（$98）則是一道酸酸辣辣的開胃沙律，洋蔥和醬汁的辣度恰到好處，與豬頸肉及沙律搭配，口感絕佳，好味非常。泰國婆菜式繁多，青咖哩、串燒、船河等應有盡有，每道菜式都值得推薦，絕對是喜愛泰國菜的饕客們不可錯過的好去處。

間餐廳安排客人入座極為混亂，當時有等四人枱同大量等二人枱既客人，餐廳堅持先安排四人枱入座，令二人枱客人一直等，等左兩個鐘，等剩二人枱既客人，二人枱先被安排到，情況唔理想同公平。餐廳服務贊素中規中矩，送餐速度好唔一致，叫左碗面同飯，個面食完仲要等先有個飯，雖然理解唔同既餐點需時唔同，但隔咁耐既情況都幾唔理想。餐廳門外不時有客人不滿等候時間太長，外賣送遞人員同餐廳職員溝通混亂，令用餐體驗一般，加上餐廳定價進取，不推薦。