泰國婆

營業中

休息中

淘小姐繼續發掘將軍澳區美食今次就黎到東港城 @eastpointcity 試試 #泰國婆 @grandmathai 嘅手勢晚市十分旺場早已滿座可見食物質素極佳見到每枱都點左咖哩淘小姐都跟隊叫一個即叫即到首先上枱嘅係佢地嘅皇牌船麵同泰式拼盤⭐️泰式船湯河湯底濃郁得黎味道偏甜都幾特別配料有牛肉片、牛丸同炸豬油渣仲有通菜同九層塔河粉幼滑好有風味⭐️泰式拼盤有蝦餅、魚餅、春卷、雞翼各兩件除咗泰式辣醬仲有甜酸醬十分香口惹味⭐️串燒拼盤分別有雞、牛、豬共6串配埋沙嗲汁都幾惹味架⭐️咖喱麵包軟殼蟹見到枱枱都有嗌好奇之下係餐牌搵下佢原來只係$88咁抵唔怪之得個個都要嗌啦軟殼蟹都幾新鮮炸得好香脆咖喱味偏甜加埋農夫包都好好食整體好大份都食唔晒⭐️泰式肉碎生菜包超超超好味嘅生菜包淘小姐覺得佢都幾辣下不過就好貼近正宗泰國口味⭐️泰式蟹肉炒飯份量不少蟹肉亦毫不吝嗇⭐️飛天炒通菜份量適中味道偏甜唔算太辣⭐️芒果糯米飯糯米飯熱辣辣芒果嘅份量超多再加埋椰奶口感大滿足當晚仲送左龍眼大菜糕比我地超開心💕🍽️ 泰國婆 @grandmathai 📍 將軍澳坑口重華路8號東港城2樓238號舖

將軍澳東港城呢間「泰國婆」真係驚喜滿滿！由裝修到食物都充滿泰國街頭風情，今次試咗5款招牌菜，每款都夠晒地道，仲要價錢親民，泰迷必收藏～ 泰式海南雞飯雞肉嫩滑到呢～皮爽肉嫩冇雪藏味！油飯用香茅同斑斕葉煮，香氣撲鼻。最正係個泰式酸辣醬，微辣帶蒜香，同海南雞超夾。 泰式炸蝦餅（三件）即叫即炸熱辣辣！外層金黃酥脆，咬落去蝦肉彈牙又鮮甜，仲食到粒粒蝦肉口感。點埋個甜酸醬，開胃到可以encore多份～ 泰式椰子沙冰夏日必飲！椰香味濃得黎唔會假，沙冰打得夠細滑，仲有新鮮椰肉增加口感。飲一啖即刻覺得自己喺泰國街頭～ 泰式燒雞（半隻）燒雞皮脆肉嫩，醃得好入味！香茅同南薑嘅香氣好突出，蘸埋個秘製綠色海鮮醬，酸酸辣辣超惹味。半隻份量夠2-3人share！ 泰式街頭椰子粟米雪糕童年回憶返晒嚟！椰子雪糕甜度剛好，加上粟米粒 冰凍又脆口。用傳統泰式鐵碗裝住，打卡一流～ 「泰國婆」絕對係將軍澳隱世泰國菜！人均$100左右就食到超地道味道，晚市經常爆滿，想食記得早少少去啊～

嚟咗呢間喺坑口東港城商場裏邊嘅泰國菜🇹🇭餐廳食午餐🤣一共有10款 Lunch Set 可以選擇，咁揀咗 $88「泰式炒金邊粉」：「炒金邊粉」加有雞蛋芽菜豆乾香蔥等，「金邊粉」炒得夠乾身香口所以食得好開胃🤣，旁邊仲有花生碎同埋都相當辣嘅辣椒粉，當然仲有幾隻新鮮蝦仁🍤，蝦仁🍤肉質爽滑嘅，都真係落咗幾多材料🤣，仲非常大碟🤣跟餐加「香茅斑斕熱飲 +$8」：大大杯熱辣辣有少少香茅香味🤣跟餐加「蒜蓉炒唐生菜（細）+$40」：「唐生菜🥬」新鮮爽脆，蒜蓉炒簡單好食，雖然係「（細）」但係份量都唔少🤣跟午餐仲有一大碗熱辣辣夠晒鹹嘅湯好似係雞湯🤣仲叫咗 $118「半隻海南雞」：海南雞已經拆咗骨啖啖肉，食得暢快又方便🤣，雞肉總體嚟講都夠滑🤣，仲有一碟唔係好辣嘅辣椒醬汁同埋星加坡🇸🇬黑醬油可以沾海南雞食🤣

QR code落單點餐後好快出餐，款式十分多元，店員都好nice，係東港城抵食好食之選串燒拼盤 $98 叫咗牛雞豬三款各兩串，每串都多肉漲卜卜燒到少少焦香，記得要趁熱食！半隻海南雞 $118 皮同肉都好滑，個辣醬同豉油濃香而唔搶雞肉鮮味泰式紅咖喱牛肉片配薄餅 $88 + $38 牛肉片有少少筋，厚身仲好多片，紅咖哩一星辣唔會太勁，咖哩有雜菜一齊煮冇咁膩。薄餅酥脆正常發揮，下次會試返泰式蒜蓉包原個椰青 $42 食泰國菜當然要飲椰青，大大個好清甜，椰肉都好淋可以刮出嚟

朋友推介這間泰國餐廳，以泰式街頭風格為主，除了環境寬敞之餘，價錢經濟實惠，份量亦不少，是個不錯的選擇。串燒拼盤（雞、牛、豬）（各2串） ($98)有齊雞、牛、豬，適合與朋友分享，配搭沙嗲醬更為惹味。泰式燒豬頸肉 ($78)啖啖肉有嚼勁，搭配泰式醬汁，惹味而不油膩。鳳尾蝦炒金邊粉 ($88)蝦厚身爽彈，金邊粉軟炒得乾身，條條分明，味道微甜不油膩，再伴上花生碎和辣椒碎，更添滋味。泰式街頭 •椰子粟米雪糕 ($58)椰子雪糕放在椰子殼內，配以椰肉、花生及粟米，帶有濃濃泰式風情。椰子雪糕軟滑，吃起來滿滿椰香，不會太甜膩，底層還有糯米飯，口感豐富。椰青 ($42)食泰國菜必點之選，清甜涼快，啖啖透心涼。

之前喺屯門食過呢間泰國婆價錢好合理 質素亦都非常好😝嚟到將軍澳又見到 質素果然冇令人失望😌今次叫咗碗泰式船麵 份量好足料🤣一上枱大大碗 牛肉 豬肉丸 炸豬皮乜都齊湯底好濃郁 而且湯煲到有一定既濃厚🥰所以配埋麵食落好惹味 亦唔會太鹹見到餐牌推介食咖喱花甲 好吸引呢款咖喱汁冇得輸 炒咩都好好食每一隻蜆非常飽滿 大隻 鮮甜🤩咖喱汁亦調味得非常好 濃稠度啱啱好用嚟點蒜蓉包 冇得頂 所以即刻嗌返碟蒜蓉包切成粗條狀 焗到外脆內軟😛將啲咖喱汁索哂落蒜蓉包到 冇得頂😌最後仲嗌多咗份 泰式燒雞 熱辣辣外皮燒得好脹卜卜 一上枱好香🥰食落調味唔會太鹹 每嚿雞都非常多肉旁邊仲有兩個汁 點埋個泰式辣醬 夠哂開胃😛🍲泰式船湯金邊粉 $78🐥泰式燒雞 $128🥘咖喱鮮花甲皇 $88🍞蒜蓉包 $48

之前成日去將軍澳唐俊街一帶食嘢 今日同老媽子食飯 轉場去坑口嘅東港城 餐廳選擇ok 重點係價錢唔貴 性價比唔錯😌-🫔鮮蝦春卷一般嚟講 我會揀豬頸肉做小食 之不過 隔籬枱炸春卷嘅賣相實在吸引🤩 跟風叫咗一客 即炸春卷皮 脆卜卜好香口 蝦肉餡多 -🐔青咖喱雞紅青黃三種咖喱之中 最鍾意青咖喱 唔辣有椰香 啱晒我呢啲食唔到太辛辣食物嘅人 去骨雞🐔啖啖肉 泰式茄子🍆有嚼勁 咖喱厚身濃郁 用嚟撈白飯食 飽肚又滿足-🥓燒安格斯牛肉牛肉鮮嫩有嚼勁 夠肉味 七成熟🔥最理想 醬汁係亮點 少少辣 好惹味-🥤黑糖龍眼冰🥤泰式奶茶

東港城有間幾高Cp值嘅泰國菜「泰國婆」🇹🇭👵🏻.鹽燒烏頭🐟烏頭大條肥美😍加咗鹽同香葉燒製🧂🌿肉質嫩滑鮮甜🤤沾上泰式辣汁🌶️增添泰式風味😬.泰國婆炒飯🍚有臘腸🍖雞蛋🍳洋蔥🧅豆角🫛炒飯炒得乾爽惹味😋加上番茄🍅青瓜就更加清新🥒.脆炸單骨雞翼(4隻)🍗雞翼炸得金黃香脆😗肉質軟嫩😌沾上帶菠蘿味嘅醬汁🍍好開胃👍🏻.泰式芒果蛋卷(2件)🥭煙韌斑蘭卷包住香甜多汁芒果😆加上椰漿🥥好味道😛.泰式奶茶🧋

今晚經過東港城，心思思想食泰菜，見到呢間泰國婆，望到裝修好有心思，嚟遠見到就好有泰式風格😙於是入嚟試吓，嘢食幾好食，係唔錯嘅街坊之選🥰泰式燒豬頸肉烤到好香口好滋味，但係有保持到肉質嘅爽彈濕潤，配埋啲泰式辣汁好食😚另外仲叫咗個單骨雞翼，敲到好香口，但係又保持到好Juicy，上菜熱辣辣，食得好滋味🥳泰式海鮮炒粉絲都好有質素，海鮮都幾豐富有大大隻嘅蝦、青口等等，粉絲炒得好好，每一條都索晒啲汁，鹹香十足🤤食泰菜冇理由唔食返個芒果糯米飯，芒果香甜，而且好足料，另外糯米飯有雙色，食落煙煙韌韌，好滋味🤗

東南亞美食之旅‼️🇹🇭去咗坑口東港城二樓🏬有間叫泰國婆的餐廳☺️餐廳以泰國為主題佈置😃搭配綠色植物以及木造吊扇🌴不停播放住泰文歌曲🎵彷如置身於泰國的熱帶小屋🛖正宗泰式美食餐廳🤗原個椰青焗飯🥥原個椰青飯粒飽滿，充滿了椰子的天然香氣，與蝦、青口和椰子肉的搭配更是讓人驚喜。每一口都能感受到海鮮的鮮美，加上椰子的清甜，味道層次分明，令人陶醉。椰青的皎潔白色和鮮艷的海鮮色彩交織😍醉貓炒河🐈辣肉碎為主角，醬汁濃郁，味道相當惹味。炒河粉的口感滑順，與辣肉碎的搭配讓整道菜充滿了層次感。每一口都帶有微微的香辣😃泰式燒豬頸肉🐷燒豬頸肉為搭配著泰式醬汁，豬頸肉經過燒烤後，肉質鮮嫩多汁，讓肉的鮮味得以充分展現😀泰式椰子沙冰🍧這道甜品的清新口感令人驚喜。沙冰的質地綿滑，椰子的香氣與微微的甜味相得益彰，讓人感受到一種清涼的愉悅。這道甜品非常適合在炎熱的夏季享用，既能消暑又能滿足對甜品的渴望，無論是作為餐後甜品還是獨立享用，都是絕佳的選擇😀整體環境光猛乾淨企理🤗服務態度幾好，姐姐好有禮貌😀食物味道好食，份量夠，會再幫襯😋

今日放工嚟咗坑口食好嘢，前排經過見到開咗間新嘅泰國菜，見到裝修靚靚，充滿泰國風，但一直都未有機會食，今日約咗班朋友嚟食吓，果然有驚喜☺️ 食得泰國菜，一嚟9秒9叫咗個生菜包辣肉碎，超級好食，辣肉碎勁Juicy，而且炒到好鹹香，配埋爽脆嘅生菜，滋味一流🥰另外叫咗個黃咖喱牛腩配蒜蓉包，黃咖喱好Creamy，好濃郁，配搭蒜蓉包一流，另外牛腩煮到好入味，仲有啲薯仔都好好食🤤另外仲叫咗個飛天炒通菜都幾有質素，通菜好爽脆，而且辣到適中，所有朋友都食到😙食泰菜梗係要叫個椰青，人手一個，椰子水非常之香甜，而且椰肉好容易刮落嚟，清香解膩😍

👧🏻😋👅🍽✨東港城平民泰菜🙌🏻-🇹🇭 上年十月進駐坑口東港城, 以船麵同海南雞作招牌, 新裝修加上食物份量十足, 好適合家庭聚餐-▪️海南雞 (半隻) $118 🐓 雞肉未算十分鮮甜, 但勝在雞胸同雞髀一樣咁嫩滑, 亦保存到肉汁同油份, 加上隻雞好大隻, 呢個價錢幾抵食 ▫️原個椰青焗飯 $128🦐 有蝦, 青口等海鮮, 用椰水煮個飯粒粒都好清甜, 再用埋椰子裝返個飯, 淋上椰漿, 多重鮮味好豐富▪️泰式乾炒豬肉片河粉 $78🐖 炒河濕度同油份剛好, 夠滑身又唔會太油, 調味亦恰到好處; juicy豬肉片連同大量清甜雜菜一齊炒, 大份又滿足▫️芭堤雅雞肉卷 $48🍘 外脆內軟有雞汁, 記得要趁熱食!▪️串燒拼盤 $98🍢 豬牛雞各2串, 每粒肉都大大塊, 個沙嗲醬少少香辣, 但唔點本身都好夠味▫️原個椰青 $42🥥 幾大個好多水好清甜▪️泰式芒果蛋卷 $45🍡 第一次見呢款甜品!! 雖然個蛋卷冇蛋😂 但椰子糕個皮好煙韌, 包住又甜又juicy芒果勁好食!

泰國婆是一間泰國餐廳，位於商場內，環境和座位也舒服。除了名稱很”泰國”外，裝修一看都知道是間吃泰國菜的餐廳。明爐烏頭明爐烏頭配料有椰菜、芹菜、紅蘿蔔、香蔥、辣椒、香茅、肉碎和鮮菌，配有泰式酸辣湯汁，有爐火保溫。新鮮烏頭魚肉肉質嫩滑，點埋酸辣湯汁更美味。新鮮菠蘿海鮮炒飯炒飯內配料有菠蘿粒、肉鬆、提子乾、腰果、紅蘿蔔、海蝦、鮮魷和青口。菠蘿飯炒到粒粒分明乾身，海蝦鮮鱿食落爽口彈牙。豬頸肉沙律沙律內有車厘茄、紫洋蔥、青瓜、辣椒、香蔥、生菜和芹菜。大大件豬頸肉食落香辣，沙律酸酸地好開胃。馬拉盞炒通菜通菜配料有辣椒、香蒜、洋蔥和馬拉盞。廚師炒通菜有鑊氣，微辣不膩，越食越野味。泰式船河泰式船河內有香蔥、芽菜、香葉、豬油渣、牛丸和牛肉。豬油渣脆卜卜，牛丸可口，牛肉嫩滑有牛味，河粉比較幼身，每條河粉都沾滿牛肉汁，我挺喜歡湯底的味道。椰子雪糕甜品椰子雪糕內有粟米、花生粒、糯米飯和椰子肉。椰子雪糕香椰子味，糯米飯軟糯。椰青大大個椰青，滿滿清甜椰青水，椰肉厚身軟滑，很容易挖出來食。泰式菠蘿沙冰菠蘿沙冰入口冰涼，每口沙冰都有香濃菠蘿味。

召集鐘意食泰國菜既朋友仔，今次去左位於將軍澳坑口一間泰國餐廳，裝修走木系簡約風，好有泰國風情Menu選擇多，湯品、炒粉麵、咖哩、小食應有盡有，價錢仲好抵食鳳尾蝦炒金邊粉 $88金邊粉炒得好有鑊氣，炒至乾身，金邊粉有咬口，配上爽滑鳳尾蝦好好食，可以配埋花生粒同檸檬汁酸酸地有助解膩泰式冬陰功湯 $98冬陰功湯用個鍋仔上熱辣辣，面頭有大蝦多膏又彈牙，加入大量菇菌、海鮮同香料，酸酸辣辣好開胃，黎到一定要叫黎試下香茅雞翼 $48/4隻平時都好鐘意食雞翼，香茅味都好出，外脆內嫩又多汁，啖啖肉要試下泰式炸蝦餅 $58/3件外皮炸至香脆，口感爽彈有咬口， 蘸上甜酸醬香口惹味芒果糯米飯 $68糯米飯微溫口感軟糯，芒果香甜滋味，配上椰汁一齊食大滿足，作為甜品一流

泰國婆（將軍澳）一間好親切名字的泰國菜館泰國婆,餐廳位於新界將軍澳坑口重華路8號東港城2樓,餐廳主打泰國菜,餐廳裝修環境光猛,座位寬敞舒適,服務員招呼熱誠有禮。泰式船河河粉配料有豬油渣,牛肉,芽菜,香葉,牛丸,湯底清甜,豬油渣食落香脆不肥膩,牛肉嫩滑,河粉比較幼身,食落滑溜溜,飲品有椰青。豬頸肉沙律豬頸肉沙律內配料豐富,豬頸肉大件厚身,美味可口,小小辣,沙律酸甜鹹鹹地,越食越開胃。馬拉盞炒通菜炒通菜好有鑊氣,小辣,青綠的通菜食落無渣好嫰.餸飯一流。新鮮菠蘿海鮮炒飯炒飯用半個菠蘿盛載,滿滿的炒飯內配料有腰果,豬肉鬆,青口,提子乾,海蝦,魷魚,廚師烹調菠蘿炒飯炒到乾身,鱿魚海蝦入口爽彈,飲品有椰汁珍多冰。明爐烏頭明爐烏頭上桌有明爐保温,配有酸辣汁和碎肉湯,烏頭配料有辣椒,椰菜,鮮菇,芹菜,香蔥,香茅,肉碎,烏頭魚食到尾仍熱辣辣,肉質鮮甜美味可口,飲品有泰式菠蘿冰。椰子雪糕椰子雪糕配料豐富,有薄荷葉作點綴,內有糯米飯,粟米,椰子肉,香濃椰子味的雪糕和椰子肉加上軟糯的糯米飯,不同口感和味蕾在口腔內爆發。