泰國大城船麵

營業中

休息中

朋友好鐘意食泰國菜🇹🇭今次就帶左我去泰菜餐廳餐廳主打船麵🍜 當然一定要試試佢😌大城招牌船麵 $98呢碗船麵有好多配料 實在太豐富了包括有魚蛋 豬肉丸 豬潤 肉片 牛肉丸 安格斯牛炸豬皮好正😍😍😍 亦有好多麵底可轉粗麵或麵而且湯底非常之濃郁 但唔會好咸😎香葉肉碎煎蛋配白飯 $88 有無人同小妹一樣去親泰國菜餐廳都一定會肉碎煎蛋白飯🙋🏻‍♀️食得出用左好多配料同調味去整😌超級惹味配埋個煎蛋🍳 肉碎加埋蛋黃撈飯👍🏻一絕青檸汁燒豬頸肉 $78 一定要推介嘅係原塊燒豬頸肉切片 唔會整得好韌🥰🥰 保持juicy 配上唔同醬汁 同樣惹味適合唔同口味嘅人🥰泰式奶茶 $28泰式奶茶係一定必飲嘅飲品😎 奶茶超濃又唔會好甜 又唔會有澀味珍多冰 $28椰汁味好重好香濃😌 有好多粉條 而且好爽滑 成杯野好豐富又有口感😎

因為男朋友話未食過船麵，於是琴日帶咗佢去銅鑼灣呢間泰國船麵餐廳食飯，一入到去睇睇餐牌，已經發現有好多各式各樣嘅泰式菜式，好似有生菜包、海南雞飯、泰式炒鮮蝦金邊粉等等，當然唔少得就係佢餐廳主打嘅船麵啦，我哋就揀咗兩個船麵同埋生菜包，首先係佢嘅大城招牌船麵，呢個船麵佢嘅配料有雞蛋、豬肉丸、豬潤、肉片、牛丸、仲有安格斯牛，非常足料，而且去佢嘅安格斯牛，入口鬆軟，牛味十足，非常好味，而我男朋友就揀咗海南雞船麵，我哋都一致認同佢嘅船麵湯底非常濃郁，應該廚師喺湯底度落足功夫，一啖麵一啖湯，令我感受到有喺泰國食船麵嘅風味，而海南雞方面，係無骨嘅海南雞，雞肉非常之咁滑，至於生菜包，亦食得出泰國嘅味道，可見呢一間泰國餐廳五臟雖小，但內有乾坤，食完野點可以唔飲番杯野呢，佢依間餐廳仲有唔同嘅泰國嘢飲，好似有泰式奶茶、椰青、泰式梳打青檸等等，總括而言，如果大家未食過船麵，可以去呢一間試吓，包你一試愛上船麵， 如果食過船麵，都好啱你，因為佢可以俾你有喺泰國食船麵嘅風味。

今日係銅鑼灣放工💼見到佢哋個二人餐只係💰$298，勁抵食🤤所以就試吓！裝修簡約，幾多卡位，🪑坐得舒適又闊落。前菜可以揀碎肉生菜🥬包（豬或者雞肉），或者青木瓜絲沙律🥗，我哋揀咗🐖豬肉碎生菜包🤤，而且仲可以揀🌶辣度，我哋揀微辣，微辣中帶少少酸甜，生菜好新鮮，整體食😋起上嚟好開胃。主菜可以揀半隻海南雞🐓或者泰式古法煲仔翅😍，我哋揀咗🇹🇭泰式古法煲仔翅，大大煲🤩翅湯好杰身味道濃郁，🍲入邊有唔少料，特別係有少少🐖火腿提鮮🤤！另一個主菜可以揀🔥炒鮮蝦🍤金邊粉或者菠蘿🍍海鮮炒飯。我哋就揀咗炒鮮蝦🍤金邊粉，份量都幾足，而且唔會炒🔥得太乾身，酸甜美味🤤。呢個二人餐仲可以揀炸蝦🍤餅做小食或者🥭芒果白糯米飯🍚做甜品，我哋就揀咗🥭芒果白糯米飯🍚，芒果夠熟好淋好鮮甜🤤，糯米飯🍚溫暖軟糯撈埋🥥椰汁同🥭芒果一齊食好香甜滿足！

今日係銅鑼灣行街突然想食泰國菜，因為太耐無食咁岩經過見到呢間泰國船麵令我諗起泰國食過好好味就決定入去試下餐牌有好多選擇，除咗多款船麵口味亦有咖哩麵，炒粉麵飯等主食小食，前菜亦吸引多人的話可以選擇套餐，非常抵食大城招牌船麵呢個船麵好足料，有齊安格斯牛肉，豬肉丸，豬潤，肉片，同雞蛋全部食材都新鮮美味湯底濃郁成碗麵味道好夾好滿足泰式咖哩雞粗麵呢個麵自從我係清邁試過之後就念念不忘估唔到呢到竟然有得食咖哩味好香濃，微辣湯底好惹味令我食唔到停燒豬頸肉燒得外脆內軟肉汁鎖住，一咬就爆哂出黎再點上醬汁非常惹味

星期五放工同朋友喺銅鑼灣食晚飯，大家食咩都無所謂，志在坐低傾吓計。我哋行經謝斐道，並留意到「泰國大城船麵」呢間餐廳🇹🇭，皆因有唔少人排隊，而且佢門口所張貼嘅二人餐內容好似好抵食咁😍。餐廳好旺場，要等位先入得，不過店員安排妥當，並主動同客人落單先，所以入座冇耐就已經有嘢食👍。店員們服務態度好好，適切提供協助，面帶笑容。呢度環境正常啦，光猛乾淨嘅。精選二人套餐承惠$298👯‍♀️，總共有四款菜式，我認為份量適中，不過主食得一樣，如果兩個男仔食就可能要加多樣嘢。我建議餐廳可考慮加入船麵，等客人嗌套餐都能試到招牌菜嘛🍜。碎肉生菜包(單點價$68)，其實我自身對呢樣前菜無乜興趣，但跟餐就一試無妨。🐷碎肉可揀豬肉或雞肉，並可選辣或唔辣，雖然叫咗辣，但辣度輕鬆，老少咸宜。碎肉加咗青檸汁，味道清新🍋，而且仲混入種籽粒粒(藜麥?)，口感微脆。泰式古法煲仔翅(單點價$128)，佢同海南雞二選一，好難揀🙈，最終見近期天氣轉涼，所以就揀食暖笠笠嘅煲仔翅。煲仔翅相當足料，包括有🐟魚翅、蟹肉、花膠、金華火腿、雞絲同冬菇等，每啖食落都覺得好豐富，而且鹹香十足。炒鮮蝦金邊粉(單點價$88)，金邊粉大大碟🥢，味道偏清淡，

同媽媽講起泰國菜，她說常常都想食，不過她未食過船麵，我記得銅鑼灣謝斐道開了家吃船麵的，這天就跟她來吃！除了船麵、船河，還有炒飯、咖哩，不同小食和甜品，價錢不貴還要不收服務費，確實抵食！兩母女都喜歡香口食物，點了個小食炸蝦餅，原來都幾大份，有4件開半，大大件，外面酥脆，有蝦味，真材實料，好彈牙！大城招牌船麵來到這裡當然要試船麵，點招牌就不怕選擇困難症，有雞蛋、豬肉丸、豬膶、肉片、魚蛋、牛丸，我另外加了一份豬皮！這個船麵當然比泰國的大份XD啡色的湯底，甜甜地，有點滷水味，很喜歡這種湯頭，濃郁不口渴，豐盛的配料，豬肉丸幾juicy！還有好多芽菜和通菜！把炸到超脆的豬皮放入湯，吸了湯更美味，即食也可以！海南雞飯雞肉好嫩滑，雞油飯好香，意想不到雞湯那麼甜，整體來講都好出色！點了兩杯飲品。泰式咸檸薄荷葉梳打和泰式粉紅青檸梳打，紅色好靚，好似cocktail一樣，有熱情果，甜甜地好好飲！好想快點可以去泰國，好掛住泰國美食！

碎肉生菜包（豬/雞）$68生菜包調味較為清淡，屬於清新類型。比較特別肉碎可以選豬或雞，我們選擇了豬肉，豬肉炒得香口。青木瓜絲沙律$68 非常清新，調味剛好，甜甜酸酸少少辣。泰式遊船濃湯河（海南雞）$78～超推泰式遊船濃湯河（牛丸肥牛）$78～超推湯底濃郁滋味，與朋友吃完麵後店員主動幫我哋收拾餐具，但我們都不捨得湯底最後都把整碗湯喝完，因為湯底濃郁非常掛麵，令麵條把湯的精華都吸盡。炸豬皮分量十足，與濃湯融合更為滋味。海南雞嫩滑，牛丸彈牙，肥牛屬於厚切的，口感充足。椰青$38椰青內的水份充足，而且內層羊肉也非常嫩，容易刮起食用。青檸梳打$28青檸梳打清新又新鮮，更加入新鮮薄荷葉，為飲品帶來你一個層次，味覺更有衝擊。

今日口淡淡，想食d濃味嘅湯麵，就走上網搵下有無新開嘅餐廳同朋友食，發現銅鑼灣新開左間泰國船麵，就即刻book位試新嘢。頭盤叫左個柚子沙律，超足料，勁多柚子，配料有花生炸蒜，仲有少少辣，好開胃。跟住我叫左個招牌船麵，湯底超濃郁，但唔會太咸，有安格斯牛肉，豬潤，肉丸，炸豬皮，豬肉片，每樣餸都好好食，麵底爽彈，必食推介。朋友叫左雞肉生菜包，香料十足，辣得過癮，再叫多個白飯，送飯一流。仲有泰式炒通菜，用左豆瓣醬炒，配合其他香料，超香口。飲品叫左泰式奶茶同椰青。奶茶超濃，又唔會太甜，奶茶fans 必叫。椰青好清甜，朋友話好飲到想叫多個飲！

大城船麵 地址: 銅鑼灣謝斐道483-499號新城大廈地下G&H號舖電話: 25111811===================不斷係香港去食唔同國家架菜，就當去了一次味覺上架旅行，是大部份香港人沒法飛去玩的新常態。$68 肉碎生菜包可選豬或雞，兩者其實都各有支持者，豬就會有脂肪食落更豐䀹，雞肉就白肉健康。濃郁惹味再配返生菜中和，$98 大城招牌船麵無理由唔點，雞蛋，豬肉丸，豬潤，肉片，牛丸同安格斯牛。呢碗野絕對可以夠兩個人分享。$26 熱泰式奶茶脆卜卜架忍唔到口，$28 炸豬皮味道唔會死鹹架，香香脆脆，其實炸完乾身香酥$68 加份青木瓜絲salad,醬汁自己撈，撈起撈起。

📍 泰國大城船麵 Ayutthaya📍 銅鑼灣 • 謝斐道483-499號新城大廈地下G&H號舖-疫情前最後一次去的旅行就是到了泰國...也是我第一次坐在河邊吃了很多很多碗很便宜卻又超好吃的船麵♨️那次以後就愛上船麵了❤️ 回到香港之後看到餐廳提供船麵的話都會點🤣-銅鑼灣這邊正正有一家主打泰式船麵的餐廳，當然要來一試！餐廳以泰國大城府來命名，不知道那裡的船麵是不是特別有名的呢？😋-店員跟我們介紹 { 兩人套餐 } ，包含不少經典泰式菜式，還有感覺蠻特別的 { 泰式古法煲仔翅 }～可惜套餐裡沒有船麵，所以最後還是選擇單點了-大城招牌船麵 ($98)這裡提供多款材料配搭的船麵，我們就點了雜錦的 { 大城招牌船麵 } 🍜湯底呈深啡色，味濃而不鹹配上爽滑的金邊粉，佐以豬肉丸、豬肉片、牛丸、安格斯牛、雞蛋，足料之選👍•泰式咖喱雞粗麵 ($78)想試試新意思的朋友不妨嚐嚐這個！香濃黃咖喱 X 爽彈蛋麵 X 雞腿+雞胸肉 🤩蛋麵口感爽彈，超級掛湯，每一口都吃到濃濃的咖喱～表面放上了經油炸的麵條作點綴，增加口感層次好吃好吃 (о´∀`о) •酸辣

夜晚係銅鑼灣搵野食，最近好掛住泰國嘅風味，揀左呢間船麵食😽呢排天氣凍左好多，我同朋友要左每人一碗船麵，分別係泰式遊船濃湯河（安格斯牛）轉粗麵 $88安格斯牛呢碗係有安格斯肥牛片+牛丸+炸豬皮泰式遊船濃湯河（海南雞）$78海南雞呢個就冇炸豬皮嘅，但海南雞就有好多件😻海南雞好滑嫩，點一點個湯食都好正😸湯底濃厚得後又唔會死咸，正豬頸肉生菜包$78豬頸肉好重青檸味，勁開胃，而且好大份，切點！泰式炒椰菜苗$68椰菜苗好大碗，而且好重蒜，我最愛😆芒果百香果冰$38芒果味好濃，飲得出係真芒果打出黎👍🏻

第一次去幫襯，已經覺得嗰個唔洗着制服嘅男侍應服務態度好差(估計佢係管理侍應嘅職級)，問下餐飲問題已經表示不悅，hea 住咁答我，我算數冇同佢一般見識計較。第二次幫襯，佢唔喺度，所以都冇事。第三次幫襯又見到佢，點知佢態度比第一次更差，我叫咗個海南雞飯同凍奶茶，因為過咗5:30下午茶時段冇得叫餐，所以要單點，個單點海南雞飯嚟到嘅時候同下午茶一模一樣，我只係問咗佢一句：咦～個單點海南雞飯同下午茶一模一樣㗎 ？跟住佢就好凶狠咁答我：呢個係晚市嚟㗎 ～ 咁我當時就講OK冇事，咁冇嘢喇 …點知過咗一陣佢親自去沖左一杯爆冰嘅凍奶茶俾我(呢杯係正價單點嘅凍奶茶)，我食飽餐飯，飲晒杯凍奶茶，凍奶茶隻杯仲有超過 2/3 杯冰喺度，呢位冇着制服嘅男侍應擺明玩嘢，以後都唔會再幫襯呢間嘢，呢間食肆請到呢啲員工真係不幸 …

見到銅鑼灣新開左間泰國餐廳咁啱呢日同妹做孤兒仔唔想煮這些機會唔係成日有一於就出去食啦🤣—————————————————————黎到主打船河嘅泰國餐廳點可以唔食船河叫左個有豬肉丸 豬膶同肉片嘅濃湯船河試下個湯好有藥材味有別於平時係其他泰菜餐廳食到嘅味道湯頭濃度真係夠掛係每條河粉上面而河粉都唔會太林除左基本嘅餸之外仲加左少少炸豬皮幾香口 食唔到豬嘅騷味👍🏼👍🏼！覺得唔夠喉的話都可以單叫炸豬皮😊因為中島好耐無食過油飯啦於是捨棄左船河轉海南雞飯😎由於餐牌無寫係咪無骨所以當碟飯嚟到而又見到無骨真係bonus滑嘟嘟嘅雞肉配上油潤嘅油飯加多碗清澈嘅清湯一份美味嘅海南雞飯就係咁簡單本身想叫泰奶嘅中島俾老闆阻止左🤣因為佢推介芒果百香果冰俾中島好足料一嚟已經聞到好香芒果味面頭嘅百香果為飲品帶來熱帶風情另外一杯粉紅青檸梳打係打卡一流嘅一杯飲品好pink少女心爆發老闆話係火龍果但妹聞落同飲都好百香果味溝埋係一種好特別嘅味道🤣但係青檸味就唔太出，可能Ｄ百香果真係太香！夏天飲一定更透心涼！—————————————————————⊞ 泰式遊船濃湯河 $78⊞ 海南雞飯 $78⊞ 泰式通菜 $68⊞ 芒果糯米飯

近銅鑼灣二期地舖 位置好方便近地鐵站同sogo巴士站環境舒服 招呼都做得幾好 樓底都算高即使坐滿都唔會太嘈鐵盆上菜真係好地道泰國風味 回味返真係幾年冇去泰國了菜式唔算特別但味道做得好又抵食👍$298二人套餐 前菜＋主菜＋面飯＋小食 各可二選一1） 碎肉生菜包 -賣相幾靚味道唔錯可以encore2） 海南雞半隻 -肉既份量勁多而且雞味濃 特製辣醬野味又唔過火3）炒鮮蝦金邊粉 -平凡得嚟好夠鑊氣 最中意碟邊大量芽菜長蔥 講真香港好少泰館肯咁做唔會落太多醬令到金邊粉清爽條條分明 好耐未食過咁正既炒粉4）芒果白糯米飯 -芒果唔算太甜 但已經好夾椰汁糯米飯$68 青木瓜沙律 ）今晚特別想食 簡簡單單好開胃$38 原隻椰青 ）好平又大隻！夠清甜！整體大部份都係傳統泰菜但整得好食已好夠同區泰菜比較下算幾平下 特別係二人餐好抵食每款散叫都唔會過百更冇加一重點係還原到真正泰國菜既好味！

今日係銅鑼灣想食泰國菜，經過呢間叫「大城船麵 」既鋪頭，除左船麵仲有泰國菜食，新開幾爆場，幫襯下睇好唔好食😝.叫左2人餐，有豬肉碎生菜包、海南雞半隻、菠蘿海鮮炒飯、炸蝦餅同兩杯飲品(青檸梳打、薄荷葉咸檸梳打) ，2人餐幾抵食，$298包咁多野食仲有兩杯野飲，海南雞幾唔錯夠香滑。配埋個酸辣醬汁鹹甜適中又夠滑；炸蝦餅裡面有啖啖蝦肉，皮脆好惹味，菠蘿海鮮炒飯好足料勁多海鮮。.除左餐，佢散叫都唔貴，仲唔使加一，銅鑼灣區黎講好抵食又正宗。唔錯唔錯