泰國大城船麵

營業中

休息中

5月28號, 本身間野好唔好食我唔知, 諗住試下, 因為之前食過上環另一間好似佢既既船麵, 諗緊係咪同一間, 就試下。本身用康復碼, 我好客氣咁問個職員, 用確疫紙得唔得, 入到去個職員不停問我有無打針, 咁係咪即係打左一針, 我話有確診紙同打針有咩關係, 佢大大聲話有. 衞生署話有! 一直用確診紙都可以完全豁免, 唔清楚仲大大話要打3針 , 打左2針都唔得, 完全無視確診紙。我好明白呢個無能政府所帶俾你地既問題, 但你要跟規矩做野都先要了解條例。你咁樣做生意只會流失更多客。

船河湯底好濃，好豐富 mm7收銀姐姐話廚房係真係泰國人負責，所以味道好正宗而家去唔到旅行唯有喺度懷念下～真係好好味幾時可以去到泰國啊！買咗個芒果糯米飯外賣返屋企食

泰式遊船濃湯河 (豬肉丸配牛丸）🍜🍢Boat Fresh White Noodle Soup (Pork Balls & Beef Balls) 7/10個湯真係超濃，但牛丸豬肉丸都唔夠彈牙，金邊粉都比起出面嘅船麵欠彈性，同餐廳反映左，應該係師傅煮得耐左，希望下次會有改善😯💪🏼香葉肉碎配煎蛋配白飯 🍚 🌿 🌶 Fried Rice with Minced Pork, Basil & Fried Egg 7.5/10香辣多汁的肉碎配以蛋，軟熟的米飯，配上用九層塔炒好的肉碎和豆角，戳破燶邊半熟蛋，蛋漿沾滿肉碎和飯粒，好吃到不得了，送飯一流！🤭🤭芒果糯米飯 🥭 7.5/10Glutnous Rice w/ Mango Ｑ彈白米帶清爽椰奶香，蒸出來的糯米有班蘭葉的香氣斑蘭椰子湯圓 🍡 7/10Glutinous Rice Ball w/ Pandan & Coconut湯圓清香，外面是煙韌的斑蘭湯圓皮，餡料是花生和椰糖，湯圓配暖暖的鹹味椰漿，非常肥仔

先唔講究竟食物嘅質素如何，呢間舖頭好可能已經觸犯咗商品說明條例啦。食晏既時間嚟到，叫咗一個咁樣樣嘅湯河，嚟到一拎起發現竟然係唔同嘅河粉，再睇兩嘢都係唔對路喎。咁就唯有叫個職員嚟問清楚啦，咁個餐牌上邊大大隻字寫住喺「河」而唔係「金邊粉」，之後嗰個碗入邊嘅嘢明顯地唔同，已經有可能觸犯商品說明條例。個職員就走過來大大聲指住話呢個係河粉，賣咗幾十年😎咁究竟係河定係份呢？真係冇人知道啦。再嚟睇吓佢嘅食物質素，都唔係話難食嘅，有濃湯但油咗少少，其他既都不過不失，價錢喺銅鑼灣亦算合理。

附近餐廳成日都轉畫有日見開泰國餐廳就試吓第一次叫佢船河 真係好好食 性價比超出出面食 唔係唔足料 就個湯好流 再唔係份量細 正常餐價係食唔飽係度食 湯底一流 濃味 材料足 份量足 餸唔偷雞 仲要放左好多炸豬皮 浸左湯好好食每次都飲好多湯都有叫過佢其他嘢食乾炒河都好野味佢河粉好QQ 海南雞飯同菠蘿炒飯都係正常發揮 不過不失濕炒河係打左濕”hin” 鍾意食可以一試 否則都係推薦乾炒河同船河最抵食係佢午餐有包野飲泰國奶茶超正 可以叫少甜整體感覺都好好 服務態度都好好一星期最少幫襯一次（老闆睇到唔好加價啊）

“泰式遊船濃湯河(豬肉)”($58)“香葉炒牛腩配白飯”($68)“泰式奶茶”(+$2)“泰式粉紅青檸梳打”(+$8)銅鑼灣最近多咗間食泰國船麵嘅餐廳😍下晝嚟到仲有lunch set/tea set價錢都係大約$60好抵食😋當然要叫返碗泰式遊船濃湯河😙船麵可以揀豬/牛,我就揀咗前者🐷配料有豬肉丸,豬肉片,豬膶同大量豬皮😍個湯底十分濃郁🤤加埋金邊粉好正🥰另一個就要咗香葉炒牛腩配白飯🐮個賣相同肉碎煎蛋飯好似😆食落都係香香辣辣咁好惹味🌶牛腩份量夠哂多,口感夠哂腍同入味😋飲品方面要咗泰式奶茶同粉紅青檸梳打💕泰奶茶味香濃☺️飲完仲冇肚痛肚瀉🤣另一杯粉紅青檸梳打除咗青檸仲有百香果肉☺️不過飲落味道有啲似藥水😂都係泰奶正啲😝

已經好耐都冇去旅行啦，有時候都會好掛住泰國嘅菜式，於是今次就去咗呢一間餐廳食泰國嘅招牌船麵先得，食船麵呢一度都算係非常之出色，大大份！而且配料一啲都唔簡單，無論係豬肉丸定係豬潤，仲有牛丸同埋安格斯牛肉，真係非常之足料！湯底亦都係好濃郁嘅味道，連埋所有配料一齊食，真係食到舔舔脷

依間係喺銅鑼灣遊蕩之下隨機揀嘅餐廳食lunch，出乎意料之外都幾唔錯🥰🧡泰式咖喱牛粗麵🧡💵$58店員話佢哋依家唔會再用華人款嘅粗麵，全部都係用鴨蛋麵整🤔聽落感覺更特別🤗上到嚟先見到啲麵係綠色嘅，真係完全出乎意料😂雖然食唔出落咗嘅係鴨蛋定雞蛋，但係食落唔錯～依款麵真係第一次食～麵條比較幼身，食落去帶煙韌，有啲啲似紅薯粉，但係又無紅薯粉咁煙韌，我覺得幾好食😋不過最令我驚喜嘅，係佢嗰個好濃好濃嘅咖喱湯汁😍 係充滿住泰式咖喱嘅香濃香料味，帶微微嘅辣道去刺激味蕾🥰湯汁嘅濃稠度啱啱好，麵條掛到湯汁，正😋我覺得比較失色嘅係牛肉，質感過韌，無牛味🙈叫雞肉可能會好啲🤔💜海南雞飯💜💵$58份量都幾大，冬瓜湯正常唔錯～油飯都幾好食，香料味唔算重，最好係上枱嘅時候仲係暖笠笠🥰雞都好滑有雞味，泰式醬汁嘅味道都唔錯😋係好食嘅海南雞飯～🧡泰式奶茶🧡💵$0 （餐飲，凍另加$2）見佢餐飲包泰式奶茶咁就梗係要試試佢啦🥰仲要有得揀少甜☺️不過唔知係唔係因為叫咗少甜嘅關係，味道會比連淡，似係喺泰國飲嘅溝水version，不過不失啦🤔💕overall💕喺銅鑼灣想食泰國菜嘅話不妨一試～

好幾次都想去試可惜之前沒有機會今次有幸買到外賣叫佢哋嘅招牌河同埋個咖喱牛粗麵個船河真係有啲油膩個豬皮就好韌有啲難入口同埋食完之後好口乾至於咖喱牛粗麵，味道做得ok有啲似叻沙可以接受最驚喜就係青檸梳打水做得相當之好總括嚟講一間呢個規模嘅舖頭性價比都可以接受嘅但係如果怕油膩或者唔鍾意太重味的朋友就未必適合遲啲都會嚟多一次睇吓有冇改善

我地兩個女仔，一個食牛肉船麵，一個食雞肉咖哩麵 lunch set, 兩碗麵既份量都比較少,兩個都食唔飽。叫左熱泰式奶茶，味道太甜。食物味道還可以但不是很出色那種。不會再回頭。

有名睇，泰國大城船麵當然是船麵最正，我們點了招牌大城船麵。正如想像中，湯底深色牛肉湯的味，好濃郁，材料令人滿足，牛丸、安格斯牛、肉片、豬肉丸、豬潤、半熟蛋，最重要有豬油渣。配幼麵，吸汁，入口多汁味豐宙，湯內滿是香料，加少少青檸汁，很有風味。酸辣豬頸肉生菜包一般吃肉碎，今次試新，想像到豬頸肉更好口感。蟹頭膏炒飯不過不失。龍眼冰甜味好，果甜蜜糖甜。班蘭椰子湯圓真有班蘭香，有種熟悉香味，後來想到係椰漿，甜湯內有芝麻，少少鹹味，幾得意。

起銅鑼灣區番工已經幾年了，受著疫情影響下，很蟹小店都光榮結業，昔日食既飯堂一一倒閉，新開張的太多是集團式經營，真係食到好厭，近排經同事下發現有一間新開嘅泰國餐廳試左一次之後就變成我哋同事之間的飯堂，餐廳裝潢類似茶餐廳，雖然很普通，但食物非常好食出眾，好食是令到客人會不斷回頭，生意才會滾滾來！今次試左佢最出名既泰式濃湯船麵牛肉$58價錢可以接受，銅鑼灣中心地段普通吃個午飯的價錢大概都要$50以上，先講講個濃湯，個濃湯好好飲，帶小小甜味，感受到廚師用左好多肉去熬煮個湯底，就算飲哂成合湯都唔口喝，個味道好似係肉骨茶果種味但唔加藥材果種感覺，而佢個船麵好爽滑，好似食緊金邊粉果種，牛肉都多，有成4-5片，牛丸好彈牙，同埋佢加左超多脆脆落個船麵度，個脆脆索哂D濃湯，又脆又濃味，好正，食過好多間自稱係泰國師父煮既船麵，得喱間做得最好食，同起曼谷好出名依船麵果間一樣泰式奶茶奶茶好滑，好香口，茶味很濃，個底仲加左小小煉奶，好香淳可口，好飲過某連鎖店得過泰國奶茶，不過味道屬偏甜，唔鐘意太甜既朋友可能唔係好岩！今次好開心發現到一間用心經營好食又唔貴既香港人飯堂！推介推介！！！

冇得去泰國，都可以食船河！這是香港version，所以是一碗大大碗的，而不是一啖一碗那個version 。這裡的船麵有多款配搭，主要分豬、牛、雞，牛和豬的不同部位。餐廳除了供應湯河，還有海南雞飯、泰式香葉肉碎飯等飯類供應。很懷念橙色的泰式凍奶茶，這個飲品味道正宗！加了朵蘭花生色不少。我點了牛丸肥牛，香濃的湯底，配河粉，最欣賞節是加了大量的香菜，香脆的炸豬最加分！而且分量屬慷慨的級別！大大的一碗，絕對夠飽！

這間大城船麵在銅鑼灣區來說是一間平民泰國菜，環境又乾淨企理。一頁紙的餐牌有齊泰國主打的菜式，有生菜包、海南雞飯、泰式炒鮮蝦金邊粉等，而餐廳主打的船麵更有八款的選擇。扎肉配豬肉丸的船麵($78)，麵底是金邊粉，船麵湯底濃郁，除了有扎肉及豬肉丸，還有炸豬皮，芽菜，金不換，加添少少青檸令味道更有層次。柚子沙律($68)，大大碗，柚子不是碎濕濕，而是一大件的柚子肉，令口感更好，配上木瓜絲，炸蒜、炸乾葱、芫荽、花生，再混入魚露、香料、青檸，味道酸辣咸香，惹味開胃。泰式古法煲仔翅($128)，賣相吸引，除了魚翅之外，還有雞絲、金華火腿和蟹肉，湯頭味道鮮甜濃郁，加點香醋更美味。泰式炒椰菜苗($68)，炒得脆綠惹味。泰式粉紅青檸梳打($28)，粉紅色的應該是紅毛丹，配上熱情果籽，味道清新。

🎄🎅平安夜帶阿女上完英文堂，去咗附近謝斐道泰國大城船麵，食泰式聖誕大餐，超豐富。早開飯關係餐廳人吾多，走既時候已差唔多full曬。每人一個清甜嘅椰青， 配辣辣地嘅泰菜，可以解辣🌶️。💕柚子沙律有啲辣，裏面好多香料，蝦米，花生，而柚子份量都唔少，好新鮮。💕海南雞飯都幾大碟，抵食，雞肉無骨，好滑溜，油飯夠香。💕芒果糯米飯我最愛嘅甜品，椰汁香濃，糯米飯煙煙靭靭，芒果又夠甜。💕椰汁班蘭湯圓 班蘭味嘅湯圓，包住椰絲同花生，浸喺椰汁裏面甜蜜蜜😋