泰國人海南雞 (譚臣道) (已結業)

這個星期，食過中餐，又食過韓國菜，今次就帶大陸同事食泰國菜。講開泰國菜，海南雞一向都是我最愛食物之一，所以今次決定試下泰國人海南雞。午飯時段有set lunch 供應，可選擇海南雞飯，咖喱飯或者湯粉麵，包一杯飲品，凍飲不用加錢。海南雞飯油飯很香，雞厚身，雞肉也很嫩滑。點上泰式辣醬，辣辣地幾惹味。凍奶茶比想像中甜左少少，但奶味都幾香濃。進食期間有可口可樂專員來推銷，只要拍張食物照擺上instagram，就可參加抽獎，而每人亦贈送一罐可樂，大陸同事都歡喜非常!整體來講食物質素不過不失，埋單每人都只係50元左右，算係灣仔午飯的好地方，經濟又實惠。

今天在灣仔見客，漫長的會面過後,已是二時多了。肚子餓得快到不能承受的地步，突然眼前出現了救星，就是這間泰國人海南雞。我一向很愛吃海南雞，無論是星加坡式或泰式的我同樣喜歡。這裏的海南雞，讓我想起了，上個月去曼谷去旅行時，朋友帶了我去了一間遊客必到的海南雞飯店。這間店的裝修簡樸，座位比較擠擁，幸好我去的時候已是下午茶時段，人不多，坐得自然舒適。我點了一客海南雞撈檬。海南雞以上湯烹調煮得挺入味，肉質軟綿綿，但由於是冰鮮雞的原故，雞味一般，醬汁酸甜惹味。至於粉底本人認為略濕和鹹了一點。總括而言，以＄48包括一客海南雞撈檬和飲品，在灣仔已是超值了。

泰國人海南雞飯既油飯永遠無得輸 個人覺得成個餐既精髓並唔係隻雞 而係個油飯飯煮得夠軟綿綿 加上淡淡既油香 食落好舒服女仔一大碗飯都食得曬至於隻雞 有半隻份量 肉夠嫰 食落似白切雞 如果想重味d可以點配上既酸辣醬 個醬幾開胃 而且會令雞肉味道昇華

話說9:30去呢度食野食之前已經問人收幾點,佢地叫入去好啦立即落單,叫蝦餅冇蝦餅,叫撈菠菜面冇菠菜面,叫芒果糯米飯冇糯米飯,心唸冇野呀嘛,問佢有咩又求求其其甘答,唔通講俾自己聽???要自己拎碗仔..d人仲要大大聲聲掟碗碗碟碟趕其他客走,完全冇服務態度可言,未到10:00已經話收左(同其他想入既客人講) 雖然話趕收工姐,都唔洗甘既..人地都係俾錢來食餐飯姐

今日近近地去咗修頓隔離譚臣道泰國人海南雞.咁梗係要試下海南雞飯啦.D雞都 ok 滑同份量適中冇骨，唔錯。D飯就淋得制同黃油唔夠，湯係超級味精湯。套餐有餐飲，55蚊埋單。一般般啦。仲有不停播住同一首音樂(好煩)

約了朋友，他竟然說到泰國人海南雞吃，事關正好有一間在他公司附近，小人雖然錯愕，不過相就一次吧。這裡的海南雞負評無數，為求保險，在小人大力反對下，理所當然點其他菜式。泰式豬手炆煮得太腍，甚至過火了些，豬皮不爽，有點黏口，肉是散修修的，汁是帶甜的，又不特別好吃，根本沒有任何泰式的影子。泰式豬頸肉菠菜麵則更離譜，豬頸肉勁肥，應有的爽口感覺是找不到的。所謂的酸辣汁只有一個酸字，辣的元素似有還無。菠菜麵更是奇奇怪怪的，除了綠色之外根本毫無特別，麵質太軟，做撈麵也不合格。難吃如此，難怪分店越來越少。明知山有虎，偏向虎山行，這個故事是教訓小人還是不要輕率行事，隨便應戰。

尋日下晝去泰國人海南雞餐廳食晏！人都算多，所以試下啦！坐試後，侍應語氣態度唔好地說快d叫啦，午餐無架啦！就轉下午茶架啦！臨急臨忙底下就叫左個青咖喱雞飯，朋友就叫左泰式豬手飯！環境都頗為迫！我唔係歧視肥人，但個度有個肥職員，面無笑容！行出行入都慢吞吞地行！佢將d食碗碟箱由廚房推出正門時，沒有叫食客小心後面！佢自己仲慢吞吞地行出行入！廚房門開左，見到地上一遍混亂！什麼胃口也沒有了其餘員工服務態度亦唔見好得去邊！總之不會再幫襯！食物方面，青咖喱雞重椰汁味，算可接受，但雞柳肉好重雪藏味！！只唯有用汁送飯朋友個豬手飯，亦係非常普通，沒有特別之處可言！埋單$120蚊！sorry...唔會再黎！

經理服務態度惡劣，不斷叫我地坐埋d，想比佢另外d客坐，但明明有個柱位頂住左，都不斷叫我地郁，根本都郁唔到又大大聲同佢同事話我地唔肯郁極度無禮貌，又呼喝其他客坐邊張台，一張5人台，但安排6個人坐，搞到d客你眼望我眼，根本都唔夠位坐，差勁！

琴日去伊館, 睇演唱會之前糸灣仔搵野食, 糸路上見到呢間泰國野。 兩個人點左個黃咖哩牛腩飯、 冬蔭功金邊粉同石榴梳打。 個咖哩吾辣,金邊粉就有辣味,酸酸地,好好味, 個梳打都吾錯。

沒吃早飯，又不想吃茶餐廳，於是午市時間一到就進店來，人不算多。我要了泰式豬手飯，朋友要了海南雞金邊粉。上菜速度很快，套餐的豬手和海南雞都是很大一盤。豬手真是很好吃！皮燉到很糯，一點也不感覺膩，肉有些散，但多汁不柴。盤子裡用醃菜作底，所以豬手的味道偏甜，但總的來說味道很平衡。但相比之下冬瓜湯太鹹，飯更是又乾又硬難以下咽。至於朋友的海南雞，無功無過吧。看鄰桌的海南雞飯配飯與我一樣，並不是該有的黃色米飯，總結下來還不如叫金邊粉划算。店家不受卡。

中午食飯時間好多人，要等位，無問題，我地等4位，等左成半粒鐘終於有一枱起身走，但係門口個人又唔肯比我地入去，有一堆人6個啱啱先黎，佢竟然話張枱係for 6個人所以要放佢地入去，明明我地等左成半個鐘，呢堆人啱啱先黎，點可能比佢地先坐，仲要成間鋪門口都係人，咁我地企响度排咁耐做乜我地同佢理論，就算張枱係坐6個人，咁點解唔係4+2? 出面咁多人排緊隊然後佢好悔氣咁講，「咁呀，咁你咪入囉，入囉」OK，入到去坐低4+2搭枱我地已經無嫌窄，(事實上張枱真係好細好窄)個所謂經理大大聲咁講「呢張枱坐6個人，做咩放佢地入黎」，簡直不知所謂，態度差不特止仲惡人惡相，以後我地都唔會再食呢間垃圾餐廳。太過份，我決定地起身唔食，過返對面茶仔快靚正。

用餐日為年初四，周圍既鋪頭唔係未開市就冇lunch set，終於見到呢間有set食，見價錢相宜，只收加一服務費，就貢入去喇。呢度既然用海南雞就鋪名，應該就係招牌菜啦，於是叫咗海南雞金邊粉。雞自動另上，好！大部分係雞胸，雞肉厚身而唔鞋口，都ok既係層皮略嫌厚同肥，都係少食為妙。食親泰國既湯粉，一定會試湯底，有誠意既鋪頭會用靚料「淆」湯。當我飲一啖湯，仲以為自己突然味覺退化，點解冇味既？再飲多啖，的確冇味！連帶金邊粉都係冇味的。雖然仲有蒜、蔥等調味，但食碗冇味既粉，怪怪的…而且雞味唔係特別濃，成餐好似食緊淡味飯咁…唯有講，鋪頭唔落味精雞粉，係好事黎既……另外，男友點海南雞飯，碗飯竟然唔係油飯，係普通白飯…誠意唔夠喎我諗我地未必會再黎……如果唔係過年，呢頭會多好多選擇，唔使黎測試味蕾啦。

We have always meant to try this chain, but were not bowled over by the food we had.We ordered the chicken rice, Thai fishcakes in penang curry and laab.The chicken rice came out first.  The soup was OK, a little lacking in flavour, but not bad - no MSG at least.  The rice was also meh - it really should have more chicken broth flavor, but it was better than some I have had in HK.  The chicken was nothing special and had some overly chewy parts.  The wing was an awful jelly abomination.The fishc

今日喺呢頭做完野~~辛苦左一日心血來潮想食件鷄黎奬下自己~由於唔係咁熟路,所以都係一邊行一邊搵~咁啱見到呢間舖..忍唔住比佢的海南鷄吸引左入去...打開門見冇人就覺得有少少想掉頭走~但係服務員小姐已經歡迎左我光臨.唯有搵個好位坐下啦...睇睇餐牌~D相都影得几靚~只係我今次太目標為本~主要係食鷄就開心~最後點左冬陰公海南鷄金邊粉冬陰公海南鷄金邊粉 - 冬陰公湯一飲就知係加水出品,味道非常突出,一D實料感覺都冇,好失望~冇骨海南鷄份量出奇地多~煮得唔會太老,但就感覺放左好耐~唔係好新鮮咁,金邊粉質量一般,做到應有水準!!海南鷄汁就只得一味~味道唔覺得太特別~又唔似平時食開的有三款可以撈埋~唔知佢地點稱自己係專門店呢~一邊食都冇其他客人~唔知係咪時間未到呢,而且服務員冇咩事都唔會出現喺你面前~當你召佢的時候,就會一面為難的感覺~ 可能佢地都係返黎等運到~總括黎講..這個價錢的話,先放下自己的要求及幻想.. 真心希望佢地他日可以有所進步

開工去食一餐普通午飯，就到附近泰國人海南雞幫襯下，叫了一碟黃咖哩牛腩飯牛腩肉質適中，咖哩唔辣，易入口，沒有特別驚喜凍檸茶，飲落一陣糖水味，完全沒有茶餐廳的水準呢離開時還比貌似經理的職員趕埋單，非常差，失望