泰味軒

今日經過屯門，見到價錢甘平，就入去試下味，叫左個海南雞飯，油飯夠香夠熱，個海南雞又幾滑丫，我唔食雞皮的，但拒算無乜肥膏，幾爽口，所以我都可以接受丫，個辣醬酸辣適中，唔錯，會再回頭食…查看更多

尋日經過屯門，隨意選擇咗呢一間泰國餐廳，叫了一客咖喱牛肉飯，雖然牛肉只是一般，但咖喱汁則有驚喜，散發陣陣的椰香，令人食慾大增，值得一提是這間餐廳午餐價錢大眾化，絶對可以一試…查看更多

今日收工諗住去食泰國嘢，於是就行去小曼谷睇下有冇位，估唔到連平日都咁多人，要等位，但因為實在太肚餓啦，所以轉場去到附近嘅泰味軒。一入到泰味軒，竟然唔使等位，再望吓左右兩邊，啲人叫乜嘢食，見到不外乎泰國嘢嘅幾樣招牌菜：生菜包，菠蘿炒飯，蝦餅，馬拉盞炒通菜，於是我同阿媽兩個人就叫左呢四樣嘢啦！先來生菜包，係OpenRice見到好多人都推介呢個，份量都算多，特別係生菜都至少有八至九片，可惜肉碎太鹹，食咗一兩啖，已經要飲水，但辣味係夠既，個人覺得如果淡啲的話會更加開胃。再黎馬拉盞炒通菜，一上枱，我同阿媽兩個望一望，就知道個份量真係好少，普普通通，冇乜特別。之後就上蝦餅，分量亦都係太少，竟然係三個完整蝦餅切開一半， 40幾蚊食三件蝦餅，實在有啲過分，同樣都係普通冇乜特別。最後最唔好食嘅就係菠蘿炒飯，菠蘿還菠蘿，海鮮還海鮮，個飯完全冇味，我同阿媽一人畢左一次，已經唔想再畢第二次，我見到隔離啲枱，幾個人都食唔晒個飯。總括而言，小曼谷同佢地理位置咁相近，泰味軒嘅價錢仲要貴少少，但實在做唔到一分錢一分貨，難怪咁多人排小曼谷，真係有原因架，下次寧願都係食又平又抵嘅小曼谷仲好！…查看更多

住左屯門二十幾年，一直知置樂有兩間泰國菜，亦一直食開小x谷好多年但的確坐得太逼同食物質素真係越來越差，尤其經常要排隊，年幾前有次見到真係太多人就走去左泰味軒，因為泰味軒唔洗點等就諗住試下，點知一食就愛上，年幾來一直keep住幫襯，今日再食保持水準，冇諗到仲咁抵食！仲要係好味！坐得又唔逼夠舒服！d沙冰足料大大杯，生菜包係我最推薦，真係好正👍👍炒飯都唔錯，重點價錢真係好平👍扺食👍點解今次忍唔住寫食評，因為平時同d fd約出去食飯都約出面(d朋友非新界人)，他們嫌新界遠，而泰菜亦係大家首選，所以同d朋友食過好多次九龍城既泰國菜，真係覺得呢間比起九龍城仲好食，個價錢完勝👍👍👍…查看更多

lunch set 都是40蚊倒, 單叫粉麵有D 廿零添呀, 加4蚊已經有野飲, 幾抵豬頸肉撈檬: 大大碗, 豬頸肉幾香口, 又夠林, 好食! 泰國D 酸汁酸過越南, 幾醒胃。泰式薄餅: 係油酥餅果類, 我地單叫,無汁點來吃, 但就咁食都OK WOR, 有D 椰味, 咸咸地, 竟然都唔會太DRY OR 太單調, 。呢種餅好油, 但可能佢只是叮熱, 所以食落唔會成口油, 唔錯…查看更多

基本上而家一個月都煮唔到一次飯，遠有遠食近有近食，同屯門區既街坊食飯就留係屯門最好啦。今次近近地行去置樂食泰國野，屯門食泰國野好多人都會諗起小X谷，但我已經冇去好耐，並唔係佢唔好食，而係佢實在太多人等。係一次目測小X谷要等成超過20個人以上的情況下，我決定轉食附近另一間泰國菜。一試之下就覺得以後唔需要再去小X谷排隊，價錢都唔貴兩個人點了三個餸兩杯飲品都唔需要三佰，算係抵食既。馬拉盞炒椰菜苗泰式生蝦夠新鮮爽口，醬汁唔會太辣泰式炒金邊粉鹹檸七…查看更多

叫左兩碗粉，一碗雞絲湯濛嚟到係雞柳湯濛都唔緊要，d雞柳白烚，湯底無味另一碗札肉湯河，好彩札肉都有味，令到碗野都可以食埋落去，因為湯底都係無味！見佢炒野唔錯，就好心同佢負責人講聲碗野無味，順手叫佢俾些調味料我。負責人一句：哦，無味。無下次。…查看更多

本來打算去附近一間頗出名的泰國餐廳(未知是否和九龍城的同一集團)，不過，六點半去到已經幾十人在門口等位。半刻也不用想便掉頭走人。見到這間剛好還有最後兩個位，即刻進內坐下。食物喜出望外，比估計的好！點了沙爹、馬拉盞通菜、酸辣鳳爪、泰式金邊粉。稍為失色的是金邊粉，粉太乾、只得無味的雪藏蝦仁混於其中、炒得不夠火。飲品有驚喜！叫了柑桔梳打，竟然是一整瓶泰國梳打水上枱給客人自己拌！最後想讚，姐姐服務有禮，不會一食完碟餸，即刻過來收碟趕客。…查看更多

呢個星期六 , 同朋友由早上10 點幾等到晚上7 點幾 ,攪好晒D 功夫後都已經 8 點有多啦 , 真係辛苦的一天 , 晚上2 個人都好累 , 近近地又食下泰國菜 ~ 泰味軒 .第一時間坐低就ORDER 野食先 , 因為真係又熱又渴 .特價 $68 泰式烏頭 , 真係好抵食 , 好大條 ,醬汁酸酸甜甜 , 好開胃丫 , 配埋蔬菜撈飯一流 !馬拉盞炒通菜 , 份量都唔細 , 熱辣辣上枱 , 味道岩岩好 , 唔會太咸 , 加上辣辣地 , 又易入口 ,胃口都增加不少 .2 個人原來想再ORDER 多樣餸 , 但眼寬肚窄 ,2 個餸再加白飯 , 仲有凍飲 , 原來都已經好飽 ,泰味軒 , 都來過好幾次 , 食物水準都一次比一次好,而且又唔趕客 , 價錢又唔貴 , 有時仲有D 特價菜式 , 都好抵下.…查看更多

住九龍區都覺得入新界區都有少少許路唔方便，但屯門食野夠平同大碟，黎左一間食泰國菜叫泰味的餐廳，其實因為小曼谷人太多要改行程XD。一行五個人叫左8樣野，埋單人均大概一百四十幾，價錢公道。而且樓面大，坐得都舒服。首先，由普通既講起先，串燒同豬肉生菜包就味道一般，串燒有D 過左火喉，食上去硬身。而生菜份量好大，豬肉粒炒得不夠辣，搭埋生菜食，好似冇咩味。而泰式拼盤，系炸野，呢個都幾足料，全部都唔系食緊面粉，系OK的。比較好食就菠蘿炒飯同海鮮炒金邊粉，兩個D海鮮都爽口彈牙，而且金邊粉的酸甜味調較得剛好，食落去容易入口，重點系D蝦仁都比得幾豪氣，所以系甘上下。呢間餐廳D水準不過不失，如果出左九龍城食未必有甘平同份量甘多，可以考慮下次再去。…查看更多

吃泰菜 大家都會想起小曼谷 不論是位處九龍城的 定還是屯門的 天天都有很長的人龍其實除了他們 還是有很多質素不錯的泰國餐廳-有一陣子 剛從泰國回來 一直都很懷念每天張開口就能吃生蝦的日子 於是便去屯門小曼谷附近的泰味軒 -生蝦 ($58)適逢他們正在做推廣 所以較為便宜生蝦挺新鮮的 配上辣辣的醬汁 感覺很開胃 蒜頭亦不會有澀味-燒豬頸肉 ($48)這是我每次和男朋友來必點的菜式豬頸肉切成薄片 再加上不太辣但帶點酸甜的醬汁一入口充斥著炭火的香氣 再來的便是醬汁和豬頸肉混合了的酸甜味道 是值得一試的菜式- 菠蘿炒飯炒得略濕 而且不太吃到菠蘿粒-溫馨提示: 不設電話訂座…查看更多

係TUEN MUN行下，諗住食埋Dinner la，就試下呢間野。一去到，嘩，個地下洗唔洗甘dirty ar???一地都係野食碎。好啦，忍住先。order左一碟泰式鳳爪，泰式炒通菜，明爐魚同兩碗飯啦。本身都OK LA，D野食唔一般，後來黎左個明爐魚就出事喇。一諗住食個陣，見條魚半生熟Lor!!!諗住食住其他野先，比條魚再煲熟D先食啦。煲左好耐都唔係甘熟WOR，甘就同個waiter講，但佢服務態度勁差，話一定係熟，但佢係冇去理下OR睇下到底D食物有冇問題就一口咬定係熟。喂，係人都知淡水魚係唔可以生食啦，你個明爐火甘細火，我煲左一個鐘都仲係未熟唒，點食啊!!睇下D仲係有紅色的話!!呢間野會black list佢。 …查看更多

其實好多人來到屯門食泰國菜都係去小曼谷，可惜每逢假日有好多好多人等位，如果想去小曼谷食晚飯，一定要6點前等位，否則有排等。今晚夜了過去，未到7點小曼谷已爆晒人，我相信好多人等唔到就去附近呢間食，唔使點等位，相比小曼谷，人地好食好多，但我覺得佢地都不過不失。我們二人點了必食的菜色泰式炒金邊粉、半打串燒、泰式春卷。泰式炒金邊粉：落完單5分鐘就有，超快，不過不失，酸酸地，有花生，即炒，唔算難食。串燒半打：三串豬三串雞，雞肉比較好食，我喜歡個沙嗲汁，好香味，豬肉就比較硬，燒得一般。泰式春卷：即炸，超熱，唔覺好油，可能有生菜放底。整體來說食物來得快，不算太差。…查看更多

很久沒來吃過，原本食後一條街的店，但太多人，就去泰味軒。泰式鳳爪太太太咸，最期待亦最失望。通菜和菠蘿炒飯就普普通通，薄餅不錯但煎得太焦（後面），而且是第一道菜上，明明跟咖哩蝦同是落單，相差左20至25分上菜，安排失當啊。咖哩蝦，看到蝦在那裡呢? 是咖哩茄子吧。。。而且蝦比蝦仁細小，每一隻都有黑腸!另外有點芒果冰，之前每次來必點。可是，現在是芒果糖水加冰，盛惠2X元，超 級 難 飲 !!!!!!!每次來都退步，今次更可以用難食形容!…查看更多

要食泰國菜，好多人都會諗起去九龍城，不過其實喺屯門都有好嘅泰國菜食，除咗一間好出名嘅之外，呢度絕對係一個好選擇。生蝦刺身：食泰國菜，我每次都一定要食生蝦刺身，個蝦唔算好爽，不過有鮮味，食第一隻唔覺辣，愈食愈辣好過引，個汁好fresh,一定要點串燒：豬牛雞都好食，個沙爹醬同平時嗰啲唔同，無膩鮮蝦冬蔭公湯：有個爐"興"住可以慢慢飲都唔怕凍，個湯偏酸，不過其實都好飲椒鹽軟殼蟹：有成隻蟹，好重口味泰式炒貴刁：無咩料，重茄汁味，配其他餸就啱了泰啤：其實啤酒係解唔到辣，下次都係叫第二樣，兩個人食咗咁多嘢好飽。…查看更多