泰友會 (已結業)

登高後的頭痛著火小休，真係想那那聲食完即閃！剛才已係 Camden Town 試過 1 個漢堡包 2 條炸魚，真係 5 個平分，不用慳到如此吧？真係 5 餅 2 魚咩！神級港女稱唔夠喉想再食野，大家便逛到泰友會。海邊景觀非常舒服，望住人來人往，船來船往，悠閑寫意。Stella Artois 生啤，望住海景摸住冰凍啤酒呷兩口，人生一樂也！馬拉盞炒椰菜苗，硬硬菜苗沒有爽嫩質地，炸蒜加馬拉盞食其香口濃郁。味道還可以只是略油，合格未算美味。海南雞飯，黃薑飯淡茂茂濕淋淋太腍不乾爽不喜歡，清雞湯味精濃濃，算罷啦！雞肉嫩彈香滑，肥美味甜，大愛要讚！滾埋泰汁，酸酸辣辣提鮮提味，食得暢快！極品港女：我最憎浪費食物架喇，您地快啲食晒碟海南雞飯去呀，個個食幾啖﹗我心諗：您無份食既？我：食得最多係我喎。穎：又係您自己話要黎食海南雞飯既，自己食得一舊雞加兩啖飯仲好意思黎話我地﹗極品港女：我諗住 5 餅 2 魚我地分晒去麻。我心諗：點樣分晒去呢？您就一舊兩啖飯，我都食兩 3 舊 6 啖飯喇﹗好采穎出聲啫！極品港女：您成日搞飯局都唔叫埋我﹗我：我好憎人地咁講架，唔好成日以為係我叫朋友黎食飯先得架﹗係朋友想食我煮既野，約埋佢地班朋友上黎。有啲又話要自己友識既先一齊食，有啲又話唔想見到依個或嗰個﹗我係負責煮架乍，有時見有位，都要先問下主辦人可唔可以架﹗我心諗：仲敢預您咩，真係火都黎呀！…查看更多

食物質素可以接受， 海景也很靚。 服務非常一般。因為泰國菜有點辣，就算已經叫了凍飲， 還是不夠水解辣。 問他們拿些水，竟然說我們沒有這個服務， 那也算了。 後來埋單， 這種高級地方， 不收任何卡， 有時旅客沒有那麼多現金。 因為食辣野沒有水供應， 你要叫很多凍飲， 每人至少都要食一百五， 又被佢疾了第二次。還有，可能近海， 有些泥飞上枱面， 把外套整黑晒…查看更多

好多人一講起西貢，一定係食海鮮。其實除左海鮮，重有好多選擇。行完山之後，本來都想食海鮮，但見到都幾人。無意中發現呢間餐廳-泰友會。位於海濱公園果邊。環境十分舒適。可以一邊食飯，一邊享受無敵大海景。餐牌的價錢亦十分相宜，可惜生蝦要預訂先食到。 前菜叫左生菜包同泰式鳳爪沙律生菜包既肉碎炒的十分香，麻中帶香，鐘意食辣既朋友一定要試下，但分量都幾多，真係包唔哂，最後將多左既肉碎拎黎撈飯食，出黎個效果都好好食。泰式鳳爪沙酸中帶辣，食落非常開胃。鳳爪口感爽脆同芹菜非常夾。調味方面，應該落左s魚露，令到整個沙律更加惹味。除左各式各款既泰式美食，竟然有糯米釀雞翼。呢道菜既工序唔簡單，雞翼要去骨，飯要先炒好再釀，所以叫左一碟試下。又出奇地好食，糯米飯不黏口、不鬆散，非常好食。青咖哩雞，咖哩味道都濃郁，唔太辣，而個人但咖哩汁有粉少少稀。炒金邊粉亦好出色，唔會好油身，又唔會太乾身，口感煙韌。即炒起熱辣辣既金邊粉，再加上按自己喜愛落既青檸汁，令到味道既層次昇華。甜品叫左一個芒果糯米飯，但又唔想每人食一碟，所以諗住每人試少少。老闆好好，竟然幫我地分左個芒果糯米飯。但上菜既時候真係嚇一跳唔市重以為係明將出品。佢竟然好似整壽司咁，一件件壽司樣既芒果糯米飯。真係好方便我地每人試少少。呢個食法真係第一次，非常新穎。味道方面唔會太甜，唔會太膩。分量配搭適當，亦十分有創意。當日樓面得2 個人，似係老闆同老闆娘。佢地待客態度好好，非常親切，笑容燦爛。…查看更多

假日來到西貢環島遊，放棄了平時光顧的泰國餐廳，打算在海旁覓食一番。看見這間泰式料理也有不少顧客，就決定進去了雖然靠近位置的座位都滿了，我們的位置也能吹著海風，感覺特別寫意。我選了最常吃的泰式金邊粉配雞肉。金邊粉的分量非常多，配料例如雞肉、蛋碎、荳芽卻略嫌比較少。味道其實尚算不錯，甜味和酸味都平衡。:)如果能夠炒得更香更爽身會更好。男友點的是炭燒豬頸肉飯。豬頸肉燒的不錯，肉質軟稔，泰式醬汁也挺惹味。:)而我們各自亦點了一杯沙冰，味道有點太甜，而且放久了會出現水冰分離的情況。可能點泰式的飲品會比較好？整體來說不過不失。食物味道還算正常，除了上菜的速度有待改善外，勝在環境搭夠。…查看更多

與同行友人特登入西貢試下呢間泰國菜 叫咗 1湯4餸 2白飯1. 酸辣椰子雞湯 （掛住飲無影到） 唔算辣 飲起來好濃既椰香令人好想飲多幾碗2. 小食拼盆 個鳳爪就有D辣喇 春卷炸得啱啱好 唔油 果2件荷葉包住嘅係雞肉 咁樣嘅煮法都仲係好滑3. 馬拉盞炒通菜就不過不失 如果辣少少就啱口味啲 4. 海南雞 小弟對海南雞有個執著 就係喺個醬度 因為雞大多數都無咩大分別 都係滑D嫰D 但個醬就唔錯喇 值得試下今次2個人食叫左半隻 同太多餸 下次可以叫一隻 專程去享受個醬5. 重頭戲 咖哩炒蟹！！！同行友人話D汁好食 叫多碗飯去撈埋佢都得 （當然最後無 因為2個人食咁多餸已經飽到郁唔到）個汁唔會好咸 好辣 用來撈飯就無得頂喇！ 食蟹就一向好麻煩 店員亦好有心主動提供拆蟹工具 同預先輕輕整碎部份蟹殼蟹夠大隻 388 來說 係合理價錢 （應該係餐廳最貴嘅一味餸）服務員上菜夠快 有禮貌 同時座位安排得幾好 有機會會再來食多次隻蟹…查看更多

很久沒有去泰國了，忽然想吃泰國菜，又不想去九龍城吃，友人介紹話西貢有個好地方，所以今晚就過來試試。這裡在碼頭旁邊，有室外室內選擇，我揀了室外，因為室外有海境，空氣好清新，仲可以嗅到海水味，感覺好似係芭堤亞海邊一樣。泰式燒雞半只118元，雞皮燒得好香，有少少焦而脆，醃料令雞皮已經好好香，雞肉軟滑而不乾身，食得出生燒，唔係事前燒好一半，落單後再燒埋佢，真是有點後悔叫半只，其實一只靚燒雞，真係好難遇上，下次必定因為隻燒雞而再來。海南雞都好正，我哋叫咗半隻，啲雞好嫩，仲有秘製嘅泰式醬汁😊好開胃，又有少少辣同過海南雞好夾。我一個人都可以食到半隻😂好好味價錢唔會太貴，又好好食，真心推薦海南雞。芒果糯米飯 68元，糯米飯比較軟淋，而芒果已經熟了，所以將糯米、芒果、椰漿加埋食，真係一絕。其實間店舖仲有好多美食下次再嚟試吓其他嘢💪🏻…查看更多

原來去西貢唔一定係食海鮮，泰國菜黎講係近巴士站果條巷有幾間一直都出名，但坐位比較窄，唔好坐。拿拿啉食完就走。發現係碼頭果到有間平靚正的泰菜。好好坐，食物唔差，價錢同巷仔差不多但比近海鮮街果間平20蚊碟餸。同樣坐近海邊，好舒服。不過佢食物款項比巷仔小，但基本款式既都有。原來佢地有啲野menu係無，強烈建議下次就算menu冇既野都可以試下問下。佢哋的waiters 好好人，唔怕問！值得再去！不過海邊位長期滿座，建議黎之前可以試下book 枱碰下運氣。…查看更多

遇上公眾假到西貢一遊。 想找點東西吃，點知原來係「伏」。1.首先，餐廳內有位置，我們想坐下， 點知店員同我地講有人。 那張枱其實根本沒有人，到我們吃多差不多一半，有另一家人隨便坐下。而當時餐廳內有好幾張空枱，也不讓我們坐。店員隨便安排了門口的角落給我們坐，感覺非常差。2.到了要點菜的時候，由於在角落關係，我們向店員示意了最少10分鐘 才有人理會。有好幾位店員之前與我們在眼神接觸，但卻裝作看不見。我們最後向店員反映，他卻推卸責任說：「不理會你的店員一定不是我。」3.上菜次序混亂：我們點了前菜、咖哩、粉麵、炒菜和飲料。正常應該是前菜先上桌，但前菜卻是最後才出現，非常混亂。4.食物製作不認真：咖哩完全是沒有香料的味道。只是隨便正用咖哩醬加水，好似咖哩湯一樣。而炒菜也太鹹。綜合以上各項，大概不會再來這家餐廳…查看更多

唔知啲正評喺邊度嚟。杯芒果沙冰擺咗5分鐘變咗咁水還水，冰還冰！完全冇芒果味叫做芒果沙冰！叫咗豬頸肉同蝦餅，茶餐廳質素如果你前世未食過泰國菜可以一試。服務垃圾。完…查看更多

今日即興同夏生同埋佢兩位廿三年兄弟入西貢食雞飯，突然醒起校花係碼頭旁邊攪咗間泰國野，所以決定去打個招呼順便支持下。 兩點左右入到黎去到碼頭旁邊終於搵到目的地「泰友會」，臨近巴士總站旁，好容易就搵到，適逢今日落雨，所以好難得地可以靜靜地渡過星期六。一行五人，起初諗住簡單叫支啤酒俾夏生同幾個朋友飲，最後叫咗幾個小食，分別（1）斬咗半隻海南雞、（2）一打泰式生蝦、（3）青咖哩牛腩配薄餅、（4）泰式豬頸肉。不得不提海南雞，雞有雞味（唔係廢話唔係講笑），肉質鮮嫩，重點雞皮夠薄，就咁食已經好香雞味，配搭醬料食更為惹味！生蝦出色，食得更招積，將生蝦放入杯仔，連蒜同辣椒食連埋秘製醬汁入口真係會有「好好味啊！」果種感覺。青咖哩牛腩，牛腩外還有牛筋，煮得恰當火喉保持到肉質同口感，呢個時候重點黎喇！個青咖哩汁好Creamy，又唔會太辣，配合薄餅點汁稱為絕配！之後仲忍唔住要用汁撈飯！最後仲試咗個冬陰公邊爐！配搭兩種肉，我地叫咗牛肉同羊肉（仲可揀雞肉，豬肉），暖身一流！我地叫咗蝦膠丸同蔬菜！蝦膠丸口感出奇地好，且彈牙又有咀嚼感！加湯底真係加返冬陰公，無花無假，真材實料！呢個週末，可以係海邊搵到一間由泰國人廚師主理嘅泰國食肆，同三五知己把酒當歌，聽住舖內一首首耳熟能詳嘅經典歌，傾下偈吹下水望下境，放假本應如此，人生應該如此。食泰國野，唔一定要去九龍城，黎西貢又唔一定食海鮮，下次諗起食泰國野，一家大細男女老幼聯群結黨兩小無猜都不妨考慮一下「泰友會」！…查看更多

今天在西貢碼頭泰友會，見到新推出特價魚翅撈飯，心諗咁平好吾好食既，料足吾足呢，一試之下，嘩，好味，用足料湯底，濃厚的雞湯，有魚肚，冬姑，蟹肉，魚翅，$198 的價錢好似食緊酒樓$398的貨品，抵贊👍🏻👍🏻👍🏻👍🏻👍🏻…查看更多

其實由這裏開業至今已第三次到訪了。第一次，是八月，一試難忘，因喜食泰菜就是要地道和正宗，尤其對於可以嚼指天椒的人來說，真的完全達標。第二次，是十月，已是急不及待，要找班朋友，在十月仍是高温下來這裏聚會，但這次就有點失望，因辣味從未到達味蕾，當然有同店員反應了。第三次，十一月十一日，光棍節日，再要和我的好友再戰，要尋回那種味覺。當日天陰，沒有太陽，但好大風，店主都會好窩心為席間加上摭擋，所以最後我們都從室外移到室內。通常我們會喜歡先到來，來個 Happy Hour, 這裏的椰青蠻不錯和一些特色飲品。到入夜了，我們才開始點菜。這裏的柚子沙律，需加辣，是我的至愛，清新又帶點甜辣味。另外的咸魚炒芥蘭也不失水準之作，乾身，不會有太多水份，又入味，咸魚蓉雖略嫌大粒了，但炸脆香了的咸魚夠惹味。咖喱蟹加辣版配薄餅是這裏必叫之選。喜歡它濃稠適中，我們還要再添加薄餅才可以所有清碟。冬陰公加辣版，簡直將整晚的環節提昇，可惜當天未能將湯保存温度，否則它的冬陰會更強。這個湯在加辣版後才有它應有的泰特式。材料也充足。另外泰友會的燒烤選擇也是它的特色，這夜我們只點了一般的猪，牛和雞串沙嗲，又加了魷魚，和鹽燒烏頭。但每次的烏頭也被清碟。除了這些菜可平衡味蕾之外，發覺每次的朋友都能將烏頭清碟。所以可想而知這個也是不二之選了。仍然希望食店要堅持開業時的泰特色，不要將泰味減半了。…查看更多

晚上和幾位朋友到西貢吃晚飯，今次竟然沒吃海鮮餐，選了一間泰國菜的餐廳。這間餐廳位於碼頭位置，環境一流，有室外和室內可選擇。建議坐室外，海邊景觀一覽無遺。至於食方面，我們一行四人點了五個菜。咖喱蟹，生蝦刺身，燒鰻魚，燒雞，粉絲煲。味度不錯。特別推薦生蝦刺身和燒鰻魚，必吃價錢方面，四人共點了六個菜連飲品，每人大概二百多元。以食物新鮮程度和環境，價錢合理。服務態度方面，店員很健談，服務態度一流，推薦的菜式也不錯。會帶朋友再來光顧。…查看更多

星期日下午看完電影後，我們一行6人坐小巴入西貢食晚飯。以往泰國菜只想到去九龍城食，想不到西貢也有好吃的泰國菜，很驚喜!-咖喱炒蟹蟹肉鮮甜，咖喱汁配薄餅一流-刺身蝦(必點)蝦連配料一次過放入口，超-燒鱔我少食魚，很怕腥~在朋友軀使下，吃了一口，然後整串都吃了!這個燒鱔一點也不腥，肉質爽口-燒豬頸肉很香口，肉質鮮嫩-炒金邊粉-椰青清甜解渴另外還點了蝦膏炒飯，炒花甲，冬陰功湯，全部都很滿意，服務又好，環境裝修舒適，很有feel~必定會再來光顧，真心推薦!…查看更多

星期六帶我的狗狗入了西貢海灘游水。游水後我和姐姐想找一個地方既是pet friendly 價錢不要太遊客而且食物又好味嘅地方。姐姐是本地居民於是帶我來了海邊這處有好幾個餐廳。知道這間餐廳是新開的（不是以前一個明星開的那間）於是我就鼓勵姐姐入去一試。我我們這天晚上是三人共餐。原本我們只是點了：炒baby椰菜、咖喱炒蜆、燒烏頭魚。食過之後我們發覺這個咖喱好味到不得了至於燒芋頭魚，可以說他們用了是非常新鮮marinate烏頭魚的香茅、薑和香草亦是非常新鮮上等貨色！於是之後我和姐姐及姐夫再點了柚子蝦沙律和串燒！Oh my gosh! 好味到基本上每隻碟都是吃得很乾淨的！因為我們另外再點白飯把所有汁都吃掉！其實我們另外有點菠蘿冰and other drinks ... all tastes awesome! I will definitely visit again and will bring my mom and my beloved doggie to visit this shop! 此外我想講這間小店是很有人情味的！這種味道跟他煮食的味道一樣令我回味無窮！PS: 離開時，在路邊看見正在燒魚的廚子。我跟他打招呼表示他的魚很好吃！他介紹我下次可以吃他們的白鱔！好的這個禮拜日我就再來吧！😄😄😋😋😋…查看更多