泰之味 (已搬遷) 新店位置

唔想煮飯，最方便就係搵間又抵食，又好食嘅餐廳架啦～ 順路返屋企經過上環街市，原來佢頂樓個熟食市場竟然有間黃店泰國菜，大排檔setting好地道呀冬陰功個煲好似打邊爐咁 🤣 可以熱辣辣咁食，少少辣，少少酸好開胃。大排檔梗係要飲啤酒啦! 開枝大啤同朋友一齊share 都係人生一大樂事

有班朋友做cafe☕所以要等佢地收工兼食飯都1起碼要9點幾但上環呢頭有勁多食肆都收9工點。。。。幾難得先搵到呢個熟成市場!!!😎好多鋪仔都收11點幾架!!!估唔到呢間泰國野比起銅鑼灣呀😚😚😚旺角呀果啲自稱正宗既鋪頭都唔輸蝕wo有唔少菜式都好正好老實我地3個人食埋單我覺得有啲貴既🤗但佢個份量係麻甩佬份量建議叫多啲人share就抵啲啦!個木瓜沙律好新鮮但辣到跳舞🌶🌶🌶🌶🌶唔食得辣既朋友仔記住唔好叫個春卷應該係素食🥒🥬🥦食唔到入面有肉粒而且仲有淡淡咖哩味都幾特別雖然個名叫蝦餅🦐🦐🦐但上到枱就呈現波波形狀應該叫「炸蝦波」或「炸蝦球」至啱!俾起餅型又更加有口感wo!海鮮炒河做法就比較中式少少有啲似豉汁排骨炒河既賣相有好多蔬菜喺上面呀🥦🥦感覺無咁油同健康啲個味道唔錯但河粉有少少痴埋一舊好推薦呢個冬陰功湯食泰國菜唔似冬陰公點得架?!!唔好俾個紅當當既顏色嚇親比起個木瓜沙律佢既辣真係蚊型咋!!!其實可以話完全唔辣添但係就好香好濃入面勁多料勁多蝦同草菇我自己就飲左3碗啦呢個叫炸黃金蛋既原來即係蝦餅同皮蛋一齊炸我地全枱人一致覺得佢最好食能夠炸到個皮蛋係帶有甜味熱辣辣又有少少溶真係唔簡單!

這幾天冷病了，想吃清淡點，突然想起有一段時間沒有光顧「泰之味」，所以午餐就決定在這裡吃。今天叫了雞扒泰式湯金邊粉，上菜時有驚喜，配菜多了，賣相亦比平時好。雞扒比之前體積大了，味道可以，但餐廳選了油炸方式煮熟雞扒(想節省時間吧)，感覺比較油膩，要將外皮咬走再吃才好一點。湯底用白蘿蔔煮，味道清甜。金邊粉及菜用料新鮮，不錯。今餐連飲品(熱檸水)盛惠40元，在百物騰貴的香港算是不錯，起碼普通打工仔能負擔。

今日陪女朋友去上環試姐妹裙，所以早左dd收工，完左都系大約8點15分左右，甘當然系周圍搵下食d乜野。用左新Google Map, 有間泰國野，系熟食街市，小店黎，梗系要支持下啦。一去到，吾算多人，同環境方便，俾想像中乾淨，始終系街市入面有點擔心。去到嗌左個炸蝦卷，咸魚炒椰菜苗，仲有炒金邊粉。總括，以味首黎講，不過不失，系香港嘅泰國野。以份量方面，兩個人都好夠飽，本身想食糖水，都無空間。價錢方面，都算可以。

呢間街市嘅泰國餐廳食過一兩次午餐，今晚就同埋成班朋友嚟食晚餐。因為呢度係熟食市場，所以都唔會expect環境同衛生都好好，坐嘅都係圓櫈，而且夜晚都比較嘈，因為附近都有幾間食小菜嘅。-🥢海鮮咖喱配蒜蓉包咖喱唔記得咗影，但係個咖喱汁好濃郁，加左蛋亦都令果汁比傑身，碗埋蒜蓉包食真係一流😁而啲海鮮雖然都唔係新鮮嘅海鮮,但感覺上都係用咗高質嘅冷藏海鮮。不過都煮得好好,唔會食到有雪味，而且海鮮嘅口感都仲係度。🥢沙嗲串燒沙嗲串燒個沙嗲汁好正，係有花生嗰種👍🏻👍🏻但係啲串燒就燒得乾左少少😕🥢泰式雞肉炒河成個河粉好友鑊氣，亦都唔會好油。但個味就普通咗啲，唔係幾有泰國嘅特色。🥢炸蝦丸蝦丸好彈牙，而且亦炸得好香脆。不過成粒打咗做蝦膠，食落口感層次唔算太豐富。

午飯時間又到，同事提議上環街市搵嘢食，上到去2樓熟食中心，揀了泰之味坐，人很多要搭枱坐點了泰式炒豬肉河粉炒嘢是即叫即炒的，所以都等5-10鐘食物先上檯，但黎到會聞熱辣辣香味，如果可以食得辣可以落些辣粉，味覺會相當刺激，河粉很溥，也炒很均勻，有蛋絲，豬肉也爽口，加枝大可樂，爽哂！

在這個炎熱天氣，我絕對不會選擇去市政局大排檔食飯，就算有冷氣，由於地方大，所以仍然會一路食，一路流汗。今次為了聽朋友的演唱會，就犧牲一次。這個市政局大排檔，比一般大排檔略少，清潔程度一般，選擇食物亦寥寥可數，平均每檔得三，四張枱，最後唯有聽取朋友意見食泰國菜。但食物就一般啦，我哋叫咗個咖喱軟殼蟹，完全冇咖喱味道，顔色和囗味就大打折扣，蟹尚算新鮮，另叫咸魚炒耶菜苗過咸，西柚沙律！好酸和好辣。魚餅都不錯，春卷即叫即炸，炒金邊粉多油。唯一可取價錢合理。

同朋友來上環街市食午餐，上環街市很多選擇，食過幾次，兜咗一個圈後，最後揀咗呢間未食過嘅泰國餐廳。午餐想食清D，叫左個雞扒米粉加奶茶。雞扒米粉 - 幼細的米粉好似福字米粉，加上微炸的豬扒，而且份量很大份，我覺得夠2個女生食，以$38的價錢來說非常之便宜。加左杯奶茶，有很濃的茶味。值得再來。

><周不時都聽聞熟食中心嘅食肆好高質趁友人仲係港島返工 飯聚就定喺上環街市沙嗲串燒($75/半打)豬肉有d嚡 雞肉尚算嫩滑青咖喱($88)蔬菜就多 唔係好食到肉呢個一d都唔抵香脆蒜蓉包($30)嗌嚟蘸咖喱泰式豬頸肉湯粉粉完全係碎濕濕咁 夾都夾唔到想搵條完整長d嘅粉都冇><><><><><><><><><><><><泰之味 Thai Good Taste上環皇后大道中345號上環市政大廈2樓熟食中心CF23號舖

因為有想吃的店，所以來到好久沒去的 上環熟食中心誰知道來到才發現那店休息兩天 Orz只好轉戰之前看報導介紹過的泰之味 ，剛好在同場由於是午飯時間，人流多~所以搭枱是見慣不怪囉有午市的餐牌，價錢大約$38起~可選擇的款式也滿多泰式扎肉湯金邊粉 ($38) 湯底轉了冬蔭公 +$13看起來紅紅的，但其實並沒有很辣~反而是偏酸！扎肉夠惹味~也頗彈牙。幼細的金邊粉亦沒有煮得很稔。青咖喱汁飯配牛 ($43)相對前者來說，這個會較為辣一點。牛肉不是很嫩口，要花點時間咀嚼~飯則像冷飯，一定要淋上滿滿的汁才行 ...泰式炒金邊粉 ($43) 這個很甜！蛋絲和雞肉也十分少 QAQ .... 如果要吃金邊粉的話，還是覺得有湯的那種比較好吃另外午餐加錢可配飲品，一些泰式飲品也有。細支樽裝可樂 (+$3)

今晚同姐妹去上環搵野食, 佢特別介紹我去呢間食泰國野!話佢細細個已經黎食, 水準依然咁話!一黎到上環街市既熟食中心就知, 每間餐廳都鑊氣!食泰國野點可以唔食金邊粉!!金邊粉 @ $55 既辣椒自己另加, 味道好夠, 係比較濕身.另外叫左個拼盤 @ $138!(春卷、蝦餅、魚餅、香葉包雞) 蝦餅皮薄肉多, 包雞一D都唔乾身老闆娘好好服務, 雖然仲叫我地食埋糖水先走, 不過我地兩位女生都已經好飽...咁抵食! 下次再黎幫襯!!

今日小編同事提議食平民嘢，我初時聽到都好驚，以為係大家樂的頹嘢，然後佢提議去上環街市樓上熟食檔食，咁都好d、其實街市d熟食檔都唔錯架，食得多魚翅都要食下鹹魚既今日去左呢度食泰國野、佢地d午市套餐好抵食，大約40一位、加4元飲d特別嘢飲、都其實唔錯。選擇都算多大約15款飯麵同埋10款湯麵小編選擇蝦膏炒飯（當然要少飯啦）咪做大曬鬼呀 炒飯底唔錯，個人覺得好味過好多茶記，但蝦膏唔夠香、味唔夠濃所以小編要怒落魚露同埋辣椒粉調味。整體唔錯，46元食個飯連埋嘢飲、九龍都唔得啦

連續2日係上環街市熟食店食午餐，禽日食咗中式嘢，今日要試吓其他先，行吓行吓原來有泰國菜午餐有好多選擇……我嘅選擇困難症又出現，樣樣都想食不過今日想食飯，一於整個香葉青豆肉碎飯先，加埋熱飲42蚊，底食。嚟啦嚟啦……好多青豆同肉碎，一食……香葉味足夠，好好味，啲肉碎炒得夠乾身，仲有啲辣椒，洋蔥，真係材料十足，不過啲洋蔥有啲生，呢方面可以做好啲，好彩我都鍾意食生洋蔥加10蚊有三色冰，下次一於要試埋其他嘢先得

從未去過上環市政食晚飯，本來係去中環民園食豬手伊，可惜無開無緣了⋯⋯轉陣去上環，一路行都無啱心水，唯有去市政睇睇，估唔到星期日8點幾成個市政水靜河飛，淨講呢間食肆，加埋我哋只得兩枱客咋。香茅炒蜆 $75🥢🥢🥢🥢蜆無沙，炒得好入味😋，食到濃郁香茅同金不換味道，唔係好多地方有香茅炒蜆，值得一試泰式咖喱炒軟殻蟹(中) $138🥢🥢🥢軟殼蟹份量幾多，可惜細隻兼無乜膏，咖喱唔辣但香濃，所以特別叫咗客蒜蓉包點咖喱蒜蓉包 $30🥢🥢🥢包外脆內軟，口感一流，食到淡淡蒜蓉味，點咖喱食無得輸串燒沙爹半打(豬) $75🥢🥢🥢🥢極力推介豬串燒，串燒帶點炭燒味，肉質腍中帶爽脆，最正係每串都食到膏嘅香🤤青檬梳打 $20🥢唔識形容呢杯飲品，味道有d奇怪，又淡又咸，好難飲😥二人共消費：$338

今日lunch黎左上環市政大廈，一出lift就係哩間泰國菜，咁岩又有位，既然上次食唔倒就今次食喇。佢午餐都幾多選擇，有湯粉，炒粉，炒飯，咖哩飯都有加幾蚊有野飲。我就叫左炒金邊粉，個金邊粉都幾乾身唔油，味道都ok。哩度既午餐都係30幾至40幾，價錢正常，又多個午餐地方選擇。