泰中意

營業中

休息中

今日喺大圍搵到一間隱世嘅泰國嘢食！佢就係 泰中意 🧑🏻‍🍳呢間餐廳唔係淨係食泰國嘢咁簡單，佢係糅合泰、中、意三地的fusion 菜！今日試咗幾款嘢食: ✨冬陰功鮮蝦忌廉意粉冬陰功味同忌廉味都好濃，每一啖意粉都有哂2隻味，係出乎意料之外嘅夾！同埋啲蝦好彈牙，呢個意粉係個岀色嘅fusion菜式🤩✨泰式炒青口辣辣地，甜甜地嘅泰式炒青口好開胃！青口好大隻！好食😋✨泰式香辣肉碎生菜包好中意佢嘅肉碎！炒得好香，加埋蝦乾、洋蔥、芫荽同青檸汁，夾埋生菜食，又惹味又清新！呢道菜都幾大碟，岩哂一班朋友食🤣✨青檸蜜必叫！好配辣辣地泰菜！🥂難得係大圍搵倒間正野，要再去🥳

餐廳有兩層，裝修非常簡約乾淨，座位寬倘舒適，牆上掛有泰國特色畫作裝飾，燈光明亮，岩晒同屋企人黎食飯，或者同朋友放工黎啤一啤 ꒰๑* ´ᗜ` * ꒱○ 冬 陰 公 鮮 蝦 忌 廉 意 粉 // $138上枱時仲冒住熱氣，份量多到夠兩個人分食，鮮蝦爽甜，香濃醬汁好 ᴄʀᴇᴀᴍʏ，最特別係加入泰式冬陰功味，酸辣層次豐富，辣度又被中和左唔會太辣，絕對係泰式 ғᴜsɪᴏɴ 菜嘅成功例子 ꒰ ´ ꒳ `∗꒱○ 泰 式 燒 牛 肉 // $108絕對係必點菜式 ⸜♡⸝ 香口多汁嘅牛肉帶有微微炭香，燒到啱啱好熟，中間仲係鮮紅色，肉質鮮嫩。牛肉只係加左少少醃料調味，保留住肉汁，想刺激少少可以點埋清香嘅泰式青檸辣醬，酸爽帶勁可以中和油膩感。○ 馬 拉 盞 炒 椰 菜 苗 // $78香脆清甜嘅椰菜苗，配上馬拉盞嘅獨特鹹香辣味，食落好夠鑊氣 .ᐟ.ᐟ○ 椰 汁 珍 多 冰 // $38白雪雪嘅椰汁，甜度啱啱好，用料好足，有差唔多半杯紅綠色粉條 (即係珍多)，加埋好少見嘅阿答子 ǫ 彈清甜 (⁎⁍̴̛ ᴗ ⁍̴̛⁎)飲落啖啖濃郁椰香，清爽又滿足 ~○ 凍 鹹 檸 蜜 // $31用上泰國青檸同埋蜂蜜，酸甜鹹三重口味層

呢日喺大圍食lunch，搵到呢間喺田心村食呢間fusion泰菜😎 一睇個餐廳名就知係融合咗泰、中、意三地嘅特色啦💛 我哋叫咗兩個午市套餐同小食拼盤，套餐包埋餐湯同飲品㗎🤤蔥油碳燒豬扒配白飯呢個係餐廳嘅名物，基本上見到檯檯都有叫，豬扒有兩大塊，而且真係大塊得好誇張，豬扒肉質軟腍唔會韌，加埋蔥油送飯就啱晒啦🐷冬蔭公鮮蝦忌廉意粉呢個好有fusion菜嘅特色，將泰式冬蔭公同意粉mix埋一齊，意粉酸酸辣辣都幾開胃🍝 入面仲有幾隻鮮蝦，蝦肉彈牙🦐泰式拼盤呢個拼盤就啱晒同朋友share，小食有香葉包雞、蝦餅、素菜春卷、魚餅、單骨雞翼，樣樣都有啲，款款都脆卜卜，過足口癮啊🤩呢間小店都幾多人嚟幫襯㗎，食得出小店嘅嗰份用心，鍾意食新派泰菜嘅話可以過嚟試吓啊😝

第二次嚟食了，轉咗新Menu設計得幾靚今次食呢條魚好滿足好好食！ 媽媽都大讚好味道鹽燒烏頭好大條，成隻碟咁長，啖啖肉熱辣辣入邊超級鮮甜充滿檸檬汁同魚肉香氣不嬲鍾意食呢條魚貪佢冇骨而且好香口連塊魚皮都好好食脆卜卜泰式海南雞飯配香茅油飯啲飯好香好軟熟充滿香茅味道，兩個人唔想食咁多飯，都係一碗兩個人分啲雞係超級滑溜，又係淡淡都係肉好鮮嫩，最緊要係冇骨食得好開心泰式拼盤香葉包雞 荷葉包雞好香入邊有嚿小雞肉蝦餅 有八嚿咁多，橙肉色的蝦肉餅彈牙好味魚餅 有兩小件素菜春卷 外皮好脆入邊材料簡單雞翼尖 好香口

泰中意環境都舒適好chill。係糅合泰國、中國及意大利風味的Fusion 菜 ，展現了三地料理的特色，有充滿創意的菜式。但我今次專程嚟試抵食又好味的豬扒。*蔥油碳燒豬扒配白飯*豬扒經過炭燒後，外層微焦帶著炭香，肉質嫩滑多汁。 這道菜靈魂的中式蔥油醬汁的確惹味。帶出豬扒的香味， 但其實本身豬扒已經好有味。食得辣可以轉泰式汁。估唔到禁大份。 有兩塊半豬扒，多到呢，堅抵食。*馬拉盞炒椰菜苗* 馬拉盞的鮮香與微辣使椰菜苗更添濃厚風味，椰菜苗好爽脆配合蝦醬味道好味。*泰式燒鱔* 燒鱔魚經過火烤後，外皮焦香而肉質軟嫩，魚肉好新鮮彈牙。好香口好好食。$62一串係值得的。推介必點。*燒牛利*牛脷燒烤至剛剛好的熟度，保持柔嫩的肉質與豐富的肉汁，仲要係十分厚切，好有質感 。60蚊有三大片。都好抵食。*泰式炸春卷* 入口酥脆，內餡則充滿泰式香料與蔬菜的豐富層次，配酸醬是絕佳的開胃菜。 點午餐加15元就有兩件。抵食。仲有呢度既椰青都好正。好fresh啊。

前排經朋友介紹，大圍一間隱世泰式小店因為我朋友係非常鍾意泰國，佢介紹得應該唔會差當日我去到大約1點左右(平日)，都幾爆場店內唔大，30個位左右，建議大家非食飯時間黎會好D有LUNCH SET同單點價錢唔算太貴，可以接受泰式木瓜沙律🥗面頭加左紅蝦，有淡淡蝦味食材新鮮，食落開胃但略嫌唔夠辣同酸個人覺得木瓜沙律既酸同辣應要令人愈食愈辣,愈食愈爽青擰蜜糖梳打🍹【推薦】非常好飲，大熱天時整返杯真係一流最欣賞佢用真蜂蜜，並唔係用人做糖漿飲落非常舒服之後叫左個LUNCH碳燒豬扒飯🥩配小食 - 春卷春卷鬆脆，而且唔會成口油配埋甜甜地既醬，做餐前小食的確唔錯豬扒飯份量超大，足足3塊豬扒一上菜既時候就聞到好香，豬扒有碳香味同香茅味味道適中，入口軟淋兜汁如果大兜D就更好整體都幾唔錯，附近街坊落黎食個LUNCH，相信好滿足佢呢間餐廳另外主打泰式中式意式創作料理下次我黎再試下佢既意粉

今日同朋友嚟到大圍一間泰式餐廳，入面嘅環境非常舒適，裝潢充滿泰國風味，有熱帶植物同色彩鮮艷嘅藝術品，令人感受到濃厚嘅泰國文化。馬拉盞炒椰菜苗呢道菜真係好有味！馬拉盞嘅香辣味同椰菜苗嘅清脆口感好搭，食落去有種香辣嘅刺激感，唔會太過膩。泰式海南雞香茅油飯呢個香茅油飯真係好正！雞肉嫩滑，配上香茅嘅香味，飯粒仲吸咗雞汁，好有風味。泰式香辣肉碎生菜包呢個生菜包超好食！肉碎炒得香香脆脆，包住生菜入面，咬一口就有清新感。最後有埋椰青就係解渴嘅最佳選擇！飲落去清甜清甜，真係好舒服。而且服務非常之好，10分有禮貌☺️

去咗大圍探朋友，朋友帶咗我去呢間隱蔽又隱世嘅泰國餐廳食晚飯，夜晚着晒燈，閃吓閃吓，門口仲有啲文青風嘅感覺。餐廳不大，簡潔嘅裝修，入到去充滿現代泰國風情，牆上掛住不同泰國風嘅畫，仲有一張好大嘅Menu，勁多食物選擇，真係要慢慢睇慢慢揀😆我哋兩個人叫咗四樣嘢加一杯飲品，每道菜份量都好多，非常足夠和飽！泰式海南雞飯配香茅油飯（半隻）雞好厚肉和肥美，每一嚿都啖啖肉，飯都好大碗，香茅油飯好香，唔會好油，兩個人share好足夠，仲配咗三款醬汁，yummy😋泰式燒牛肉即叫即燒，好大嚿嘅牛肉，廚師將佢切開一小片，一口食好方便，大概七成熟，容易入口唔會韌，好香和濃郁嘅燒牛肉香味，蘸上泰式調製嘅辣汁好開胃好惹味！最靚係上邊嗰一大嚿雕花嘅蔥， presentation好靚呀！🤩泰式香辣肉碎生菜包一籃好大塊嘅生菜，一大碗嘅泰式肉碎，泰式肉碎汁料比較濃，有羅勒非常之香🤨馬拉盞炒通菜又係一大碟嘅炒通菜，對於唔係好食得辣嘅我微辣剛剛好，有啲蝦米仔好香蜜糖青檸梳打通常泰國餐廳都係得青檸梳打，呢杯蜜糖青檸梳打幾特別，好香甜甜地嘅蜜糖味，蜜糖配青檸有幾夾喎！尤其是而家夏天，消暑又清涼🍹糅合泰、中、意三地的fusion菜，

難得同媽媽一起休息我們由大埔搭火車去大圍行街大圍圍方商場連接天橋 去左田心村 村屋個邊食泰國菜泰中意 外牆係綠色 非常sharp由於天氣太熱加上中午我們坐室內牆上有象畫圖案 充滿泰國色彩想食多點蔬菜叫左馬拉盞炒通菜同埋柚子大蝦沙律馬拉盞炒通菜非常翠綠馬拉盞非常香而且唔油膩柚子大蝦沙律柚子清爽充滿水份大蝦彈牙以生菜做底 配埋微酸醬料 非常開胃磯燒豬扒飯兩大塊帶骨豬炭火燒得好香帶點脆肉質夠晒淋配埋泰式辣汁非常送飯去骨海南雞＜半隻＞配油飯油飯米粒夠香海南雞勁滑而且唔肥飲埋杯特飲珍多汁 消暑

泰式辣汁蔥油碳燒豬扒配白飯，超級無敵大大件，煎到勁香濃，肉質嫩滑，蔥油嘅香味滲透豬扒，每一啖都好好味。泰式炒金邊粉，向來都係我嘅至愛，味道偏甜甜酸酸，好有鑊氣，好醒胃！冬蔭功，材料十足，有菇菌、海鮮同大大隻鮮蝦，飲落好有椰香，酸酸辣辣開胃又醒神，我覺得最正。加埋蒜蓉包，簡直絕配。芒果糯米，芒果鮮甜，糯米軟身得嚟又有嚼勁，同香甜椰汁一齊食真係好正。

蔥油炭燒豬扒飯 一上枱已經聞到陣陣嘅香茅香氣，豬扒簡直係巨量，兩大塊巨型嘅炭燒豬扒炭火燒烤，表面烤得金黃微焦，油脂豐富。外層仍然保留香脆口感，豬扒中間嫩滑多汁，非常好味。再加上蔥油，加一份咸香味，送飯一流。泰式雞絲濕炒河河粉上鋪滿雞絲，份量多到不得了。雞絲都幾嫩滑，啖啖肉，河粉幼滑，幾喜歡濕炒嘅做法帶多點醬汁，河粉吸收晒個醬汁。仲加上大量蔬菜，非常健康。泰式拼盤將多款經典泰式小吃集於一碟，材料豐富，賣相非常吸引。香葉包雞、蝦餅外脆內裡彈牙、泰式魚餅微辣好味、雞翼、春卷金黃焦脆調味鹹。咁多款香口小食，一定要加一點酸辣醬。餐廳雖然唔算大，裝潢簡約清新，充滿着泰式情懷，原來係泰、中、意三地菜式fusion。非常鍾意呢種家庭式嘅小店，氣氛輕鬆自在，份量十足，價錢合理。

✨ 泰式海南雞飯配香茅油飯半隻份量嘅海南雞都好足夠二人食用🍴口感好滑身~ 配埋三款唔同嘅醬汁令味道都更加豐富🤩！✨ 泰式燒牛肉超驚喜~，經過燒烤處理，完美保留牛香味🐂加上清甜嘅蔥花~口感勁豐富！推介⭐️⭐️⭐️✨馬拉盞炒椰菜苗炒菜最緊要夠鑊氣！食落完完全全感受到鑊氣十足😋👍🏻椰菜苗🥬爽脆清甜~ 加上淡淡馬拉盞嘅味道，超好送飯👅✨泰式炸蝦餅蝦餅即叫即炸，上到枱仲熱辣辣🦐！蝦肉真係超彈呀😋！

This restaurant, located on the ground floor of a village house in Tin Sam Village, Tai Wai, specializes in fusion cuisine. It combines elements of Thai, Chinese, and Italian culinary styles with great creativity. I visited for dinner, and the place was fully booked, showcasing its popularity. Outdoor seating is available for those who enjoy smoking or want to bring their dogs.The interior is cozy and welcoming, with a clean restroom that exceeds expectations. The only downside is the lack of Wi

住喺沙田咁多年, 一直都知大圍有好多隱世小店, 適逢我自己生日, 一於同仔仔二人世界慶祝生日啦!生日想食得好少少, 我哋就揀咗喺大圍站附近嘅泰中意😍 出咗地鐵站行5-8分鐘左右就到, 對出又有巴士站, 真係好方便!今日生日要叫多啲食物🍽️ 我哋叫咗串燒, 原個菠蘿炒飯, 蝦餅, 原個椰青同青檸梳打🍹🍋‍🟩食物質真係好唔錯, 串燒同蝦餅都整得好好味, 唔會太濃味又唔會太淡味, 燒同炸嘅火喉都較得好好, 唔怪之得都好多人嚟食😋 菠蘿炒飯好足料又大份, 我哋兩個每人食咗好多之食極仲有😆 飲品方面一定係水準之上, 材料新鮮, 用心製作❣️下次都會再encore!!! 價錢公道, 食物質素好, 環境坐得舒服, 店員亦好有善💯

最近深入大圍覓食，去咗「泰中意」發掘新美食，廚師透過糅合泰、中、意三地美食嘅精髓，製作出其獨有特色而美味嘅Fusion菜，亦取其同音字：太鍾意。*此餐廳收取加一服務費。冬蔭功鮮蝦忌廉意粉（單點$138），鮮蝦肉質爽口，味道鮮甜，冬蔭功忌廉汁口感Creamy，味道酸辣，食落帶點香料味道，意粉口感軟硬適中，容易掛汁，配料包括有蘑菇、車厘茄、紫洋蔥。XO醬豬頸肉炒飯（單點$95），表面鋪有青檸，豬頸肉粒肉質爽彈，食落帶有焦香味道，肉味濃香，配料包括有雞蛋、紫洋蔥、豆角，炒飯飯粒充滿光澤，食落有鑊氣，口感粒粒分明，略嫌食落類似豉油皇炒飯、XO醬味道欠奉。泰式香辣肉碎生菜包（單點$88），免治豬肉碎肉質半肥瘦，食落好Juicy，好足料，內有紫洋蔥、豆角、蝦乾、指天椒、檸檬葉、羅勒葉、九層塔、芫荽，食落好惹味，生菜口感爽脆，配以青檸汁食用，味道更佳。蜜糖青檸梳打（單點$38），味道酸甜，飲落好清爽。