波子味 (已結業)

今日做完facial諗住食少少野先，一諗就諗起旺中其實旺中有好多野食，我係1樓、2樓徘徊左一陣，見到呢間外賣壽司無人排隊，就試下喇試完係有驚喜的火炙三文魚腩壽司、火炙左口魚壽司、火炙鰻魚壽司、味付螺肉軍艦🍣⭐️叫左呢4件壽司，只係$37性價比極高⭐軍艦壽司塊紫菜係脆的❤⭐火炙三文魚腩、火炙左口魚油脂香好足夠😍口感好滑完全感受到入口即溶嘅感覺不過有一樣野就麻麻哋就係職員表情有啲嚴肅，感覺不友善‼️

食過兩次，好似都係$32，第一次食好好食，鵝肝都幾大舊，外皮有少少硬但都有入口即溶嘅感覺，仲加咗鵝肝醬（醋）解膩，鵝肝嘅油流埋落手卷嘅壽司飯。第二次食舊鵝肝就爭咁啲

今日嚟到旺角返工一心諗住食小丸子但見到好多人排緊就轉移咗去隔離唔洗排隊嘅波子味今日試咗呢件醎蛋軟殼蟹手卷足料醎蛋軟殼蟹同紫菜都好脆但醎蛋好似搶哂軟殼蟹啲味下次可以再試其他味

呢日tea time 同朋友行旺角中心，想食少少野但又唔想太飽食唔落晚飯，見到呢間食手卷為主既店有好多唔同款既手卷，選擇困難症之下我揀左吉列西京銀鱈魚手卷😙🤭 因為好似幾特別，一般比較少見。因為係即叫即整，加上係炸物，所以等左10分鐘左右。舖仔細細但都有個小小立食區域，等客人唔洗周圍搵地方食野。而立食區都有好多店主珍藏既寵物小精靈遊戲咭，雖然我唔係寵物小精靈迷，但都忍唔住望多幾眼😂😂😂 好啦講返主角手卷，即炸既西京銀鱈魚熱辣辣，魚肉嫩滑，外皮好脆口，雖然我食唔出係用新鮮定急凍銀鱈魚😝 另外因為手卷啲飯本身有調味，所以嚿銀鱈魚上面冇特別加咩醬汁，但我個人覺得少少沙律醬或者他他醬之類會好啲🤩🤩🤩😎😝有多款手卷供選擇

間中都會去旺中食下小食 除了好出名的小丸子外 亦好鐘意呢間波子味既手卷 佢標榜用赤醋 所以醋飯味道比較濃郁 係我鐘意既 今次除左手卷亦試下佢其他野食啦🎏迷你葱拖羅三文魚丼比想像中多飯 但拖羅味道很淡🎏辣味三文魚手卷一如既往的好吃🎏壽司類牛油果鰻魚卷火炙左口魚壽司珍寶甜蝦壽司帶子壽司火炙三文魚腩壽司加洲卷整體感覺都好一般 壽司飯鬆散 尤其是卷物類 好明顯壓得唔實 但味道是正常的 珍寶甜蝦大隻糖好食 不過以後都係食返手卷算

【旺中系列】相信無一個90後會唔識旺中呢個潮流聖地，想當年大家都以自己能夠散發住一陣mk味為傲😂今時今日旺中多左好多野食，趕🐷宗旨都係想試啲分店唔多過三間既小店😋.🧡芒果軟殼蟹卷 $25本身掙扎緊食手卷定呢個卷，結果覺得手卷好難share食，所以揀左呢個😅有4舊，軟殼蟹炸到好脆身，佢啲飯唔係白色醋飯咁簡單，食落暖暖地，面頭芒果有啲啲酸，反而幾夾幾開胃👍🏼.🧡蟹肉蟹膏玉子燒 $17呢個有少少失望🤏🏼首先係佢啲蟹膏質地好稀，食落仲有啲腥🙈玉子唔錯，岩岩燒起甜甜地暖暖地，但係面頭個蟹柳無咩蟹味，加上又係凍架喎，可能想做到冷熱交替既感覺啦，不過趕🐷覺得好似成個都熱食感覺好啲

🆙 波子味 @makimaki.hkღ 鹹蛋軟殼蟹手卷加芝士 $28第一次見呢間小店，應該係新開無耐嘅！😍本身係比佢哋嘅pokémon卡牆吸引咗，估唔到又真係幾好食有驚喜喎👅yumyumyum!💛💛💛一定要讚一讚軟殼蟹香脆得嚟又大隻，食到中段都仲有！鹹蛋黃流沙口感好正，個人覺得唔加芝士都可以🤪╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟮/𝟭𝟬

個日12點幾去到旺中唸住去食嘢,點知冇咩店開咗🤭之後見到呢間店岩岩開就去食😗點知有d驚喜喎😜🔺咸蛋流沙軟殻蟹手卷加芝士🍣$28呢個手卷真係好正🤤軟殻蟹,芝士同咸蛋黃好夾🤩芝士可以拉絲🧀仲要有好多咸蛋黃😚但軟殼蟹就有d普通🤭冇蟹膏😮‍💨但都ok嘅,而食到最後淨係得返白飯😬🔺芝士玉子燒🍳$15比起手卷就有d普通🤭玉子上而有燒過嘅芝士🧀而醬都好夾玉子🙌🏻整體黎講玉子燒好食嘅但不過不失😜

冇錯，我又食鹹蛋野喇🤣今次好味過上次嘅貴價鹹蛋黃脆雞好多，仲要價錢都抵食💕雖然本來只係諗住同男友買咗隔離檔嘅章魚燒搵個位食，所以先會買呢個手卷，咁就可以喺佢店內嘅立食區食（壞）🙈💨但咁先有驚喜㗎嘛！寫返個好評先！ ✍🏻 / 鹹 蛋 流 沙 軟 殼 蟹 手卷💵價錢：HK$26🔘整體美味指數：❤️❤️❤️❤️🤍今次嘅鹹蛋終於係鹹味，同埋有流沙口感，而且食到手卷尾部位置都仲食到軟殼蟹㗎，好滿足！我諗店主應該係寵物小精靈愛好者🙈店內好多相關擺設，畫咗個比卡超，仲有個金魚缸養住啲魚仔🐟下次旺中掃街可試💕

掃街形式咁食試咗呢一間嘅海膽手卷海膽鮮甜嘅 亦都幾足料 佢唔係剩係得手卷最上有海膽 咬到中間都好細心咁樣捲咗喺入邊 呢個係覺得幾好嘅 價錢亦都比同一層嘅另一間壽司店平少少 所以都係食得過嘅 下次有機會就試埋佢其他嘢 佢鋪位入邊有個立食區 咁就唔使企喺其他舖頭前邊食 同人哋迫 又有機會比其他舖頭嘅人趕 🤔店入邊嘅設計都幾有心思 見到儲咗好多寵物小精靈同埋遊戲王嘅閃咭 亦都提供左一啲酒精搓手液同埋紙巾 佢都容許係佢立式區食其他舖頭嘅嘢食 咁樣其實幾方便因為大部份嘅人去到都係掃街🤣

係ubereat 咗三文魚壽司套餐 佢啲飯好特別係本身已經加咗少少豉油 所以好香好好味 三文魚都幾新鮮 同埋油香好重 不過個人來講唔係好鍾意佢嘅辣三文魚軍艦 因為有少少蔥味好奇怪

小店主打多款創新手卷、壽司同丼飯, 價錢都合理☺️新開張優惠卷物$20有4件‼️小店主要做外賣多, 堂食只有2個座位🙂•••🌯ᴍᴀɪɴ·煙燻帶子脆筒 $30﹟有別於用紫菜做手卷既外層, 店家用左自家製脆筒, 入面既飯仲加入左d南瓜醬黎拌🎃見到係帶黃色, 但食落唔係好食到有南瓜味🙈帶子生熟度處理得不錯, 入口是嫩的, total有3小粒🙆🏻‍♀️但就食唔到我期待既煙燻味😢🌯ᴍᴀɪɴ· 極巨吉烈蝦手卷 $32﹟依款手卷名果然無呃人🤣份量相對地比脆筒果款巨型👍吉烈蝦炸得香脆, 啖啖肉, 炸粉薄身, 唔會界口💕啲飯仲食到陣陣酸醋既味道😊🍣sɴᴀᴄᴋ·芒果軟殼蟹卷 $20﹟賣相方面有啲失望🙈芒果片切得有啲參差不工整...見到咁淺既黃色, 都預左係酸, 結果都不出所料😣味道就正常發揮, 個蟹係夠脆口的👍🍣sɴᴀᴄᴋ·芝士吉烈蝦卷 $20﹟食左幾樣野發覺小店既炸物全部都整得幾好🙆🏻‍♀️卷物面頭配上燒過既芝士同香草龍蝦忌廉醬, 味道不錯, 抵食😛