影片
以上資料只供參考, 請與餐廳確認詳情
今日做完facial諗住食少少野先，一諗就諗起旺中其實旺中有好多野食，我係1樓、2樓徘徊左一陣，見到呢間外賣壽司無人排隊，就試下喇試完係有驚喜的火炙三文魚腩壽司、火炙左口魚壽司、火炙鰻魚壽司、味付螺肉軍艦🍣⭐️叫左呢4件壽司，只係$37性價比極高⭐軍艦壽司塊紫菜係脆的❤⭐火炙三文魚腩、火炙左口魚油脂香好足夠😍口感好滑完全感受到入口即溶嘅感覺不過有一樣野就麻麻哋就係職員表情有啲嚴肅，感覺不友善‼️
繼續閱讀
食過兩次，好似都係$32，第一次食好好食，鵝肝都幾大舊，外皮有少少硬但都有入口即溶嘅感覺，仲加咗鵝肝醬（醋）解膩，鵝肝嘅油流埋落手卷嘅壽司飯。第二次食舊鵝肝就爭咁啲
繼續閱讀
今日嚟到旺角返工一心諗住食小丸子但見到好多人排緊就轉移咗去隔離唔洗排隊嘅波子味今日試咗呢件醎蛋軟殼蟹手卷足料醎蛋軟殼蟹同紫菜都好脆但醎蛋好似搶哂軟殼蟹啲味下次可以再試其他味
繼續閱讀
呢日tea time 同朋友行旺角中心，想食少少野但又唔想太飽食唔落晚飯，見到呢間食手卷為主既店有好多唔同款既手卷，選擇困難症之下我揀左吉列西京銀鱈魚手卷😙🤭 因為好似幾特別，一般比較少見。因為係即叫即整，加上係炸物，所以等左10分鐘左右。舖仔細細但都有個小小立食區域，等客人唔洗周圍搵地方食野。而立食區都有好多店主珍藏既寵物小精靈遊戲咭，雖然我唔係寵物小精靈迷，但都忍唔住望多幾眼😂😂😂 好啦講返主角手卷，即炸既西京銀鱈魚熱辣辣，魚肉嫩滑，外皮好脆口，雖然我食唔出係用新鮮定急凍銀鱈魚😝 另外因為手卷啲飯本身有調味，所以嚿銀鱈魚上面冇特別加咩醬汁，但我個人覺得少少沙律醬或者他他醬之類會好啲🤩🤩🤩😎😝有多款手卷供選擇
繼續閱讀
間中都會去旺中食下小食 除了好出名的小丸子外 亦好鐘意呢間波子味既手卷 佢標榜用赤醋 所以醋飯味道比較濃郁 係我鐘意既 今次除左手卷亦試下佢其他野食啦🎏迷你葱拖羅三文魚丼比想像中多飯 但拖羅味道很淡🎏辣味三文魚手卷一如既往的好吃🎏壽司類牛油果鰻魚卷火炙左口魚壽司珍寶甜蝦壽司帶子壽司火炙三文魚腩壽司加洲卷整體感覺都好一般 壽司飯鬆散 尤其是卷物類 好明顯壓得唔實 但味道是正常的 珍寶甜蝦大隻糖好食 不過以後都係食返手卷算
繼續閱讀