波士頓餐廳

營業中

休息中

好耐無寫過食評，快人快語，入正題，想左黎食好多年，上次黎撞岩裝修食唔到。終於今日試到佢咩料要排隊既地方我不嬲唔去既，所以5點半就到左，但係都有超過一半入座率，餐牌唔係太多選擇，專注我鍾意，印象中Main Course無超過200蚊既，除非你加野。兩個人叫左火焰牛柳同肉眼扒各一，因為係鐵板上，叫左5成熟。紅白湯各一，湯中上，當然係以港式西餐廳既標準喇，餐包正常。主菜到，各兩大件，其中火焰牛柳會係你附近你見到既地方火焰俾你睇。兩份牛都好好，當然都係果句係以港式西餐廳黎講喇，成數都控制得幾好，牛柳肉味濃d，不過有d牛腥味，不喜勿點，肉眼都好正，再強調，係有各兩大塊！呢個價錢呢個質數呢個份量如果邊位師兄師姐知道香港有邊度夠佢黎既請一定要話我知。如果有人喜歡食x鳳、x鷹、x園既話請一定要黎試下，呢度會讓你最起碼知道扒最基本應該係點既。點餐前本來唸定飯後要整返個火焰雪山既，不過主菜份量真係好足，要留番下次喇，下次兩個人叫一客厚切西冷夠喇，見隔離台食超大塊，果兩公婆一人叫左一客，我走果陣見佢地食到個樣呆晒，都係一人食左半塊度。三百七十幾埋單，超值！已入選我最喜愛頭10間食肆。大家要幫襯晚市唔想排隊請

又係到星期五食好啲既時侯, 不惜由牛頭角黎到灣仔試呢間扒房。黎到已經九點幾, 所以唔洗等位就入得啦! 友人食過, 所以唔俾機會我諗就幫我嗌左最出名既"火焰牛柳"啦, 我揀左5成熟配黑椒汁, 希望鐵板上到黎唔會變左7成啦! 而佢就叫左西冷3成, 對牛既接受能力都高既餐包幾好食, 但忌廉湯就太水了, 無咩味。等左十分鐘staff同我講火焰牛柳會點左火先上枱, 結果我係睇唔到佢著火既, 不過由人就過左去拍片俾我睇, 還頗震撼的@@牛柳本身已配薯菜, 但仲可以揀配飯/意粉, 唔洗加錢, 我無加到因為一定食唔哂! 牛柳上到枱仲係好熱冒哂煙咁, 果然無令我失望, 切開裡面依家係5成, 甚至有點4成既感覺。牛柳好淋一切就切到, 入口即溶, 牛既so味唔算好重, 配左黑椒汁都唔會太咸。最重要係牛柳好厚, 而且有兩大塊, 所以唔洗配飯都一定夠! 配菜除左薯菜仲有蕃茄, 雙花, 菇類同塊好似菜圑既野lol 呢個餐$165連埋飲品, 以牛扒質素黎講算抵, 不過爭左個雪糕做ending XD

今次來裝修左冇之前咁黑媽媽舒服左平時來都有食牛排但今次唔係好肚餓就試左個肉醬千層麵大概$70賣相睇到都飽食落同睇落一樣都係啖啖肉 肉醬有好濃厚嘅牛味唔似平時食到得雪藏味嘅碎牛不過就小小偏鹹 要係咁飲野個麵亦同肉醬配合得恰到好處食落唔會太厚重嘅麵粉味整體都值得一試來到唔想食牛排咁heavy都可以不妨試下

記得細個的時候偶然會到的餐廳, 喜歡聽那牛扒汁淋上铁板上的喳喳聲, 又喜歡看那火焰雪糕的熊熊烈火, 又喜歡那羅餸湯的滋味.  為了懷舊一於去食個午餐.午餐有湯+主菜+飲品只$58-62左右, 非常抵食.微熱的餐飽配十年不变的Romi牛油, 滋味無窮湯當然選我的至愛羅餸湯, 水準依舊, 濃稠, 材料豐富, 回味回味XO醬雜菜炒飯伴豬頸肉是今天我的主菜, 雜菜炒飯感覺上幾健康, 好在炒得不是肥膩那種; 豬頸肉都不錯, 肉質鬆軟配那XO醬汁非常開胃邊食邊想起兒時的點滴~好懐念!

曾在裝修前黎食過一次，事隔咁耐今次再黎食。對比之前整體環境好左好多，而食物質素更上一層樓同男朋友分別叫左牛柳同肉眼扒，真係好好味。特別牛柳好多汁唔會話好硬。雖然裝修後價錢有所調整，但整體黎講質素好左，下次一定會再黎。

星期六睇花卉展，一年比一年差，好快已經影到無晒心機~~6點多少少就已經走人，大少醒起我上次話希慎有野想食，咁就好快決定去希慎搵食點知……原來佢講緊嘅係……熊本熊餐廳~~呢間未想食住，所以大少又要再諗過，最後……佢決定去灣仔，食波士頓餐廳差唔多行到去，佢話，咁多人嘅~~~經過大約10分鐘後，我地就入到去坐低(其實已經好攰)大少話呢度最出名係火焰牛扒，咁我又諗唔到食咩，就要呢個喇~~大少就例牌食T骨~佢話識食一定係食T骨~羅宋湯 - 食西餐同食日式料理一樣，我好睇重個湯，食西餐，個羅宋湯好緊要，暫時我反而係覺得觀塘某茶餐廳個羅宋湯係最好味~呢個羅宋湯，雖然好足料，色水好夠，但係味道唔得，唔夠香，冇乜蕃茄、檸檬葉味，連少少辣都冇，大少竟然想落喼汁落去飲~~ 餐包 - 唔熱，微暖，但係唔知點解，舊牛油未開就已經溶鬼晒~香辣雞翼 - 呢個可能係我同大少全餐覺得最好味嘅一道菜，炸得夠脆，雞翼夠Juice，但係，脆皮唔會太厚、太硬，不過我個人覺得可以再辣多少少~~特選T骨 - 7成熟，但係切開似8成幾9成熟大少話識食一定係食T骨，其實我就麻麻地，因為通常T骨都好鬼大塊，我食唔晒，又搞到佢要包底就唔好

港式西餐廳波士頓裝修後煥然一新, 雖然店內格局跟前大同小異, 仍有很多卡位, 不過環境整潔得多, 空間感大一些, 坐得舒服。田螺焗薯茸$60, 咸香煙靭的的田螺和著其好友滲著微微的忌廉味的薯茸, 田螺色澤較深, 焗得夠透, 脆脆的邊位及軟糯的中心, 整碟份量少少的作為前菜不錯。紅湯有不少菜蔬, 喝下酸酸咪咪, 但湯本身頗烯, 港式水準。暖烘烘的餐包又軟又甜, 雖則香味不足, 塗上牛油倒是不錯, 趁餐湯吃一流。我們的兩份扒餐各$138分別是大蝦牛柳及大蝦羊扒, 都要了黑椒汁。老實說, 淋了汁的鐵板扒看上去分別不大; 惟食味口感居然是大不同。枱上的餐刀霸氣逼人, 誰知竟是大而無當, 鈍的。鐵板蝦又大又爽, 蝦頭有膏。牛柳甚腍滑, 差點不用嚼。羊扒卻是又肥又多筋, 切也切不斷。到波士頓, 不建議吃羊, 還是選擇有保証的牛類好了。餐飲咖啡及凍檸茶味淡如水, 而且都是不夠一杯滿的。裝修後餐廳食物水準依舊, 價錢亦沒不覺有大升; 惟份量一定比前精緻。

6:00到了餐廳唔需要等，叫了兩個肉眼扒同羊扒，牛扒叫左要8成熟，點知黎到血淋淋，根本得3-4成熟，唯有叫佢再整過。羊扒好明顯係雪櫃攞出黎不久，仲係紅色未過雪氣，伴菜番茄熟到過火淋晒。餐湯得個暖字，完全唔得。餐茶叫左熱檸水，水根本都熱，真係火都黎，由頭都尾無樣好，岩岩裝修完諗住試下啦睇下有無改進，因為之前去食過午餐都係好差好求其。點知都係好失望，都唔知點解仲有人排隊，以前波士頓個已經不再。我同朋友一致結論係：唔會再黎！

好多人都聽過灣仔波士頓餐廳，佢最出名既係火焰牛扒。不過今次我要介紹既係佢既原個蘋果批!今日係我一個好朋友既生日飯，之前我地見佢買左呢個蘋果批來做散水餅，我地就心郁郁叫佢買來試下。蘋果批外表好吸引，金黃色啱啱好，負責去拎既朋友話，拎既時候啱啱出爐係香噴噴架!!生日蛋糕就食得多，但呢個批真係好啱要來做慶足或者一大班人gathering去分享，我地今晚十個人share都覺得好夠分!如果要來做飯後甜品，其實分到十二分都無問題!切開批後，可以見到一粒粒既蘋果肉，仲有肉桂同提子乾。批餡比較乾身，估計熱食時會較濕潤。蘋果批既味道唔算甜，就連果肉都唔會太甜，而批皮厚薄適中，有少許牛油味，不知不覺間就已經ko晒!雖然呢個批唔係傳統既蘋果批，但佢好有以前舊式餅鋪既懷舊感覺，加上只係幾十蚊，所以得閒換下口味，我都覺得係唔錯既選擇。聽講佢仲有雞批，下次試埋先!

裝修後第一次嚟波士頓，環境比之前整潔。叫了兩個午餐，雜扒飯及焗豬扒飯，跟餐湯、面飽及餐飲。焗飯味道一般，蕃茄味不足。雜扒，只有豬扒比較好味，其他都談不上好食。羅宋湯很罐頭風味，不合格🙅總括嚟講，比較失望

波士頓餐廳重裝後首次光顧，地方更見時尚及光猛，舒適感比以前佳。午市繁忙時段需等位，套餐有三款選擇，定價六七十元左右。餐湯羅宋湯質感帶滑，酸度合適，食味不俗。主食焗芝士海鮮飯，焗飯夠熱辣，但份量略少。海鮮有青口兩隻及兩件魚塊，食味無乜特別。餐飲熱咖啡一杯，咖啡偏向苦澀，OK喇！

細細個過聖誕，屋企人偶爾會帶我嚟波士頓食返個鐵板餐，除咗好味，而且每枱都有份聖誕禮物。更加見識到班老伙記點樣打呢場仗！早一兩年前，同女友嚟食，班老伙記仍然寶刀未老，但當時已經混入新力軍取代。今年平安夜，波士頓啱啱裝修完成，於是叫埋女友個朋友一齊去食聖誕大餐。五點十去到，等位人潮已經企晒出行人路，再遲啲嚟後果可想而知。當晚九點幾再路經附近，仍然有唔少人等緊位，真係等得嚟都可以去食宵夜！同以前有啲唔同，包舖個位闊落咗，亦都換晒一班後生嘅員工。份聖誕禮物就門口派，小朋友先有，所以再冇每枱一份呢支歌仔唱。餐牌一目了然，個個嚟到實係食鐵板餐。不過女友同佢朋友想知「聖誕大餐」係乜嚟，所以我自願放棄鐵板餐，「犧牲小我」食聖誕大餐。等位其間，兩位女士走咗入包舖，因為鐵板餐冇甜品，經商議後買兩件餅上樓上食，作為甜品。等咗成粒鐘，終於有得入去坐。裝修後個環境一樣咁暗，啲枱凳都冇乜點重新排過，唯一分別係班老伙記一個不留，再冇班老伙記鬧返個客轉頭嘅「集體回憶」(其實嚟到真係食「集體回憶」多過食味道)，第二代老闆亦親自落場指揮。落咗Order後，又要再等多幾個字先有得食餐湯連同餐包先上。喺波士頓，餐湯好難唔好飲

碰巧在灣仔附近~ 加上之前一直有說想回來這餐廳再吃就去了。這間餐廳在我很細個的時候已經在的了xd　裝修到現在也是一樣～沒怎改變。來到這裡當然是吃鐵板餐吧晚餐也是有Ｓｅｔ.. 先來一個湯~ 忌廉湯/羅宋湯。個人來說頗喜歡這裡的忌廉湯~沒有很膩的感覺。配的餐包也好吃~很軟，不會乾巴巴的^^之後就來到主角了！！！！扒很大的一塊~~~ 汁也有幾款可以選擇~有偷偷試過T骨的~ 這個比我選的好吃 >A<！肉汁比較多~我點的鑊仔牛柳配燒汁就真的比下去一點點(燒汁味道不夠w) 但口感不錯。另外本身已經配有薯菜~ (很多餐廳現在是3選1 - 飯/意粉/薯菜)白飯/意粉 - 2選一，大家也選了意粉。不過建議大家叫侍應留一點汁給您吃意粉。因為全倒在鐵板上會很快沒汁可吃。最後這Set也有一杯飲品 ^^ 

我同男友都好中意食牛排,佢話呢間系開左好耐,之後就膽粗粗試我叫左個火焰牛柳 推介程度❤(真系睇表演多吾覺得好食,我叫4成熟,佢差吾多全熟我好似食緊香口膠)都系得個老字號...that's all回頭指數 0分 (10分滿)外表♛♛♛♛♛味道♛環境♛♛♛♛♛服務太態♛♛♛氣氛♛♛♛♛♛上菜速度♛♛♛♛♛衛生♛♛♛情侶必到處0分♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥

好幾次行經此店也沒有光顧，今日終於抽到時間過去試一試。剛好我們一行3人，午市套餐ABC可以全點，一次過滿足三個願望。餐湯和餐包紅湯的番茄味道適中，不會太酸或太甜；白湯味道則有點淡；餐包也夠軟夠熱。迷你雜扒(黑椒汁)配薯菜 $62雜扒包括1塊豬扒，1條腸仔，2隻雞翅，2塊煙肉，薯條和雜菜。薄薄的豬扒炸過後有些乾，配上黑椒汁後更有點咸；好普通的腸仔；雞翅也炸過，有點硬；煙肉有些肥膩；薯條不夠熱和油膩；雜菜沒有特別。整體味道一般，賣相也不討好。焗雞扒飯 $59焗飯相對穩陣，難吃的機會比較低。大大塊雞扒配止粉飯底，味道不錯。唯一的問題是"餸"多過飯，飯只有約半碗，只有雞很大塊，但飯不夠，扣了些分。茄茸燴牛肉飯 $55以番茄汁燴的牛肉好夠"淋"和入味，牛肉份量足夠，只是醬汁有些偏甜。整體味道不過不失。食店午市套餐水準跟普通茶記差不多，可能是希望越大，失望越大吧。