影片
營業時間
今日營業
07:00 - 18:30
星期一至五
07:00 - 18:30
星期六
07:00 - 17:00
星期日
09:00 - 17:00
以上資料只供參考, 請與餐廳確認詳情
食家推介
今日特意過來荔枝角找朋友吃午飯！朋友知道筆者喜歡吃港式茶餐廳美食，帶筆者過來這間位於榮吉工業大廈地下的「波士冰室」。筆者其中一樣最愛的茶記粉麵就是星洲炒米！米粉不會炒到過碎，乾身又充滿鑊氣。因為加入了咖哩粉而變成金黃色，入口有濃郁的咖哩香氣，帶微辣感，頗為惹味。配以蝦仁、叉燒、火腿、洋蔥等一同炒香，令到整碟炒米粉味道、口感更加豐富。賣相十分吸引，有鰹魚片裝飾點綴，有著和風的感覺。白飯被漩渦蛋包裹在內，蛋皮滑溜富蛋香。雞扒厚肉，經香煎至雞皮帶脆身，雞肉嫩滑香口。白飯配了照燒汁，醬汁撈飯甚為滋味。朋友就喜歡吃茶記西多士！多士麵包軟熟，外層炸至有酥化感。中間塗上花生醬作餡，醬香味濃郁，還有粒粒花生的口感。配以牛油和糖漿，香甜味道令人瞬間滿足。和朋友分別點了兩款紅豆冰特飲！一款是椰奶底，而另一款就是奶茶底，各有特色！
繼續閱讀
今日去了荔枝角新開的「波士冰室」。 冰室有很多選擇，午餐款式每日都會不同（午餐有飯/意粉/焗飯等選擇，還可以轉菜底），另外還有早餐、常餐、小食、咖哩、三文治等不同選擇。點了以下食物都不錯：午餐 A（意式香草豬扒煙肉意粉）：豬扒嫩滑多汁，香草味道濃郁，意粉硬度適中，配上煙肉，口感豐富。西冷牛扒漩渦蛋包（黑椒汁）：份量超大，牛扒煎得剛好，肉質鮮嫩多汁，配上黑椒汁加添風味，蛋包上有木魚片，內有飯素，蛋炒得滑嫩可口。瑞士汁雞翼（3隻）：雞翼嫩滑多汁，瑞士汁甜中帶鹹。蘋果椰果雜果沙律：沙律新鮮爽口，包含多種生果，而且份量相當大，非常滿足。粒粒花生醬西多士：西多士外脆內軟，花生醬香濃，花生粒增加了口感層次，讓人回味無窮。紫薯紅豆冰：第一次見紫薯紅豆冰！紫薯紅豆冰非常特別，味道出乎意料地好，紫薯很香，紅豆又不會過甜，絕對值得一試！自家製蛋白杏仁茶：杏仁茶香濃順滑，蛋白增加了口感層次，絕對是健康又美味之選！
繼續閱讀
行經大南西街看見有食肆新張試業，原來是「波士冰室」。由於還在早餐時段，我們要選擇11:30前的餐品，歐陸香煎豬扒餐與榛子醬丹麥多士三文治。歐陸香煎豬扒餐~我將烘多士夾著香煎午餐肉吃，烘多士還塗上鮮牛油，非常香脆可口；火腿奄烈有著蛋香和嫩滑口感，豬扒焦香軟滑，蘸少許秘製醬汁吃，味道層次更佳。榛子醬丹麥多士三文治~極多的榛子醬，可以大大地滿足口福了！很快到了點選午餐時間，我們楝好兩份午餐及一份小食。手打牛肉煎蛋漢堡伴薯條~精緻的擺設已經很吸睛，細嘗味道；手打牛肉漢堡鮮嫩無比，夾著蛋煎吃，金黃的蛋黃汁液吃得滿芳香，十分喜歡這份漢堡，好看又好味道，沒有想到冰室也有如此好心思。咖哩牛筋腩飯~不辣又帶少許香味的咖哩汁，很合口味，牛筋腩稔度也適合。炸薯條~我們用薯條蘸咖哩汁吃，其樂無窮！特飲：蛋白杏仁茶~口感稠密，附上糖包，健康之選，和葡式凍咖啡。總結：食品與服務不錯，可以繼續來幫趁。
繼續閱讀
茘枝角藴藏好多性價比極高嘅餐廳。今次跟朋友嚟荔枝角行街之前去試咗一間冰室都幾唔錯！🍜 一上枱就聞到陣陣沙爹香氣，濃郁但唔膩，微微花生香同香料辛辣。雞扒肉質嫩滑，唔會乾柴又冇雪味，吸晒沙爹汁之後更惹味。公仔麵可以選擇軟硬度，唔會過腍，掛汁力強。整體味道偏重口，啱哂我而我朋友選擇嘅香煎特大豬扒超力銀絲米粉，豬扒真係名副其實「特大」，厚切但煎得恰到好處，外層焦香，內裡保持肉汁。醃料偏港式甜香，帶少少蒜味。米粉爽滑唔黏口，吸晒豬扒汁同湯底，口感層次豐富，湯底清甜。我哋仲特登加咗瑞士雞翼，雞翼滷得入味，甜中帶鹹，唔會死甜。雞翼皮滑肉嫩，骨位都滲晒味，相信瑞士雞翼撈麵都係一流。西多士去得冰室一定要叫，外層炸得金黃酥脆，內裡麵包鬆軟，蛋香濃郁。牛油同糖章融化後滲入麵包中，甜而不膩，佢唔會炸到太油，入口唔會有油膩感，反而係香脆同鬆軟嘅完美結合🍞好喜歡留住港式茶餐廳嘅靈魂，菜式多又有心思，唔係求其出品。無論係重口味嘅沙爹雞扒，定係甜香嘅西多士，都有佢獨特嘅風味，值得一試之餘！
繼續閱讀
今日因為工作關係，我去咗荔枝角一間茶餐廳食午餐。我點咗一個豬扒通粉同埋一杯凍奶茶。今次嘅經歷真係好難忘，唔係因為食物特別出色，而係因為裏面嘅伙記姐姐真係好nice！我先講吓食物啦。豬扒通粉嘅湯底幾清甜，通粉煮得啱啱好，唔會太淋。豬扒都幾香，不過我有一個特別要求，就係想將豬扒「碎上」。點解呢？因為我鍾意細細塊咁食，容易入口。之前我去過好多其他餐廳，每次要求碎上，伙記都會黑面，甚至叫我自已用刀切。但今次我膽粗粗咁問，估唔到呢度嘅姐姐好爽快咁答應，仲好樂意同廚房講，真係好感動！另外，我留意到呢度嘅伙記姐姐真係好細心。佢哋唔單止服務態度好，連一張跌咗喺地下嘅紙巾碎，都會即刻烏低身拾返，保持地方清潔。佢哋又會同客人有講有笑，令人覺得好溫暖。相比其他餐廳，有時見到後生仔侍應只係掛住玩手機，呢度真係好唔同！凍奶茶都唔錯，茶味同奶味平衡，甜度適中，飲完好舒服。總括來講，呢間茶餐廳雖然唔算豪華，但食物質素ok，最值得讚嘅係服務態度。如果你嚟荔枝角，想搵一間有人情味嘅茶餐廳，呢度絕對係一個好選擇！
繼續閱讀