法國小屋

營業中

休息中

『法國小屋』📍元朗合益路紀業樓地下，附近有個停車場，由停車場行過去非常近， 一分鐘就到。餐廳面積細小，以簡單佈置，白色牆身，加上相片，簡單得嚟，又頗有心思，餐廳室內光亮舒服，室外也有兩set枱櫈明太子蟹肉意粉 意粉上面鋪滿了鰹魚片、加上細細蝦乾，配搭簡單，意粉入口煙煙韌韌有彈性，整體味道帶有淡淡的海鮮鹹香牛油雜菌煙三文魚配蕎麥窩夫 賣相一流，面層煙三文魚，中間夾入牛油、雜菌、蛋等，以香脆窩夫作底層，一啖入口，全部食材融為一體， 口感層次豐富，加入新鮮沙律，清爽好味

法國小屋 精品法國小餐廳🧡🌸🌸🌸今日同朋友去咗一間元朗既法國小餐廳代店內雖小，但完全感受到店主熱情招待⑤最出名係招牌鹹牛油焦糖窩夫 必食！二人套餐＄288 一個價錢已經可以同朋友一齊開心😍😍😍share食 CP值很高👏🏼👏🏼👏🏼必食嘅係蕃茄尖通粉～～醬汁濃度適中 蕃茄味濃郁，通粉軟硬度適中感另外芝士薯片味道真係高質，每一層新鮮嘅薯仔切片再夾雜芝士忌廉C最後就係個窩夫參夠熱😋😋焦糖醬料好夾 完全係提升咗成個甜品嘅質素🤣🤣🌸🌸🌸* 田園沙律* 秘製雞翼4隻* 千層芝士薯片😄😄* 辣肉腸蕃茄尖通粉* 招牌咸牛油焦糖窩夫一份還* 飲品兩杯、食物

性價比超高西餐廳 喺香港已經好難搵到同女朋友兩個食飯 $400內可以埋單 嘢食仲要唔失禮 住元朗嘅大家一定要嚟試吓強烈推薦焦糖味窩夫 應該係我食過最好食嘅 感覺似家庭式小店 每一樣嘢都好細心

之前做嘢嗰陣嗌過法國小屋嘅外賣，今日終於親身嚟到舖頭堂食去到係下午時間，所以可以嗌set lunch 我哋加錢嗌咗兩隻醉雞翼，花雕酒味都幾重，略嫌雞肉唔夠嫩煙三文魚牛油雜菌意粉，開頭上菜嘅時候呢見到隻碟好似好細size，但原來呢份量超多，啲雜菌都份量好多，幾好食，上面嘅三文魚就不過不失啦極度推薦大家食呢個明太子蟹肉意粉，啲汁係多到食到最尾嗰刻啖意粉都仲可以撈到滿滿嘅汁，而且有好多明太子同蟹肉，比足晒料啊😹😹呢個就比起三文魚雜菌意粉濃味好多，如果鍾意食開濃味嘢嘅朋友呢我就好推薦大家真係試吓呢個明太子蟹肉意粉啦！另外我哋都加配咗半份招牌窩夫，鹹牛油焦糖好好食呀，就好似平時食爆谷嗰個味道變咗落去呢個窩夫度，加埋忌廉，好夾！餐飲方便我哋嗌咗柚子蜜同檸檬茶，正常發揮啦，冇特別之後有機會一定要夜晚嚟食吓佢啲甜品！

元朗隱世餐廳，有一次夜晚返屋企經過俾佢裝修吸引咗，尤其是夜晚，門口掛住一排排嘅燈光，非常吸引可惜當時入面太多人，所以冇入到去食。我哋就叫咗外賣。餐廳入邊佈置格局都非常特別，餐廳內空間並不大。老闆娘都好好人。非常貼心推介餐牌入邊嘅唔同食材。可惜特別嘅原因我哋叫咗外賣返屋企食今次主要我哋嗌咗一個煙三文魚意粉。千層焗薯仔，同埋一個香蕉朱古力窩夫甜品。三文魚意粉，值得大贊，意粉非常之cream份量睇唔出原來有咁多，我哋都差啲食唔晒。另外香蕉朱古力窩夫簡直係全場焦點，外脆內軟配上朱古力醬在家香蕉感覺非常簡單，但食落好有層次感。最後價錢亦都好親民，值得一去。喺度要再三補充想去嘅朋友記得早啲到因為都幾多人，另外餐廳係喺後街的，所以要留意位置

今日4個人去食， 叫左2人餐再加多一份意粉， 都食左$376， 首先，係一杯水都無啦， 喲水可能好貴😅唔會去主動比你，茶餐廳都有水比你啦， 之後喲份量細，除左個意粉2人份大少少，杯凍檸茶好怪味，一喲都唔好飲， 之後唔知係老板娘定邊個啦，拎野就唔該講聲啦，唔好係咁推我喲花同個袋，無喲禮貌！ 呢間野唔會推薦, 食完勁口乾， 返去要飲幾杯水， 好彩唔使加一， 咁既服務仲衰好多餐廳，已經無咩人，都無服務，上甜品2大一細，都比得2隻碟我地， 就無再比紙巾， 我係聽朋友講話唔錯諗住試下， 點知中哂伏， 完全唔掂

食完飯想食甜品，周圍search吓，見呢度嘅窩夫啲相幾靚。就嚟試吓。舖頭面積好細，就得幾張枱，「招牌咸牛油焦糖窩夫」窩夫餅底整得非常脆，有淡淡嘅焦糖味道，同埋淡淡嘅忌廉。整體唔會太甜。不過就唔係好食到牛油，或者咸牛油嘅味道。不過整體都係好味嘅。「石板街窩夫」呢個窩夫嘅調味係同上面嘅招牌焦糖窩夫係一模一樣，毫無分別。分別只係多咗一個朱古力雪糕，味道都係牛奶公司嗰種。同埋幾塊燒咗嘅棉花糖。燒咗嘅棉花糖嘅質感都唔錯，幾好味。「焦糖脆脆Latte」焦糖脆脆，就算冇浸落咖啡，都有浸燶燶苦苦嘅味道。咖啡偏淡，味道正常。整體嚟講，個窩夫係幾脆幾好味。但係甜品選擇唔多。兩個窩夫一樣味。因為本身係想食甜品，結果係食咗兩個一模一樣味道嘅甜品。如果佢嘅甜品選擇可以多一兩款就好啦。本身餐廳個牌有寫住話有Tiramisu巴斯克芝士蛋糕，本身都想試，但係當日冇貨，冇緣份試到。環境： ★★★☆☆食物： ★★★★☆推介指數： ★★★☆☆

今日同女友慶祝周年紀念，就去呢間我自己book mark左好耐，但又未食過嘅西餐廳。聽過朋友講呢間甜品好出色，而女友又鍾意食甜品，所以唔使諗，係食呢間。呢間餐廳氛圍好溫馨，Menu上面嘅食種類都好多，有多款主食、小食、甜品、沙律、湯品、飲品等。今次叫咗以下食物:- 法式龍蝦湯 $48- 西班牙風乾火腿沙律 $46- 秘製醉雞翼 $38- 明太子蟹肉意粉 $88- Tiramisu coffee $48- 焦糖香蕉窩夫加曲奇雪糕 $62+$10- 半份即焗蘋果批 $48呢度total: $388其實呢個價錢食到咁多野真係好抵食。仲要啲食物係幾高質！龍蝦湯好濃郁，鍾意食重味嘅朋友必試！沙律好新鮮，有我最鍾意嘅藍莓粒同火腿，唔錯！個醉雞係估唔到咁有水準，好入味，有驚喜。意粉就望落細細份，但食落都好多，2個人分都差唔多。落左好多明太子醬，好滿足。Tiramisu咖啡要重點講多少少，佢比到驚喜我，我自己平時出去食飯好少order tiramisu咖啡，因為覺得唔會好飲，同個味一定唔會夠就咁食tiramisu好味。點知，女友叫左呢杯coffee，而我一試，竟然比到我飲到好似食緊tiramisu嘅感

今日經過呢個法國小屋，就比佢餐廳出面嘅氛圍吸引左，有啲閃閃嘅波波燈掛喺出面，好靚！所以就決定今晚happy friday嘅晚餐就食呢間！好好彩我入去嗰陣仲有位，我坐左陣，餐廳就開始滿座了。餐廳入面嘅佈置好溫馨，好有feel一坐低，店員好有禮貌咁介紹餐牌，而佢哋餐牌上面嘅食物、甜品及飲品種類都好多。以下就係我ordered嘅食物:法式龍蝦湯 $48好濃郁嘅龍蝦湯，幾好味。西班牙風乾火腿沙律 $46 有藍莓粒同蕃茄粒，好清新。啲菜好新鮮，加埋西班牙風乾火腿，真係好好味！秘製醉雞翼 $38 呢個醉雞汁好入味，大大隻，好好食Tiramisu 咖啡 $48呢個係我飲過咁多杯tiramisu咖啡黎講，最好飲嘅一杯，佢唔會好甜，上面層cream好creamy，好似食緊tiramisu咁。同埋個啡底都唔錯！明太子蟹肉意粉 $88望落好細兜，但份量其實好多。好多明太子醬同蟹肉，超級滿足焦糖香蕉窩夫 $62 +曲奇雪糕 $10 呢個窩夫真係必食，外脆內軟，唔會太甜，加埋雪糕一齊食，真係超滿足半份即焗蘋果批 $48呢個蘋果批好特別，唔似平時出邊食開嘅口感，佢係用千層酥疊埋一齊，上面放上好多片蘋果，口感鬆脆，

牛油蒜蓉番茜煙肉意粉🍝牛油、蒜蓉、蕃茜依三樣都係好香嘅材料，加埋一齊自然香氣四溢，煙肉都落得好足，就算冇加到太多花巧嘅食材都已經好食，簡簡單單而美味，因為餐廳係半開放式嘅廚房，所以一直都聞到香味，流晒口水😋法國龍蝦湯🥣即焗蘋果批🥧本身想叫雙層芝士蛋糕，但係咁啱依期係榴槤味，唔啱我心水，所以試咗蘋果批，蘋果批有得叫半份啱晒一個人食，即叫即焗酥皮非常酥脆，每一層都係又薄又脆，面頭一片片嘅蘋果帶有肉桂嘅清香，甜度適中，好食！甜品相信係依度嘅主打，後尾發現差不多每枱都有食甜品，尤其係窩夫，下次嚟可以試下🧇依間小店有十幾個位，位置雖然唔近港鐵站，但係今次平日夜晚嚟到都坐滿人，而且外賣訂單都唔少，應該有一定口碑～

當日係公眾假期下午去食大概等咗15分鐘先入坐🤝🏻餐廳坐位不多裝修亦好普通,唯一勝在店員多👣但當日嘅坐位就係靠緊店員的位置,就不斷聽到聲音有點似去咗茶餐廳🍴感覺就真係不太好加上食物質素也很一般,與價錢不成正比真係有點失望😥🔸招牌千層芝士薯片 $48好耐之前見到呢個已經好想試😚但食落就真係好普通完全冇特別🥲只係薯仔切成薄片再加上忌廉同芝士🧀係有層次的但真的一般~🔸日式明太子蟹肉意粉 $98意粉真的不太行😣成個意粉係好多明太子但同意粉完全融合唔到😮‍💨意粉還意粉,明太子還明太子😶而且蟹肉嘅份量真係不多,存在感偏低,呢個價錢真係唔太值🤲🏻🔸招牌咸牛油焦糖窩夫🧇 $58叫上後唔洗3分鐘就上咗擺明就唔係即叫即整,窩夫只有微暖😅窩夫係脆身個隻冇咩口感而且有一點焦糖糖漿同cream👀咸牛油就真係唔太知係邊~🔸Tiramisu 咖啡 +$38真係有一層tiramisu 係咖啡上面☝🏻但tiramisu 冇咩咖啡同酒味💦加上味道係咸的,感覺有點奇怪🤔幸好撈勻後味道正常一點但價錢真係唔太值🫧🔸焦糖脆脆涷牛奶咖啡 +40同平時飲嘅有點不同,咖啡係另上的🙌🏻焦糖脆脆份量不多同好普通~🤤好味度 : 4/10🔙回頭

由元朗西鐵站經YOHO行大約10分鐘 又或者輕鐵大棠路站行5分鐘 穿過大街小巷 就找到這間法國小屋餐廳如其名不是很大 但亮光度高 坐得很舒適 很有法國風味的一間餐廳 唯一缺陷就是在小巷中有點難找！其他一切都很完美！主食揀左明太子蟹肉意粉同西梅汁西班牙黑豚肉飯分別升級咗套餐 可以任揀一杯嘢飲同埋有個細沙律細沙律菜望落去唔係好多 但食落係好夠 小小嘅調味十分開胃飲品揀咗自家製朱古力同埋Tiramisu咖啡飲朱古力最怕係好似飲緊糖水咁 而呢度嘅朱古力好濃好滑絕對唔係得個甜字而Tiramisu咖啡我夠膽話係元朗最好飲手指餅好脆 點少少cream同埋可可粉 將手指餅提升到另一個層次咖啡唔會太酸太苦 就算平時唔鍾意飲咖啡嘅人都可以入到口明太子蟹肉意粉唔使$100 但超級足料 每一口都係充滿明太子同埋忌廉 但係佢一啲都唔油膩 作為配菜嘅木魚同埋蝦 令到成個意粉更加香口西梅汁西班牙黑豚肉飯 望落去冇乜特別但係成個醬汁係同黑豚肉好夾 相信係餐廳特別調製所有配菜都係出乎意料地好食 無論係菇定係西蘭花 冇一樣係會令你失望 好快就食晒成碟飯另外加錢配咗個龍蝦湯熱辣辣咁樣上枱 香味隨住煙不斷咁樣升上嚟聞落去超

今日天陰陰，落住毛毛雨，令人提唔起勁，食甜品就啱哂啦。餐廳位於大街嘅後面，雖然不太起眼，但夠清靜舒服。餐牌有意粉主食，鹹甜窩夫等，都相當吸引。Nutella朱古力窩夫窩夫烤得香脆，淡淡嘅蛋黃香，配上nutella同caramel，好sweet呀!! 半份即焗蘋果批金黃色嘅批底，加上一片片嘅蘋果，外表已經非常吸引了。一口咬下，批底非常酥脆，配上蘋果嘅柔軟，口感一流。批底嘅牛油味突出，加上酸酸甜甜嘅蘋果片，唔油膩之餘，仲有果香，真係食到停唔到口呀!龍蝦湯橙紅色龍蝦湯，香味十足。飲落順滑，如果加點蔬菜，定能增加湯嘅層次感 。雪山與白雲（蝶豆花牛奶）一杯好適合打咭嘅飲品。外觀好靚，一層紫藍色嘅蝶豆花，一層白色牛奶，真係好似雪山與白雲，好有詩意。雖然天氣一般，但可以係恬靜嘅環境下，食到美味甜品，都算係賞心樂事呀。

元朗都有高質素嘅waffles 🧇✨, 法國小屋出名蘋果批係元朗人都知, 估唔到佢哋個waffles 🧇都咁好食仲要勁高質素🫶🏻✨雖然係小店但係估唔到佢哋有外籍廚師添👨🏻‍🍳🌟今次我叫咗辣肉腸長通粉同埋芝士千層薯片, 味道同外國食嘅真係一模一樣好正🫶🏻🫶🏻🫶🏻❤️❤️雖然係小店但係食品質素高服務又好好👍🏻👍🏻👍🏻我諗夜晚坐喺出面更加正因為見佢哋有小燈飾✨佢哋仲有個新鮮水果無糖冇防腐劑嘅水果茶🍹非常貪靚嘅我當然叫咗個🍎蘋果🍋檸檬水果茶啦又有美白功效又有維他命☺️❤️下次會試吓夜晚嚟先打卡影相📸一流, 又夠浪漫😂❤️

😋😁主題遠離市區法國小屋 元朗合益路9至15號紀業樓1號地下驚喜的是附近有個停車場， 停車場有機會要等一段小時間， 行一分鐘就到。店舖細小精緻，環境光亮，氣氛舒服，店內有幾處打卡點，門外放置兩set枱櫈!😋😁明太子蟹肉意粉 配搭得很好，意粉咬入口有彈性煙煙韌韌😋😋😄牛油雜菌煙三文魚配蕎麥窩夫 賣相好靚😃 三文魚牛油雜菌蛋放在窩夫上食入口融為一體😋 juicy有口感 伴著新鮮生菜沙。😄最後一杯冰涼檸檬茶， 完滿😍