泉記潮州打冷粉麵店 (已結業)

有一晚真係好凍所以我和家人一起外出吃煲仔飯取暖，呢間餐廳如果要食晚飯一定要六點前到達餐廳，否則要等位-一行兩人已在五點五十分到達餐廳，遲五分鐘都要等位，煲仔飯要六點鐘才能開始，但係可以先叫侍應落單先，因為煲仔飯都要時間才煮好-之前食過薑蔥鯇魚煲仔飯，我覺得麻麻哋，冇乜味，所以今次都係叫返傳統臘味煲仔飯， 有臘味嘅香，滲入飯入邊真係好好食，每人都分到兩至三碗飯，我很喜愛吃潤腸，有酒香味--薑蔥炒田雞和蒜蓉炒芥蘭是這對的小菜，但是這裏的煲仔飯比較出色，小菜就比較失色，所以大家可以專注於這裏的煲仔飯-…查看更多

煲仔飯是廣東名菜之一，最適合是在寒冷的冬天吃一煲。呢間餐廳只有冬天才賣的煲仔飯，記得去年冬天吃了一煲，上枱時先焗一焗，再加少少鼓油，打開蓋吃一口，已感到一股暖洋洋的熱力在肚內燃燒，猜不到平時不吃米飯的我也可把飯焦都消滅。…查看更多

秋風起自然就會想起煲仔飯🌀一直都知道金源洋樓樓下有好多老食肆，難得今晚想起又想吃煲仔飯，就舉家去吃🙌🏻貼地是因為打冷對我來說應該是坐在街旁，地方髒髒的，喝著啤酒嘆滷味🍺泉記的確是這樣！其實真的好迫但有我心目中的風味👍🏻點兩瓶啤酒，先來點打冷菜🍻🐷滷水生腸: HKD50沒有大腸般的厚味但有咬口，味道不濃，不自覺地愈吃愈多，當前菜吃挺好👌🏻 HKD50真的好抵🦆滷水鵝片拼盤: HKD148賣相的確不錯👍🏻鵝片肉質好嫩好香，不如蘸醋已經很好味😋拼盤還有鵝腸，紅腸，豬耳和豆腐，味道滷得不錯但略嫌有點乾身，不過蘸醋可以👌🏻🦪香煎蠔餅: HKD55雖然醜但真心超級好味！外面的粉一點都不厚而且煙煙韌韌！蠔又多又大隻，魚露完完全全將蠔提鮮！而且只是HKD55，去哪找？💯🐷咸魚蓉煎肉餅: HKD70咸魚蓉十分香口惹味！肉餅煎得乾身剛剛好！超級有口感！下飯真心一流💯🥬臘味炒芥蘭: HKD55很少臘味炒芥蘭有這麼多臘味！芥蘭爽口而臘腸和潤腸都好惹味！外面吃起碼要HKD70吧！到今晚的主角煲仔飯反而失望！吃完沒有滿足感😔飯沒有飯焦亦沒有口感和飯香，和材料沒有火花💥🐮窩蛋牛肉煲仔飯: HKD68牛肉煮得過老口感偏韌，但新鮮牛肉牛香還可以👌🏻伴生雞蛋後還好，但不算好吃🐍白鱔煲仔飯: HKD72白鱔爽口口感不錯，但豉汁不夠帶不出鱔香，豉汁亦比較乾身，飯比窩蛋牛肉的好一點有飯焦但不夠香🍚臘味煲仔飯: HKD68這個算比較正常一點，臘味好香，油份亦流入飯中，正體帶出到煲仔飯風味👌🏻🐔滑雞煲仔飯: HKD68最差就是滑雞，雞是雞翼，滑但味道很淡，整個完全不像煲仔飯像蒸飯一樣雖然煲仔飯不行！但打冷滷味的確出色！而且真的十分便宜！藉得推介一試👌🏻…查看更多

襯住天氣凍，走反去泉記食個煲仔飯，腊味煲仔飯😍一粒粒飯粒分明，飯焦脆口～但臘腸無上年甘好食，切得太薄仲叫左個魚球生菜煲，連湯都飲埋～不過就咸左少少。但整體都係值得推介…查看更多

事緣於三年前一個冬日, 同D朋友黎泉記食羊腩煲, 果一次係人生中食過最正嘅羊腩煲, 最正係羊腩中又有骨髓, 當時本身已經飽飽地, 都覺得超正, 但就正因為飽飽地食得唔多, 事后超後悔無打包拎走.之後每次想去泉記回味羊腩煲, 一係矛人陪, 一係就矛時間, 一係矛錢 (矛錢重食咩羊腩煲呀? 傻傻地!) 當有人陪有時間, 就輪到泉記停售羊腩煲!結果.... 等吓又一年, 一等就等咗三年先可以再回味.我最最最擔心, 三年后嘅質素有無變.結果..... 當年有變.....當年叫嘅係大鍋, 今次點細鍋.湯底味道無變, 超濃郁超惹味, 單單湯底汁已經可以連送兩碗白飯.由於湯汁太正, 腐乳慘慘豬成為多餘醬汁.可惜今次質素明顯比上次失色, 上次食羊腩煲每一件都連住少少肥肉, 或者連住骨頭, 骨頭內又有骨髓, 結果羊肉入味 juicy 骨髓幼滑, 超正!今次肉質較實嘅羊腩比較多, 慶幸支竹同冬筍夠香口入味, 總括嚟講, 滿意.正確嚟講, 唔係今次差，係上次實在太出色!另外, 泉記重有款必食, 就係煲仔飯!我坐係收銀對面, 電話響個不停, 老闆接電話又接唔停, 聽到大部份外賣都係叫煲仔飯, 噤多人叫煲仔飯睇怕唔會中伏啦!點咗個豆豉排骨煲仔飯, 等咗超過半個鐘, 羊腩煲食完都未到! 可想而知煲仔飯幾受歡迎!煲仔飯有飯焦但唔算豐富, 最重點！排骨飯加上羊腩汁! 嘩! 升仙了! 超正！今個冬季, 新年前, I'll be back.…查看更多

秋天冬天都過咗， 究竟仲多唔多人食煲仔飯呢，我唔知道，但我就好鍾意食煲仔飯， 煲仔飯對我嚟講就有種好特別嘅情意結，就等於大部分香港人都鍾意睇英國波一樣，就算隊波走晒樣，就算三獅軍團己咁廢，都照樣支持佢，呢種就係情意結同埋一種中心嘅表現所謂嘅loyalty。我 認為最好食嘅間煲仔飯鋪頭就係呢一間泉記潮州打冷粉麵店， 而呢間煲仔飯， 我覺得最出色嘅就係臘味雞煲仔飯， 呢度啲臘味好足料，有齊臘腸，潤腸，臘肉。 講到臘肉，可能好多人都怕肥，不過要好食就唔可以計較得咁多，要健康嘅就唔好食呢啲，要好食嘅就食肥啲，呢個係鐵一般嘅道理，真金一樣嘅事實。臘味加上雞肉已經係超級好食嘅配搭， 再加上煲到啱啱好嘅飯，飯底仲有飯焦，真係好食到標童咁嘅款， 再加埋嗰啲甜甜嘅豉油，perfect。…查看更多

星期日中午約咗朋友打麻雀，開枱前因夠腳，就係樓下泉記快餐店度，食埋嗰午飯先上去，叫咗一個乾炒牛河，河粉都算幼细味道唔錯，可惜牛肉太少，另加一個鹹魚雞粒炒飯，呢個飯炒得好香，飯又多，夠晒兩個人食，跟住每人一罐可樂，食飽就上去開枱。…查看更多

全記潮州打冷粉麵店喺柴灣出曬名， 啲嘢食出名平靚正，人人都知， 我哋一家都搬親咗好多年，不過次次都係食差唔多嘅嘢，就好少食煲仔飯， 天氣突然間變凍 ，就總係想食啲暖笠笠嘅嘢，見到好多人都嗌煲仔飯所以就嗌返過嚟食。窩蛋牛肉飯， 窩蛋牛肉飯聽起上嚟好似好普通嘢咁樣，其實一啲都唔普通， 正所謂愈普通嘅嘢就越難處理， 牛肉餅打唔打得好又係一個問題， 個飯仔煲得好唔好又係一個問題， 其實煲仔飯唔容易整， 處理火喉就係一件好重要嘅事， 呢間嘢樣嘢都做得好，但偏偏就係煲仔飯做得唔夠好， 個煲仔飯出嚟啲飯係濕身 ，唔夠乾又冇焦香， 牛肉餅打得唔夠好，食落去仲有啲鬆肉粉味， 總括嚟講唔算係難食，但係就唔啱心水， 總之就係有好大嘅改進空間。…查看更多

呢幾日天氣愈來愈涼，又黎到煲仔飯既季節喇😋係屋企附近一條巷仔中，夜晚都見到好多炭爐煮煲仔飯，今晚就一於試下一行3個人叫左兩個煲仔飯+蠔餅已經好飽了😋本人好中意食魚，所以白蟮係本人必叫之選魚肉嫩口肥美😋好厚身所以食落好有口感，加埋豉汁更顯鮮味飯粒煮得軟硬適中，滲入埋白蟮鮮味同豉汁香味，食落好惹味😋不過唯一係略嫌豉油唔夠甜😂本人中意比較甜的煲仔飯配料必食當然係臘味，豐腴臘味既油香令個飯更惹味😋而且好足料，有齊膶腸臘腸臘肉，肉質細膩，香氣滿溢👍田雞肉質好嫩口，味道較淡，但配埋濃味既臘味就剛好最後食埋滲入臘味油香的飯焦👍好煙韌蠔餅就較為失望😪，外皮煎得唔夠香脆，而且薯粉太多食落較黏，蠔仔唔肥美同較少餐牌👇👇總括黎講: 煲仔飯整得出色且平價，不過係即整同人多所以等待時間較長，都值得👍其他小菜就一般🍳🍴味道: 8/10👩👨服務: 6/10🏠💺環境: 5/10💰💸抵食: 7.5/10總消費: $233 (3人)…查看更多

住在港島最邊邊既我，常常吃飽後走路回家，都會看到有人在街邊食野，隔離飯香的情況你一定試過。但係曾經在市中心居住，又在市中心工作的我，當然是吃飽才回家，所以一直沒有幫襯。天氣有點涼，又係時候同豬MEME去食野，忽然想起一次在街邊看到有好殘忍既煲仔飯，於是便放棄了沿途的一系列食店，直接去。GOGOGO~~(奇怪的是，明明平時無甘多選擇，今次卻有很多店讓我猶豫)幸好，豬MEME一心一意。)原本以為是室外要吃塵的，原來有得入去架，於是我們好似探險甘行左入去，沿途的叔叔一般都無咩反應，我以為自己去左鬼屋，不過佢地只係呆，沒有很差禮貌既，所以幾得意。入到去，所有人都很忙，要野都要分幾次來先齊，不過去食野，都無咩所謂，相反後面有D幫襯既哥哥大呼大叫，態度更加一般....好啦，唔好講D無謂野，叫野食，一定要食炭爐既煲仔飯，豬meme 鐘意食饍，我鐘意食田雞，我地來了一個雙併，再叫了一個我地都鐘意既魚魚同菜菜小菜，就跟全部人一齊睇名門望族，過左好耐好耐，終於來啦，結果，好好味呀~~~D飯好乾身，又香，之後食小菜送既白飯，馬上比下去。=.=豬meme話我傻，竟不懂煲仔飯跟白飯的分別，我之前真的沒有試過甘直接比較，好味。魚魚加鼓油，又好味，菜，又好味，係個例水好水，不要就罷，其他都十分OK。我地食晒，仲有個汽水。最後加晒都係130元，很值吧~~~~有機會再去食好殘忍既煲仔飯~~~~!!…查看更多

21/2(日)晚上與家人來吃飯。還未夠七時，室內已坐滿人，結果要加枱坐在路邊。加枱有好有壞：好～可以看到炭爐煮著大煲細煲的煲仔飯，也更加有風味；壞～車輛駛過時，很大煙塵。在場很多人都是叫煲仔飯，大煲$50（送任何飲品），小煲$33（送中湯／汽水）。而我們叫了：鹹魚肉餅煲仔飯(細)+中湯：一大塊肉餅蓋在飯面，鹹魚放在一旁。飯很爽，但只有少許淺色的飯焦，未能做到很靚的「起焦」效果。豉油味道一般。整煲飯的份量不少，足夠我和媽媽兩個人吃。中湯淡而無味，很難喝。滑雞煲仔飯(細)：我沒有吃，家人說好味，他一個人吃畢全煲。芥蘭炒牛肉：芥蘭很嫩，肉一般。灼生菜：我想叫「全走」的，但伙計急急腳走。菜Ok，但蠔油太多，很鹹。啤酒（用碗喝的～）其中一位家人遲了來，因為街邊位沒伙計招呼，因此他自行入去舖向收銀阿姐落單，叫炒河粉及凍檸樂。等了十多分鐘仍未見食物，於是我們向剛巧在附近的伙計追單。他其後說「唔好意思，阿姐話唔知你邊張枱，所以無同你落單。宜家仲要唔要？」吓？已經同那個阿姐講了是出面最後的那張枱，竟然因為「唔知你邊張枱」而不落單？？？　結果我們沒有要，因為現場人多，要的話不知又要等多久......:(總括而言，食物不算突出。而這些近似大排檔的小店，服務和衛生則免談了。最大優點是抵食。…查看更多

炸醬麵真係超鹹食完整碗,飲左成枝可口可樂...真係超鹹哩間鋪頭.食一次就知道幾唔得.拎走的雲吞麵,竟然無比湯囉打去問,重要避人鬧囉.態度太差啦總括而言,哩間野真系又唔好食,態度又差.…查看更多

係附近打牌打到半夜...諗住搵d野食先坐車番屋企...因為差唔多係零晨4-5點,冇咩野可以食,見到到有lei間野,就試下啦佢d野食同普通飲早茶食既差唔多...睇樣都唔錯...不過每樣野食都好淡味咁既...不過算抵食架喇(雖然一定唔夠酒樓平架喇)…查看更多

行左銅鑼灣一日,最後去左朋友屋企學整沙律,但係味整我經已餓到半死~29蚊買左一碗河粉同一碟菜上朋友屋企食,岩甘先到呢一度,因為我朋友話呢一間好食d,所以先幫襯...1~~豬潤牛腩河~~河粉太粗,唔得滑,,唔好食,不過豬潤又ok喎~而牛腩就好味夠曬入味,2~~付乳通菜~~個付乳好咸~~:(雖然好味~不過咸死人咩~食甘咸唔健康架,希望佢地會 為下我地d食客唸下啦~食甘仲會對心臟唔好架,食完個通菜我飲左成支x地綠茶同一杯水,你話有幾咸呀!!!…查看更多

行過望到好似好正, 坐低叫左個北菇滑雞飯, 黎到d飯好硬, 雞竟然係雪藏雞翼???? 五係化?????一個字!! 呃錢! 勁難食!以後都五會黎!…查看更多