河畔強記雞粥海鮮酒家 (已結業)

同husband兩個人過黎沙田既另外一邊開飯，諗住試下叫做有d口碑同幾多人都話幾ok既呢間強記。唔，個格局大概都係好一般果d屋村'海鮮酒家'咁...冇乜野啦都。我地叫左四樣野：鮑魚雞粥(枱枱都叫ga wor! ok ge)、辣酒煮花螺、西蘭花帶子花枝片同埋粟米斑塊。辣酒煮花螺-- d waitress 既應對能力真係高到呢..........我本人都識整辣酒煮花螺，而且仲非常好食.........但husband話都可以試下人地果d, 咁我地就叫左....點知...佢個酒係100%跌打酒.......個辣係超級難食既所謂'麻辣' wor~~ 乜有人咁整既咩？好心話聲俾你聽幾怪個味，但係d waitress 呢.... 我反而係俾人lecture我點整...哈哈哈... 總之好難食plus知道呢度d service麻麻啦.......鮑魚雞粥-- 真係好soft, 有d 味精同幾多油，d 雞... quite salty. 但都可以一試呀。西蘭花帶子花枝片(幾細碟ga, 得一隻茶碟大少少既size左右... 都要50蚊碟ga但係...)&粟米斑塊都係叫做可以下飯既dish... ok 唔

28/12/2008星期6蝦2.5一兩叫左半斤,一碟蒜蓉豆苗同埋招牌雞粥雞粥好綿好香,12蚊有一煲仔,真係抵食蝦蝦唔見得有咩功夫,因為係白灼豆苗炒到岩岩熟,仲有少少草青味tim不過以呢個價錢可以係到咁有質素既野食,真係算好抵!

我與朋友或家人都去食過十幾次, 質素唔係超好但勝在平及泊車方便. 尋晚再去幫襯例牌乳鴿雞粥均十分像樣, 但碟白灼蝦一上枱我就面色一沉, 一斤變十両, 連我唔去開街市既都知唔足秤啦, 暫時都係少去為妙.仲有兩碟賽螃蟹及西蘭花蝦球花枝均同平日差不多

記得好細個已經0係收音機聽過 "肥鵝縮開你隻左肶，阻住哂......."呢個咁既廣告，聽就聽左幾十年，今日終於都來到強記﹗佢有個海鮮套餐幾抵食，$88揀兩款，$138就有三樣海鮮比你揀，種類亦都繁多，有魚、有蝦有蟹有貝殼等等﹗我地兩個就叫左白灼蝦、粟米斑塊同埋蟶子試下﹗呢度仲有每日特價小菜，今日係$18既燒腩仔，食落鹹左少少不過皮脆肉厚，份量亦不少，腩仔入口那種豬肉烤焦後的肥瘦交融口感，很令人著迷，$18真係好抵﹗粟米斑塊都幾大碟，有成八九件，斑塊上碟入口仍熱辣辣又香脆，味道是沒有出面酒樓食的甜糖濃味，不過我反而鍾意粟米的清新味道，不錯﹗白灼蝦大約半斤左右吧，都幾大隻，口感新鮮彈牙。最後蟶子份量有成二十幾隻，不過我食到有三兩隻有沙，即時扣哂分﹗埋單一人一百蚊搞掂，總括來說味道不錯，價錢亦都好大眾化，想食下海鮮不坊來呢度試下﹗

見到大家對呢間乳鴿及菜式都讚不絕口, 9月尾時就專程去一試, 去到已經係晚飯時間, 可能餐廳體貼亦可能怕我地唔等走左去, 於是佢地就特登喺餐廳既路口位搭左張非常突出既桌子 ... 開始點菜~~乳鴿- 又乾又冇肉汁, 我屋企樓下間燒味鋪都炸得比佢出色 ... 非常失望兩味我地選左白灼蝦同埋咩青瓜腐竹浸聖子白灼蝦- 有d蝦毛仔, 雖然有d蝦都幾大隻但唔係新鮮浸聖子 - 個湯好鹹聖子冇味...又失望, 最好味係d腐竹囉 ...另外亦點左大家都話好又抵食既飽片雞粥- 粥有粥味, 雞有雞味(不過幾好味)飽片有飽片味, 全部味道都係分開晒, 但係都ok既 ...亦點左一煲飽片花膠海參瑤曙冬菇羹 - okay既, 真係有晒全部既材料囉, 70幾80蚊okay啦~ 最後點左一碟白雲雞腳 - 嘩~~ 呢個係最最最好味的~~~激死!由於我地張桌係喺路中心搭出黎既, d侍應喺度行黎行去, 但係因為我坐喺順風位, d狐狸仔喺我身邊係咁飛 ... 影響左食慾, 不過我真係冇怪佢地, 佢地都唔想既, 唯有當佢地喺我身邊經過時閉氣啦~~~~ 慘痛!

逢週末聚會後的晚飯來來去去都是那幾間。是夜攪攪新意思，來這名震沙田的雞粥及乳鴿專門店吃吃....沒有雞粥及乳鴿，吃的反而只是例牌的家常小菜。order了六七個餸，但吃完後完全沒有留下任何印象，可見水準不是十分高....只是依稀記得朋友推介的魚湯勝瓜浸大蜆還不錯，蜆比想像中肥美，沙甚少，但最重要的魚湯底反而沒有甚麼味道，味很淡，連帶勝瓜也欠缺那份魚鮮....啫啫雞煲味很濃，豬潤很老很苦，雞件有雪味，不值一提....其餘的，吃完後也無甚印象。當然不至於很難吃，但要說吃得過也是談不上了....是不是要吃雞粥及乳鴿才可見真章 ? 天曉得.....

近排經常周圍食乳鴿，今日又食了。先來三隻乳鴿，隻隻都炸得皮脆肉嫩，肉味香濃，不過肉汁就不夠龍華充足。但整體都是很美味的。隨後有水蟹雞粥，粥底綿綿，有淡淡的蟹同雞味，配料分量不少，每人都可分到三四件雞同蟹，蟹用上細細隻的花蟹，有少少肉食，新鮮不霉。雞是咸雞，仲有淡淡雞脾肉，好滿足添!我地仲點左$88孖寶，包括有賽螃蟹同栗米斑塊。賽螃蟹有些帶子粒同菜絲，同平時食的有些不同，不過附上的醋味道怪怪地，同賽螃蟹不太配合，不點就更加好食。栗米斑塊相對較普通，細細塊，配上罐頭栗米汁沒有什麼特別。最後仲有味菜炒鵝腸，鵝腸份量當然少過味菜，鵝腸洗得潔淨，而且好彈牙同有趙頭。不過個汁就好咸，食完要係呾飲水。最後送上甜品桂花糕，桂花糕夠硬食，不會一夾就散，桂花味充足不過火，除左有桂花碎，仲有一些水果粒添。總括來說，招牌食品做得好食，其餘都不差，當然以乳鴿最好食。計埋茶介，小費同加一，埋單共三百四十幾蚊，都抵食的

今日同bb游水踩單車, 腳仔軟晒, 不過都堅持黎強記試下~~我地2個人坐4人檯, 仲要對住個大電視有得睇獎門人, 正kekee!我地研究個menu研究左好耐, 因為有好多送可以揀呀~最後揀左$88 兩送餐, 加一隻$32燒乳鴿同$10鮑魚雞粥!!首先係個粥, 真係有兩塊鮑魚呀~ d雞都好滑架, $10真係去邊到搵呀然後就係乳鴿啦, 比我想像中大隻架!! 都脆脆地味道唔錯!兩送我地叫左聖子同青酒浸大蜆兩個送都好抵, 成隻鑊上, 有埋湯, 成煲都係海鮮, 又唔會真係d殼多得好離譜好好味!!我特別鍾意個青酒, 味道濃得黎唔會太多油呢~~ 狂飲呀!!bb仲好好咁脫晒d聖子既殼, 等我可以成煲當湯飲, super super細心呢!!不過d蜆都幾多沙呀, bb仲食左好多, 希望佢冇肚痛!!其實d野真係好好食架, 仲好鬼抵添!! 不過d送上得太快我地又掛住睇電視食唔切凍左呀!!最後我同bb都好似大左肚咁離開!!下次都好想再黎, 希望好快可以再同bb輕輕鬆鬆咁過一日, enjoy一下咁正o既食物!!

星期６晚，夏先生有事，唯有搵好姊妹ｓｈｏｐｐｉｎｇ＋ｄｉｎｎｅｒ．在網上發現這酒家好抵食，決定同姊姊來試試！！我們點了＄８８兩餸套餐：１．粟米斑塊：好味，由於罐頭粟米湯本身已經好正，好味２．炒蟹：夠味另外，我們還要了：１．兩鍋雞粥：好夠味，應該用左鹽焗雞，但擺放太耐，粥就變稀！！（＄１０一鍋）２．一隻乳鴿：最好味呢個，夠脆又多肉　３．炒蜆：好耐冇食過炒蜆，好入味，但殼多過肉，＄１０一碟，有點將貨就價！！總括來說，食物味道唔錯，廚房應記一功。至於樓面．．．換碟　＆　ｒｅｆｉｌｌ　ｗａｔｅｒ都好快，但有ｄ餸未食晒就趕收碟，好似想我地快ｄ走，有趕客之嫌！！另外想提一提各位，如果有老人家　ｏｒ　孕婦去廁所要小心，因為她們我廁所又濕又滑，我就是唔小心跌倒，仲睇左一個星期跌打醫師　酒家應該搵人勤些抹乾廁所！！！　最後，埋單＄２３４，我們回家途中，發現酒家收多＄，我們計過兩人應該唔過＄２００，但俾＄時冇ｃｈｅｃｋ清楚，所以也不太好回去查證！！

一個遲來的食評，去呢間餐廳已是上個月黑色暴雨的星期６．一直都好想去試試這餐廳，那天夏先生要返工，我唯有搵好姊妹去食ｄｉｎｎｅｒ．那天我們點了＄８８兩個餸套餐，（我們揀了粟米斑塊＆炒蟹）另加了兩個雞粥、一個炒通菜、一隻乳鴿、炒蜆。先講食物：１．雞粥：味道剛好，但如果擺放太耐就會好稀！！２．炒蜆：殼多過肉，但好好味，夠ｗｏｋ氣３．炒蟹：ｏｋ！！４．乳鴿：好味而且都好多肉！！５．粟米斑塊：講真呢個餸好多酒家都整得好好味，因為罐頭粟米湯本身已經好正！！６．最尾佢地送左個一粒湯丸咁大既攞米磁，　一開二上碟，唉．．．既然咁吝惜，不如唔送好過送　ｓｅｒｖｉｃｅ．．．幾勤力換碟＆ｒｅｆｉｌｌ　ｗａｔｅｒ，不過有時我地都未食完，　佢地就好趕住收碟，有ｄ想趕客。另外，食野既環境同一般酒樓差不多，可以接受。不過，廁所就完全唔掂，因為好滑，而我就唔小心跌到，仲睇左一個星期跌打醫師。如果大家要去，就小心ｄ，特別係老人家＆孕婦！！！仲有，我地搭車時發現，埋單應該唔超過＄２００，但佢地就收左＄２３４，由於我們已經離開餐廳，所以都唔好返轉頭　ｃｈｅｃｋ單。如果唔係收多＄＄，其實係幾抵食　ｍｍ．．．．由於唔係冇咩特別，

宵夜入沙田食雞粥五個人食,點了兩隻乳鴿,雞粥三煲,酸甜魚柳,煎蠔餅乳鴿唔錯;雞粥煲到稀爛,易入口,味道很好,粥底滑,雞件有雞味,正!煎蠔餅無打冷檔做得咁好,可能我始終鍾意食脆d既蠔餅,佢地就唔係脆,而係好似煎旦咁既質地,不過蠔仔新鮮!酸甜魚柳一般!但係雞粥做得唔錉,所以推介!

本人不會再去沙田河畔花園地下強記雞粥.....點解???? 好簡單.......唔老實....呃遊客 間酒樓 dinner 有個套餐....$128 揀三樣指定海鮮........$88 揀兩樣.... 本人想要 $88 揀兩樣...... 同個waitress落order 時話要聖子.......之後佢話呢種無咁好食....好細隻......介紹我食十蚊一隻聖子會好好食......本人於是要6隻十蚊一隻既聖子....之後隔一陣.....個waitress 話十蚊一隻d聖子賣o西.....叫我食番 $88 兩樣既聖子(之前又話無咁好食)........but 我又無其他海鮮想食............於是諗住散叫一碟聖子.....個waitress話 $48...我諗住 $48一碟 ok......便order...........去到埋單 check 單 .....發覺$58一碟聖子...問點解.......話之前問錯左.................. 另外......隔離有 Korean 遊客.......適聽好少英文.................d wait

公眾假期午餐食完老豆包比我地既粽，夜晚由市中心搭巴士黎河畔晚飯。 鮑魚雞粥 - 雞肉唔滑但算入味，推廣價 $10 碗還有兩小鮑片。 燒乳鴿 - 味道鹵得夠，燒得靚，我地叫左無耐就賣晒。 豉汁鱔片 - 鱔片新鮮，同豉汁好夾，滿意。 椰絲芒果卷 - 無晒糖水，送左椰絲芒果卷比我地。芒果卷軟熟得黎唔甜，好！ 有電視睇，劇情緊張，搞到我地唔願走

佢o既鮑魚雞粥真係好好味，$10一碗係超抵，必食！其他小菜都好好味，又唔係太貴！

因為近屋企既關係，我同屋企人間唔中都會黎食，呢度都可算平靚正。由於食過好多款菜，只列出較有特色的菜：炸乳鴿：正！味道好好，炸得好香，黎呢度必食！鮑魚雞粥，只係10一小窩，仲好足料，粥底又綿，推介！煎藕餅：好香好多料，有咬口。炸牛腩：超ｕｎ，又冇味，唔推介。每日仲有ｄ平價之選，雖然平，但都好食，如豉椒炒”顯”，份量唔少，味道good!總括：沙田有特色及好食之選，侍應尚算親切，一家大細輕鬆食飯最岩！