河內越式料理 (西洋菜南街)

營業中

休息中

主打越式粉麵、飯類、小食及特色飲品🍹粉麵可以特價加配飲品，價錢親民🔖 河內豬頸肉沙律 沙律汁酸酸辣辣好開胃，仲有九層塔🌿令味道更有層次豬頸肉爽口彈牙，木瓜絲、蘿蔔絲同青瓜絲清新易入口🔖 越式豬扒包香脆法包中間夾住香口豬扒配上生菜及酸蘿蔔，酸酸甜甜風味十足🔖 香茅雞翼湯檬簡簡單單最好味，配有青檸🍋‍🟩辣椒正宗越式風味雞翼外脆內嫩，檬粉幼滑易入口🔖 順化蕃茄蟹肉扎肉湯檬湯頭好有鮮味，蟹味濃郁檬粉索晒湯汁精華，配搭扎肉好美味🔖 檸檬蜜糖薑茶 裡面有幾片薑片，真材實料，加上甜飲完暖笠笠，大推✔️

西洋菜南街真係好多餐廳，但經過呢間特別多人，就決定食呢間二人叫左兩碗麵，兩杯野飲，一份小食。蕃茄蟹肉扎肉湯檬粉同生牛肉湯河，兩款之間比較出色的係蟹肉湯檬，蕃茄酸酸地，但並不會蓋過蟹肉既鮮，食落有兩種層次，再加上檬粉會索晒啲湯，簡直越食越開胃相反，生牛肉相對黎講湯頭比較清，再加上少少辣椒同青檸，亦不錯的。不過兩碗都係超級大碗，好似食極都仲有咁跟餐亦都可以追加小食，我哋追加咗細嘅越式豬頸肉，份量適中，外面少少脆，唔會好乾身，而且側邊有各種醬料比你配黎食呢度既飲嘢都好大杯。叫咗芒果沙冰同埋椰青芒果沙冰係直頭滿到瀉，店員都有溫馨提示，叫用匙羹食左少少先。食得出係真材實料，唔係好假個隻糖水，值得一試。至於椰青都屬正常清甜。整體黎講，質素屬於中上，最緊要係店員服務好，價錢唔太貴

今日中午，在旺角西洋菜南街呢間河內越式料理買了幾份外賣回去食，覺得整體價錢合理，味道又好，都吾錯，特別想推介一下。點了咖哩牛腩飯，蕃茄牛腩飯，豬頸肉蛋飯和香芧雞翼。先講咖哩牛腩飯同蕃茄牛腩飯，兩者牛腩都是嫩淋入味，份量都好夠，兩者之下外有特色，咖哩牛腩很惹味，咖哩味濃，喜歡佢嘅薯仔，都入味好送飯好食，蕃茄就感覺健康，兩個都好食。至於越式豬頸肉蛋飯，佢嘅豬頸肉很好食，外面周圍很香口，豬頸肉又保留口感爽口彈牙，份量都夠，是越式菜中必食之選。另外加了份小食香茅雞翼，有兩隻，都非常香口惹味，價錢不貴，外皮煎香，肉汁仲保留住，好味道，整體都好滿意，旺角必食精選。

順化蕃茄蟹肉扎肉湯檬 🍜🍅🦀湯底鮮甜，有大量蟹肉，蕃茄的酸味為整道菜增添了清新的感覺。蟹肉鮮嫩，口感滑順，與米粉搭配時濱海伴香茅牛肉 🥩🌿所謂嘅濱海，係一個越南小食，食法係將麵主菜夾落去生菜裏面一齊食，有啲似越南嘅生菜包，牛肉經香茅醃製，帶有獨特的香氣，肉質鮮嫩，入口時有著豐富的肉汁。越式炸蝦餅 🍤🥥這道炸蝦餅外酥內嫩，餅皮金黃酥脆，裡面包裹著鮮蝦的鮮美。每一口都能感受到蝦肉的彈性和鮮甜，搭配一些香草和醬汁，味道更加豐富。香脆的口感和蝦肉的鮮香交織在一起，是一道非常受歡迎的開胃小吃。招牌越式三明治 🍽️🌶️上嘅時候麵包仲係非常之熱同埋脆，搭配有豐富的調味，口感鮮美。材料有扎肉同埋蔬菜的搭配讓每一口都充滿了層次感，而且有非常濃郁嘅雞肝醬，非常特別✅安南鮮蝦米紙卷 🍤🌿米紙卷新鮮清爽，裡面包裹著蝦肉、香草和生菜，口感清脆。米紙透明薄韌，咬下去時能感受到裡面餡料的鮮嫩與香氣，搭配特製的醬汁，味道更加豐富。

第二次光顧這家餐廳，仍然對其豬頸肉撈檬、鮮蝦米紙卷和檸檬茶念念不忘。先說豬頸肉撈檬，豬頸肉外皮煎得焦脆，肉質卻十分軟嫩，蘸上店家特製的醬汁，味道更上一層樓。檬粉入口爽滑，配上酸甜的醬汁，非常開胃接著是鮮蝦米紙卷，晶瑩剔透的米紙包裹著新鮮的蝦仁、爽脆的蔬菜和彈牙的檬粉米紙卷的口感豐富，層次分明，每一口都能感受到食材的新鮮和滋味。搭配店家特調的魚露汁，味道酸甜可口，清爽解膩最後是檸檬茶，檸檬的清香與紅茶的醇厚完美融合，酸甜適中，冰涼解渴。在品嚐完美味的越南料理後，再來一杯檸檬茶，簡直是完美的ending總而言之，這家餐廳的豬頸肉撈檬、鮮蝦米紙卷和檸檬茶都非常出色，值得一試再試。這次再度光顧，依然感到非常滿意，下次一定會再來。

期待已久嘅越南美食終於嚟到！餐廳環境清新，裝潢簡約，讓人感覺輕鬆自在。首先，我哋叫咗「牛魔王河」，湯底香濃，牛腱、鮮牛肉、牛丸嘅搭配令整碗河粉充滿咗牛肉的鮮味。牛腱煮得剛好，肉質軟嫩，入口即化，而生牛肉則保持住鮮甜的口感，搭配熱辣的湯底，瞬間就熟透，真係好好味！牛丸彈牙，口感豐富，和湯底相得益彰。河粉吸收咗湯汁的精華，每一口都令人陶醉，絕對係牛肉愛好者唔可以錯過嘅選擇。接住嚟，我哋又叫咗「扎肉撈檬」。呢道菜用上新鮮嘅檬條，配以特製嘅扎肉，味道獨特。扎肉嘅香味濃郁，肉質鮮嫩，與檬條一齊食，口感層次豐富，令人回味無窮。小食方面，我哋選咗「雞絲沙律」。呢道沙律用上新鮮嘅材料，雞絲嫩滑，搭配上新鮮嘅蔬菜，清脆可口。特製嘅沙律醬香甜適中，為整道菜增添咗不少風味。另外，我哋仲叫咗「越南芒果鮮蝦牛油果米紙卷」。米紙卷包住咗新鮮嘅蝦仁、牛油果同芒果，色彩繽紛，賣相吸引。每一口都充滿咗清新嘅果香，蝦仁彈牙，牛油果滑溜，搭配上清爽的米紙，簡直係一個完美嘅組合。飲品方面，我哋選咗「椰汁芒果西米露」。呢杯飲品清涼可口，椰汁嘅香氣同芒果嘅甜味融合得剛好，西米嘅口感亦令整杯飲品更加豐富。飲下去令人感到無比清爽，尤

最近我去咗一間越南餐廳，試咗幾樣好好食嘅菜式，真係忍唔住想同大家分享下😍👏🏻順化蕃茄蟹肉扎肉湯檬呢碗湯檬真係正☺️湯底濃郁，蕃茄味道清新，蟹肉細膩又鮮甜，扎肉就更加增添咗口感～越式春卷撈檬春卷脆卜卜😍超級好食 配上特製嘅魚露醬汁，簡直係完美！😆❤️‍🔥越式炸銀蝦餅外脆內嫩，蝦肉嘅鮮味一口咬落去就爆出嚟，真係好好味！🥰上湯灼田園蔬簡單但健康，蔬菜新鮮，保持住咗原汁原味，仲可以平衡一下重口味嘅菜式，非常之好👍🏻青檸梳打清爽又不膩，為整餐增添咗一絲清新感🙂‍↕️總括來講，呢間餐廳真係唔錯，味道正宗又有特色，值得再去！如果你都鍾意越南菜，一定要試下！

平時係外賣平台都有叫開呢間外賣，因為大碟夾抵食🤩，堂食就第一次，快平靚正！我們點了炸蝦餅撈檬，炸春卷、牛油雞翼、河内越式炒牛河，還叫咗青檸梳打，上菜夠快，野食又夠熱！炸蝦餅撈檬，蝦餅炸到好酥脆，加埋甜汁，好清新開胃！炸春卷我每次都點😆，配上魚露食，味道更加有層次！牛油雞翼勁香脆！食落啖啖牛油香氣同肉汁，超正！河內越式炒牛河超大碟，食得好滿足！最後必飲青檸梳打，夠清爽，飲完完美地降低油膩感。PS店員姐姐好nice，會繼續支持！

嗌咗一個小食拼盤，除了香茅雞翼外，還有扎肉、春卷、手打蝦餅和鮮蝦米紙卷，種類算係多，適合和朋友一起分享。我特別喜歡鮮蝦卷和鮮蝦米紙卷，蝦肉新鮮彈牙，令人欲罷不能；而春卷則滿載食材，包括粉絲、蘿蔔絲、木耳絲和芋頭蓉，口感層次相當豐富，讓人感到滿足。濱河是越南的獨特米粉，米粉上灑有乾蔥和蔥花，搭配香茅豬扒，夾入生菜一起享用，食用之前再淋上一點魚露，味道更顯層次，酸甜平衡，十分開胃。總的來說，係可以一試。

我不嬲都都鐘意食越南菜的，我對越式法包情有獨鍾，可惜唔係每間越南餐廳都有賣又做得出色。最近同朋友們係旺角西洋菜南街閒逛，發現呢間「河內越式料理」，見佢餐牌有賣「越式三文治」，立刻勾起我嘅食慾，於是決定買外賣返佢屋企享用。我地一共點了五款食物：三款越式三文治（招牌越式、香茅牛肉同越式豬扒包）、順化手打蝦餅併撈檬以及極品牛三寶河粉。首先講下包類，雖然佢寫係越式三文治，但其實佢係用法包。越式豬扒包，外層麵包烤得金黃酥脆，內層鬆軟有嚼勁，豬扒醃製得恰到好處，肉質嫩，唔會乾柴，正！招牌越式有豬肝醬，扎肉同其他香菜，蘿蔔絲等等，味道非常豐富！香茅牛肉都好有特色，味道可口！個順化手打蝦餅併撈檬，蝦餅炸得金黃酥脆，蝦肉鮮甜彈牙，檬粉QQ爽滑，份量十足，淋上特製的魚露醬汁，酸酸甜甜，非常開胃。蝦餅和撈檬的組合，好好味。最後是極品牛三寶河粉。湯底清澈見底，牛肉香氣濃，飲起嚟鮮甜順口，一點都唔油膩。牛肉選用的是牛腩、牛筋和牛肉片三種唔同部位嘅牛肉，口感層次豐富，牛腩軟嫩入口即化，牛筋Q彈有嚼勁，牛肉片則鮮嫩多汁，每一口都充滿驚喜。河粉滑溜順口，吸飽了湯汁的精華，與牛肉搭配得天衣無縫，冬天食真係一流。

嗌咗兩個下午茶木瓜絲沙律$65，仲貴過咖喱牛腩飯$59，熱飲都唔包cheap到死要另計！啲嘢嚟到嚇親，木瓜絲沙律上面得兩隻蛤蟆仲要開邊嗰隻，花生碎都唔多粒，乜料都冇剩係得啲硬刮刮嘅木瓜絲，就收你$65！？個牛腩兜裏面得四粒牛腩，咖喱汁冇咖喱味，一個杰撻撻嘅啡色糊仔，好似Baby food咁，食咗幾廿年越南嘢未食過一間好似佢咁差！仲要冇嗌冰鎮奶茶，無端端舉杯冰鎮奶茶埋嚟，都冇人幫襯嘅舖頭單都可以搞錯！？

行過幾次都見到呢一間平時都好多人食今日都係咁多人 好彩啱啱有兩個位😎-食越南嘢一定會叫生牛肉河生牛肉河個湯底唔算濃郁比較清淡 可以食得出牛嘅鮮味 河粉份量好多一個女仔食唔晒 另外叫咗個小食拼盤咩都都有唔使煩我最鍾意梗係食入面嘅蝦餅啦 夠彈牙 另外春卷亦都係我嘅至愛 炸得非常之香脆點埋撈檬汁就啱啱好啦😍😍😍如果怕油膩可以包埋生菜食嘅朋友本身食得比較清淡所以鍾意米子卷多啲鍾意食豬頸肉 所以另外再加追加一碟小食豬頸肉份量足夠 燒得香脆 唔算肥膩咖喱牛腩飯見隔籬叫我哋都叫咗一份香料味嘅咖喱好香 牛腩好軟腍 而牛腩每一嚿都大嚿 正 食越南嘢梗係要叫龍眼冰啦一杯龍眼冰入面有起碼六粒以上嘅龍眼好足料♥️

係旺角想食下越南嘢 ，朋友推介左呢間河內越式料理，話唔係太貴好抵食又好味🤤因為唔係太肚餓，所以就同朋友叫咗啲嘢食share食🤩🌟 河內特色綜合河粉呢個真係好抵食，$95包晒以下幾種嘢食，有生牛肉，牛腩片，扎肉，雞絲，香葉卷，而且份量唔會得好少。湯底鮮甜，飲得出冇味精，係好濃嘅牛肉味呀🤩最特別就係個香葉卷，係第一次食，入面啲肉好紮實🤩🌟香茅沙嗲雞肉串燒一上枱就熱辣辣，沙嗲醬真係有花生碎，唔會好稀，沙嗲味濃郁，點埋個雞肉食真係Perfect match 😍另外仲叫咗個🌟河內小食拼盤一個拼盤有齊五種小食，啱晒有選擇困難症嘅我😍雞翼炸到好香口，春卷入面好足料，炸到脆卜卜。蝦餅炸到外脆內軟🦐最後仲叫杯椰汁三色冰，唔會太甜，幾好飲😍仲有其他嘢都好想食，不過真係太飽啦，唯有下次再嚟食多一次啦

旺角向來美食多羅羅，今次黎左呢間越南餐廳，門口亦都排晒隊，睇嚟好受歡迎，當然要入嚟試吓！越式香茅豬扒撈檬豬扒醃製得剛剛好，口感紮實，餐廳亦不會放太多肉鬆粉，這樣只會影響豬扒肉質檬粉彈牙，再把酸汁和檬粉撈在一起，讓每條檬粉都掛上酸汁，鮮味十足！極品牛三寶湯河粉（生牛肉、牛展、牛丸）牛肉鮮嫩juicy，牛丸爽口彈牙，牛展不會有太大筋，口感嫩滑河粉🍜彈牙，吸收晒湯底精華，雖然有啲邪惡，但的確好味～越式手打炸蝦餅（細）蝦餅彈牙，蝦味挺突出，雖然是有點熱氣，但偶爾吃吃，也不是很過分呢～

今次去咗間超人氣嘅越南餐廳，真係食到停唔落口！😍**濱海伴香茅豬排** ($74) 令人驚喜！濱海（Bánh hỏi）米粉餅，上面鋪住香蔥同炸蒜，配上外焦內嫩嘅香茅豬排，香氣四溢，食得我一口接一口！💖再來就係**河內小食拼盤** ($135)，裡面有春捲同炸蝦餅，特製醬汁超正，真係好想同朋友分享！😋最後，**越式手打蝦餅蛋飯** ($62) 令我印象深刻！蝦餅外脆內嫩，加埋滑蛋，口感豐富，食完仲想再來多碗！🥢餐廳氣氛輕鬆又愉快，四周笑聲不斷，令人心情大好！飲品方面，我試咗**龍眼冰**同**青檸梳打**，清爽又好飲，為呢頓美食增添咗不少風味！🥤