沛

營業中

休息中

在深水埗福華街與欽州街一帶，原來開了幾間新穎的餐廳，除了2間咖啡店，也有一間小白屋的韓食店，早前經過幾次已經想食，今日終於忍唔住買外賣返去，在疫情下感受的韓國味道。 店舖座位不多，佈置以純白與碧綠為主，有種小清新的感覺，原來外賣有9折，而且選擇以特色韓國小食為主，好像韓國街頭的大排檔路線，有韓式年糕；炸雞；飯卷；炒粉絲至拌飯都有提供，看著餐牌的每樣都想食。 可選單點或外賣套餐，最後單點了3款小食，總括來說風味地道，賣相吸引，製作精緻又用心，特別推介韓式年糕的味道！ =韓式炒年糕 $68=不得了！簡直神還原了韓國街頭的味道，辣醬超惹味，夠辣又唔會太鹹，唔會過濃或過淡，年糕和魚片煮得煙韌彈牙，又十分入味，比起大型食店更加地道，推介！ =原味煎雞蛋卷 $58=蛋卷厚身滑口，加入香蔥後，口感豐富，食落蛋味濃，煎得熟度剛好，不會太乾或太油，如果配上韓國燒酒就更好，屬於韓國家常小菜的味道。 =韓式紫菜飯卷(牛肉) $58=紫菜飯卷可以選不同口味，今次點了牛肉，另有蛋絲；蘿蔔；蔬菜和黃瓜等等，配上芝麻和麻油調味，口感滿滿的，但不會有油膩感，整體平衡。

第二次叫。因為第一次試食時都感覺可以，唔係話好出色。 但今次比上次失望，特別係個紫色包飯，個份量係比上次少左好多，$58 另一張相係上次個份量，好明顯既對比。咁樣做生意真係唔得～ 個炸雞係叫左全份，$128 。 同埋入面仲有啲粉紅，唔係話好熟～ 兩個大人食真係唔夠

放假同男朋友去深水埗，見到有間韓式餐廳就去買份外賣。入到去以為冇開，因為店面冇人。原來店員喺晒廚房。我哋叫咗一份韓式牛肉拌飯$88，價錢唔算好平，但係份量都幾多。牛肉、菠菜、蘿蔔，算係應有盡有。顏色豐富好吸引。味道又好重嘅芝麻味。

深水埗食肆林立，但出奇地韓國菜就無幾多間🇰🇷。不過舊同事話幾個月前終於開咗間質素幾好嘅小店，名叫「沛」，所以今日去開呢頭就特意嚟幫襯一吓。小店面積一眼睇晒🙈，座位大約得十個。呢度裝修幾靚，湖水藍作為色調，行小清新路線🌿，感覺完全唔似喺深水埗。食物款式得十款左右，但貴精不貴多，我敢講我今日食嘅幾樣食物味道都好出色👍。題外話，而家外賣做緊九折優惠。我嗌咗一個2人餐($218)，有三款指定食物同兩罐飲品。價錢還好啦😉，份量足嘅，但喺呢區來講就屬中上水平吧。韓式無骨炸雞配甜辣醬🍗(原價$78/半份)，即使係外賣，但食物賣相一啲都唔馬虎，塊吸油紙好吸睛🤣。炸雞大大件，望落覺得可能會乾身，但食落相反，滿有驚喜。炸皮拎到返屋企都保持酥脆，又唔油，而且就算唔沾醬食都醃到好夠味；而雞肉肉質亦算細嫩。炸雞無論內外都咁正，完勝好多有名氣嘅過江龍。原味煎雞蛋卷(原價$58)，🍳雞蛋卷有得揀的話當然想要芝士，但跟餐無得揀就冇計啦👉🏻👈🏻。雞蛋卷煎得好靚，切件放入盒，砌返埋的話應該都幾大條。蛋卷加入咗高湯煮製，所以富有鹹香，就連我媽咁奄尖都大讚好食。韓式牛肉炒粉絲(原價$88)，估唔到粉絲咁大盒，我哋未食都經已聞

路過深水埗見到好靚嘅白色店面，原來係一間韓國菜餐廳。餐廳菜式選擇唔算好多，但係炸雞、拌飯、大醬湯、雞蛋卷等等應有盡有。今次試咗比較啱外賣嘅韓式牛肉拌飯同埋炒粉絲。🥢韓式牛肉拌飯$88拌飯汁另上，賣相靚得多。甜甜辣辣仲有少許麻油香。配料份量頗多，啖啖都係餸。煎蛋燶邊而流心。🥢韓式牛肉炒粉絲$88粉絲口感煙韌，炒得條條分明，又唔會太油膩。粉絲吸收晒醬油同麻油嘅香味。牛肉片份量好多，蔬菜都唔會過熟。📍沛 (深水埗)深水埗福華街178A號地舖

工作關係，到長沙灣政府合署處理文件，離開時在附近閒逛，看到這一家清新小店，原來是一家賣韓國菜的小館，正好打算買外賣回家當晚餐，就一於試試這一家。店子小小，裝修得卻是非常有特色，一室湖水綠璣牆襯白色牆壁，風格簡約，再加上窗戶放些小擺設，帶著一股小清新的感覺。而門外放了一張木椅，打打卡，當自己到了首爾喔。細看餐牌，選擇可算是貴精不貴多，散點的選擇分類為小食、拌飯、湯飯、炒粉絲、紫菜包飯、拉麵、部隊鍋……等等，以及咖啡、熱飲、沙冰及好些韓式罐裝飲品。此外，現在更提供外賣套餐，分2人或4人餐，相等於散點的8折，包括的食物十分豐富，是很划算的選擇。最可惜，2人餐是沒有炒年糕可選，故最終還是散點，但現在外賣自取可有9折喔！所有食物都包裝得好好，不用二百元，就有整整一大袋美食。通常吃韓國菜都有好些前菜，就算是外賣的，也不例外，是次就是泡菜及醃蘿蔔，前者辛辣刺激，後者酸香爽脆。選了一客韓式紫菜飯卷，有多款口味供選擇，這次就要了「韓式紫菜飯卷（菠菜）」（$58），一客有8件，面頭撒滿了芝麻，而飯內捲着的有菠菜、甘筍絲、雞蛋、牛蒡條、醃蘿蔔，十分足料，色彩又漂亮，口感富層次，非常味美。繼續試試「韓式辣炒年

之前去咗深水埗做嘢，所以就見到有間外賣餐廳可以買返屋企食嘢！一見到呢度嘅炸雞就忍唔住叫咗黎試吓，叫咗一份嘅炸雞$128 ，超級吸引，炸雞非常香脆！而且仲要外脆內軟，好多汁！同埋已經全部都冇骨！再加埋韓式甜酸醬真係冇得輸！另外仲叫咗一個紫菜飯卷，我自己今次就試咗豬肉嘅味道，真係好吸引，紫菜好香！

最近停晚市，要四周圍搵晚飯着落，喺深水埗附近見到間韓國餐廳有九折！所以叫咗個二人餐！牛肉紫菜包飯入面嘅餸菜量非常之多，唔會剩係得白飯，而且佢跟韓國嗰種整法加咗好多白芝麻，入口味道同口感都好豐富！牛肉炒粉絲呢個食物睇落簡單，但所有配料都要預先準備，仲要個粉絲唔會吵到一pat嘢咁，真係喺餐廳食先食到！炒粉絲落足麻油，好香！有機會都想堂食再試多少少野食！泡菜炒五花腩泡菜會有少少辣，但入口好惹味，雖然係薄切五花腩，但係量都好多！

深水埗好少韓國餐廳，今日經過黃金對面竟然見到有韓國小店😍即刻要幫襯下睇下掂唔掂。.外賣有9折，最近推出有個2人餐都幾抵，$218有3樣野再加飲品，但我地主要想食炸雞同紫菜卷，所以今次就無叫套餐。.🍴韓式無骨炸雞$128用左無骨雞脾肉既炸雞，外層薄脆肉軟，大小適中，一啖一舊，爆汁香嫩，真心食韓國炸雞要配佢個甜辣醬，辣味十足。.🍴韓式紫菜飯卷配五花腩$58紫菜飯卷可以配牛/豬/吞拿魚/菠菜，芝麻同麻油味好夠香，味道鹹淡度岩岩好，紫菜仲脆脆地。.深水埗區想食韓國餐廳既可以考慮下呢間小店💪🏻支持下。

星期日唔想煮飯，而家6點後又冇堂食，於是去咗屋企附近嘅韓國小店買外賣。而家餐廳仲有推出2人同4人嘅外賣套餐。外賣自助仲有9折優惠。我買咗五花腩韓式紫菜飯卷，牛肉韓式紫菜飯卷同韓式養生雞湯配白飯。~~紫菜飯卷好大條，好足料。有蘿蔔，蔬菜，芝麻等等。飯卷d料仲多過飯。飯卷唔會好乾，好好味。~~韓式養生雞湯配白飯個湯好清甜，飲得岀唔係味精湯，係真材實料。個湯好有雞味，又唔會好油膩。有成隻雞髀，雞肉好嫩滑。~~自家製泡菜免費送，好好味。醃得好入味，辣辣地，好開胃。

香港有不少韓國美食，多的是以部隊鍋、燒肉或炸雞為主。反而近來喜歡韓式小店，都是韓國人主理，就可以吃到地道式的韓國美食，此外，賣錢又經濟，最合適抗疫期間不能外遊，都可以享用韓式美食。沛的主理人雖然是港韓夫婦，但品嚐的食物味道，還是滿有韓式地道風味。******************************走在尖沙咀街上，就找到不少韓國餐廳，沛選址於深水埗區，位落於電腦用品的商場附近，旺中帶靜所街上。沛以的色作為餐廳主調，感覺上帶著小清新風格。餐廳地方不算很大，座位也不算多。這夜前來都是買外賣回家享用，來到之時，都有幾個食客在等候下單，所以等候時間大約15分鐘左右。餐牌提供食物相對簡單，但選擇都不少，雖是小店，也能提供部隊鍋、2人和4人餐食選擇。此外，簡單的主食有拌飯、湯飯、炒粉絲、紫菜包飯和拉麵。小食和炸雞都有供應。飲品有韓式罐裝飲品、沙冰、咖啡和熱飲，都算多選擇。等了10多分鐘，外賣已經準備好，沒想到外賣盒不錯，還有食具附上，確實不錯。點選美食，就附上自家製的涼泮小食，有芽菜和泡菜。芽菜麻香味十足，泡菜又不會很辣夠開胃，2款涼泮小食都不錯，確實想再吃多一客。飲品就點了香港較少有的韓國

多得正苦抗疫政策，每日夜晚都係外賣為生但當然都唔可以待薄自己架！今日陪米飯班主行完黃金，就係旁邊嘅韓國菜小店買外賣返家做晚餐。order後等左大約10分鐘，拎外賣時店家都好細心咁同我點數同作簡單介紹，一問之下知道係韓國人主理，醬汁都係佢地自己調配嘅，而且仲有送左三小盒前菜。前菜分別有醃蘿蔔，芽菜同泡菜。本身對於送嘅前菜冇咩特別，但係食落有驚喜一般韓國菜餐廳食嘅前菜主要酸味為主，但呢度嘅泡菜香辣惹味，蘿蔔都係偏清甜。原味雞蛋卷 $58 - 雞蛋卷mix 左啲蔥花同芝麻，增加左香味令到味道唔會太寡。吞拿魚紫菜飯卷 $58一打開盒聞到好香麻油味，色彩賣相都好吸引，配料有菠菜/蘿蔔/吞拿魚，飯同配料嘅比例恰當，剛剛好一口size 份量再多啲就更正喇無骨炸雞配甜辣醬 （全份）$128外賣盒有透氣孔，拎完外賣到屋企20分鐘炸雞都keep 到乾爽加上唔油，外皮仲脆完全冇冧到要讚炸漿調得好又唔厚，就算唔點醬食都唔會完全冇味道。而甜辣醬味道係偏重嘅，唔同坊間食開嘅果種甜味偏重嘅韓式辣醬，反而係香蒜味重啲，所以另外點更適合, 整體黎講呢份炸雞都幾高分👍🏻👍🏻👍🏻另外要一讚外賣嘅餐具係獨立包裝，乾淨又衛生。

依家因為疫情，冇得堂食，我就夜晚返屋企之前買定個takeaway先。想食韓國菜，就黎左深水埗呢間開左冇耐嘅韓國菜餐廳。韓式拌飯（牛肉）$88一個人食，如果叫太多野都食唔曬，就叫一個bibimbap算。有牛肉或者吞拿魚揀，我就揀左牛肉。Bibimbap入面嘅配料有紅蘿蔔絲、紫菜、芝麻、菇、瓜、煎蛋同埋牛肉，感覺營養均衡。撈埋醬汁一齊食，好惹味，甜甜辣辣，充滿麻油香。食食下就不知不覺食曬成碗。另外仲有附送兩款前菜，分別係大豆芽同埋泡菜。食埋就係滿足嘅一餐。

已經習慣咗放工去買外賣，今日星期五，又去左深水埗同長沙灣果邊買外賣，今日去左買韓國菜，外賣有9折，店內走小清新風，折左之後都幾抵食我揀左一個韓式牛肉拌飯同原味煎蛋卷$88韓式牛肉拌飯好大碗，有好多配料，除左牛肉，仲有冬菇，菠菜，蘿蔔，芽菜，紫菜，青瓜，超豐富，d飯好靚，用韓國米，粒粒都有嚼勁$58原味煎蛋卷，鋪左少少芝麻，好香蛋卷質地結實完整，十分不錯，而且分量都多，好抵食，係深水埗同長沙灣黎講算十分有質素既韓國餐廳

最近睇韓劇睇得多～ 超級想食韓國野～ 同朋友去依間溫馨文青打卡小店買外賣番屋企食～ 餐廳係簡潔既白色配上清新綠色感受到如果堂食都好舒適見到外賣餐牌上有2人套餐同4人套餐～ 仲可以散叫好多唔同類型既韓式小食～ 例如炒年糕，煎蛋卷，炸紫菜粉絲卷等都好吸引咁～ 我地諗左好耐決定叫一個外賣2人套餐，因為d野食都好吸引～ 個2人套餐包左3款食品同埋兩罐汽水～ 我地叫左韓式紫菜飯卷，韓式牛肉炒粉絲同埋韓式無骨炸雞軟骨配甜辣醬～ 汽水就要左提子味同埋雪梨味～ 好有去左韓國旅行既感覺！我地要左牛肉味既韓式紫菜飯卷～ 足料又好味！韓式牛肉炒粉絲真係一定一定要大贊，首先好夠鑊氣！仲要食材非常新鮮，拎外賣番到屋企都20分鐘都仲係咁香口咁好味，炒粉絲非常足料，仲有冬菇菠菜等等嘅配料，好正！韓式無骨炸雞軟骨都炸得好香口，外脆內香！非常美味！