沙查亨餐廳 (已結業)

大約兩個月前與好友去食飯，他說要等他女友出trip才出來偷食....今天最大的分別就是多了一個懂廣東話的中年男人，原來他是新接管的- 虎先生，沒錯，他是姓虎的！師沒變，水準保持，pakoras and 鐵板魚做starter，再叫了"Wok Chai Gai"，鑊仔雞，vegetable korma, cheese naan, pilau rice, 及兩杯house special cocktail - rainbow。Mr. Tiger 十分熱情，跟我們談到他在巴基斯坦及印度的趣事，並"沙查亨"名字的由來....最後不知他是否認真，說於不久將來推出全港獨有的- 巴基斯坦炒蟹！不過要同committe開會後才決定，問他committe係甚麼人，他說:"印差人"。

昨晚同女友去，大約7時到達，那裡30個位已坐了大部份！唯有坐中間那些。於不久更有一家6人來，攪到我地要被他們撘檯，興致大減！！言歸正傳，我們叫了Pakoras，鑊仔雞，茄汁蝦，芝士菠菜，Onion Nann, Mango and Strawberry Lassi，等20分鐘甚麼都未到！後來飲品到，味道ok，之後食物一次過上，蝦比較差, 鑊仔雞十分之正，一定要試，onion Nann 入面夾了咖哩，最後芝士菠菜漏單！平日來好得多，weekend人手不足，要搵師！材料不足，要出去買！

我都o黎過5-6 次喇...因為貪依度d咖喱正宗好味道!!! 而且又平呢... 嗌完order,佢會送個胡椒薄脆俾你... 基本上你嗌咩o野食都咁好食o架喇...(如果唔係食得辣就唔好嗌"香辣xx"<---食得辣就要嗌喇..yummy) 鍾意香口o野o既話呢..可以要一個雜錦燒烤...同埋炸洋蔥圈...咖喱方面--- 北印度芝士蝦(不辣的).....(好味o既實在太多,一時未能說出) 基本上有3-4 種咖喱配唔同o既材料...建議不同o既咖喱配不同o既材料o黎試下.... (咖喱價錢由$30---$60) 有個乳酪雜菜(冷食) 亦不妨一試..係由青瓜和香料等材料組成... 仲有其他乳酪飲品...好味之餘又可解辣之作用!!! 平均位位$50 蚊都食得好豐富o架喇!!