沙嗲王 (卓明大廈)

營業中

休息中

終於復課了，可以好好嘆早餐😌😌😌今日出咗荃灣，試呢個沙爹牛肉三文治 ！平時最鍾意食茶餐廳嘅沙爹牛肉麵，反而變成三文治就未試過。厚厚嘅滑蛋配埋滑滑嘅沙爹牛肉，好滋味好juice ，一啲都唔乾，每一啖都充滿沙爹牛肉汁，牛肉同蛋都非常滑，我淨係食咗半件已經足夠飽啦😆沙爹牛肉控絕不能錯過！Menu 上其他早餐同樣非常吸引！有沙爹王必食嘅白咖喱，原來仲可以喺早餐時段食到！估唔到早餐都好多選擇，而且仲好好食！

今日假期專登同家人去呢度食早餐。如果第一次來食，要試吓佢的豬扒公仔麵白咖喱湯底+烤餅+流心蛋 （$41）呢度餐比起其他的茶餐廳/冰室早餐有少少不同。換下口味。總結：值得一試。

本身打算反工去食個輕量版白咖哩豬扒飯。。去到見餐牌好似有d 唔同左，轉左蔥油香茅豬扒飯😂😂於是揀呢個。。。應該蔥油暫時遇到，好少話會整得唔好味，所以今次呢個，味道都唔錯～ 好味道： ⭐️⭐️⭐️⭐️.凍飲+$3(每次野飲，多選擇，都有點難揀😂😂）荔枝紅茶配寒天波波好味道：⭐️⭐️⭐️.下面是下午茶的餐單。。。都有很多不同選擇～😀👍🏻.手機apps 下單。。會再平$2~

無得輸的炸饅頭。。真係好好味😁😁👍🏻👍🏻.呢次試飲～芒果茉莉花綠茶配寒天波波。。完全冇芒果味，飲落剩係得茉莉花綠茶味，仲要完全無甜味，所以唔知係咪本身呢杯野無甜味？？🤔🤔寒天波波👍🏻👍🏻👍🏻因為本身個人幾鍾意寒天波波的口感😋.本身幾鍾意沙嗲王pizza的穌皮餅底👍🏻可惜呢個Pizza的番茄醬味好奇怪，令到整個Pizza都好難食😢😢.都係無得輸的白咖哩豬扒飯👍🏻👍🏻碎上豬扒好方便，仲要呢次塊豬扒份量都好多😲👍🏻👍🏻

沙爹王👑唔經唔覺原來已經30年讀書個時同同學成日都會揀沙爹王gathering一黎又唔太貴,環境唔錯,坐得有幾舒服,d野有成分或者半份揀,無得揀個d分量唔會太多,可以叫多幾樣試,叫野食飲品又半價...食lunch時間經過,就入去懷緬下😂🍽招牌白咖喱豬扒飯個味道係保持到水準,都係個隻味, 香濃既白咖喱加埋香茅豬排,真係幾惹味😋佢一份有3塊豬排,如果一個人食嗮會太漏, 最好share食🍽鮮蝦棒 & 印度薄餅呢兩款都係經典菜式啦,蝦棒炸得幾香口,點埋沙律醬好易食完一條接一條印度薄餅都鬆軟,係油左d,點埋黃咖喱,都正❗️衛生程度要改進,幾樣餐具都唔太乾淨

突然好掛住白咖哩豬扒飯。。於是就去食😁😁🤭這個飯真的百吃不厭。。這次還加入了新的"牛魔系列", 於是新舊的菜式一起試😁😁😁.太正喇。。白咖哩豬扒飯😍👍🏻.沙嗲牛炒通菜味道偏咸。。雖然牛肉比好多，不過因為偏咸原故，都唔會食太多～.蒜香牛油雞翼 推介👍🏻👍🏻👍🏻👍🏻 .在沙嗲王試這個酸菜魚，確實有點冒險。。當然味道出事了，哈哈。。。個人不太喜歡入面有種好重的香料味～因為跟魚味道不配搭～.炸饅頭都係沙嗲王中，幾核心之一😁👍🏻

/ 接完男朋友收工都差唔多夜晚9點鐘，所以我地決定去附近沙嗲王快食個晚餐🥳(其實沙嗲王都就黎已經做左我地既飯堂，我地成日都會去食，因為又好食，又抵食😆)📍炸饅頭 ($18)💬我地勁鐘意食饅頭，點埋個煉奶，好好食🤓！📍椒鹽雞軟骨 ($33)💬雞軟骨又係差唔多我地必食既野，而且幾出色，個炸粉唔厚，幾好食😋📍法國龍蝦湯配烤餅 ($25)💬龍蝦湯再配黑椒粉真係幾match🤩，幾好飲，🦐都唔小，而個烤餅就一般，不過可以俾你一邊飲住個湯，一邊點住黎食！(但唔記得左影個烤餅俾大家睇🙈)當然就係黎到沙嗲王必食既📍白咖喱汁豬扒飯 ($64)💬基本上每次同男朋友去食沙嗲王，都會叫呢個豬扒飯食🤪，因為個白咖喱汁真係好正，好好食，配落豬扒，再撈飯食，一流😋👍🏻(有時如果我地都太肚餓既話，就會加底，加多個飯share食，咁就夠哂飽☺️)📍印度薄餅配黃咖喱汁 ($26)💬薄餅都唔錯，不過就比較大舊，最好撕開佢一塊塊，然後再點黃咖喱汁，諗起都流口水🤤！📍避風塘脆豆腐 (4件) $28💬我地平時會就咁叫脆豆腐，但今次想試一試避風塘既口味，結果又無令我地失望，辣辣地幾好食😋！呢間沙嗲王野食唔錯，員工服務態度都好好，記得當

我相信好多人番工最辛苦既就應該係諗食咩😂😂😂晏就天時暑熱 又無咩胃口😵就自然想食下啲比較開胃嘅嘢食 但又冇咩頭緒 所以係條街到行左個大圈 點知經過無食好耐又遺忘左既沙嗲王 當場雙眼發光 🤩 因為我仲好記得佢既 白咖喱豬扒飯 係必食既 佢既白咖喱汁岩哂我無咩胃口可以送飯食 一流😋幾年冇食過 味道依舊 都係咁出色 👍🏼👍🏼 白咖喱味道唔會太濃 就算攞嚟浸飯食都唔會覺得（流） 所以呢個飯 真係每次去親沙嗲王 都一定要食蒜香牛油雞翼 非常惹味 用來做開胃前菜 一流😋 當場有晒食慾再嚟多杯蘋果綠茶啫喱 唔會太甜 飲完就滿足晒啦

途經沙嗲王，便決定帶兩個很久已沒有吃的白咖喱🍛飯回家與家人分享。～白咖喱香茅豬扒飯不愧為此店的皇牌，白咖喱微辣惹味，滋味無窮，配白飯或薄餅來吃是絕配。三片薄香茅豬扒份量也不少，一咬即開，絕對不會韌，應該是醃製過的。豬扒再沾上白咖喱來吃，會更加惹味。又是不消一會兒已吃掉整個飯了。～慢煮豬軟骨飯配溏心蛋溏心蛋非常奪目，即時引起食慾。豬軟骨已炆得軟滑，骨膠元豐富，肉又一點也不會韌。豬軟骨雖然浸在醬汁內，但又不會過鹹。再配了青菜🥬，真教人滿足。這店的午市套餐還包了飲品一杯，外賣是封密包裝，不會倒瀉，頗為貼心。

星期五的晚上, 一個人在荃灣, 有咩好食呢, 想坐好dd, 人少dd, 突然諗起白咖哩豬扒, 於是走去睇睇, 正, 夜晚8點, 竟然唔多人, 算啦, 反正我入去都係為左呢一個飯。侍應有禮, 帶我去到坐時, 重問我怕唔怕凍, 如果怕的可以坐另一邊。(帶點內地口音的男生)。之後就直接落單, 飲品要加錢, 太熱了, 加啦, 不過,  15蚊一杯荔枝紅茶, 都係伏伏地。好快, 野飲同我的至愛都黎到喇, 不得了, d汁真係超正, 好快已用汁食曬d飯, 再慢慢享受個幾塊豬扒。無食左近一年, 豬扒都算keep到, 好味好味。其實黎左超過10次, 我次次都係叫呢個, 係咪有d癲呢, 哈哈

做完嘢好肚餓路過唔洗等位就入咗去下午茶價錢正正常常試咗沙嗲肥牛讚岐烏冬招牌菜無令人失望仲要喺真讚岐烏冬 值！呢度唔喺可口可樂喺百事但好在叫走冰都仲大大杯唔會抽您水！個薄餅睇落都好吸引下次要試吓先得

咁啱去到荃灣食沙嗲王點咗個咖哩滑蛋豬扒飯相當之好味可能已經係晏晝兩點幾鐘店裏面唔帶多人各位好闊好大好好坐滑蛋相當玩咖哩小辣相當香 吉列豬扒相當鬆脆但感覺上脂肪好多好肥夠膽叫呢個反應該都唔怕樣樣都好係啲餐具唔係幾好用呢個櫃桶載住啲筷子同埋跟你可以想像得到你必須要伸隻手入去抄先攞到出嚟講真今時今日咁樣拎嚟拎去好似真係唔係幾好你拎咗出嚟之後必須要用紙巾抹乾淨67蚊本來就唔係好貴但係呢啲茶餐廳款嘅餐廳竟然要收加一有啲出奇 食就幾好食不過收咗加一之後有啲偏貴

在荃灣行到倦，行到去大河道，見到沙嗲王就走左入去食番個下午茶。點左雞翼餐(蒜蓉牛油雞翼，蒜香牛油烤餅) $29，輕量白咖喱香茅豬扒拉麵$38。野飲就叫了凍荔枝紅茶(配啫喱)。點完餐就見到餐桌紙上寫會員有著數，咁就裝左個apps 睇下有d 咩，原來有迎新著數，$50 平 $5元。可能下午茶落場時間，食物都等幾耐下，我地唔趕時間就邊打食評邊等美食。蒜蓉牛油雞翼，蒜香牛油烤餅，雞翼炸到好香口白咖喱香茅豬扒拉麵，豬扒好淋，白咖喱汁好濃，雖然寫輕量，但份量都很足，跟平常拉麵大小一樣，夠晒飽。

今天跟女朋友在荃灣閒逛期間，正在想著午餐吃甚麼時，不經意瞅到沙嗲王的招牌Logo，發現也很久沒有吃過，便雙雙走進去選了一個窗口位置。由於疫情關係，午餐時段也沒有爆場，才能夠自選位置。實在是太久沒吃過了，這才發現沙嗲王也自助電話點餐。甫一坐下，當然立即點了一個招牌的白咖喱豬扒飯，女友想吃雞，所以另外點了一份白咖喱照燒雞扒飯。然後再點了一個印度薄餅配咖喱及一份椒鹽豆腐。白咖喱豬扒飯一如概往沒得輸，咖喱十分惹味香口，辛而不辣，十分適合不能吃辣的人。豬扒表皮炸得香脆，內裏卻肉質鮮嫩，十分出色。另一邊箱女朋友點的照燒雞扒卻稍嫌煎得過火，比較乾身，肉汁流失。印度薄餅配咖喱是我每次必點的小食，咖哩十分香口。相比之下，椒鹽豆腐就顯得比較普通，不太出彩。整體來說，以低廉價錢下吃到這水準的食物，還是值得一讚，性價比也高。

疫情期間，調節心情，反倒成為機會，試吃不同的餐廳。今次首用OpenRice 自取外賣，45元，也頗優惠。預約晚上2004可取，早到了五分鐘，外賣已可取了，估計都大致備好餐翻熱的做法。白咖喱豬扒飯，相信是不少八九十年代成長的香港人情懷。記得以前是三十多元而已，一班同學叫得滿滿一卓，每人才不過一百元左右。沙嗲王菜式也有別一般茶餐廳，那個年代視為對味道的啟蒙。沙嗲王近年也在翻新品牌。當晚有提供優惠外賣。回家休息一下才吃飯。溫度自然涼了也理解，豬扒是失望了，記得以前是原塊香茅豬扒，炸得酥脆，今天的不過是豬柳片感，炸得不乾鞋，但味道大路普通。主角白咖喱，也沒有以前的濃香，今天所能吃到就是椰汁加麵撈，有點香茅和咖喱粉的汁而已。豬扒太薄，下梳打粉太多，一陣鹹味。飯打得太實，估計都是裝定十個八個飯盒等外賣。整體而言，在香港，比較少有少所謂回憶的味道，這種味道還是留在心理好。外賣45元，老實說也不過不失，這個價錢以上，我就不會再來了。