沙嗲王 (已結業)

沙嗲王的經典在於它有幾道特別出色的菜式, 例如白咖哩, 一口豆腐都係沙嗲王的標誌所以決定找回從前的味道, 一試白咖哩奇脆雞, 遺憾地, 有點失望先說是盛器, 從前的白咖哩是長碟的, 但今天換成了一隻碗, 感覺有少少敷衍...但白咖哩的味道仍然係維持到水準另外, 奇脆雞應該係以前無的, 今次一試, 首先雞的確炸得很脆, 外脆內嫩, 但是卻偏咸了即使佐飯也是很咸沙嗲王, 歷史的回憶

好耐冇食過沙嗲王，今次叫左冬陰功扎肉鮮蝦米線，鮮蝦尚算新鮮，肉地爽口彈牙，鮮甜美味，扎肉係豬肉有冬菇肉，夠香口，有口感，份量亦足夠，只嫌冬陰功湯味不夠辛辣，再重小小會好d,原來仲有送辣椒醬喎

去沙嗲王當然要食聞名遐邇既白咖哩豬扒飯白色濃稠香濃的咖哩汁，承載著煎得香脆的香茅豬扒，挾一塊入碗，一咬，只感到咖哩的濃滑惹味同香茅豬扒的香口融為一體，再細細以白咖哩汁拌飯。這白咖哩汁味道較清，辣度也沒有那麼重，但撈起飯仍然十分惹味，帶有頗濃的棷香。這不愧是沙嗲王的王牌。

沙嗲王 簡直可以稱為兒時至愛中學生無太多錢時 又要同朋友仔出街食飯gathering下 沙嗲王係一個好好既選擇但亦隨住老紀越大 選擇多左就將兒時最愛遺忘了今日心血來潮同老公黎番發現餐牌熟悉得來 又有啲新轉變！芝焗一口貝 (8隻) $46係我細個必點的小食！水準依然keep得好好😍😍香濃芝士配上脆脆煙肉粒 每粒一口貝的底部仲有薯蓉托底架！ 好滑好綿咁嘅價錢食到咁嘅水準真係邊度揾？白咖哩豬扒烏冬 ($51)一向沙嗲王都係最出名白咖喱同豬扒！老公好醒目仲好識食添識得叫呢個招牌組合！😚😚個烏冬好大 仲要係讚崎烏冬 正！咖哩香茅豬扒粒Pizza ($38)6"一人pizza係新菜式 以前冇pizza 架所以即刻點來試下！批底係好似印度果啲薄餅 好鬆化 一啲都唔係烘到濃晒硬晒果啲批底！好好味 我仲偷左老公碗咖哩湯沾來食 真係好似印度食法哈哈以上套餐仲包野飲我同老公叫左凍荔枝紅茶同凍青蘋果紅茶同當年一樣 都係有啫喱在底架！陣味係羅蔔臣啫喱味 真係好飲又好食

從小就幫襯，原來已開左25年，今晚諗唔到食咩就去呢度開餐！呢個芒果蟹肉炒飯，賣相ok, 芒果粒唔酸，配以蟹肉一齊食，一咸一甜，味道又夾到，而飯粒炒到幾乾身，唔錯！另外一款主食係冬蔭公湯札肉檬粉，無論湯底,餸及面食都可自選！湯味都幾冬蔭公但係唔辣版，札肉份量多，幾抵食！小食叫左蟹肉西蘭花，味道又油又咸，其實煮呢味點解會咁多油呢！失望mode!反而呢碟避風塘炒鮮魷仔，香口又熱辣，食落唔會一口油，有驚喜喎！

不知道這家分店是不是最老，但印象中它待在這裡已經上十年，而且裝修座位都帶着殘舊感。倒也不是說環境差，不過是缺少光鮮的感覺，座位挺寬闊，以人均消費不過百元來說是合格。白咖喱香茅豬扒飯應該稱得上是鎮店之寶吧，每次來都不捨得不點這個，每次要吃這個除了來這裡也不知道可以去哪。雖然有着咖哩之名，但完全不辣，所以跟不能吃辣的人來也很放心點這個。白咖哩有着濃濃的椰香，味道帶甜，從來視為咸食卻帶甜的汁都是一流的伴飯料，比如日式牛肉鍋、鮮茄牛肉這些說咸卻甜的菜式，簡直是白飯殺手！香茅豬扒雖然不是做得非常脆，但表層有酥化口感，香茅的味道既清新又惹味，加上油炸食物特別讓人有食欲，這道菜就是能讓人大口吃飯、大口吃肉。沙嗲肥牛檬粉浸沒在濃郁的沙嗲湯下，以前可以配搭金邊粉，可是現在沒了。多年前桌上還備着芝麻，瓶子帶磨碎功能，讓客人隨意添加，以前吃這個喜歡瘋狂攪動磨柄灑下大量芝麻碎，現在也沒了。雖然是檬粉，吃起來卻有着金邊粉的口感，奇怪。檬粉口感應該比較爽，但這個吃起來卻有着金邊粉的軟棉，掛湯力強，本來我就是想吃金邊粉，所以對這個金邊粉質感的檬粉挺有好感。肥牛沒有特別驚喜，但至少不會粗糙難咬，質素合格。沙嗲湯才是這

執執下銀包發現左3張2蚊沙嗲王coupon 5月31到期，就係上次食完送嘅，出開旺角順便用埋沙嗲肥牛拉麵從Lunch set眾多choices揀沙嗲肥牛拉麵係因為li個麵之前喺無set嘅情況之下order過發現好好味，周圍都坐滿哂但係都唔算等太耐。個拉麵唔係勁粗身個種，係幼幼地食落好林跣入個肚個隻，我最鐘意！沙嗲湯底望上去好濃咁cover哂成個碗，食落就知唔係得一"pat"沙嗲係成個湯底都係咁濃厚，亦做到唔"傑" tart tart, 至於肥牛嘅份量都有點出乎意料.....嘅多，同埋半肥瘦，我唔需要好似平時出街打邊爐咁食幾塊肥牛lur出半碟肥膏，因為湯底咁豐富，如果肥牛都咁多肥膏就太heavy喇熱檸水今次有進步！多左塊檸檬~~ at least 杯野有小小酸味吧！最後，又有新coupon 😅剛發現原來係無restrictions的，即係間間都用得😅好邪惡！

喺旺角食野嘅消費$$已大不如前，連掃街都動輒幾十蚊，稍為有質素都走緊中高價路線，要平食但唔頹，一唸就唸起喺中銀樓上嘅沙嗲王冬蔭公扎肉鮮蝦米線等左5分鐘，一碗大麵碗size嘅冬蔭公米線來了，一小塊青檸可以增加泰國嘅風味，冬蔭公必備嘅蝦好大隻，腸亦已挑乾淨(無黑色一條腸)，3塊厚切圠肉味道好濃，黑椒夠哂大粒，用上好多蕃茄令湯底顏色鮮左，加上溏心蛋同份量十足嘅米綿。li個泰式湯底(冬蔭公)+越式(扎肉)+日式(溏心蛋)+三哥式(米線)嘅組合喺味道，份量同創意都非常滿足！荔枝紅茶冰唔算超多，亦無一味得個甜字，幾fresh

今日晏就諗唔到食咩，一於食沙嗲王。點左個吉烈白咖哩豬扒飯，都算係沙嗲王既新菜式，緊係要試下啦。吉烈豬扒夠曬脆，略嫌炸粉有小小厚，但新鮮炸起，夠曬脆加番小小分數。白咖哩，保持到水準，十分惹味，唔會太辣，用曬黎送飯，一滴都無剩。

朋友為我興祝的生日飯，我本身係不知道的，我們約好了地方，再一起過去，説真的聽就聽得多，但我就真係未食過！今次一定會試真啲🎊我地同行係四個女仔一齊食，大約晚上7：00左右，但唔算太多人，很快就有位了。點完野食一黎就係呢個👇🏻真心超好味朋友介紹食，佢地話係必試，😍一試即愛上，真係好好味，裏面粉絲感覺與眾不同👍🏻一個字正，必食！第二上嘅係炸蝦，呢個反而一般般，冇咩特別，但都唔差嘅，大家可叫可不叫但食物嘅質素真係唔錯嘅！朋友本身想叫鰻魚pizza，但可惜冇，佢話之前有出勁想試，迫於無奈下叫左呢個飯，我自己覺得超一般，同出面啲炒飯冇咩分別，只係加左少少鰻魚，冇咩鰻魚味！至尊推介超好食， 外脆內軟啖啖肉又夠味，必食記得一定要叫黎食！個pizza我覺得好特，做到個皮出面勁脆，裏面又係軟，同出面個啲好唔同。。。真係要試 朋友買嘅生日蛋糕真係唔知佢地從邊拎出黎，餐廳裏面應該會幫我地放雪櫃，賣單後佢送左幾樣我地，糖、下次食嘅優惠卷、辣椒醬 。。我地一人要左一樣good，抵！

其實都真係好耐冇食沙嗲王，以前讀書時期因為平靚正都成日同朋友聚餐就黎食，不過宜家就少左機會一大班人出黎食野，今日都係友伴經過忽發想食先入去食，但感覺已經同以前再唔一樣...其實好想試下佢街霸系列，但食完其他野之後就放棄再加單...先講必食白咖喱香茅豬扒飯，白咖喱香甜配合煎得鮮嫩豬扒，好彩招牌菜仲維持到質素海鮮冬陰功－失望，極咸，海鮮份量好少，配菜洋蔥佔左湯２／３嘅份量。芝士年糕－普通，油炸味好重，覆蓋左芝士味香脆椒鹽魷魚－失望，咸且油膩到一個極致。而且魷魚食落唔爽口彈牙

有時午餐真係唔想食到咁飽，久唔久食下粉麵又可以無咁厭。沙嗲王最大既好處就係通常都唔洗等位，一黎到就有位坐。唔好要求呢到會有咩裝修格局喇，裝修都係偏暗，不過卡位有好多，所以就坐得舒服。嗌左個鮮茄雞扒米線加半隻溏心蛋，一上到枱已經聞到好香番茄味，我鍾意將雞蛋既蛋黃撩出黎，等個蛋黃可以溶入湯底到，加強蛋香味~雞扒好醒目咁識得另上，唔洗驚啲湯會浸淋塊雞皮。睇圖都知塊雞扒煎得好香口，皮夠脆，但唔會過老，起碼食到雞肉係有肉汁。50蚊左右價錢俾你坐得舒服唔洗同人背對背，食物質素又有保證，收貨有餘啦!

工作過後的小小獎勵當然是豐富的晚餐啦 由於朋友有現金卷(每次吃完都會給的,多半都有1~2個月期限),到訪了沙嗲王!早已過了繁忙的食飯時間, 但到達時店還有好多人在等位 嚇一跳了~不過這分店共佔了3層的空間,所以不用等很久就全都有位了!我們乘電梯上2樓,剛好有另外2個女生也一起乘坐~站著不算太迫~不過!明明就是上2樓 ...但等超久也沒到,也沒聲音,嚇得我們以為困在電梯內了 ~所以建議各位如非必要,可以走旁邊的樓梯!由於時間不早,我們決定只點少些主餐,而多吃小吃~我們點了「香芒鮮蟹肉炒飯」,「煙肉菠蘿鮮茄醬Pizza」,「避風塘鮮魷魚皇子」和新品的「香脆椒鹽軟殼蝦」~由於點了4個食品,飲品能半價 !我們還點了2杯飲品「」。「香芒鮮蟹肉炒飯」最先上菜~芒果有沒令人失望的一大片,果仁也一大堆,還有些肉鬆,不過不太吃到蟹肉而且說是炒飯,就真的只是飯給炒了~大部份的材料都沒混合來,吃時都分開吃的~味道算是不錯,感覺是普通的炒飯加上些別的配料炒飯後,來了「煙肉菠蘿鮮茄醬Pizza」! Size不大,對女生一人兩片就已經十分足夠~價錢更比一些小食的便宜~份量不大好讓留著空位嘗別的食物,所

想當年沙爹王真係雄極一時，風頭更一時無兩，分店愈開愈多！全憑佢個招牌沙爹又真係好味嘅～隔多年後嘅今日再度光臨，店內格局沒大轉變，可惜食物品質及味道已經不再～肉鬆蒸粉卷，味道明顯比當年退步，粉皮太厚，而且相當粘碟，粉皮冇乜味道，普通到冇下次喇！ 芒果沙冰珍珠一試個芒果沙冰就知一定唔係用新鮮芒果即製！冇新鮮芒果嘅清甜味，而且味道仲偏酸，感覺不良好！珍珠芯未熟透，所以食起上嚟會覺得硬硬的，價錢與實物不成正比！豉椒炒蜆炒出嚟顏色配搭都唔錯，但蜆肉唔新鮮，醬汁好濃、過咸，都掩蓋唔到臭蜆味，劣品！ 避風塘尤魚 算係小食中最最最正常的一個，味道都唔錯，炸得都幾香脆，尤魚筒仔都算新鮮，起碼食唔到有腥先！仲有招牌沙爹粉絲⋯冇影相，但味道卻依然冇變，都係香濃好味！可惜其他菜式實在太差！服務又不好，衛生欠奉，再回頭指數極微⋯

說起來，都不知有多久沒來沙嗲王了，原先約了朋友，見尚有時間，而且又下著微雨，不想四處走，來個下午茶都不錯。雖然是平日，但店內依然有七成客，望望餐牌，都是以咖喱及粉麵為主。點了一碗沙嗲香茅豬扒粉絲，飲品是凍檸檬茶。當粉絲上檯時，只見厚厚的一層沙嗲汁蓋住了整碗粉，起初都不為意，一撥之下，發覺沒有放入豬扒，提醒侍應後，都要等10幾分鐘，老實講，無理由放任粉絲吸湯，只好一邊食齋粉絲一邊等。其實沙嗲質感都幾濃稠，個人不太欣賞，但吃了一半左右，送上了剛炸好的豬扒，熱辣辣又鬆化，算是合格。不過凍檸檬茶就慘不忍睹，無乜茶味，又係糖水一杯。