沙嗲王 (新都城中心二期)

營業中

休息中

每次食沙嗲王都好有回憶因為以前放學經過都經常食今次叫左set餐，今日仲係粟米湯🌽又ok喎！每次黎親都會必叫既白咖喱豬扒飯真係食極都唔厭😆小食叫左蝦棒幼幼長長好易入口同埋叫左椒鹽豆腐食，佢啲豆腐超滑好正今次終於叫酸菜魚試試味道唔同平時食果啲一樣，佢係另一番味道🤣避風塘鮮魷我都好鍾意❤️因為佢啲避風塘脆脆好特別，好好味😋仔仔親叫滑嘟嘟鰻魚飯，又真係幾滑喎鰻魚仲好大件

這次經驗發生在2022年2月，疫情第五波期間禁堂食，看openrice 折頭吸引，剛巧在店舖附近，很乖的到店舖下單4人份，店面禁堂食，外賣只有兩個人排隊，順利下了單，誰知價錢是正價竟然貴openrice 幾成，詢問店員，發覺只有經openrice 才有折，同是外賣，經店面下單並沒有折頭，本來見折頭吸引，才考慮幫襯，誰知道陪了夫人又折兵！我承認經驗不足，但店員為何不在下單時對我說明？明白食肆疫情中經營艱難，但可以做到位一點嘛

平日夜晚唔係好多人，所以即入唔洗等位~叫咗肩胛肥牛粉絲、蟹粉豆腐鍋飯、蟹肉扒西蘭花肥牛粉絲真係好正🤤粉絲夠幼細會索晒啲沙嗲汁🤤蟹粉豆腐煲想食好耐🤤由於我只係想食蟹粉豆腐所以冇食飯，但其實就咁食比較鹹，攞嚟送飯應該會好啲🤔蟹肉西蘭花就一如既往地好食😂令我最意外嘅係啲店員服務態度勁好😳有個姐姐見到我哋好似食完咁就過嚟問要唔要收咗啲碗佢，但其實我哋未食完所以話唔洗😂之後我哋想要啲熱水加落水壺就問另一個姐姐，佢特登攞壺熱水過嚟，仲勁好態度咁幫我哋倒落個水壺到😳我實在覺得要寫上嚟表揚吓佢😂👍🏻然後收銀個姐姐態度都ok~

好耐冇食過沙嗲王今日突然間想食有啲懷念白咖喱豬扒飯同埋蟹粉豆腐煲白咖喱香茅豬扒飯同想懷念當年嘅味道都差唔多，不過都係一年食一次好啦，食得多真係會濟蟹粉豆腐煲就真係比較失望，幾年前食係好鮮香，反而而家啲蟹就真係比較霉，食得出有浸”宿味”同埋偏腥，而且味道都好淡白咖喱香茅豬扒飯同想懷念當年嘅味道都差唔多，不過都係一年食一次好啦，食得多真係會濟。😕😕😕蟹粉豆腐煲就真係比較失望，幾年前食係好鮮香，反而而家啲蟹就真係比較霉，食得出有浸”宿味”同埋偏腥，而且味道都好淡。豆腐煲跟咗兩個薄餅，不過呢兩個字係港式酥皮海鮮湯嗰啲酥皮咁，其實同蟹粉豆腐煲唔係好夾。之後有機會先再試啦但短期內都唔會再食了😂

行山前當然要食個靚早餐，今次係寶琳站出發，就去左新都城中心既沙嗲王食早餐。而家既新餐牌無左米通同沙嗲湯要另外加錢，早餐主要分左四類：炒滑蛋、溏心蛋、歐陸扒餐、黑松露炒蛋同三文治餐，今次就先試扒餐！叫左C1厚切吉列豬扒 配 香腸、茄汁豆、滑lulu蛋、蒜香烤餅（$38）同D2黑松露滑lulu 蛋 配 燒雞扒、香腸、茄汁豆、蒜香烤餅 （$44）。吉列豬扒切左做三大塊，炸得幾脆，厚唔厚就真係見仁見智。烤雞扒面頭有少少蜜糖烤到焦香，幾嫩滑。炒蛋好大份同好滑溜，黑松露都幾重手，但最驚喜係有烤餅食，多士、餐包食得多，早餐配Roti真係特別，食到好想加咖哩！總括黎講，沙嗲王既早餐性價比算高，每次食仲會回贈現金優惠券俾你下次用，如果下次行開新都城都可以再食白咖哩湯麵！

沙嗲王 (新都城中心)將軍澳貿業路8號新都城中心2期2樓2001-02 & 2087A號舖💋蟹粉豆腐鍋飯，好多時食沙嗲王都會叫佢，今次都唔例外，但今次品質有點令人失望，之前我鐘意佢個種濃厚的口感，但今次就完全消失左，勁稀，味道方面，好似冇落鹽一樣，勁淡，爭D以為要變成新人類。💋鮮茄芝士焗厚切豬扒飯，佢呢個飯底係雞蛋炒飯，食落都幾乾身，唔錯，佢個鮮茄汁食落酸酸甜甜咁，唔錯，芝士方面都幾慷慨，但唔太拉到絲，略微失望，而佢塊豬扒厚度都唔錯，咬落都算彈牙，係味道就淡左少少咁。💋石鍋XO醬炒蘿蔔糕，呢個份量好有驚喜，勁大盒，數量唔少，XO醬食落都辣辣地，幾刺激下，正！但蘿蔔糕就淋晒，有點失色咁囉。

我一入門口，就已經一肚氣。門口嗰個掃針卡機，完全對唔到焦，足足掃咗2分鐘先至入到去。坐下諗住叫食物，又話要換位，說阻住佢搬貨，換完位，終於落咗單，好彩食物都叫做上得快，好快有得食。整體來說，食物冇咩驚喜，普普通通。由於二人一枱，生日優惠券要食滿$200才可減$50 ，於是叫了一些食物外賣，有仔細睇過佢嗰啲優惠條款，只係話不可與其他優惠使用。好啦，叫咗$21x，買單嘅時候，佢竟然話要加一前滿$200才可使用，仲叫我下次再嚟先至用。咁嘅疫情，晚市又冇，午市又二人一枱，叫夠$200都唔係咁用，加上仲有三日，就已經2月28號，於是又再加咗一個外賣薄餅，埋單走人。但諗諗吓唔多服氣，打去佢哋嘅顧客服務熱線，接咗去行政部，有人聽電話之後，我問佢點解優惠券嘅條款寫得唔清唔楚，佢話搵負責同事聽電話，結果直接cut咗我線，冇咗下文。呢啲咁嘅公司，真係要諗清楚先好再幫襯。

又到食晏時間啦，路過新都城，一邊睇下有什麼好食。原本想去南記度食，冇乜選擇價錢又唔平，都係香港仔老店舖好味啲。再搵，見到一間沙嗲王，鋪頭寬敞環境光猛仲好新淨及整潔，便入去吃。我們order咗一個海鮮沙嗲米線和印度薄餅配黃咖哩汁。海鮮沙嗲米線，兩隻中蝦、兩條墨魚、一隻青口、芽菜及三四隻蜆仔。沙嗲味好香濃，還花生嘅味道，湯底唔口渴，米線一般嘅米線啦。整體嚟講係唔錯嘅。印度薄餅配黃咖哩汁，薄餅熱辣辣，有啲啲香脆，黃咖哩汁好香濃。用q r code落單可以平兩蚊又方便。第一次登記做會員，還有五蚊coupon送，仲可以立即使用。我拿拿林當然登記做會員啦。整體嚟講，食物ok嘅，環境整潔。不妨一試。

今日叫左兩個午歺，必食白咖喱豬扒飯，當然冇得輸，味道一如既往嘅好，另外叫左一個泰式酸辣鱸魚，但係等咗好耐，差唔多20分鐘都未上，重有份量太少，冇几啖食晒完，仲叫咗個手拍青瓜非常好味，另外職員叫我地自助落單可以減兩蚊，但係佢又要過嚟打張單俾我哋，其實同我哋攞單有咩分別？慳唔到幾多…

去新都城中心行街，又到3點幾下午茶時間就周圍行下睇有咩好食，咁下午茶就想食炸野，又見到呢間沙嗲王好似幾抵咁就試下。睇佢餐牌見佢既餐20幾30蚊就有下午茶，最後叫咗兩個餐 白咖哩豬扒米線同蒜蓉牛油雞翼配薯條，同兩餐都好味，蒜蓉牛油雞翼仲要係即炸出黎，夠晒熱。個店員仲同我地講用手機點餐可以有得減2蚊，抵食既下午茶。

好耐都冇食過沙嗲王 見到呢度有間就拎張飛等位 諗住食個白咖喱😆入去見到有個二人餐$236 懶得諗就直接嗌呢個用手機落單都幾方便 好過之前人手落單不過唔知佢哋人手不足定係編排有問題好多張枱都冇執 出面又排晒隊餐湯冇乜味沙律麻麻哋白咖喱鐵板巨髀飯 普通白咖喱冇之前咁好食 啲味好似唔同咗佢用鐵板上但係個鐵板唔熱 只係微暖隻巨髀都冇之前咁大隻冬陰功海鮮烏冬 佢個湯底唔夠酸唔夠辣唔似冬陰功 不過隻烏冬係讚岐烏冬好食同個半隻溏心蛋都OK蒜蓉牛油雞翼 炸得好脆 不過有啲油朱古力沙冰啲朱古力味真係好濃 好好飲👍🏻但係芒果椰汁沙冰西米 佢啲西米唔知點解好似未煮熟咁 咬落去好硬 🙄男友話成餐飯最好食係個雪糕 最保持到水準🤣🤣芒果椰汁西米露啲西米 同杯嘢飲嘅西米一樣都係好硬🙄但係味道OK成餐飯計埋+1 $259咁嘅質素真係有啲失望

由中學時期食到宜家都十幾年，品牌味道仲keep到一定水準，最出名當然係白咖喱🍛飯啦，個咖喱有咖喱味，辣味比較輕，適合唔太食到辣的我。配菜香茅豬扒，十分好味。另外仲叫左個大雞髀。肉質嫩滑。

呢日 #小秘書 再次失守👉🏻👈🏻 又一次破財💸 比人說咗成粒鐘，離開美容院已經三點有多，個肚已經肚到咕咕聲😅 講真… 商場裡面嘅餐廳大部份都試過哂，適逢今日「沙嗲王」冇人排隊，一於入去食埋個 #下午茶餐 先去下一站。餐牌上明明寫住可以自選 #醬汁，點知落單嘅時候，侍應話 #滑lulu蛋香茅豬扒飯 係冇醬汁㗎，所以唔可以加咖喱汁（但係餐牌話呢個飯可以配 #自家醬油 㗎喎），咁點解又話唔可以轉呢？哎 咁我唯有轉過第二樣，要咗個 #白咖喱香茅豬扒飯，分量比我想像中多，白咖喱依然惹味，不過件豬扒就真係好肥，咬落去啖啖肥油… 雖然有啲罪惡咁，不過配埋啲咖喱又幾好味🤤 所以最後都係食晒落肚😆整體質素都唔差，不過價錢係比一般茶餐貴咗少少，間中幫襯吓都無妨嘅😉

今日行行下新都城，想食下咖哩飯，沙嗲王招牌菜又係白咖哩，話時話我都有好幾年無食沙嗲王，所以今次都想試試佢，睇下質素可否保持返之前級數。咁一坐低，環境空間真心唔錯，幸好當時的客人人數唔係多，所以又唔會感覺太迫夾。所以今日可以好好享受食個飯。咁落左個白咖哩豬扒飯，再加埋雞軟骨小食。過大約十分鐘後，主角上桌了，香濃白咖哩味呈現眼前，所以覺得好吸引。豬扒感覺係少少脆香感覺，配上白咖哩，香味更好。所以保持返以往的水準，可以再試試。

星期六一家來晚餐。我同小朋友好鍾意食佢呢個烤餅，酥香軟得黎又外脆佢個生炸雞翼同椒鹽雞軟骨都好有水準，香脆又不油膩。之前食過佢牛油雞翼麻麻地（好似係推介菜式）可以不試。石鍋蝦醬通菜好香蝦醬味，大愛，淨呢個餸可以食一碗飯冬蔭功海鮮烏冬就麻麻地，唔夠酸同辣，應該配粉絲會好味d。