沐白小農 (已結業)

今日元朗行街， 路經小店想被banner吸引， 買左兩杯飲品，等左5 分鐘到就有， 咁岩唔多人， 首先講芋頭鮮奶， 外表好吸引， 搖左後先飲都仲好有滿滿芋頭蓉， 無特別叫小甜唔算太甜， 另一杯拿鐵亦夠奶味， 都係唔算太甜， 唯一係價錢略高， 性價比唔算太高

之前試過迷客夏嘅大甲竽頭鮮奶不錯，今次試下沐白小農先~大甲竽頭鮮奶$30 + 竽圓$6店員溫馨提示要搖勻先飲，但竽頭同竽圓都比較黏底，要搖勻的確要花點時間~幾經辛苦搖勻後，就急不及待飲返啖~~奶味同竽頭味都好香，唔太甜，兩者味道好夾，加埋煙煙韌韌嘅竽圓，好味又飽肚。比起迷客夏，我更愛沐白小農呢~

我超級鍾意食芋頭，更試過自己整芋泥同芋頭鮮奶，不過真的很花時間！當知道元朗開咗沐白小農沐場這間台式茶飲店，而大甲芋頭鮮奶更係其招牌飲品之一，已經立即好想試！大甲芋泥已經佔了半杯，超重手，超足料！芋泥無額外添加任何糖，有好香的芋頭味，口感非常綿密。而鮮奶係用明治4.3特濃牛奶，大愛！因為我自己都係買開明治4.3！凍飲同熱飲我都試過，味道兩者都好好。不過我會推薦凍飲，因為可以清楚睇到半杯芋泥，感覺非常幸福，仲可以post相放閃！

大甲芋頭聽聞係台灣好出名，所以就特登入元朗試沐白既大甲芋頭鮮奶芋泥份量好足夠與鮮奶既比例岩岩好，啖啖都會飲到好香濃既芋頭泥。最抵讚既係芋泥會有少少咬口～飲落好有層次同口感

Wa...最近真係好鬼熱⋯實在係太熱，要買幾杯野飲下先得了！最近行街就剛好看到這間飲品店！好似幾靚又幾好味咁，所以就入來試下！哇！入到來問下店員先知剛好有新野推出， 咁我地就緊係試下啦，就係左手邊果杯芋頭鮮奶配芋圓，店員叫我飲之前就搖搖佢～哇！好正wo!好滑又好重芋頭味！加上好有口感的粒粒芋圓！好味丫！而且好濃郁！另外果杯係黑糖波霸奶茶！黑糖味超重！而且鮮奶順濃～珍珠夠軟，唔難咬！好喜歡呢但我要講的終極重點是這個！這個真係超級好飲！仲要係好解渴！酸酸甜甜的！呢個係士多啤梨綠茶！好似係新推的！士多啤梨味超重，但又飲到綠茶味，

天氣悶熱，咁啱見沐白小農冇人排隊即刻買兩杯飲下珍珠紅茶拿鐵因為唔想太甜叫做3分糖，茶味幾香，不過好似奶味唔夠濃，個珍珠好好食呀，唔會太甜又煙韌Q彈，唔硬唔淋啱啱好大甲芋頭鮮奶 作為芋頭控梗係要飲呢個啦😍 有成差唔多半杯芋頭，我仲加咗珍珠添🤤 搖咗好耐先飲，可以食到d芋頭塊，因為本身冇加糖所以個甜度冇得揀，甜咗少少，不過芋頭真係好香，再加埋珍珠一齊食好享受😋 大甲芋頭鮮奶會encore，同埋會試埋招牌黑糖波霸鮮奶🤤🤤🤤

沐白 | #元朗小沐農場 夏天就是要喝特色飲料💕1️⃣大甲芋頭鮮奶很有驚喜 榮升我的Top3 最愛!芋泥和鮮奶的比例接近1:1 超足料,店家建議搖勻再飲用! 芋泥加入切粒的芋頭令口感更豐富，雖然甜度固定 但基本上只有芋泥有調味 混合鮮奶之後 甜度適中 入口順滑💕2️⃣黑糖珍珠波霸王者當道 每間手搖店都有賣 但值得再度到訪既不多！🥤個人重視珍珠的質感 沐白的珍珠軟熟又煙韌而且份量適中！黑糖煮得有點焦糖化 不會太甜膩👍🏻3️⃣鮮橙綠茶夏日炎炎 好想飲一杯清新增加元氣的飲品🍊一半鮮搾橙汁連果肉加上綠茶 又解渴又有營養👏🏻

成日行過都好想入去試試，但次次都好鬼多人排隊，今日見有時間就排吓隊啦～店內裝修得好文青，令人好想行入去，加埋白色牆身，影靚相呃like 最正😆《大甲芋頭小芋圓鮮奶》聽聞最出名係芋頭鮮奶，一於就加埋芋圓，雙重芋味，確係出色，而且芋泥嘅質地剛剛好，唔會太稀得嚟又有口感，加埋明治鮮奶，香濃美味，愛芋頭之人必試《伯爵紅茶拿鐵》本身都好鐵意呢款飲品，見到沐白小農竟然都有，一於試吓～伯爵茶味夠香，飲落口都仲有茶味，係出色嘅～ 加埋明治鮮奶夠香，整體味道好夾又唔太甜《莓莓果茶》最鐘意呢杯果茶，好啱夏天飲微酸帶甜嘅草莓果茶，除咗有新鮮草莓果肉外，仲有微微茶香，整體感覺好清新、好有消暑嘅感覺

今天放工之後，突然想喝一些台式飲品🥤 便去了元朗一間新店叫了一杯苺苺果茶分量很大杯，喝下去， 充滿了果肉，苺和果茶的味道配起來， 十分清新。本來害怕味道會太甜，但喝下去，十分清涼，令我喝完再想喝另外也叫了一杯十分熱門的黑糖波霸鮮奶，心裏面也害怕不知味道如何。鮮奶茶外表十分吸引，喝下去，不像其他店的珍珠鮮奶茶一樣那麼甜。10分適合不愛太甜飲品的人。嘗一嘗珍珠，軟硬度適中，十分新鮮，與牛奶混合起來味道合宜。下次一定會再來嘗試其他飲品。

我是一個台灣飲品的愛好者。經過元朗那邊，無意間見到這家頗新的店，便打算叫飲品試試。門口十分光猛，看見門口左邊有個很大的招牌推薦大甲芋頭鮮奶,便叫叫了一飲。由於飲品本身冇落糖，所以下單的時候不用調教甜度。等了一會，飲品便製作完成他的廚房十分大，在外面等候區也能看見裏面的製作過程，十分新鮮。飲品來到，能清晰看見牛奶和芋頭兩層，店員細心地吩咐一定要攪拌均勻才能飲。喝下去，甜度十分合宜，不會味道假。牛奶是用日本🇯🇵明治鮮奶，所以奶味香濃。而我最喜愛的就是裏面的芋頭蓉及芋頭顆粒。每一啖，也會吃到原粒芋頭，十分有口感。味道香滑不膩，飲完不會太撐着肚子，還能在其後吃晚飯。不錯👍🏻👍🏻

這天去元朗找朋友，在元朗逛了逛，在炎炎夏日及人潮湧湧的大馬路，真需要解暑一下。行左入內街，經過呢間沐白小農門口沒什麼人排隊，就一人點了一杯飲品。我們分別點了大甲芋頭小芋圓鮮奶、鮮檸益力多冰沙、苺苺果茶。大甲芋頭小芋圓鮮奶是點給小朋友飲的，我見店舖使用明治鮮奶，俾小朋友飲都好放心。我很怕飲太甜或食太甜的東西，本來以為含「芋頭」的飲品會好甜，結果喜出望外，除了有很香濃的芋香外，啖啖的芋蓉，Q彈的小芋圓，真係好好飲好好食。最重要的是調到飲品的味道剛好，小朋友都爭住飲。而我就特別鍾意佢的芋圓，真係好Q彈，讓我想起九份的芋圓。呢杯的芋圓煮得好好食，大加分……所以我地好快就KO左呢杯飲品。第2杯係鮮檸益力多冰沙，我見職員倒左2枝益力多去攪拌機度攪，鍾意飲益力多的朋友，飲呢杯就一定唔會失望，鮮檸MIX益力多簡直係絕配。小朋友又爭住飲呢杯，啖啖冰沙解暑又係一流。最後就係呢杯苺苺果茶，是一杯茶味較重的飲品，苺味反而唔太突出，唔算太甜，幾清新。沐白小農的飲品味道都唔錯，調的飲品甜度也剛好，下次再試其他先。

今日天氣十分炎熱，又大汗又口渴，如果有一柸冰凍的飲料就冇得彈門面大大柸飲品廣告真係好吸引細看餐牌，有很多選擇每款都好想試我點了一柸莓莓果茶，芋圓芋泥鮮奶，黑糖波霸奶茶芋圓芋泥鮮奶一飲落囗，芋圓囗感十足，煙韌有口感，而且芋泥好香，打得好滑，同牛奶一齊飲原來可以咁夾這柸黑糖波霸鮮奶，飲一口很濃的奶香味，黑糖珍珠很煙韌，非常好飲這柸莓莓果茶好清甜，飲到鮮榨士多啤梨既味道，而且粒粒果肉，加上果茶淡淡的茶香，味道酸酸甜甜，好解渴

尋日天氣超熱嘅時候，點唔可以飲番杯野久違左元朗好耐，發現開咗間沐白，佢台灣都有分店。同朋友試咗唔同口味友人一號試咗 ^莓莓菓茶^ ，見到佢杯顏色都覺得好消暑，仲要甘大杯。佢話唔算太甜，好有香莓味，😋友人二號叫咗杯 少甜^鐵觀音烏龍拿鐵^，佢分享話茶味好香，奶茶底都算滑。佢話要特登叫少甜，甘啲茶味可以出d wor, 哈哈扮專家🤪不過佢分享話依杯pass 😬我自己就試咗杯 ^大甲芋頭鮮奶^ 。入邊嘅芋蓉丸子真係有令我回到台灣嘅感覺。我最鍾意丸子有煙煙韌韌嘅感覺，芋蓉好香，好足料，一路飲一路咬，亦都係我鍾意飲台式飲品嘅原因，唔單止可以飲，仲可以食，好滿足🥰*飮之前記住要先搖勻小記：counter 放咗盒紙巾，窩心👍🏻👍🏻

夏天梗係要透心涼啦! 平時我地好少飲凍野,  不過而家天氣咁熱, 呢日經過<沐白小農>,  我地都忍唔住嘆番杯涼浸浸嘅台式特飲!店內白色和木質嘅簡約設計,  帶俾我地嘅天然又舒服嘅感覺, 加上,  佢地嘅飲品採用百分百純天然無添加嘅食材製成,  讓我地可以飲得健康, 一於試吓佢地幾款人氣新品 ~ 今期係芋圓和地瓜圓喔!吃貨余小b第一時間揀左杯 <草莓小芋圓鮮奶>,  打成果泥嘅草莓, 果肉香甜, 加入滑滑的鮮奶沖製, 最後加埋清香濃郁的小芋圓, 多層口感滋味, 余小b真識食~而我同余爸爸就試左 <大甲芋頭小芋圓鮮奶> 和 <草莓果茶> ~<大甲芋頭小芋圓鮮奶> 本身粉粉的芋頭已芋香四溢,  再加入小芋圓和鮮奶, 好煙韌, 令口感升華, 芋頭控必試!!!<草莓果茶> 以綠茶沖泡嘅果茶香甜味美,  加上大量嘅草莓果泥很咬口, 清涼又消暑,  好啱喜歡簡簡單單的我~

夏日炎炎 行街行到熱辣辣 最好就係飲返杯台式飲品今日同屋企人喺元朗行街 離遠已經被沐白小農靚靚的招牌吸引左 決定一人買返杯飲品解解渴去到見到五顏六色既飲品menu 好多選擇好難揀 最後我決定試下新出既莓莓果茶 媽媽就揀左最解渴既金桔檸檬 細妹就要沐白小農招牌大甲芋頭小芋圓鮮奶冰凍既飲品到手 飲品加埋店舖色彩繽紛既坐位 係夏天的感覺呀我杯莓莓果茶好清甜 飲到鮮榨士多啤梨既味道 加上果茶淡淡既茶香 好解渴 飲到尾仲食到啖啖士多啤梨果肉而芋圓芋泥鮮奶 我都試左幾啖 芋圓口感十足 作為煙韌控的我表示好滿足而且芋泥好香 打得好滑 同牛奶撈埋一齊 完全唔會有一粒粒嘅口感 不過飲品分量十足 建議唔好食飽嘅時候飲最後當然有經典台式飲品金橘檸檬裏面仲有一粒話梅 令飲品唔會太酸 生津解渴原本想叫半甜 但店員話飲品係用鮮榨檸檬汁 半甜可能會太酸 最後叫咗少甜 味道啱啱好