江南菜 (已結業)

呢日happy friday，就同屋企人去咗西貢食dinner。秋風起，專程去咗呢間中餐廳食佢嘅大閘蟹菜式。我哋點咗蟹粉小籠包，小籠包好Juicy，入面有好鮮既蟹粉，好好味。另外重點咗金沙蟹粉菜粒炒飯，炒飯粒粒分明，夠晒鑊氣，好惹味。我地仲點左銀芽韭黃炒鱔糊，鱔條幾彈牙，又新鮮，配飯食一流。小食方面，點左蒜泥白肉，幾入味。喺呢個凍凍地嘅天氣，當然要飲返碗燉湯啦。我哋分別點咗江南篤鮮燉湯同埋苦瓜燉唐排湯，夠晒養生。甜品方面，點左傳統嘅高力豆沙同埋酒釀丸子，好滿足。

放假入咗西貢行下，除咗眾多海鮮酒家同係靚靚cafe之外，竟然比我見到間江南菜，價錢仲幾抵食。店內裝修精簡，光猛寬敞，乾淨企理。店員都好友善同熱情，不斷會同舊客新客閒聊。陳年花雕醉雞（$68）份量都幾多，雞肉嫩滑，入口酒味超香濃！上海燻魚（$68）説是燻魚，其實係將炸過嘅魚件放入燻魚醬汁泡浸，魚肉扎實，口味偏甜，冷食開胃。小籠包（$48）夾起皮唔會超薄易爛，蘸少少醋加薑，一咬落去爆多湯汁，肉味香濃，記得趁熱食！蟹粉蝦腰滑豆腐煲（$168）上枱超熱辣辣，金黃醬汁富濃郁鮮味，彈牙蝦滑加上滑溜豆腐，撈飯撈麵都超正！銀芽韭黄炒鱔糊（$138）黃鱔肉起骨切絲加上銀芽韭黄，鑊氣十足，火候控制得幾好，鱔肉仍鮮美，淡淡蒜香同麻油香，增添香氣層次！上海排骨麵（$52）豬扒炸到外面酥脆，豬骨湯上海麵有咬口，正常發揮。鮮肉上湯小餛飩麵（$52）個人超推薦鮮肉上湯小餛飩，皮薄餡鮮，一啖一粒好過癮！凍奶茶、咖啡（+3）凍奶茶算香濃，咖啡就比較一般，見到舊客們都鐘意叫豆漿，下次都係飲返杯豆漿。

周六見天清氣朗， 就到西貢行吓，行到咁上下，就在附近搵食囉，但又唔太想食海鮮類，就選擇左呢間食京川菜Lu☺️。首先要了🥟脆皮鍋貼，共有4隻，即叫即煎脆皮薄餡靚，咬落皮脆外仲有煙韌感，餡多汁夾埋薑醋汁食更可口😊。酸菜魚是的魚鯇魚，魚很大肉質鮮甜，很多的酸菜配料有青瓜、粗薯粉、芹菜同芽菜…，酸菜湯底夠晒酸，芽菜、青瓜爽口，薯粉煙靭彈牙。砂鍋雲吞雞湯，內有半隻滑嫩的雞，雲吞有6粒左右，🥣湯很清甜，飲完成個人都暖左☺️。老友超愛的擔擔麵，湯底濃郁但唔係覺得咸，麵條煮得不會過淋且很掛湯，將底下的肉碎同花生拌勻，待麵索下d汁吃，就更惹味啦👍。甜點要左酒釀丸子&薑汁湯圓，夠晒熱又不會很甜。飽飽後又再去行街街🫣。

同好朋友相約去西貢散心放鬆下，意外發現驚喜食店無論係點心、小菜或燉湯都好唔錯！！除左常規菜單，仲有時令既蟹粉菜式先要左金磚豆腐做開胃菜外脆內嫩既豆腐沾上香醋，既香口又開胃點心即點即做，熱度十足點左原味小籠包同蟹粉小籠包，仲有大大粒既鮮肉脆鍋貼特別推薦時令既蟹粉小籠包，鮮味十足！！！上海排骨粗炒鑊氣十足～小菜既水準都唔錯紅燒肉同咕嚕肉都係配飯一流呢度仲有特色菜飯～～燉湯同樣係真材實料，值得一試！！！！！

西貢除咗出名海鮮之外 ，原來有間食江南菜好好味🤗 如果想食海鮮亦都可以喺呢度加工價錢都好實惠，食盡兩種風味😻🍲胡麻雞絲粉皮$68涼拌麻醬，配青瓜絲🥒非常開胃🥢糖醋排骨$118傳統名菜但要做得好好食都好蝦功夫，酸度適中口感豐富，排骨鬆脆，唔係麵粉多個肉，好味😋🐟糖醋魚$118外酥內嫩，賣相好靚，非常新鮮🥬雲腿浸津娃娃菜$88食完甜又食酸再食清清哋嘅菜中和一下非常健康🥟脆皮鍋貼$48肉質豐富，一口咬落去肉汁爆出嚟😋🦀蟹粉小籠包$88原汁原味一口口都是啖啖蟹肉鮮味又多汁🥢薑辛湯圓$28一碗濃濃的薑味黑芝麻湯圓， 非常滿足🌟 環境乾淨企理🌟價錢實惠，分量十足

今日嚟到西貢行街，行完街都差唔多7點，一於食埋飯先走，見到呢間食上海菜嘅餐廳，一於試吓先😋呢間餐廳有得食大閘蟹，我就叫咗個蟹粉小籠包食，一啖咬落去啲汁爆曬出嚟，啲皮仲好薄，蟹粉令到個小籠包好鮮味，好好食😋我仲叫咗糖醋魚，條魚好大條，仲炸到外脆內嫩滑，啲汁酸酸甜甜好開胃👍🏻上海菜我最鍾意嘅係雲吞雞煲，呢個雲吞雞煲好大碟，仲有好多雲吞，啲雞肉好嫩滑，個湯底好鮮甜，超好食🥰仲有叫咗呢個XO醬肉絲炒年糕，年糕好煙韌，仲好多配菜同埋好大碟😍辣辣哋好好食😋甜品點少得高力豆沙，炸到鬆軟香脆，好香蛋白味，豆沙唔會好甜，好好味🤤我哋7點幾去到已經坐爆曬，餐廳食物有水準，價錢唔貴，份量仲好大碟，裝修都好精緻，非常推介大家嚟食👍🏻

成日黎西貢食海鮮食到悶悶地，見到呢間江南菜就試下，入到去餐廳有兩層，見到仲有大閘蟹賣，我地叫左一人一隻😋小菜叫左炸鱔$168，糖醋魚$118，海鮮小炒皇$118，蟹粉小籠包$88，兩個湯，江南炖湯$48同胡椒豬肚湯$88，小菜碟碟份量都好多，炸鱔一上菜嘅好脆口，無骨，呢個餸唔多地方有得食，小炒皇好有鑊氣😋😋糖醋魚魚肉好多，好入味，炖湯好夠火候無味精好好飲👏👏👏我地最尾仲叫左兩隻大閘蟹$128+$10代蒸，4兩半都好多膏😙😙😙

江南菜-------------------------蟹粉小籠包 $88肉餡好飽滿，加埋蟹粉，鮮味十足海鮮小炒皇 $118海鮮都好新鮮，有蝦，魷魚，帶子韮菜出奇地鮮甜，仲有炸得好脆嘅芋頭絲，口感唔錯有驚喜江南脆炸鱔 $168炸粉炸得好香脆，食落外皮好似薯片咁醬汁酸酸甜甜好開胃鱔肉唔係太大，每啖size 啱啱好雲吞雞煲 $228粒粒雲吞都好大粒雞煲有成半隻雞，雞肉煮得好冧，輕輕就撕開到湯底熬得好出味熱辣辣嘅雞煲食完成身暖曬-------------------------哩度仲有自來海鮮加工，又有大閘蟹，下次可以嚟試埋 😍江南菜地址🎈西貢萬年街79-81號地鋪

江南菜😋😋😋西貢特色江南菜西貢以海鮮🦞🦀🦐🐟、咖啡店出名、竟然有間特色冮南菜、牆壁掛滿江南風景和攞設、設計有心思、店主今年四月才開張、已有一班忠實粉絲、質素CP值都高、食物賣相都好吸晴！ 開胃涼拌小食上海燻魚$68^_^凍食、有創意加左沙律菜黑醋、新配搭、新口感😃特色小炒江南脆炸鱔$168⋯西貢食海鮮冇得輸、來一客脆炸鱔魚、外層脆卜卜、不油膩、肉嫩滑滑👍🏻👍🏻、配上沙律菜江南特點黃金炸饅頭$28/4件^_^質感有嚼口，外層炸得金黃香脆、內軟綿綿、沾上牛奶、帶點甜提升囗感✌🏻脆炸銀絲卷$30⋯食鱔的好配搭、包質層次多、所以口感非常高、一定要食👍🏻👍🏻手工包點脆皮鍋貼$48/4件^_^皮薄饀靚、配埋豆辦醬、口感一流😘小籠包$48/4件**一様都係皮薄餡靚、咬一口、香甜肉汁流出來、yummy yummy 甜品精選高力豆沙$26/2件^_^選用蛋白打發炸成球狀、內含豆沙蓉、外炸金黃沾上沙糖、彈牙、味道一流😘😘豆沙鍋餠$42⋯⋯用雞旦撈成麵粉槳、煎成金黃薄餅、內包豆沙蓉、香口、甜而不膩羌荼湯丸$28/1位^v*勁薑茶香配芝麻湯圓、咁晒好𦍑一蔟、合時宜、暖❤️窩、湯丸嚼囗流沙芝麻😘午市套餐上海排骨麵

今日難得放假，同屋企人黎左西貢行下西貢超多野食，估唔到連江南菜都有近排係食蟹好時節，見呢間有蟹食，梗係黎試下啦！點知坐低先知要預訂先有得食，不過咁緊要，仲有好多其他野食叫左個老火湯，都幾足料，飲落都幾滋潤醉雞例牌酒味幾香，同埋雞肉都幾嫩滑😋做開胃菜幾唔錯紅燒魚雖然食唔到蟹，但呢條魚都令我幾滿足，外皮炸過好香，但魚肉仲好鮮滑多汁，加埋上面既芡汁，好惹味，呢個汁係有埋豬肉條、蘑菇、蘿蔔絲等，好足料擔擔麵個汁夠香麻，好味小籠包皮薄多汁，必點啊！

西貢美味江南菜西貢真係香港嘅後花園，好令好渡假feel 😊同朋友利呢間江南菜，試吓，都幾好食又好味！醉雞例牌，但都傷量十足，雞大大件，酒香味濃！好八味，送飯一流！糖醋魚炸得好香脆！甜酸汁又好開胃，配合埋炸到脆的魚肉，好正好好味！另外叫左個小籠包，一咬就爆汁，好juicy ,點埋醋，薑汁，好好食！最後仲叫左個江南燉湯，好多材料，有筍，有雞，有瘦肉，懷山ect ,好滋補，好暖身！好中意食燉湯既我好開心！推動呢間！

夜麻麻經過西貢又唔知食咩好，又唔想去海鮮檔俾人湯，最後我哋嚟咗呢一間食江南菜嘅餐廳，餐廳名好簡單，就係叫做江南菜餐廳嘅裝修都幾簡單，好似仲有啲九大行星嘅裝飾喺度，唔知九大行星同江南有咩關係😂炸脆鱔 - 出邊唔係咁容易食到呢道菜式，就算有都未必整得好食，但係呢度整得唔錯，首先講味道甜甜地，好開胃，而且外脆內軟，入面嘅鱔肉亦都唔會偷工減料小籠包 - 皮薄，而且唔會入面得水，真係有湯味東坡肉 - 睇得出佢哋整得好有心機，入口即溶，亦都唔會有好漏既感覺

秋天最啱周圍去走走，今日出左西貢，仲搭埋船去鹽田梓觀光。行左半日好肚餓，返番西貢市搵野食，朋友見到呢間~江南菜~就問即係食啲乜🤔其實係食上海菜，小籠包、擔擔麵、糖醋等等。。。同朋友講講下，越講越肚餓，真係唔好講咁多，直接入去試下先。我地好肚餓，都叫左幾多野，全部清哂。蒜泥白肉同平時食既唔同，腩肉厚身啲，豬皮脂肪同肉三層紋理分明。用左醋係做醬汁，配埋青瓜一齊食，好清新，唔會有肥膩感。江南脆炸膳啲人食江南菜一定要食膳，呢個脆炸膳，超脆，外層包糖醋，真係食唔停口。糖醋排骨排骨憫到好腍，呢個糖醋無膳嗰個咁甜，食多幾件都無問題。蟹粉小龍包🦀肉汁滿滿，配上蟹肉嘅鮮甜，沾醋食就好滋味。 小籠包皮薄饀靚，用筷子夾起都唔穿，師傅好功夫。脆皮鍋貼🥟脆貼饀料滿滿，外皮煎到金黄色。豆沙鍋餅鍋餅上枱熱辣辣脆卜卜，入面滿豆沙餡，豆沙餡唔會太甜膩，呢個做飯後甜點一流。飽哂再行多一陣西貢就返屋企，真寫意。

抓緊夏天的尾巴 ☀️ 🍁 今日同朋友入西貢遊山玩水，我地先去市中心搵間餐廳食好野醫下肚。朋友介紹依間位於萬年街的「江南菜」。 餐牌款式選擇多，而且價錢合理，亦有好多客人棒場，一於試下-🔸黃金炸饅頭 熱騰騰炸饅頭，外皮金黃酥脆，不油不膩，炸得很有技巧。內裡很鬆軟，點上煉乳，看似平凡的食物，樸實無華的味美。-🔸蟹粉小籠包 秋季是品嚐蟹的最住季節。 餐廳推出一系列蟹粉的特式包點小菜，例如蟹粉獅子頭、金沙蟹粉炒飯等。 而今日試的「蟹粉小籠包」亦有驚喜。 皮厚薄適中，一口咬破盡是充滿蟹香的熱湯汁。湯汁與餡料飽滿非常，性價比高-🔸江南脆炸鱔 ❗️推薦❗️必試❗️將切成幼條的無骨鱔肉，炸得金黃香脆！ 油瀝得乾身，脆口得來很爽身。 沾上經典酸甜糖醋汁及芝麻，惹味無比！ 令人一口接一口吃不停。一道有水準的功夫菜！-🔸鮮味雲吞雞鍋 ❗️足料❗️滿足 ❗️原隻靚鮮雞餚製，雞肉相當鮮嫩。而湯底亦很清甜無味精🤤 雲吞份量多，粒粒餡肉飽滿-🔸自家製豆漿 豆香味重，又不會偏甜

趁陽光普照，約班朋友去西貢玩直立牌，玩完番市中心食大餐，大家好耐無食小籠包，經過見到呢間菜館有，兩話不說入左去，裡面既裝飾有星球圖案，另一邊係江南山水畫，兩者強烈對比好有趣。蟹粉蝦腰滑豆腐煲 $168蟹粉色澤呈金黃色，夠蟹油味道甘香，蝦腰肉質爽口彈牙，蝦味新鮮，配埋極度感鬆軟滑嫩的豆腐一齊食，送飯食令人停唔到口 。蟹粉小籠包 （4隻) $88望落粒粒飽滿，小籠包皮薄透餡，裡面既湯汁吸引了蟹粉的蟹油甘香，餡香湯鮮令人回味無窮。海帶燉赤肉 $48好耐無留屋企飲湯，難得呢度有燉湯，當然要飲番碗，飲落清甜唔油膩，海帶新鮮爽口，對於我地呢D岩岩晒完一日既人，解暑一流。海鮮小炒王 $118每間菜館既海鮮小炒王都會有少少分別，呢個海鮮小炒王除左加帶子、蝦乾、魷魚鬚等海鮮外，仲加左炸香香芋絲，增加食落嘅口感同埋香味。金磚豆腐 $68豆腐炸皮做得薄薄胞脆，裡面既豆腐依然好嫩滑，入口即溶化 。陳年花雕醉雞 (例牌)$68雞肉肉質鮮美嫩滑，油香肥美，醉酒味醃得啱啱好唔會太苦，作為冷盤消暑一流。