江南菜 (已結業)

之前一路有幫襯開，水準都正常，起碼小籠包鍋貼嗰啲係佢舖頭自己包嘅，之前食咗咁耐，起碼食得出佢全部嘢都係自己舖頭製作出嚟嘅點知今次去，就瀨晒嘢⋯⋯都已經好多個月冇食，今日再幫襯，小籠包同鍋貼，一睇就知係急凍喺出面叫返嚟嘅。小籠包係完全冇湯嘅蒸餃子，鍋貼就係煎餃子咁。同以前完全兩回事。啲食材完全同以前唔同，好明顯係轉咗手，啲嘢全部喺出面叫返嚟可以話係完全唔掂，以後都唔會再幫襯。咁樣嘅質素，睇嚟佢都應該好快搞唔掂

見到OpenRice 之前該店的小籠包D相入面個個都皮薄多汁，終於今日特意過嚟一試，但原來全部點心都變晒即食包裝工場點心貿素，走晒樣，厚皮冇湯，機啤出嚟一式一樣，老老實實咁嘅質素不如唔好賣，直頭係拆自己招牌。。。另外再叫追加咗蔥油餅同埋煎鍋貼，鍋貼都算正常，蔥油餅又係非常薄，樣子很似超級市場的即食酥餅，又係同之前OpenRice 的相片差很遠。。。主食有嫩雞煨麵同埋上海排骨麵，呢兩個都正正常常，不過排骨麵個湯底就有著陣陣出前一丁嘅豬骨湯味。另外點多左個薰魚，呢個應該係全餐最好味嘅菜。總括而言，該店的點心類實在太差勁了，其他食品還算可以。不過同區葵興好嘅小籠包亦最少有兩間，如果想食上海點心都係去第二間比較好。

第一次寫食評，真係忍唔住！！！今日中午同同事去食酸菜魚飯，一咬落去舊魚完全係生架 ！無錯 係生架！又凍又咬唔開，我依加唸起真係勁想嘔！之後好啦，我驚驚地換左個水餃麵，咬開一望點知啲水餃又係唔熟！！！！！離哂譜！！！！！大佬！一次又唔熟，兩次又唔熟點食呀？？？？？！！！！！！翻到公司同同事傾開 原來佢上次食麵啲麵發毛架 ，之後換左一次又係發毛！！換到第三次先無事！！！好恐怖！！！！希望我今晚唔會肚痛啦！！！

江南菜（葵涌）午飯時間全場滿座，午餐價錢大部份五十幾蚊有交易，包湯同熱飲，叫咗上海排骨菜飯$52，排骨雖然係炸，但唔覺油膩，菜飯菜嘅比例都幾多，熱豆漿都幾大杯，唔會過甜，座位可能就感覺比較迫，但基本上食完就走，都無咩所謂，服務不過不失，整體來講ok.#菜飯#排骨#lunch#午餐#午飯#葵涌#ランチ

早前約了朋友晚飯小聚，朋友提議到葵涌路德圍之📍江南菜菜館一試，店舖位於大路邊不難找，我來到見其門面小，但都尚算光猛，入內面積亦不大，枱椅放得較密但很整潔。🍽今日全由朋友發版，點了🐔雲吞雞、上海粗炒、🍖糖醋骨、🍜酸辣湯麵。💢雲吞雞賣相不錯，上湯很有味，內有半隻雞不過肉質就一般有些腍不怎麼結實，雲吞的質素就比雞隻好，内裡的蝦夠大隻和彈牙。💢上海粗炒就炒得夠鑊氣，醬汁的味道很正宗，上海粗麵質地較硬身有咬口感。💢糖醋骨的黑醋味夠引人，其酸酸甜甜的味道很開胃，而且排骨的肉質煮得亦夠腍身不會韌口感很好。💢最後來的酸辣湯麵，其酸辣湯亦是很正宗的上海館口味，不過因為加入了麵的關係，以致酸辣度減低使湯味變淡了，猶幸所用的麵質地幼細和彈牙食落夠煙韌。❇️整體上說今餐食物質量都不錯，價錢亦不算貴，下次都會再來一試。

無意中發現呢間餐廳餐牌上大部份嘅item都係我呢個澱粉質控鍾意食嘅…今日得自己一個人，就叫咗個蟹粉拌麵($78) + 百步香蔥油餅 ($26) 本身以為個蔥油餅係普通係上海舖頭三角形一大塊厚皮厚底果種黎到好有驚喜，首先佢個餅皮做得酥脆乾身得來，又唔會太油膩除咗蔥之外，佢仲有少量嘅肉碎喺入邊顛覆咗我對蔥油餅一貫以來嘅畫面跟住個蟹粉拌麵，我覺得都好有誠意佢個面底係普通幼幼白色嘅上海麵上面有勁多蟹粉醬成個麵好掛汁👍其實一坐低嘅時候，叔叔俾咗壺茶我洗杯埋單呢度冇收加一嘅，我覺得絕對可以有下次

小白兔話附近有間江南菜，午餐好抵食。今晚見有時間就一齊坐低食。仲有特別的蟹粉餐環境都乾淨企理蟹粉小籠包皮薄，肉汁多，蟹粉味重。咬開後湯汁不斷流出。鎮江排骨味重，味道偏甜。 配埋薑食， 辣辣甜甜，好正氣奶油津白奶油味好香好濃，津白甜甜地小菜燻魚炸魚炸到好脆，可以連骨食。味道甜甜的，有煙燻味炸銀絲卷炸完即刻上枱， 熱辣辣，外脆內軟。招牌擔擔麵未到唔算辣，味道偏甜。 擔擔麵好滑溜。 份量亦很足夠薑茶湯圓薑汁味濃， 係鮮薑會飲到辣喉嚨嗰種。超正

今日約咗中學同學食晚飯，發現了這間平靚正嘅餐廳，叫做江南菜。餐廳空間感都唔錯，小店形式，店員都會同客人介紹吓菜式，溝通吓，好親切的感覺。食物種類都算多，有好多特色菜金粟魚肚羹 及 酸辣湯 - 作為開胃前菜，呢兩款都係必選嘅。魚肚羹同酸辣湯非常足料，每一啖都會有湯料食到，正呀。酸辣湯個酸辣度都控制得好好，啱晒我，飲完勁開胃🤤上海小籠包 - 即叫即蒸，上枱時係熱辣辣嫁。一啖咬落去，啲肉汁在小籠包入邊流出嚟，好好味呀👍🏻 加上小籠包個皮好簿，但夾起佢果時，竟然係唔會穿，利害👍🏻 真係可以用皮薄餡靚來形容。砂鍋雲吞雞 - 估佢唔到，呢個價錢會比半隻雞我哋食，重要係好多肉同埋好肉質鮮嫩。配上上湯，一啖雞肉一啖湯，真係好味到唔識形容。雲吞都好好味，大大粒，一定要配埋上湯一齊食，咁至夠鮮味👍🏻蟹粉拌麵 - 呢個係店員推介我哋食，真係幾特別。我第一次食乾身嘅撈麵，加上蟹肉同埋蟹膏，果種鮮味，真係好正，鍾意食膏蟹嘅人，一定鍾意食呢個伴麵，蟹肉同蟹膏多到感覺上根本就係食緊膏蟹👍🏻👍🏻鹹檸七 - 好有兒時風味，而家好難再飲到呢個特飲，真係要飲多一杯。

現在是吃大閘蟹好季節，已經好幾年沒有吃，今天淺嚐一下。。。淺嚐大閘蟹位於葵涌道1001號，路經時看見大閘蟹有85折，反正幾年沒有吃了，就今晚淺嚐一下，看看味道如何了一陣子，已經坐滿人，真係所謂「腳快有，就有位坐」已經坐定定等開飯啦店主說自制蟹粉，供應期及數量有限，拌飯伴麵吃是一流的大家會點樣吃大閘蟹？有人只吃蟹膏，不吃蟹肉有人邊拆蟹肉一邊吃有人一次過拆哂蟹肉蟹膏一起吃有人一次過拆哂蟹腳蟹膏蟹蓋……分開吃#大閘蟹🦀🦀 ：蟹肉蟹膏鮮甜，比我們預期的好味道。蟹膏鮮味濃郁又甜，入口有回甘回味口感，再食多隻都可以清潔度100分，店員浸住滾水給我們的大閘蟹餐具，一點都不馬虎，清潔又齊全#上海炒年糕 ：上海年糕出了名是煮甜的咸的炒的煮湯的都很適合，軟糯的年糕配上冬菇及時蔬，有鑊氣之外，特別好味。#上海排骨湯麵 ：湯麵有足夠湯，麵條爽口，配上外脆內軟腍的豬肉吃，不油膩；一人一碗，剛剛好，好味道😋#豆沙鍋餅 ：豆沙餡足料又不太甜，鍋餅再薄一點及酥脆會更加好味下次可以食個大閘蟹套餐，超實惠服務又貼心，還可以加追大閘蟹4両半1隻也是$98#重拾拍拖情懷 #兩小口 #溫馨滿載#幸福滿瀉 #幸福感原來是很簡單#

朋友新屋入伙，上去參觀完就一齊去了附近的江南菜食飯，踏入秋季，又是食大閘蟹時間，餐廳有多款蟹粉食品供應。蟹粉小籠包小籠包皮薄有彈性，咬開充滿蟹粉湯汁，十分鮮甜。上海小籠包雖無蟹粉鮮甜，但肉汁豐富。百步香蔥油餅葱油餅煎至表面香脆，中間有香及香葱味。酸辣湯用料十足，有淡淡豆板醬香辣味，酸辣味適中。花雕醉雞雞肉有淡淡酒香及嫩滑，雞皮油脂不多。招牌擔擔麵擔擔麵帶點微辣香，有花生香味但又不會太濃稠，麵質爽口。海鮮賽螃蟹加了些醋汁平衡返油膩感，蛋白嫩滑，蝦仁爽口。最後飲返支超濃郁的豆漿。

同朋友一齊喺葵涌，我完全唔熟悉呢一帶，咁當然就係由朋友決定去邊度食啦，朋友就帶咗我嚟呢間街坊小店開餐，佢話呢度抵食又幾好食😆我哋叫咗呢啲食物share嚟食😆- $52 嘅 午餐「五香牛肉麵」，包熱飲叫咗「熱奶茶☕️」：「牛肉麵」嘅牛肉係牛𦟌，五香做法幾惹味😋；個杯「熱奶茶☕️」就幾香幾滑😆- $48嘅「鎮江餚肉」：沾醋食，好味兼開胃😋- $68 嘅「白灼時蔬🥬」：係小唐菜🥬，新鮮簡單好食，白灼感覺幾健康😆- $20嘅「上海生煎包（2隻）」：「生煎包」包底煎到脆脆哋，包面就好軟熟，裏面嘅肉都幾 juicy😋

食大閘蟹嘅季節又到喇， 好想去食下 美味嘅大閘蟹， 所以黎到呢間餐廳，呢度有個大閘蟹餐， 專食大閘蟹， 入到嚟之後， 又聞到其他餸菜好香， 而且超級肚餓， 所以今次只係嗌咗個蟹粉小籠包， 蟹粉拌麵， 下次先再嚟食大閘蟹， 而且呢度職員態度有善，又唔使加一，又唔收茶錢， 抵食夾大件小籠包每一個小籠包都包住濃郁鮮湯， 新鮮熱辣而且皮薄餡靚蟹粉拌麵超大碗嘅蟹粉拌麵， 真材實料， 驟眼睇已經見到一條條蟹肉絲， 再加上拌麵， 食得十分滋味雜菌大黃魚餛飩湯原條大黃魚， 香煎過後， 在混合什菌雲吞湯， 整個湯好似飲緊鮮魚湯， 而且仲有唔同嘅雜菌味， 加上每一粒雲吞都皮滑鮮甜， 大黃魚亦都啖啖肉， 肉質鮮甜嫩滑黃金四季豆蝦球黃金鹹蛋漿 包住整個蝦球， 蛋香味十足， 入口仲沙沙地， 蝦球 都成個乒乓波咁大， 爽口彈牙有蝦味， 上面再鋪滿新鮮嘅四季豆鮮肉鍋貼鍋貼入邊嘅肉汁十分鮮甜， 外邊香煎， 外脆內軟豆沙鍋餅再食埋個甜品豆沙鍋餅， 薄薄脆， 豆沙甜絲絲， 食完真係十分飽滿

有日經過葵涌邨 見到附近開左呢間新嘅上海菜 價錢幾經濟menu又多選擇😍就入去試試 估唔到食物質素咁有水準！.♡ 上海小籠包飽滿有湯汁 肉味鮮 皮唔算厚 即使摺位都唔會覺得咬緊麵團 呢個價錢黎講算係幾高分嘅小籠包啦.♡ 鎮江排骨呢個出色✨份量亦多 醬汁酸甜度Perfect 排骨肉質半肥瘦 唔嚡口 撈飯勁正.♡ 花雕醉雞雞肉肉質嫩滑 無雪味～酒味慢慢滲出黎 唔會太濃 一家大細都食到.♡ 金銀蛋浸時蔬好大份！而且好有誠意 唔係白烚菜就算～皮蛋鹹蛋都切到好細粒咁煮 所以幾入味 抵食！.♡ 嫩雞煨麵呢個就正常發揮啦 湯底清清地加d雞粒同蔬菜絲麵條同一般米線/上海麵有啲分別 幾得意.♡ 高力豆沙即叫即整 鬆軟又熱辣辣 豆沙餡仲好足！為呢餐完美作結😇.見menu而加仲有蟹套餐食～唔洗$300一位就有好豐富嘅蟹宴 睇落唔錯 下次再試☺️

老友是葵涌人，他說最近在附近新開了一家江南菜館，即是賣京川滬菜，碰巧又到了大閘蟹的季節，便相約來一頓晚飯聚聚舊。地點不難找，離地鐵站10min內腳程，穿過屋邨就見。由於新裝關係，店內環境整潔，裝修意外地的雅致，牆上也錶起一些富江南特色的建築圖案，傘子型天花燈也十分特別。我們來得早，客人不多，所以，更感舒服，不過，過不久，還未到7:00pm，兩旁卡位及全場唯一一張六枱已坐滿，只剩中間的四人枱而已，大感意外。所有餐具都別具一格，跟店內裝潢如出一徹，甚具韻味。我就最喜歡印在餐墊紙上這一句：「想見的人努力去見，想吃的就放肆去吃」，真有意思。而簡單的調味料，如醋、辣醬都已放在枱旁備用！主餐牌共兩頁紙，分類為前菜、點心、湯羹、河海鮮、肉類、蔬菜、麵食、主食、飲品及甜品，可謂一應俱全，看看價錢，亦都相宜。最驚喜是不收茶芥，更沒有加一服務費，真是中式酒家的奇葩。還有一個大閘蟹餐牌，更標明是正宗江蘇大閘蟹：肉質鮮甜，隻隻爆膏。如是大閘蟹迷，就可以選上大閘蟹套餐來盡慶一下；如只是淺嚐大閘蟹的味道，則可以揀一、兩道大閘蟹菜式。近入門口的位置，便放了一個大凍櫃，原來，正是擺放大閘蟹的位置，是新鮮貨色的保證。聽

江南菜江南菜亦都稱為江浙菜, 菜嘅口味特點係清爽, 其實都係上海菜一種, 酸甜嘅菜式都有, 令人非常有食慾! 今晚同老公一齊去葵涌邨光輝圍嘅一間新開嘅江南菜飯。呢間舖頭啲小菜價錢唔貴, 而且樣樣都好精緻😋 有冇落味精, 食落一啲都唔口渴! 我哋兩個都叫咗五樣嘢再加一個甜品, 都係三百幾蚊。👍🏻 爽口海蜇 - $68呢個開胃涼拌小食好正, 好香麻油味, 仲有啲青瓜絲🥒, 食落超爽口。京燒明蝦球 - $108呢個似咕嚕蝦球🦐, 但係冇咕嚕汁咁酸, 少少甜味, 蝦球非常之爽口彈牙, 好開胃。上海炒年糕 - $78食上海菜我一定叫炒年糕, 帶有甜味嘅炒年糕, 煙煙韌韌, 仲有冬菇🍄, 椰菜, 肉絲做配菜, 好惹味!上海小籠包 - $42上枱熱辣辣嘅小籠包, 皮薄餡靚, 點埋薑絲醋一齊食, 味道一流, 入面仲要超多肉汁, 非常juicy, 呢個價錢有四粒, 都算抵食! 脆皮春卷 - $32賣相金黃色嘅春卷, 酥脆的外皮, 食落香口, 外脆內軟, 裏面包有黃芽白, 肉絲, 充滿著蔬菜嘅甜味, 好食到停唔到口😂😂甜品係雷沙湯圓 - $36熱辣辣嘅雷沙湯圓🍡, 湯圓面鋪滿綠豆粉, 入邊有流沙黑芝麻,