汕頭榮興潮州菜館 (已結業)

某百貨公司感謝祭, 之後, 因為拎住幾袋戰利品, 就放棄去西環食串燒, 行去食呢間嘢打下冷!因為呢度嘅其中一個餸----花雕鵝肝真係非常正, 係喺第二度食唔到嘅!!!!入到去, 竟然唔駛等位, 都唔明點解去食呢間嘢無一次要等位嘅, 畢竟附近都無咩地方可以打冷, 可能呢間嘢唔出名掛?!?!一坐低, 唔駛諗, 立即叫咗我最想食嘅花雕鵝肝先, 之後, 考慮一陣後, 就叫埋一份有涷烏頭加鹵水拼盤先$168嘅D餐, 同諗諗下又想食聖子皇, 咁就叫埋啦.最先嚟到嘅係花雕鵝肝, 嘩!!!!!!!咩咁少嘅, 以前食有4塊, 現家少咁半得2塊???!?!?!??!?!?!?!?!唉, 我喺度諗, 可能啲租、人工同來貨貴咗好多啦, 無計, 鬼叫自己想食咩!!!!好彩, 質素同以前一樣咁正, 美中不足係唔係太夠喉囉!!!!!!!埋單時, 先知道原來因為老闆細心, 見我得兩個人食, 所以比半份我, 我諗多咗啦!!!!!(半份$50咋!!!!!!!!)之後嚟咗個豉椒聖子皇, 嘩!!!!乃咗嘢!!!!一入口, 就食到個汁一啲到唔惹味,咁都唔緊要, 最慘係啲聖子一啲都唔新鮮嘅, $38一隻, 晒錢!!!!!同金山

Tang Lung Street is one of the few enclaves left in downtown Hong Kong where you can still sit under the stars (not that you can see them) and have down to earth dirty food. There is an eclectic mix of eateries although quite a few of them serve Chiu Chow cuisine. There is no prettiness here though. People sit on the street more likely because the eateries are small and it's still more comfortable (at least in cooler months) to risk the smell of smog and exhaust from the occasional car that g

滷水鵝肝拼鵝肉－鵝肝看樣子肥美？殊不知其腥無窮，而滑潺潺的質感，正中平生最害怕的死穴，廚師似乎未掌握到生於僅熟的水平線，怕吃到肚痛，只作淺嘗。更多分享＠http://foodxfile.blogspot.com/2010/12/%E9%80%A3%E7%92%B0%E4%B8%8D%E5%B9%B8%E9%A3%9F%E4%BA%8B%E6%B1%95%E9%A0%AD%E6%A6%AE%E8%88%88%E6%BD%AE%E5%B7%9E%E8%8F%9C%E9%A4%A8.html

Shopping 完走到後街揾食，光線暗淡既後巷忽然間燈火通明，呢個霓虹招牌真算有點霸氣！再細想，早前電台主持人分享過銅鑼灣登龍街一間潮州菜館既特式菜咪就係佢羅，好....今晚就無心插柳"蓆嗲" 去吧！裡面陳設裝修都係好經典菜館既橂樣，可能地區問題，菜館都裝設左大電視同投射供直播球場，更有潮式佐酒小食，三十餘元起一小碟，鐘意試多種口味既食客都好啱喎。好快潮州茶已備妥端上，熱度足又甘口，潮州人餐前餐後必備之物！酸菜亦都係潮州熱門前菜，爽口、帶南薑香味，鹹、甜味夠輕，留有酸菜原味，明顯經師傅悉心醃製。經過仔細閱讀菜牌，終於揾到幾款有興趣嘗試既特式菜。 鹹檸檬燉野鴿湯：湯底清澈帶微黃，唔油，燉湯好處一眼易見。可惜燉湯掌握不善既弊處亦同時並存，湯底只有鹹檸味，野鴿應有既清甜味一點也沒有滲進湯裡。細嚐鴿肉後，發現鴿肉味仍然濃郁，大可能係火喉不夠既問題。 糯米釀大腸： 幾經思量，還是剔除炸物好油膩、糯米吸油滯口等各項不明朗因素，勇敢踏出嘗試既第一步。大腸皮炸得香脆，帶一點燒臘鹹香味道，剛陽盡顯；而糯米質感軟熟，與芋頭及鹹肉碎温和混合著，帶有一點温柔；一剛一柔既配撘，集香味、味美、質感與層次共

星期六，天氣仍然寒冷，搬家的事辦妥得七七八八了。晚上，與外家一起聚一聚。原本打算往「金海閣」打邊爐，天寒地凍，全院滿座是意料中事，只好轉到附近嘅「榮興」食潮州菜。食潮州菜，鹵水物是必然之選，不過今次首先嚟了一客豉油皇鵝腸($88)，鵝腸質素甚高，入口豐腴肥美，而且亦炒得相當爽滑。這麼肥美惹味嘅鵝腸，很久都沒有遇上了。估唔到頭一道菜便帶來驚喜，令人對後來之餸菜有所盼望，那知道這正是味覺大波動之始，容後再談。接著的鹵水鵝掌翼($68)，做得也不錯，尤其是墊在底嘅鹵水豆腐，溫香軟滑，筆者一口氣吃了幾塊。吃得那麼高興，再追加了鵝片拼豬大腸($88)及鵝腸拼鵝翼($88)，但食落是兩碼子嘅事。首先是豬腸帶有輕微嘅苦澀味，既冇豬腸應有嘅甘香，食落亦不爽滑；同樣嘅鵝腸，鹵水做的完全失去了之前嘅風範，淡而無味，十分失望；鵝片雖肥瘦均稱，可惜未能啖出鵝肉香。鹵水這一科，「榮興」明顯未夠班。失望過後，吃一口蠔仔肉碎泡粥($60)，味覺享受又從低谷急速反彈。泡粥料十足，粒粒蠔仔皆鮮甜味美。加了胡椒，十分醒胃暖肚。雙面黃($68)是潮州菜必食之選，要搵做得好嘅雙面黃好難，難就難在坊間一般只是煎香一面，底還是條