永興食堂

營業中

休息中

8-11-2023 (Wed) 晏晝,女同事SL肚餓,問我食唔食嘢?我都有少少,我問佢食餅定想叫下午茶share?佢答下午茶,好呀,我就揀奶油多,飲品就唔要喇.佢問我要唔要紅豆冰?咁引誘我?咁我要紅豆冰就唔食奶油多啦.佢就叫兩份,預埋俾男同事PH同女同事C,由於上次叫咀留香下午茶時,C飲熱檸水,( 評係2023年7月25日刊登嘅呢篇: https://www.openrice.com/zh/hongkong/review/%E8%A9%A6%E5%91%A2%E9%96%93-e4909212)所以我幫佢揀熱檸水,SL就叫兩個奶油多,一杯紅豆冰,一杯熱檸水.但呢間又係冇紅豆冰,咁SL就要熱檸茶.好快兩個下午茶就送到嚟,我哋就share食啦,我食半件奶油多啦,多士係正常薄切,食落,已經開始腍就算佢係用紙袋入住,不過仍有啲啲脆;而奶油份量啱啱好.味道:3分之後C又唔食又唔飲,咁我就飲埋杯熱檸水,我篤咗檸檬後飲,嘩!好澀,唔掂.味道:1分價錢:睇睇張單,每個要$29.00,好貴啫.上次食評係2023年8月15日刊登嘅呢篇: https://www.openrice.com/zh/hongko

11-8-2023 (Fri)因公司攪Annual Dinner,費事夜晚拎埋飯盒去,所以冇帶飯,就同同事喺呢喥嗌飯, $48.00嘅精選飯餐好似好吸引,我最後決定要粟米肉粒飯,跟花生眉豆冬瓜湯.好快送到嚟,我就開餐喇.打開個湯睇,唔多,飲落,冇乜眉豆味,味道淡.粟米肉粒飯呢?睇見個樣都唔多吸引,味道同樣係淡,不過肉粒係鬆同滑,ok 嘅;飯就乾乾地.而兩樣嘢都係只係暖暖地.抵食係2.7分上次食評係2023 年7月5日刊登嘅呢篇: https://www.openrice.com/zh/hongkong/review/%E5%A5%BD%E5%BF%AB%E5%88%B0-e4881369

13-6-2023(Tue)因屋企整嘢,所以攪到14-6-2023(Wed)冇飯帶,咁就夾埋男同事PH,女同事SL一齊叫兩盒炒嘢share食.佢哋叫開呢間嘢食,就決定呢間,我哋揀咗同樣$52.00嘅鹹魚雞粒炒飯同豬扒炒烏冬,落完單等大約5分鐘就到,打開睇見份量唔多,鹹魚雞粒炒飯係幾香嘅,分好就share食喇.我先食豬扒炒烏冬,顏色好夠,豬扒已剪成4件,佢唔太厚但口感鬆軟唔柴皮;炒烏冬唔算太腍;成個味道唔太鹹,但唔夠鑊氣.味道:3分而鹹魚雞粒炒飯呢?同樣係唔夠鑊氣,食到鹹魚香,飯粒係分明.味道:4分呢間算合格嘅.

Hello 大家好👋🏻！今日我嚟到位於石門嘅白領茶餐廳「永興食堂」，點解叫白領？因為佢地營業時間星期一至五0700-1800，星期六收17:00，星期日及公眾假期休息。 想嘆佢地杯奶茶真係要揀返工嘅日子😅😅😅。 美食攻略：今次同大家分享一下佢哋嘅早餐，早餐都幾多選擇，有茶記麵餐、三文治餐之餘，仲有豬腸粉、燒賣、粉果、糯米雞，另外仲有車仔麵，工業區茶餐廳嘅早餐嚟講都算多選擇。不得不提佢地杯奶茶真係一絕，茶奶比例剛剛好，算係我係石門區飲過數一數二嘅奶茶。 問過啲侍應姐姐，原來佢地老闆都好鍾意飲奶茶，試過好多次先溝出呢個比例嘅奶茶，真心飲得出老闆對奶茶嘅執著😋。美食指數：5🌝最高味道：🌝🌝🌝🌝🌚環境：🌝🌝🌝🌚🌚服務：🌝🌝🌝🌝🌚賣相：🌝🌝🌝🌚🌚

位於安心街的永興食堂，因為近我屋企都食過幾次。今次11點幾去到，又未想食午餐但早餐又停咗。問吓侍應原來午飯時段只有炒粉麵飯或車仔麵，咁唯有叫個light D嘅車仔麵。老實講，個車仔麵真係麻麻地，米粉有點煮得過淋，啲配料都有啲hea。但個蘿蔔就幾好，醃得入味而且唔會好多渣。仲有佢杯凍檸茶都幾好飲，始終呢種舊式茶檔拉出嚟嘅茶會香啲，不過就偏甜咗少少，而且加$8，份量都幾細杯。最後埋單$40，其實比炒粉麵只係平少少。如果時間多啲，食炒粉麵會抵食啲。

在工廠區工作，午餐這一個時段，總會離不開工廠大廈飯堂這玩意。不過，香港地工廠區的飯堂，質素參差，而且大多都沒有什麼裝修，也可以用好佬來形容，是 100% 不吸引的。不過，有好多的工廠飯堂，可以說是臥虎藏龍的。是日撰文表揚的，並不是什麼臥虎藏龍的工廠飯堂私房菜，而是一間天天旺場，很受區內打工仔歡迎的一間簡陋食肆，名字叫《永興食堂》。早餐先一試，簡單試一碗公仔麵。麵餐跟雞扒，再加上一個濃郁的公仔麵湯底。有味道，麵又沒有太腍。雞扒肉厚，也有好香的豉油味。香港式的工友早餐，就是如此。早餐感覺好，令到我在放中午飯的時候又走過來了。中午的時段，比起早餐時段更人山人海。在午市太套餐中，我選擇了這個蝦醬肉片。肉片，是連皮的五花腩肉，肉爽皮煙韌，而腩肉又夠入味，蝦醬濃，豉油香，是一個很好送飯的小菜一碟。一個男人的家庭晚餐，就是這樣，年少時在大學宿舍，一個人就係咁食。這兒的奶茶，給我的第一感覺就是出色。茶濃，奶香，入口滑。加一茶匙的糖再去飲，是美妙的香港奶茶風味。雖沒有因此而令我日日來，但這一杯茶，要讚。之後，間唔中都會來，始終，這是同事們一起午飯的其中一個主要飯堂。而大家常來的原因除了近，就是出品唔錯，