永發餐廳 (已結業)

將軍澳永發餐廳是一間茶餐廳，由於位置近屋企，所以幫襯了好幾次。這日是假期天的午餐時間，他們有一些假日特餐，我便選擇了這款沙嗲肥牛撈麵，配上火腿奄列及厚切士多，再加飲品，盛惠41元，肥牛份量雖不多卻算適中，咬落去亦有牛肉味，撈麵是乾身不會有太多湯水，食的時候麵身爽口，不錯，火腿奄列是一般標準格式，與其他食店沒有太大的差異，厚切多士亦是一樣，不過不失，整體食物的份量、味道及價格屬中規中矩，尚算不錯。😎

大把坐位仲要人搭枱。ok。搭枱都算。好聲好氣咪得。唔肯搭枱就成杯水''彭''一聲放落枱。好似前世欠左佢咁。真人真事。呢間野永遠黑名單。為了自身安全請各位朋友三思。

見到餐廳入面有位，但無人帶位就行入去，有一個阿姐安排我地坐，突然有個男侍走出黎同我講，“咪棟左個牌係度，要係度等安排入座，自己走入黎做乜呀？”入面有位你地又無人帶位，仲要向顧客發皮氣，依間野永遠唔會再去幫襯

這間街坊餐廳經營了數年，食物價格定位屬低中價水平，餐廳環境不算小，裝潢普通，又未至於落後。餐廳為免食客亂坐，常常在枱上放著“留座”，感覺都幾討厭，因為好多時食完都冇人坐。😫今早我就過來幫襯早餐，這間餐廳提供的早餐很經典傳統，價錢不貴味道不錯。今天叫了經典早餐A，包括了火腿絲通粉、西煎双蛋、牛油方包及一杯飲品， 盛惠$30。這個火腿絲通粉的火腿絲夠豐盛，不像外間餐廳的只三四條，通粉沒有好重嘅雞粉味，清淡不錯。牛油方包薄薄的，沒甚特別。西煎双蛋炒得不油不濃，不俗。

態度惡劣……就係得一間開到夜一夜就要比你串……今時今日咁做生意真係太差……首先講食物係唔差……不過食完背隻骨落就好傷……唔好當客神咁拜……我話你差可能係一個……不過我見人地寫200字話你差就唔止我一個……裝修完等執

在外面排隊等候時已經有侍應詢問幾多人，已經答覆了一次，之後又有一個自稱老闆的人再來問，我再答了一次，這位自稱老闆的人又再詢問我們同行的人，同行友人答"三個，我們是一起的" ，只是這個回覆不知道是否刺傷了這大仁兄的弱小心靈，他就很沒禮貌很重語氣的說"我點知你地一齊啊"，我們詢問為什麼他要那麼凶惡，他就開始發瘋罵人，還說是我們態度有問題，之後裡面有侍應說了"三位有枱"但這位自稱老闆的人堅決不給我們進入餐廳，搞辯說要想要給我的另一張枱，我說了不需要，剛剛那張就可以了，但他仍然把枱給了後面的人，用餐體驗十分不愉快。

我同我屋企人今朝去永發茶餐廳食早餐，甘個侍應安排左我地同兩個人搭枱。甘坐坐下見到有張枱空左就坐左（當陣未落order)，一坐低侍應阿姐就過黎執嘢，但係執執下就跌咗隻叉同埋啲食整嘅野落我大髀🙄我都算，但係無啦啦有個侍應叫我哋坐番原本個位，佢話有三個人要坐呢張枱，明明後面有張枱就黎走，點解吾叫佢地等下？要個客坐番佢地吾想坐個位。 第二，衛生勁差，啲餐具好污糟。我嗰份餐具係有食物食淨嗰啲，一餐早餐都可以有咁多野。而且啲嘢食又貴又吾好食，吾好點解有咁多人幫襯🙄

做開街坊生意嘅茶餐廳，雖然唔休做，但係感覺質素下降緊以前嚟食覺得幾好食，今次兩個人叫咗兩個set lunch一個係黑椒汁雞排漢堡扒飯，賣相幾好另一個係鹹魚雞粒炒飯雞扒兩大塊，都唔知點解咁大，雞肉乾掙掙有雪藏味漢堡扒(啫係塊豬柳，細塊到差啲搵唔到我寧願佢俾少塊雞扒，俾多塊漢堡扒好過不過可以佢茶餐廳做開大叔生意，主打大大份食到飽，咁質素就可能有所調整個鹹魚雞粒炒飯先係極品，啲雞肉完全冇味可以叫佢做鹹魚炒飯算，其實佢啲雞肉煮之前搵啲鹽乸乸佢已經會好好多not again!

幾個月前黎食過一次下午茶，非常難食，最深刻印象係有個水晶通粉，個近地好似河粉，但係通咁樣，勁古怪。至於其他已經吾太記得。今晚比多次機會佢，食個晚餐，$139 兩小菜+ 白飯+ 湯+ 油菜好似好扺咁。1.西蘭花炒雞球蝦球 : 成碟得兩隻白烚蝦，一d 味都無; 梅梅的雞肉一堆 和冰冷的西蘭花，炒埋一碟都無味既。2.沙嗲金菇肥牛煲: 肥牛碎一堆，金菇碎一堆，青椒紅椒一堆，無沙嗲味的撈埋一推，係中下水平。唯一好處: 白飯夠大碗。無下次。完

8/72017 12:40 兩個人中午去食飯,因為揸車又趕時間所以停在餐廳外,見餐有人龍五,六個人排隊,但排咗幾分鐘就入得,奇怪入面好多位,但又要人排隊,叫咗一個XO醬干炒牛河,一個咖哩雞飯,之後見到有張二人枱望到車嘅想調過去(驚抄牌),個樓面阿姐就話你要望車唔好叫嘢住嘛!(大佬叫野果陣係未有果張枱嘛),之後有個高級d又係咁走過嚟話要睇車唔好入住嘛(態度麻麻)! 覺得好奇怪,茶餐廳調吓位原來係咁嚴重,到重點食物牛河無鑊氣,無XO醬味,好似整定咁,咖哩雞仲衰d雞好大陣雪藏味,咖哩都係無味的,仲有係餐具都幾污衊,匙羹係黐住啲濕完又乾咗紙巾嘅,唯一幾好係餐廳裝修,所以我唔會再去呢間餐廳食嘢!

餐廳新裝修完，比以前感覺光猛同乾淨，有別於舊式茶餐廳雖然係下午茶時間，但我叫左個特餐：沙爹牛肉撈公仔麵，火腿奄列拼厚多士$39, 供應至18:00整體黎講食物味道唔錯$39蚊都算抵食

今日OT夜返，十點左右，周圍餐廳都關了門，才勉為其難去永發食飯醫肚本身對永發已經冇咩好感，但今次真的讓我發怒了！！！！明明店內沒有什麼客人，但很多位置都寫著留座，侍應不準我選座，帶左我去同一個阿叔搭枱。之後個阿叔系我面前系咁吐痰，超核突。。。跟住我好客氣咁同侍應講我想轉位置，跟住佢居然話周圍都冇位坐 - -||我周圍睇睇，其實根本好多空位，只系有D寫左『留座』跟住我見到旁邊就有張沒有寫住留座的枱，就同佢講想調去坐。點知佢寸我話我得一個人，唔俾我去果邊坐，其實講真，果張枱又唔系卡位，呢個鐘數客人又唔多，我只系想轉枱，我都唔介意同其他人搭枱但侍應的態度真係好差。既然佢話唔俾坐，我就直接同佢講我唔食了，直接走人！！！呢間嘢服務態度真系超級差，飯都未食就食到成肚氣！！利申：我之前都系度食過兩次，食物質素根本好差，只系OT太夜冇乜選擇才進去食呢間野食物又差，服務更加差，我以後都唔會再幫襯！！！大家都唔好去呢間食啦！！！

下了單，有幾款西多士簡。最後落了咖哋西多士。同普通西多士冇分別。食物質素亦很差，職員態度惡劣。時常批評客人，如客人進入人數指示不清。而且就算答枱都唔會係好態度。一野推開你枱頭已經放下的東西，攪到差點翻水，最後個客重要問返，我唔好意思，答唔答得枱。最後我都沒有質疑點單錯漏。反正不會要幫襯。

話左唔再幫襯點知隔离海南鷄食店因常規公休日🤔冇開而费事行，所以又中蕉了。呢間店出哂名D侍應由年長至後生服務態度向來差勁、超差，完全目中無人的。食物質素，只能講五味不全，可以直接打包入垃圾桶！大把位但全部Reserved兼唔俾揀? 就留返俾鋪頭員工们自己慢慢坐吧！真係好希望店老闆會睇倒呢篇食評，救救自己盤生意吧！有危機！

It was my first time to have dinner here. I had dinner at 9:30 pm that restaurant had many vacancies. However, they refused our request to seat near the window as we just park outside the restaurant. ok. that`s fine. second, they have a min charge for $14 for a person. we ordered a set dinner cost $50 but they furter requested us to order one more item. actually, we were not need to have so much tonight.... the last but the least, the food was tasteless..... I had a very bad experience a