永發餐廳 (已結業)

係將軍澳一早趕住返工既您 唔想食連鎖店（一般都位於商場內 要上上落落先到）又唔想等位 等上餐時間 呢間餐廳幫到您 距位於地舖 位置比較就腳 唔洗排隊等位 早餐時段 服務員足充 由落單 上菜到埋單 速度快靚正 價格合理 衛生環境可以雖然種類唔算好多 屬於基本款 味道正常 但簡簡單單都足以填滿早上肚餓既空虛感 （如果公仔面餐 可以配件多士/包就會更好）熱奶茶係我比較欣賞既 茶味、奶量、濃度岩岩好 如果您同我一樣都係每朝需要一杯熱奶茶 應該都會幾岩您

Boyfriend and I decided to check out the Tseung Kwan O area if they had any Chinese New Year decorations. Before starting off, we came here for food first.Wing Fat Restaurant is your typical cha chan teng. It's located in the mall and they had a lot of diners.Menu is in Chinese only. There is no 10% service charge and you pay on your way out. As it was afternoon tea time, they had afternoon tea sets that all included a drink.I had the all day set ($43).  It had minced pork with macaroni made fro

星期日當然要同屋企人出街食餐下午茶，成日食埋曬啲快餐店，今次就一於反高潮，試下食茶餐廳下午茶。呢間茶餐廳都算幾乾淨，但明明隔離冇廁所，不過就唔知點解有陣廁所味，座位都算寬敞，坐落都幾舒服。平平哋，我就嗌咗個豬扒包，加埋凍飲37蚊咋。 至於個包皮都幾鬆脆，不過塊豬扒就油咗啲，食落就普通啦。凍奶茶茶味都幾香濃，少甜少冰都做得合適。家人就叫咗個咸牛肉芝士包 ，包皮同樣鬆脆， 咸牛肉同芝士配搭的絲絲入扣，非常惹味，個人覺得拍得住澳門嗰間世紀冰室，下次絕對可以再試。

今日收工黎左將軍澳搵朋友食晚飯, 一直都好掛住呢度既蜜椒雞翼, 所以決定同朋友重回舊地~蜜椒雞翼雞翼即刻整起, 熱辣辣! 加埋蜜糖真係好好味~ 好香口, 蜜糖有D拉絲咁~送飯好一流! 而且份量仲好多添!泰式炭燒豬頸肉豬頸肉原來係厚切, 如果佢薄d就好, 因為個肉有DD韌.仲叫左個生菜~中和返D肉肉既油膩感~Overall, 環境舒適, 餐廳有好多位, 唔駛點等, 方便快捷之選雞翼一如以往冇令我失望~雞翼控朋友表示好正~

週末係時候食個休閒tea, 去左寶琳永發茶餐廳, 燈光柔和, 坐位寬敞！ 粉麵、沙律、炸物、湯飯、特餐齊唒, 總有款岩食！下午茶餐為2:30-6:00pm。今次叫左個魚湯飯同蕃茄肉碎水晶粉特餐👍🏻😊茶餐、普通set餐包熱飲。👭 湯底乳白色, 有咸香。蠔仔幾大隻、飽滿！湯飯飯米軟硬適中, 加埋芫茜、紅蘿蔔絲等配料, 一啖湯一啖飯！ 蕃茄肉碎水晶粉湯底濃濃茄味, 又有好多蕃茄肉！😁👍🏻茄酸好開胃。又有好多瘦肉碎, 而水晶粉QQ地, 中間空心, 可以裝住d茄湯! 仲有仲有, 就係薯仔粒, e碗健康美味加分！厚切多士好香牛油味, 皮脆、麵包夠厚夠香, 熱d就perfect! 想hea hea 地歎個有水準茶餐, 推介永發。👍🏻😊

男朋友今日好遲先放到工 番到屋企都成九點 就落樓下諗住求其揾d野食 見到呢間茶記就入左去餐廳每晚六點後就有經濟小菜自選套餐可以揀 $130有2款都算幾抵食當晚既中湯係蘿蔔豬骨湯 而西湯就係羅宋湯 中湯既料都齊晒係個碗入面 一般般沙嗲金菇肥牛煲用個煲上好熱辣辣 隻沙嗲味唔錯 肥牛同金菇都好入味 肥牛一塊塊 唔會散修修 食落都唔會韌 個汁撈飯唔錯西蘭花炒雙球用個扮竹籃既碟上枱有清新既感覺 西蘭花整得夠腍 有菇 蝦同豬肉片等配料 個芡汁整得好好凍檸茶好多冰 不過甜度岩岩好D伙記做野都幾快手 雖然無笑笑口 但係態度都良好

我以前係住呢頭嘅，呢間永發好耐之前食過1,2次就冇再幫襯，唔係唔好食，而係服務態度差到冇人有，粗口横飛又黑面對住客人，所以冇再去。 最近返咗嚟老家住，經過見到重新裝修咗，好似高級咗好多咁，環境又乾淨咗好多，就入去試多次啦！餐牌同以前一樣，我叫咗個鐵板餐牛柳餐，啲員工換晒人，態度變到超好！仲好好笑容下！淨係呢樣都已經夠驚喜。🤣等咗一陣食物就到~重點嚟喇蒜蓉包好厚身仲熱嘅，仲見到一粒粒蒜，好脆！😋中湯好足料真心超級推薦嘅牛柳😍❗️❗️❗️好大份！牛柳好厚身，好好好林，一啲都唔un唔鞋！$9x食到咁高質真係好抵真係要用高質嚟形容影相影唔岀有幾大份同厚😂真係好驚喜，同以前太大反差了！希望一直都可以keep到咁好，無論服務態度定食物食得好開心因為咁我一星期內就帶埋朋友嚟食多次😂😂😂順便po埋相啦，呢個我叫黑椒汁，個人覺得好食過蒜蓉汁睇下幾厚會繼續幫襯！

本人住附近，時不時都會幫襯下，佢既蘿蔔牛腩牛筋飯餐，52蚊，大大碟，牛筋牛腩夠腍，夠入味，蘿蔔大大件又清甜，絕對唔失禮，點3 次，3次都咁滿意，耐唔耐就會掛住...

上一次路經這餐廳， 聽到一名小學生 ，說這裏的蕃茄通粉非常好味， 故此今天也慕名而來吧！鮮茄薯仔肉碎濃湯水晶米通粉套餐 ~ 嘩，成個名好長，有成15個字， 拆開每組字， "鲜茄 和 "碎肉" "確是很多的，味道真是夠香濃的， 但似乎找不到薯仔的踪影呢！ 這個水晶米通粉真是與衆不同， 非常弹牙， 看它的形狀大小不一， 在想像是錯体？ 還是手工製？這個瑤柱蛋白海鮮炒飯， 瑤柱炒得脆香，可惜份量太少，當然啦名貴貨呀! 海鮮份量也是有限， 不過飯的份量挺多的， 啱曬大胃王！

將軍澳景琳地鐵新都城好多餐廳，我比較喜歡寧靜舒適吃一個早餐，其中永發餐廳有好多間店，呢間環境比較舒適，在商場地下舖，最正係杯奶茶，好有茶味又滑，早餐牛肉麵牛肉夠厚，座位又寬鬆，另外服務好有親切，有耐性，價錢合理

2點入去食 因為未到下午茶冇咁多人（下午茶2:30）入到去人唔算多 理論試野食應該好快出重點黎啦 叫左3個餐 正常時間黎左兩個餐....最後一個餐係炒麵....叫個炒麵追左3次單都唔黎.....最後要叫老細先肯幫手叫廚房整 大佬...食茶餐廳係要快 我去茶樓蒸點心都黎爽啦..足足35分鐘！人地入黎10分鐘炒飯都出到啦 個個waiter淨係識話黎緊 等等 追都唔追 懶到出汁 呢間野唔會再去...服務態度係0Conclusion:垃圾

前排放工見九點幾，一條友就諗住去茶記食個飯算啦，叫咗個小菜套餐，個餐寫住話包小菜+飯+湯。落完單，諗住例湯應該好快嚟啦，點知等咗十幾、廿分鐘，小菜、白飯嚟埋，例湯都未到，我就同個亞姐講話湯仲未到，個亞姐聽完，無出聲望咗我一眼就行咗去，諗住佢唔出聲但都應該會幫我跟吓啦，點知又等咗十幾分鐘，碗飯都食到一大半，都無人攞過湯嚟俾我，咁我又追多一次啦，今次就同個樣似道友嘅金毛亞叔講，點知佢聽完又係無出聲仲用啲好兇嘅眼神睥咗我一下就行咗去，到最後我食完野都係無人攞過碗湯俾我，臨走時，聽到有另一個伙記叫入廚房話無哂例湯，嗰吓我先知咩事。其實如果無哂湯，你地咪同客人講聲囉，駛死咩，問又唔應，想點呀？雖然明白茶記唔係高級餐廳，唔可以要求你地做到賓至如歸，但基本要求都要有掛？食物質素已經麻麻地，仲要啲態度差到咁，呢間垃圾一定唔會再幫襯！

平時都有叫開永發的外賣，因為有時夜左食，只得呢間茶餐廳開，所以都經常夜晚叫外賣，而且佢有宵夜餐，價錢都ok.呢日因為公司有事，所以又夜左。但今次嘗試堂食，十一點七八字到，好多都係卡位，都幾好坐。我叫左宵夜餐的肉絲炒麵，好耐都冇食呢啲咁野味又高脂的食物，不過我覺得茶餐廳應能力做到好味的炒麵，所以我就想試下。十分鐘左右就出餐，大大碟，熱騰騰的，麵真是脆卜卜的，而且麵是有剪斷的，所以好易食，食落真好野味，脆脆的，加上些汁又不致太乾，真係食出即炒的茶餐廳風味。之前間中都有在快餐店食鐵板炒麵，但真差好遠。食完都幾滿足，不過如果肉𢇃再多些就好。另外，侍應態度都幾有好，有禮貌，應該是改進了。堂食係比外賣好的，我應多些來堂食了。

去西貢行山，例牌同朋友係車站附近食個早餐打打底，行出黎見到呢間就食呢間啦。普通街坊茶餐廳，質素無話特別，不過不失，係個通粉煮得太耐有少少淋，但都可以接受，基本上都無咩大問題。題外話：話說個餐有雙蛋，我同侍應講左要煎蛋，點知黎到的時候見到雙蛋一隻係煎蛋一隻係太陽蛋，問個位侍應：我頭先話左想要煎蛋，可唔可以幫我轉返？點知佢指住煎蛋、無視太陽蛋咁答我：咪有一隻煎蛋囉，無問題架喎。個下我都唔知俾咩反應，突然間反應唔切，唯有照食兩隻雙蛋。不過依家諗下都唔知好嬲定好笑，一隻係煎蛋一隻係太陽蛋XD

這樣的服務態度 仍能在將軍澳生存 當然會有佢的原因今天經過見佢新裝修 餐牌和出品和以前冇分別出品茶餐廳來講算合格朋友叫了西式午餐 所謂洋蔥汁 無味, 但只係$44 大求食飽肚 白飯熱辣辣我叫咗鹹魚雞粒炒飯 冇鹹魚味 但炒飯整體來講有鑊氣 again, $48 好難投訴茶餐廳來講 一係要夠平 一係要好食 一係要快手 this one is 夠平 even after 新裝修 值得支持這裏還勝在午飯時間唔會趕人走喺將軍澳還有四字頭午餐 不能再有特別要求