永年士多 (寶城洋樓)

營業中

休息中

聞名已久的永年大寶號,我同朋友老遠見到一條人龍排隊,果然與早前本吹水雜誌<飲食男女>介紹一樣,我排左約廾分鍾終於到我啦,眼見面前的食物與其它麵店無大分別,都是個幾樣,不過我望多兩下就已經被個亞嬸叫我快Ｄ講食乜野,態度極之惡劣,於是我很快叫左碗豬皮,豬腸,牛腩,豬紅的油麵加友人話必食的辣汁,跟住去隔離度搵位,人多等左幾分鍾先有位,捉住碗麵罰企都幾無隱架, 首先, 碗麵的賣相絕不吸引,瘀瘀黑黑的,沒有香味只有重重的滷水及豉油味,僅僅聞到少許從那pat 辣汁發出好似係咖哩的咖喱氣味,豬皮普通,豬腸有屎味,牛腩又實又鞋又怪味,我睇佢地連簡單的炆牛腩都不懂做的,豬紅又勁咸夾甜味,個辣汁只得一個死辣,我食左不到三分一已經投降,這樣的一碗垃圾賣廿幾蚊!!! 我真係不明白這檔垃圾車仔麵又會有咁多人排隊去買難受,捉住碗麵等位又好似個乞兒,排隊買麵又似輪街症，d亞嬸又寸，最慘我食完碗垃圾，隔左一陣就肚痛，屙左3次，差d要去睇急症，打死以後都唔會再黎食呢個元朗正宗垃圾車仔麵!!!

d 味精多到好似唔駛本o甘, 成碗o野咸到阿媽都唔認得......d 辣汁really 好辣......豬腸有d 豬味,臭臭o地....牛筋ok, 豬紅ok, 蘿蔔ok, 不過一切都好好好咸, 都唔明why 可以咸成o甘.......d麵就一般啦不過佢really 是但收$ ga ja, 無標準ga!我都未必會再食了.....

今日有幾聲咳唔舒服睇完醫生,同女友下午二時多去幫襯,我一早大聲叫左唔要辣,但有個新阿姐照落辣汁俾我,我喝停時已經遲左啦,我同女友話明些少辣都唔食得,排我隊後面一位女士聽到,即刻話:「唔緊要啦,佢果碗俾我啦!」, 我當時亦同意後面位女士咁做作出和應,點知俾餸我果位新阿姐一於少理,佢喺我不斷反對及投訴下,只將我碗麵上辣汁隨意兜走,但麵內尚留些少辣汁。雖知一個人唔舒服而且咳,就算平時食開辣都好,咁既情況下都係避之則吉,之後我都因為幫襯左咁耐,費事再發脾氣落去,如果係其他食店,我早已經拂袖離去喇!我真係唔明點解呢間野,兩個阿姐都同一時間整緊麵俾客,而且兩個客食既餸份量都一樣係三款,又係果樣麵底,點解唔可以調換兩碗麵咁簡單處理都唔肯做?咁既服務態度唔怪得成日有食家批評啦~

呢間車仔麵d餸真係一流, 雞冀,豬腸都好正..不過d服務態度真係改有待善,雖則你唔憂做,但係做生意都係好聲氣d.仲有呢間野成日大排長龍最好十二點正or兩三點去會少人d

味精好重!得過辣字!真係名過於實,排餐\死吾直得law

嘩~ 未食過一間咁好未既野~雖然係車仔麵~ 不過十分好味~係個到o的豬腸先整得好~不過咁好味, 因為味精, 佢落得超多~不過間唔中去一次冇咩所謂, 日日食就咪搞=,=

本人覺得佢既辣醬好正.車仔麵湯底不嬲都係味精味架啦,但係加左佢既辣醬就好食好多,其實唔止得個辣字架. 豬腸難得唔係大腸果PART,好爽口. D其他送都Ok啦, 有時都覺得碗面大碗D,睇你好唔好彩.食左咁多年都仲保持一貫水準!!!但係睇到佢當住D客面前整d豬腸/送就唔係咁好囉.應該係廚房整完先拎出黎...地方幾鳥糟~

湯底得個辣字.d 送浸到霉爛.味精又多.我就唔知有什麼好食.最最麻煩係要拎住碗麵同飲品四圍去搵位.下次都唔會再來食

永年車仔麵都算係元朗特色。我就次次去一定叫蘿白、豬皮。好正。出面ｄ車仔麵真係無得比囉。我ｄ朋友鐘意食辣，個個叫好。（雖然聽講依家愈來愈唔辣）做車仔麵做到咁好食都幾難得。環境係無咁好，但十幾廿蚊個車仔麵，咁好食呀，仲要求ｄ乜？

呢間車仔麵好奇怪,麵食及餸冇價錢。普通一碗三餸麵$15元,但其中一個餸雞翼就$20元,我真係唔明點計出黎?當佢麵底$6元,三款普通餸每樣$3元,加埋即係普通三餸麵=$15元,呢個價錢唔算貴。但如果其中一款餸改雞翼要$20元,即是雞翼一款都要$8元,都咪話相差唔遠呀!仲有一樣野大家要注意,高高瘦瘦企喺度果剪餸個老闆,佢好多時都會剪多少少份量餸俾客人,又會額外送多少量一至兩款餸俾客人試。但另外一個圓口圓臉中間分界既師奶,遇著佢剪餸就行衰運喇!事關佢連基本既餸份量都俾好少,菜又俾好少湯汁又少,更加唔會額外俾多其他餸客人試。我勸大家下次去幫襯時,遇正我所描述既師奶剪餸俾閣下時,不如扮有電話要聽叫佢Hold陣,等佢招呼第二個客先,然後到高瘦老闆得閒先再叫餸,咁就大大碗又多餸又好味又抵啦!

依間鋪頭由我from 1幫襯到宜家25歲,我之曾經有8年都去左外國讀書,每年summer我都必定會返0黎食,我最鍾意就係佢0地d辣醬and豬腸,食左咁多年都一定會叫,絕不會厭,佢0地0既蘿蔔都好好味.雖然係要排隊,仲成日都好長龍,但個心都依然會冇變,真係食勁都食唔厭!!食得辣的朋友都真係要試下, 包你會say good!!環境當然唔會座得舒服, 車仔麵係錦ga la, 唔通你地expect好似酒店錦咩, 依d先係佢0地0既特色!

呢間車仔麵醬汁得個辣仔,又要排隊輪籌咁拎麵同飲品,又要即刻俾錢,拎住碗都同飲品又要自己搵位,個人覺得好麻煩。而且價格好貴...餸菜浸到好爛好霉,得紙包裝同罐裝飲品,排完隊拎住麵同飲品,要行去隔離鋪搵位,間野都唔憂做咁,咁既服務咁既價錢,我一定唔會幫襯~

永年的車仔面真係幾好食，選擇多。星期六午市要等成半個鐘。我最欣賞它們放d餸落碗時候，放得d餸好整齊。令個車仔面o既presentation好好!仲有，它們會送一兩舊你無要o既餸，比人客試食，做customer retention! 有marketing sense啊!

Every time I try their noddles, I feel very very very thirsty.......

由中學食到而家, 呢度真係食車仔面選. 又平又好味. 老闆表面好cool但好攪笑. 仲成日幫你碗面加料, 食到捧住個肚走.