375
111
46
| 餐廳: | 永年士多 (寶城洋樓) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
開飯介紹
擁超過50年歷史的車仔麵店，大胃王可選有十餸的大碗麵，包括蘿蔔、雞翅及魷魚等配料。喜歡吃辣的必定要加辣汁。
繼續閱讀
營業時間
今日營業
11:30 - 21:30
星期一至日
11:30 - 21:30
*如有任何休店日子將於個別社交網站作出公告
截單時間: 21:00
以上資料只供參考, 請與餐廳確認詳情
食家推介
相關文章
之前去過尖沙咀同沙田分店，覺得食物質素唔錯，最近嚟開元朗就順路一嚐依度既豬腸車仔麵同紅豆冰，又真係幾好食喎 ~進入店舖，見到有一邊係窗口位，可以遠望街景，都唔錯架。裝修帶懷舊加時尚設計，有好多裝飾擺設，感覺別緻。餐牌內有多款車仔麵餐及車仔餸選擇，亦有香港經典小食咖喱三寶、麻辣雞腎/豬耳、多士套餐、紅豆冰、涼粉冰、樽仔奶茶等等，款式都唔錯。四寶麵 $51喜歡豬腸既友人，第一時間點咗依碗經典既四寶車仔麵，裡面既車仔餸包括有豬腸、蘿蔔、豬紅同豬皮，點咗少辣。一睇湯底已經覺得好濃，飮起嚟帶香辣可口。豬腸洗得好乾淨，爽口又入味，食得出香料既味道，份量都幾多。蘿蔔好吸湯汁，清甜爽口，豬紅同豬皮係車仔麵不可缺少的。麵食就揀咗油麵，好配食車仔麵，油麵滑嘟嘟，吸入湯汁更美味。港式紅豆冰 $15 (麵餐優惠價)車仔麵同紅豆冰又係好配，大大粒紅豆，軟綿綿，好香甜，與淡奶一齊拌勻，口感幼滑，甜度啱啱好，細膩可口。自選車仔麵 $83另外依碗車仔麵係自選6款餸，包括有牛腩、牛筋、蘿蔔、蜂巢豆腐、紫菜、冬菇同埋選擇米線。好豐富嘅車仔麵，款款材料都吸到濃濃嘅湯底，湯味清甜潤喉。食起嚟特別入味嘅有牛腩、牛筋炆至軟身，有咬口，蘿蔔、蜂巢豆腐、冬菇、紫菜都全吸入湯，米線口感爽滑，車仔餸香濃，越食越滋味。韮菜豬紅 $16揀左少辣嘅韮菜豬紅，辣汁好惹味，豬紅軟腍浸入湯汁，韮菜翠綠鮮爽，係車仔麵最佳配搭。榛子朱古力多士 $18厚底多士塗上榛子朱古力，香甜濃郁朱古力，食落脆脆嘅口感，好滋味既小食。
繼續閱讀
這一間永年士多開咗已經好多年，店舖改變新面貌有一段時間🤔，店面環境外至內新派與懷舊共於一新，佢嘅食物款式唔係只得車仔麵，有四寶麵、蒜油撈麵、豬手蝦籽撈麵、同時配餸麵都有好多款式選擇，飲品方面冰類、茶類、樽仔奶茶，比起以往多元化選擇!.大碗餸 $70我已經有一段時間冇去食，剛剛經過好想試吓🤔，望見真的好多選擇，望到呢一碗招牌大碗麵份量都好豐富😲就食，有豬腸 、魚蛋 、蘿蔔、 豬紅 、豬皮、 雞翼、 雞翼尖、 魷魚 、紅腸、 菜等，佢嘅材料沾滿湯底汁液，尤其是蘿蔔甜而腍口好美味，雞翼腍嫩好香滷汁味道😋，配埋D麻辣醬汁夠哂濃郁惹味😙，我唔係好食得太過辣揀選小小辣，增添食慾好正👍!.三餸麵 $41自選三餸車仔麵望著都幾好🤔，配豬皮配其他、 另外加豬腸、豬紅 +$2 ，我覺得佢嘅豬腸好普通都可以做到好好食，索滿汁液令到豬腸入哂味😋，加埋招牌咖喱辣醬令到味道惹味又美味!.多士 $18呢一件多士賣相厚厚🤔，四方型二件上枱，有三種味道榛子、咖央、奶油，兩面呈甘香脆口😙，裹面搽咗香甜榛子，食到入口又有口感甜度適中恰恰好!.跟餐港式菠蘿冰 +$15紅豆奶茶冰 +$15 呢兩款冰類味道我覺得都算幾好，紅豆奶茶冰材料十足都好足料🤔，奶茶味都好香😙飲到入口茶味濃，配埋豐富腍甜紅豆有得飲又有得食😋，港式菠蘿冰好有懷舊味道😚，飲入口味道酸酸甜甜都好醒胃，係這個夏天飲番杯有助解喝!.樽仔奶茶 $28呢一樽樽仔奶茶細細樽，賣相望著都唔錯🤔，色澤呈茶濃厚色澤，飲到入口味道好香😙，味道我覺得都幾好飲!.
繼續閱讀
💖 永年士多 (寶城洋樓) (元朗)✨元朗教育路88號寶城洋樓地舖2-4號〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️冇錯！我第一次食永年😂 我相信呢一間餐廳對大家都唔陌生㗎啦，今日我突然之間好想食車仔麵我男朋友就介紹咗呢一間湯底極濃郁嘅車仔麵比我😚果然真係好好味呀😋-自選車仔麵🍜 $41包3個$9蚊餸我呢就嗌咗勁多個餸！其實都係另外加咗$35蚊🙌🏻有山根、豆卜、芝心丸、蘿蔔、流心蛋、雞翼。另外配左粗面😻盤滿缽滿嘅感覺真係實在太爽了🫶🏻提醒大家記得食得晒先好叫咁多呀💖我最鍾意呢就係佢個豆卜同蘿蔔🤩因為吸晒啲湯汁勁好味😝-自選車仔麵🍜 $41包3個$9蚊餸我男朋友叫嘅呢一個就少餸啲但係全部都係高質嘢😆有紫菜、魷魚、牛柏葉、肥牛、豬紅。另外佢自己就揀咗烏冬要加$2💁🏻♀️呢一碗麵有晒佢最鍾意嘅魷魚同埋牛柏葉😘好滿足呢-腐乳通菜🥬 $25我自己都幾鍾意佢哋嘅腐乳通菜，唔會話煮過濃。而且個腐乳醬辣辣地幾開胃🥰-凍咖啡☕️ $12-熱檸茶☕️ $12想要繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
繼續閱讀
唔知對於你來說?咩係香港獨有既食物呢?雞蛋仔? 魚蛋?蛋撻? 對我而言就一定要數到車仔麵啦；今次就好想同大家分享一下，就係元朗車仔麵既元老永年士多啦其實永年士多係元朗真係好多好多年，由1960年已經係元朗開左第一間鋪，而最近永年士多已經重新裝修同又搬左大鋪而今次呢間新店除左有新式既裝修之外，都存在有舊陣時既裝修擺番入店鋪，有舊陣時士多必有既一樽樽食物同玩具除左有車仔麵之外，仲有不少款式既小食可以選擇如果你係生酮飲食更加可以選擇係三餸+菜底 $39如果諗唔到食咩餸好? 又有大碗麵聚左十款餸係內都係$70/碗而每日都有個下午茶時間15:00-18:00都有三款既小食套餐可以選擇今次我地就點左兩款三餸車仔麵 HKD$41湯底我選了沙嗲小辣，粗麵牛肚(+$4)豬腸(+$2)牛腩(+$9)另外一碗的就是湯底是今次選了清湯，烏冬(補差價+$2)魚蛋，腸仔及肥牛(+$6)平時食車仔麵烏冬都唔算好食，但係今次呢款烏冬又估唔到幾夠咬口魚蛋仲要係細細粒既陳皮魚蛋，腸仔係x師腸最估唔到既係D肥牛，真係加錢都抵呀!!真係啖啖肉冇肥膏個隻黎架而我呢碗雖然真係好貴，但係真係好好食!!每樣既餸都唔會比得一兩件咁，牛腩煮得唔會太過淋，牛肚又夠入味又夠淋豬肚冇一些平時內藏既怪味又冇好強既雪味不過要講一下，本身我諗住我都可以食到沙嗲汁(小辣)點知佢地既沙嗲辣都真係唔少野，我加左好多次清湯，都係唔係太食到，如果唔係真係好食到辣既朋友，又想試辣既話，真係叫"微辣" 就好啦小辣都真係好辣下XD 另外我地點左幾款小食，當中有酸齋，滷水雞翼及多士( 煉奶)酸齋小食 $16 我平時都會自己係齋鋪買酸齋，但係車仔麵店就真係少見味道超正，如果你鐘意食酸齋推介你必點的雞翼就睇到現場都好多人有點，而小朋友亦最愛既，滷水汁夠入味，但係少許咸左少少而多士( 煉奶)是下午茶餐$28我唔知係咩味，只知一定係好好食，因為兩件多士好快就比小朋友食曬最後我自己都點左呢一款樽仔奶茶，佢呢隻奶味好夠，茶味夠；不過係唔係好夠凍；如果夠凍D 就最好啦是日分享: 永樂士多元朗教育路88號寶城洋樓地舖2-4號就這樣完結啦，下次再見啦!(拜~)
繼續閱讀
香港懷舊美食當然不少得車仔麵，位於元朗的永年，在港有二十多年的歷史🤔。隨著時代轉變，店舖翻新了好幾次，還開多了幾家分店。這次跟朋友去元朗店，店舖裝修西式風格，牆上有幾幅舊香港的畫像🙈。-▪︎樽仔奶茶｜樽仔烏龍茶 HKD$17樽裝飲品味道較濃厚，奶茶味道香滑🤩，味道香甜濃厚，邊吃邊喝挺解辣的😚。烏龍茶是冷泡的，所以是無糖飲品，茶味清香不苦澀。-▪︎自選三餸車仔麵 HKD$41湯底選擇了招牌咖喱辣醬，配料選擇了豬腸(+$2)、豬紅(+$2)及豬皮。麵底點了油麵，麵質煙韌有咬感。豬腸和豬皮口感煙韌，感覺挺入味的😎。豬紅不太腍，這個挺有嚼感的。-▪︎自選三餸菜底 HKD$39湯底是濃郁滷水口味，味道或甜適中。配料選擇了牛筋 (+$4)、蘿蔔 (+$2) 及冬菇。選擇菜底感覺健康點🤣，牛筋大件入味，吃到膠質的口感。蘿蔔和冬菇也是吸湯汁的，感覺入味多汁😚。-▪︎牛油多士 HKD$18邪惡香脆的多士，間中來一份不太過份吧😎，多士是烘底口感微脆。拌著半溶化的牛油吃，味道香口惹味，配奶茶一起享用挺好😚。-▪︎腐乳通菜 HKD$25｜滷水雞翼 HKD$28小吃的價格不貴，所以點兩款來吃吧🤩。腐乳通菜咸香味足夠，醬汁較濃稠的。雞翼色澤深色，感覺滷的時間算是長的，味道咸甜適中。-
繼續閱讀