永年士多港式車仔麵 (加拿分道)

營業中

休息中

與朋友都想食車仔麵，尖沙咀選擇不多，所以最後去咗永年。入舖後搵到位置坐底，就scan QR code點餐，中途有店員走嚟兩次問係咪已經落咗單，當時仲揀緊餸。點完就選擇到cashier畀錢，收銀阿姐問畀現金定八達通，畀現金嘅時候佢話”宜家所有人都用電子支付㗎啦，無人畀現金!”，咁你又問我畀咩？真係搞笑。食物係唔錯，蘿蔔夠入味、豬腸亦夠淋…但如果連畀錢都要畀說話我聽嘅話，真係唔會有下次囉。一係永年就喺門口寫明只收電子支付，不收現金。

喺尖沙咀做野，行過見到唔錯，諗住食個快飯叫左個三餸車仔麵+奶茶，味道同份量都正常，麻辣湯底唔錯👌🏼總共喺15分鐘以內食完（連埋order + 出去俾錢 + 食). 杯奶茶都未飲哂，有店員就粒聲唔出 伸手過嚟收野，我已經示意我未食完，佢都係照收😕仲大動作連枱都抹埋🤨 擺到明係趕客⋯ 唔會期望食碗車仔麵會有咩服務，但係趕人走會唔會有啲過分？🫠 成間舖細細但係有2-3個店員不斷行來行去，但其實係自助落單，自己拎野食… 原來果幾個人係for趕客嘅⋯ 絕對無下次

作为香港知名的连锁品牌，「永年士多」车仔面可以说是每一个老香港人心中难忘的记忆，美味的汤面，可口的小吃，足以横扫一天的疲倦和劳累。 这家位于尖沙咀的「永年士多」常年爆满，味道也非常的棒： 🍜自选三送菜底 他们家的送菜味道真的是绝了！超级经典的传统港味！牛腩、猪手和肥牛，每一个都好好吃！汤汁也浸的非常满！超级喜欢～ 🐷南乳猪手 作为一道传统的粤菜，这道菜做的简直绝了！淡淡的甜味，软烂的猪手，一整个大满足！！！ 🥩葱烧大肠 这个非常港味，完全没有腥味，而且汁水也很入味，强烈建议试一下～ 🍗卤水鸡翼 超正的街市风味，回味无穷！ 来尖沙咀的朋友们一定要来试一试哦～

📍永年士多由元朗總店開始幫襯水準依然keep到我最喜愛車仔麵之一😆尖沙咀呢間分店位置夠方便最鍾意佢個湯底食過一次清湯，真係有少少淡同普通所以都係鍾意加咖喱汁辣汁辣度可以自己揀湯底可以選擇走唔走麻油&豬腸汁但我相信呢兩樣係個湯底既靈魂餸菜配搭都係自由選擇推介糖心蛋，係港式拉麵既感覺😂仲有蘿蔔，好入味好甜好淋亦都可以加小食推介生菜魚肉，魚肉好彈牙，生菜又夠多好足料～野飲有提供抹茶紅豆冰，fusion好有心思😆

今日約咗剛剛喺異地回來嘅朋友，因為好掛住香港嘢食，就揀咗車仔麵😻🫶🏻 平時多數食銅鑼灣，今日第一次食尖沙咀分店。我哋叫咗兩碗三餸麵，大家都揀左魚旦，我自己幾鍾意細粒魚旦個咬口，我朋友就話都係鍾意大粒旦😆 另外我揀咗魷魚、鳳爪試吓，魷魚唔韌幾爽，鳳爪就正正常常，驚喜不大。朋友揀咗豬腸、牛腩，但佢覺得豬腸略肥，牛腩就幾淋幾入味，最正常係無乜筋，岩佢😂 但整體個幼麵底偏淋，我哋都鍾意爽彈啲嘅質地。至於湯底，我第一次試咖喱微辣，唔食得辣嘅我都食到✌🏻我哋再叫咗份雞翼尖同埋煉奶多士，加碟腐乳通菜。我好鍾意雞尖，但平時我唔係到到會揀，因為未必間間整得入味，要留返啲Quota俾值得的🤤 呢度嘅雞尖係入味得嚟好爽口，值得一試🫡 多士如果可以烘耐少少再脆身啲就更正🤗呢餐兩個人叫埋嘢飲（凍檸茶+樽仔奶茶），埋單$212。呢間車仔麵品牌做左幾廿年，鍾意食港式車仔麵嘅朋友，不妨去試吓😝

香港永年車仔面就是十分有名氣，自選三餸麵是我每次必點的‼️可以選擇自己喜歡的配料，辣度、麵種都有不同款式🤤推存鳳爪及蘿蔔😛鳳爪炆煮得十分軟腍，蘿蔔很入味！豬手撈麵不會太鹹，豬手筋肉分明！小食可以嘗試咖央多士，偏甜一點，不過士多烘得不錯😚綠茶紅豆冰都是必點的！紅豆十分多，配上綠茶味道不錯

呢間餐廳聽就聽過好多次，就未食過，今次收工睇戲之前，嚟試吓，因為做storellet會員有$5coupon就嚟試吓。餐廳好細，坐得好逼，我哋坐窗台面壁位反而仲闊啲，不過人龍會係你身邊排隊。好多都係遊客，好多人講普通話，有外國人，嚟感受下車仔麵就唔出奇嘅。米線得勁少，幾啖食完，好似冇食過野咁。三送麵$48啲配菜方面，都唔係特別好食，貢丸魚皮餃都係正常發揮，魚卷仲要加錢，要加$6，但勁細條，根本只將一條分開兩截，超唔抵。又貴又少，食完好似冇食過咁，好食嘅話都話，重點又唔係特別好食

忽然之間好想食車仔麵、咁啱附近有間、都幾出名下、所以就買返黎食啦、不過要上樓梯、行上去個時好驚會跌落嚟🤣叫左碗麵、有豬大腸：比較肥厚、食落啖啖肥膏、魚蛋：彈牙爽口、煙煙韌韌比較厚實口感、豬紅：一般般好有滷水味、加上有蒸過、入哂味、而且肉質嫩滑、比較高質架雞翼尖😆

食完想再食既車仔麵2碗三餸車仔麵🍜：🥢豬皮、豬紅、魷魚 $52🥢肥牛、魚腐、貢丸 $54車仔麵黎講，呢間都真係算幾好食！幾個餸入面，最抵讚係佢既豬皮，完全無毛，仲要食落去好滑身，吸晒啲辣既湯汁，超級入味！豬紅無腥味之餘，食落嫩滑有口感，而魷魚都算爽脆，唔錯！我見在座既食客都唔少人叫呢幾個餸！湯底我叫左麻辣既微辣，但原來都幾辣，但辣得黎又幾香！魚腐都算幾入味，不過肥牛同貢丸就一般，肥牛唔夠薄，有啲鞋口！斑蘭咖央多士 $18唔算好有特色，如果佢個多士可以烘耐少少會更脆身，斑蘭咖央醬甜甜地，唔會好甜，但如果再多啲醬，均勻啲就更好。平日去到一開門，未到食飯時間就已經有唔少食客落單，如果唔想排隊就要早少少到啦！

作為元朗人, 永年真係細個食到大, 見證住佢由一間無咩裝修的平民小店 變成咁多分店嘅車仔麵, 今次第一次去尖沙咀店食, 都保持到元朗店的水準, 不錯!三餸+油麵蘿蔔 係每次食永年必點 ! 好清甜好入味又夠冧, 仲有雞翼十分滑嫩!自家秘製辣汁係重點，但留意返小辣都好夠辣, 好惹味, 可以話係整碗車仔麵嘅精髓！大碗麵一碗麵有10個餸，男仔食都夠飽, 有齊魷魚、豬皮、豬大腸 份量都好多, 特別係豬腸、紅腸, 好軟嫩唔會太硬, 抵食!腐乳通菜腐乳都係永年自家調配出來, 配埋通菜好味!咖央多士多士外層金黃酥脆，內裡夾有濃郁的咖央甜而不膩 , 鍾意食咖央要試 !!抹茶紅豆冰永年飲品一向都係好有誠意, 以前一直都鍾意飲凍檸茶 ! 但抹茶紅豆冰賣相好吸引, 一直都想試好想試! 有淡淡的抹茶味、好多紅豆 滿足!!樽仔烏龍茶一樽樽好方便, 仲係可循環再用樽仔, 茶味香濃微甘，仲可以解辣

永年士多 (加拿分道) (尖沙咀)📍尖沙咀加拿分道46號地下7-8號舖永年士多位於尖沙咀加拿分道，是一家深受當地人和遊客喜愛的餐廳，以提供香港傳統車仔麵和街頭食品聞名。這家餐廳的菜單豐富多樣，無論是尋找一頓豐盛的 午餐麵食，還是想要品嚐地道的香港小吃，這裏都能滿足你的需求。我吃了：1）大碗油麵（抹茶紅豆冰)這份餐點非常具有代表性，大碗油麵選擇多樣，麵條口感彈牙，湯底濃郁，搭配各式各樣的配料，如新鮮的蔬菜、豐富的肉類或海鮮，每一口都充滿了層次感。抹茶紅豆冰作為甜點，是這頓餐點中的亮點，不但清新解膩，還能感受到抹茶味濃與紅豆的甜蜜，完美結合，正👍。2）至尊麵（麻辣）幼麵（港式紅豆冰） 至尊麵以其麻辣湯底著稱，對於愛好辣味的食客來說，絕對是不能錯過的選擇。幼麵細軟滑順，吸附著麻辣湯汁，讓人每一口都能感受到舌尖上的麻辣刺激。搭配港式紅豆冰，以其獨特的甜味和冰涼感，有效平衡了麻辣湯底的熱辣，使整體用餐體驗更加圓滿。3）咖央多士咖央多士是一道非常受歡迎的美食。多士外層煎得金黃酥脆，內裡夾有濃郁的咖啡央（咖啡加煉乳），甜而不膩，咖啡的香氣與煉乳的甜味相互融合，創造出令人難以忘懷的美味。這道菜簡單卻

出尖沙咀買嘢，順便去食永年士多，去到勁多人等緊位，好彩咁啱有張枱就食完，唔洗等太耐就有位！今次試咗蒜油撈麵，朋友就懶得諗，叫咗「高佬發辦」，見佢都有哂想食嘅嘢，可以share食！我食三餸蒜油撈麵揀咗魚腐、牛肚、豬紅，覺得撈麵一定要係撈粗！XD 魚腐係每次都會叫，牛肚、豬紅都幾入味，叫咗微辣覺得啱啱好，太辣可能會蓋過蒜香。朋友叫嘅「高佬發辦」就有豬腸、雞翼、豬紅、豬皮、冬菇、豆卜，份量都幾多！試咗佢幾舊豬腸、豬皮，都好惹味，朋友都鍾意個豬紅好入味。佢第一次食唔知啲辣度所以叫咗微麻辣，唔係好食到辣味，下次可以叫細辣或中辣XD仲加咗份鮮油多士，得牛油原來有啲齋，下次要加埋煉奶！不過多士都烘得鬆脆，建議要即刻食！

永年士多叫做士多🏪 開頭都以為佢係一間士多 原來人地係食車仔麵架！ 真係失禮曬啦 ～ 不過間嘢又真係幾好食喎😍 夜晚去到嘅時候 竟然超級多人😂 冇諗過食車仔麵都可以多人到咁…. .🐷大碗餸呢款車仔麵好啱一啲有選擇困難症嘅人 因為有10款餸 包括豬腸、魚蛋、蘿蔔、豬紅、 豬皮、雞翼尖、雞翼、魷魚、菜、紅腸～ 小編覺得幾抵食～ 唯一可惜係 當日嘅蘿蔔沽清左 所以轉成鳳爪 但整體味道好濃郁 份量超多又 #大碗 超滿足！啲魚蛋仲要係陳皮魚蛋 都真係幾香 同埋啲魷魚份量多到好似唔洗錢咁。。。 小編好中意食魷魚架～.🐷粗麵牛腩牛筋豬皮牛腩牛筋好軟好滑 豬皮又脆又香 配埋粗麵 真係完美組合～ 湯底醇厚 食落唔油膩 仲要份量都係好多 食量細好難食得曬！！.🐷蔥油豬腸豬腸煮得恰到好處 蔥油香氣四溢 鮮嫩多汁 撈得都幾好食～.野飲方面我地就叫左 🐷凍檸茶走甜少冰 同埋 🐷凍柚子蜜少冰 整體感覺都唔錯 .永年士多 (加拿分道)📍尖沙咀加拿分道46號地下7-8號舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk

揀咗3餸配幼麵$50湯底夠熱，叫咗走辣，所以有少少咖哩香味。每款餸份量都唔少，魚蛋有6粒，食到陳皮味👍🏻豬皮好入味得嚟有口感👍🏻豬血都好味😋食車仔麵好處是快食快走，所以趕時間又想食好啲，呢度是不錯的選擇。

#永年士多 成日都見永年多人排隊 終於趁人少啲嘅時候食到車仔麵有自選 或者揀佢配搭左嘅餸 我選擇困難 就揀佢配搭左·四寶麵 ($56)有豬紅 豬腸 豬皮 蘿蔔 揀左麻辣中辣 (就係中間個堆醬）呢個麻辣醬好好食 差啲想買番一罐走 成個麵嘅精華講下配菜 豬紅同豬腸都滷得好入味 豬皮索晒啲湯汁 蘿蔔好甜 懷疑用糖煮過 同埋佢呢個重味嘅湯入邊 個蘿蔔簡直就係清泉