永利清湯腩 (新港城廣場) (已結業)

去到永利門口看到啊SO張相,以為應該都OK進到去環境都可以的地方不是很大但就覺得幾乾淨就坐下叫了一碗咖喱斑腩飯望落去都幾OK,D咖喱黃中帶紅好像好辣,但食下去唔系好辣 可以接受,反而香味多點

同朋友一齊踏單車,踏到有d累 就入去呢度食野 我叫左個清湯牛腩飯(坑腩) 我好少食牛腩 我唔係好識咩係爽腩同坑腩 朋友就推薦我食坑腩 份量ok,牛腩咬落去好有質感,幾軟熟 味道唔錯,加埋清湯真係絕配 雖然地方唔算寛,但服務很好 有機會都會再來呢度食

上openrice見永利既食評咁好，就諗住去試試。一坐低個姐姐擺低左兩杯水。我地明明三個人點解擺低兩杯呢@@點了兩碗食評話必吃既清湯筋腩河 & 咖哩筋腩飯。清湯筋腩河：個湯好油，牛筋個人認為太淋，牛腩好"揩"但味道唔錯。河粉就真係差d，好粹好粹 咖哩筋腩飯：牛腩一樣好"揩"，咖哩就一般般啦唔會話好辣。環境夠乾淨，廚房都好efficient，點完野食唔洗五分鐘就食得。總括泥講一般般啦，但係馬鞍山會有更好既選擇。

昨天中午揾野食時，突然想起這間牛腩粉麵店，就這樣子試了一次：咖哩筋腩河：牛筋真係好有水準，又腍又滑，咖哩味都好入，其實牛腩都唔差，夠腍。可惜咖哩始終同河粉有些格格不入，下次改配飯可能好D。清湯筋腩河：一樣有水準，我個人而言比較喜歡清湯。蠔油芥蘭：OK咁啦，始終食粉麵都要配番碟菜好D！唯一缺點就係佢D河粉唔夠滑，唔知係咪入貨唔靚？我住了馬鞍山十多年，這間永利清湯腩的舖頭門口也經過了無數次，今日才第一次幫襯，頗有滄海遺珠的感覺。以後午晚飯如果唔想太 heavy，又可以多個好選擇了。

三期真係唔多去, 頂隆都係同阿媽去飲茶; 但今日我和大豬卻係去食個麵!舖位是對住內街的, 駕車要揸入parking 才會見到此小店, 才知道馬安山原來係有隱世的小食街!舖位好乾淨, 未坐下已加分!29蚊個午餐set 連drink, 我和大豬女友一人一個!雙拚都係一樣29蚊, 叫了牛筋牛肚牛腩牛爽~~~嘩, 真係正, "蚊"得夠入味, 湯底少許腩汁,牛筋已切薄片, 入口即溶; 牛肚入味, 牛腩要讚, 牛爽如其名.加碟油菜, d 菜都新鮮爽口.地方舒適, 仲有大電視睇, 服務佳, 我會同朋友o黎呀~見到有d人食咖哩牛腩d 汁係另上的, 唔知咩味呢?

在馬鞍山要吃一碗合格有餘的牛腩麵麵店, 真的沒多少; 不是價錢貴(還要加一服務費),就是「食不下嚥」… 幸好, 終找到一間較為抵食兼水準不錯的小店!在下光顧此小店不下4-5次, 每次多為下午茶時段, 貪平啲嘛!每次多點牛筋併坑腩或併爽腩(坑腩或爽腩+$2) 連餐茶(冷熱同價), 才收$29, 抵食啦!叫你煮也不是這個價啦! 人家既要成本, 加上一般地產商只會不斷加租…其實所賺無幾,兼夾好似日日「揼石仔」, 得個「捱」字!除非該食店乃集團經營, 樣樣行中央採購、廚房, 兼且可「拖數」(季結或更甚!), 自然有錢賺啦! 你看大x 活等一碗粉麵也差不多三十元, 仲要自己嚟…真喺「谷鬼氣」!好! 說了那麼多「廢話」, 該說回出品了!先說湯底,湯清有牛味且鮮甜, 但無羶味, 正! 但上次光顧, 就發覺湯底已沒有開業時那麼濃郁…可能我嘴刁吧!麵面乃大路貨色, 如換上「文輝」用的幼湯河, 就更好! 貪心鬼!牛坑腩及爽腩炆得夠焾、不醎、有牛味; 且不太「癡牙」…配埋清湯一口一啖; 多快活! 如果多下些蔥花…正到痺呢!茶啡一般, 不評!此乃一家庭式小店, 平實不花巧, 有homefeel! 繼續努力!地

今日差唔多2點先去LUNCH係諗緊食咩之際~ 見到永利~記得有朋友都介紹過~ 話幾好食~一於試下~1:55分去到, 差5分鐘先有下午茶~個女仔叫我地話可以入去坐住先~ 坐住等~叫左2個面腩肚河: 腩夠淋, 個湯夠清..食食下佢見我個湯好像飲到冇乜甘, 主動黎話加湯俾我..魚皮餃魚腐米: 魚腐唔錯.米粉幾爽口.加$2連冷熱飲品: 檸蜜唔使再加錢

話說食呢間都食左一段時間, 每次都食牛腩河同咖哩牛腩飯, 認真係好食, 不過一路都冇評, 事關未有動力。但今日小弟特意去九龍城食過某某牛肉麵之後, 發覺原來名大於實, 馬鞍山呢間小店先至叫做好味。推介牛腩河同咖哩牛腩飯, 埋單跟埋野飲都係2-30蚊, LUNCH同晚市我都有時都會揀佢, 真係唔貴, 而且侍應妹妹把聲好鬼得意, 好似細路女咁哈哈。你話好食到神戶牛咁就冇可能, 但性價比的確一流。

幾個月前留過食評讚這間，但到而家都未post出黎，係我寫得太簡單，定係openrice做錯野呢？咁唯有再食再留啦。要食坑腩o係香港好似唔係咁易，除非好貴o個d，估唔到馬鞍山都有一間，食過幾次，水準keep到，只不過有時肥左少少。主要食咖哩坑腩，夠"林"，好味，咖哩汁同普通茶餐廳的不同，不算特別出色，但比較特別~29蚊包凍飲，+2蚊轉坑腩，愛腩之人應該覺得好抵食，而且招呼殷勤，好像是家庭式的

新開左之後食左幾次, 次次都滿意public holiday落樓下食黃生叫左爽腩米, 我叫左坑腩河, 仲有蘿蔔同生菜d牛腩keep住好味, 個蘿蔔好香無苦味, 生菜無咩特別一個lunch 都係大約80, 真係抵食服務都唔錯ga得閒會再食

住在mos的我,間唔中都會周圍搜羅一下附近的美食.近日發現這間新開的清湯腩,不防試試.點了清湯牛腩牛丸河及淨蘿蔔~先講牛腩牛丸河,牛腩未夠淋,但可以接受;牛丸有藥材的味道,幾好食.至於河粉不夠滑只屬一般;湯亦不夠濃味~而淨蘿蔔可以唔點,唔入味又唔甜~但在馬鞍山這區來說,已經算不錯可以再幫襯.

莫說清湯腩, 在馬鞍山很難找一碗好味的牛腩麵或雲吞麵. 在新港城第五期有間食店有粥粉麵食, 但又貴又難食. 其實上個月已見到這間新店, 但幫襯的人客不多, 可能地點問題吧. 今日終於來試. 我們點了牛肚麵, 咖哩牛腩飯, 每樣廿幾蚊. 還加了一碟清湯蘿蔔, 十元一碟. 有點驚喜, 味道不錯喔, 但覺得份量少了點, 因價錢也不算太平宜. 呀, 如要坑腩, 要加兩蚊.