永利清湯腩 (新港城廣場) (已結業)

每次經過呢間永利清湯腩都會見到唔少街坊幫襯呢間鋪頭而且見到OpenRice食評都唔係太差同埋價錢都幾抵大約都係$40左右所以就決定試一試椒鹽排骨飯飯可以配清湯或者咖喱汁淨係睇個賣相已經好令人失望椒鹽排骨嘅份量有小份量少都算！又唔好食成個飯真係頹到極點最重要係原來椒鹽排骨係咁嘅咩？除咗食到排骨本身好鹹之外基本上食唔到椒鹽嘅味道其中一舊真係得舊骨一啲肉都冇名副其實嘅椒鹽排骨👎🏻咖喱牛腩米線呢個都算做正常返少少係正常食得落口嘅咖喱牛腩味道只係普普通通咖喱味唔夠香濃牛腩分量一樣係小米線質感一啲都唔彈牙份量仲少過一個即食麵真係兩三啖就K.O.左依個米線🍜本來以為呢間舖都平平哋但係對咁嘅質素嘅食物黎講簡直浪費我嘅錢同食嘢嘅quota相信以後都唔會再幫襯…查看更多

是日午餐又是外出工作的日子，今日景點是有美食沙漠之稱的馬鞍山！星期四想食得簡簡單單，所以搵呢間粉麵試一試。又不錯喎，老實講，佢地魚蛋同魚片雖然不是甚麼特別貨，但勝在普通得黎，個湯底又不是味精湯，好清好配個河粉。魚蛋河一定唔可以走青，因為蔥花加上河粉再加啲湯，口感味道立時提升，刺激食慾。雖然灼生菜無咩特別，但我就是愛它有自家煮的感覺。試過其他地方的粉麵，其實都是濃味居多，每隔一段時間都會記起，最簡單的魚蛋河，如果再路過，我會試下牛腩。…查看更多

網上或者電視，很多人都指稱，馬鞍山是美食沙漠🏜️，要麼就是連鎖餐廳，否則，其他餐廳又昂貴、服務態度又差。可能是你睇我好、我睇你好，我在東涌區工作，那兒更加沒有什麼餐廳好吃🤫。本身行過來這一邊，想找尋一間桂林粉，看看這種桂林粉是不是與之前在元朗吃開的陸記桂林粉異曲同工；但是，走到來新都城三期這邊，有見到原來有一間清湯腩，須知本人甚為喜歡吃各類牛腩，因此駐足看看餐牌，價錢亦都不昂貴，有清湯腩亦都有咖喱，可以配飯😏，結果便進入了此店。由於當時只是接近七時，如果點麵條，恐怕回到家裏附近已經肚餓，失去意義🤷🏿‍♂️。結果就把它當作晚餐，點個飯吧。但是，還是提不起勇氣點個清湯腩飯，因為會比較乾😨，結果，就寧願點個咖喱牛腩飯，然後加$2轉為爽腩，即咖喱爽腩飯😀。這種咖喱，完全沒有什麼辣味，甚至乎是甜甜的味道，比起泰式咖喱好像還要甜，而且比較稀疏，不知是不是叫做海南咖喱呢？咖喱汁非常稀，亦都不算太多，用來拌飯勉強可以，但是再多一點汁會比較好。寧願加$2要爽腩，因為如果不加這$2 ，店方給你最瘦、最痴牙、最起渣的那種牛腩你也那它沒有辦法。 底下有兩件薯仔，夠林入味，應一早放進咖哩一起弄的結果，爽腩也不錯啊，上面有層皮，中間又不會太過肥膩:)；下面的肉又不太瘦，備受均勻，不會吃到太痴牙，味道濃郁，感覺相當不錯，唯一可惜就是份量亦是偏少，無論汁醬，還是牛肉都偏少。白飯份量叫做正常，不會太少，慳住用汁拌飯，還是可以吃飽的。凍檸茶，因為下午茶的時間已經喝了一杯凍檸茶，因此這杯味道不算太濃了，但其實質素已經不錯，茶味尚可，檸檬三四片，尚算有點檸香。年青的員工服務態度優良，記性好，幾名客人點餐之後，立即覆單，完全正確。星期日晚上還要上班，仍保持笑容可掬，服務態度一流。…查看更多

之前都偶然有幫襯，味道不錯，呢兩日病左，而屋企無飯開，所以今晚又去幫襯。照舊都係清湯牛腩飯，牛腩保持夠"淋" ，亦唔會一d牛味都無，奈何個清湯今晚異常地清，無咩味，有少許失望。 🤦🏻‍♂️🤦🏻‍♂️不過晚餐以$44埋單有飯加凍飲算正正常常，唔好太吹毛求疪了~~…查看更多

以為小店有驚喜，換來的是遺憾！自名馳名，應該好ok。叫了清湯牛腩麵，咖哩牛筋，牛肚米，讚的是雙併不加錢，所以滿是期待的，等了差不多15分鐘，先來剩米及菜，後來是咖哩牛肚牛筋，一見賣相已感中伏，筋及肚碎上，像是剩食，咖哩有味但偏油。再來的牛腩麵，麵底有濃烈的阿摩尼亞味，牛腩鞋口，乾身，也是碎碎的！十分十分差！$42 一碗麵來說，真心不值。以一間自稱專售牛腩的店舖來說，真的太不像樣。各位：小心！不要中伏呀！…查看更多

叫左個牛腩河外賣，等左 15 分鐘， 就連隔離滋味小館外賣糖醋排骨都有得攞，佢都仲未得， 返到屋企河粉入面夾雜住有好多米線，食到火都嚟，河粉又唔滑， 牛腩汁帶有少許不明酸味， 好淡，就唔覺有其他味，就連跟餐 $42 蚊凍奶茶都係怪味，花奶又落唔夠，堂食環境差， 根本冇裝修又好舊， 舖頭又細，但入面有 3 個阿姐，啲人又扮到好似好忙， 原全唔知佢地忙乜， 服務態度超差又其是收銀個阿姐， 落單都未講完已經想走咗去！ 講真冇下次！ 除非想食兩溝可粉撈米線！…查看更多

收左工黎買外賣，諗住試一試，點知就出左事...等左20分鐘，外賣都仲未整好見到堂食d人個個都一坐低就好快食得催左幾次，店主態度極差，完全無去跟進，只係不停避開我地仲要講話要先照顧堂食我心諗：外賣客唔係客咩...?咁如果keep住有人入黎，我咪呢世都唔駛食？催左幾次，終於搞掂，總共等左半個鐘以上返到屋企，d野一d唔好食，直頭係低水準牛腩好硬，個湯淡而無味，份量少，d米粉仲要係係碎哂既我諗附近無一間餐廳會比呢間差永遠都唔會再光顧態度差，唔好食，價錢唔平，一碗都要四十幾蚊未試過咁嬲忍唔住要負評佢…查看更多

在美食沙漠中找到甘泉是我的願望，今天誤打誤撞走進了永利清湯腩。心中只盼不要太難食就好了，最終竟然有點小驚喜。既然名字就有清湯腩，「清湯腩」應該是他們的拿手菜。但在沙漠中為免中伏，還是點了比較安全的選了咖哩筋腩飯，諗住就算牛腩唔好食都可以用咖喱汁撈飯。另外當點菜嘅時候阿姐問我要唔要菜時，心諗都仲可以用才送飯！所以最終點了一碟上湯蘿蔔。上菜了！第一件事梗係試吓牛腩啦！一咬下去好香，重重的八角味。因為我先吃的是瘦肉的部份，雖然有點乾但香味十足。我諗由於佢唔係全部揀牛腩最靚嘅嗰部份，但香美補足，肥瘦適中。牛筋煮得好冧，但係不失口感，好滑但有充滿膠質嘅口感，牛筋牛腩都上當夠味，相信係事先製過再加入咖喱汁烹調。而且牛腩和咖喱汁上當配！講到咖喱汁就係港式咖喱，唔係特別嘅香，但算叫交足貨。配上煮得比較硬身嘅飯粒，香味口感一流。好快成碗飯就食晒。當然佢哋薯仔都着到好冧，唔似係啲飯盒食到嗰啲生薯仔。最後不得不提上湯蘿蔔。蘿蔔雖然唔係特別甜，但加上帶有胡椒的香氣的清湯，牛肉的鮮味入哂件蘿白裡面。好味到連湯都飲晒！這店聲稱他們每天用新鮮的牛腩烹調，而且不加味精。我食完半個鐘都冇想飲水嘅感覺，佢應該冇呃我嘅！今次算係細沙漠裡邊搵到一個小甘泉！…查看更多

原本想食另一間,不過因為滿咗就食附近嘅永利清湯腩.當時係得一檯客,但坐低冇耐就陸續有食客嚟,之後仲要等位.粉麵最貴只係四十蚊左右,仲包飲品一杯,冷熱同價,以呢邊嘅物價嚟講算合理.凍奶茶奶味較重,冇乜茶味,而且味道稍甜.清湯坑腩金錢肚飯,配飯嘅話清湯另上.金錢肚軟腍.坑腩極肥.好彩唔算膩.清湯爽腩牛筋河粉,爽腩爽口,牛筋易嚼,清湯唔濃但味夠.我哋加咗碟淨蘿蔔,煮得非常透同冇渣.佢哋嘅辣椒油加咗炸蒜,對我嚟講辣度非常輕微,不過都幾香.呢度嘅牛腩質素中等,唔算非常出色,而且數量頗少. 其實馬鞍山區內連鎖店林立，小店要賴以生存都唔係易事,而且香港舖租人工皆貴,加上牛腩一向成本較高,所以呢個價錢同呢個份量叫做可以接受.…查看更多

今日放自己假去食清湯腩，一入到去就被安排坐門口位，方便我睇住部單車。跟住叫左坑腩河，味道就好正，坑腩有驚喜，雖然有少少脂肪位，但d脂肪位入口即融，一d都唔覺得肥，整體碗麵充滿牛既鮮味；不過麵既分量就一般(一個女仔都夠飽既)。另外，不得不提服務，真係好好，侍應姐姐仔好好笑容，又體貼又有禮貌，好耐未試過食一餐食得咁滿足。…查看更多

牛筋牛腩河 $36有一次做野經過新港城，見到呢間標榜老字號嘅清湯腩，咁啱又覺得肚餓，就行左入去食。我去嘅時候係下午五點幾，所以冇乜人。鋪面唔大，擺左大約十張小圓枱。間鋪除左我呢枱同隔離枱一家人之外就冇人。入到黎冇理由唔試牛腩架，所以就叫左個牛筋牛腩雙拼。等左幾分鐘碗麵就黎左。個湯底幾清，唔會太咸搞到好口渴。我係鐘意多青嘅人，所以呢碗河粉入面嘅蔥同香芹嘅量就唔係好夠喇。河粉都算滑嘅，冇乜特别。牛筋非常唔錯，好滑，入口即溶，同埋好入味。但係牛腩就爭d喇，可能係因為牛腩偏瘦，d肉有d鞋同韌，水準唔高。總括黎講都ok嘅。其實除左牛腩牛雜之外，呢度仲有魚蛋，墨魚丸呢d選擇。或者有緣再試啦。…查看更多

好多想食嘅鋪頭都無開:(，所以黎到依間xxxx做個新嘗試。食物嘅款式唔多，叫左一碗清湯腩麵:)。牛腩有小小肥，食落去有點膩:(，但味道算淡，個人喜好都係比較喜歡浸住牛腩汁嘅牛腩。而湯底出奇地濃，飲得出係自己煲，無添加味精。每個麵都會跟幾舊蘿白，蘿白好滑、無一條條絲，個人最鍾意食淋嘅蘿白，而依間嘅蘿白煮得夠淋，浸係個湯到超正超夾，真係想叫多幾舊。價錢合理，下次會想試下雲吞麵…查看更多

天氣寒冷，來一碗熱騰騰的湯河確實是最佳享受！清湯牛腩河湯頭清甜，飲完不會有口喝感覺！牛腩入味，可惜偏乾身，令口感大打折扣～而河粉亦比較厚身，食落會比較鞋口！炆蘿蔔有驚喜，好入味，沒有渣～…查看更多

休閒的下午，突然間諗起呢間清湯牛腩，因為上一次已經兩年多前了，於是就帶著興奮嘅心情入去，開開心點咗個清湯牛坑腩(+2蚊)，再拼墨魚丸（雙拼+3蚊)+ 杯凍檸茶。。。點知大失所望。。。首先牛坑腩好似精品咁的式（約一個女性嘅姆指第一節但仲要細），而份量就好似限量版咁得4-5粒，碎濕濕。。至於個墨魚丸就普通凍肉舖又平又比細粒嗰種 :( 。。。至於個河粉。。。唔係滑流同厚薄適中個隻， 而係嚡嚡地，河粉表面有啲粗糙加偏厚嗰隻。。總之碗河粉就每種材料各自有自己味道。。。完全唔match。， 舖頭裡面係有好香嘅牛腩味，但絕對唔係我食緊嘅嗰碗精品發出。。成個餐四十幾蚊完全唔值，以後唔會再來 …查看更多

因為加班，多了一天的假期，但時不利兮，這一天太太需要返夜班。獨自一人的時段，去馬鞍山買買東西時順道，拜訪一下這一家馳名區內外的清湯腩店。作為一個居住在馬鞍山的吃貨，沒有試過《永利清湯腩》的確是不應該。在新港城三期的地舖找到了，入門坐下，未有服務員就細心地看看餐牌，幸有這一個小時間，原來若是特別要求坑腩、爽腩、肥腩等等，可以早揚聲，於是我就要了一個坑腩粗麵。這兒的清湯腩，味道淡，由於沒有外來的味道，品味到的是純正牛腩味道，湯汁是純正的牛腩肉湯，兩者，都香味十足，而且沒有柱喉的濃烈感覺。坑腩，肉爽，脂肪的夾層不韌，吃得出有純正的牛味道，雖然未去到有齒頰留香的地步，但這一碗牛腩麵，的確能令我深深感受到牛肉的香味，絕對是一個值得再來的地方。滿足，也把心願完成了。…查看更多