水門雞飯 (萬勤商業大廈)

營業中

休息中

曾捐錢比星火1111罷市💛-#水門雞飯 $52話曬都係招牌菜式 緊係要試依個雞肉已經預先拆咗骨 肉質都幾嫩滑如果想再正啲 可以加$10轉雞髀 包保夠曬滑😋油飯粒粒分明 仲有淡淡嘅雞油香跟餐仲有個雞湯 胡椒味幾重 好香好好飲🤤評分:8/10

This shop is always very busy, it serves up some great Thai style street food. And it chicken rice is really one of the best I have tried in hk. Very close to what I had in Thailand. I ordered the combo chicken rice with fried and steamed chicken. The fried chicken is tasty and the steam chicken is very very tender. With the sauce they provide it is a match made in heaven. The sauce is sweet salty and spicy. It came with a bowl of chicken soup as well. It is a must try if you are in the area wit

近排水門雞飯大熱，我同朋友都唔執書去幫襯下，雖然人龍有十餘個，但大概等左十五分鐘好快就有位。餐牌上既選擇都唔少 - 有湯麵，炒面同碟頭飯，菜，沙律。一場黎到，當然要試signature既海南雞。因為個人同朋友都好鐘意食海南雞所以一叫叫左半隻$108。一泥到上枱，佢作為一碟海南雞都乾得有點過份，無光澤之餘食落去仲要鞋sap sap, 連雞髀位食落去都似雞胸。我膽敢講，果半隻雞系我人生食過最雞食既海南雞。不過如果你減緊肥，又想食海南雞既，我都會建議你來水門雞，因為你order半隻雞就好似叫左半隻雞份量既雞胸咁，物超所值。果晚食完之後心情很差。

在內地工作的舊同事終於回到香港, 急call 幾人一同突發晚飯, 最就腳的就選了尖咀的水門雞飯第一次來到的我, 原先以為是中價餐廳, 去到才知是比較平民的泰式飯店餐牌選擇不算多, 價錢在尖咀來說相對非常平民, 但如果目標是快靚正午餐或簡單晚飯的話, 就是不錯選擇, 始終在尖沙咀區, 這個水平價錢實在難得與有良心主打水門雞飯, 雞肉滑嫩, 份量對男士來說似乎偏少脆炸蝦波熱辣, 雖然漿粉有少少厚, 但粉漿的調味不錯, 有泰國特色最對自己口味的就是炒金邊粉蝦頭膏炒什菜, 蝦膏味不太突出, 整體水平還可以

“It’s to have a original taste of the Thailand street food style when you couldn’t really go anywhere abroad in this critical time.” My friend said. Having the big name of “Water Gate Chicken Rice” and always on a long queue outside the restaurant since opening, I have had high expectation on the food. Walking by in the noon, I was able to skip that line and dine in without any wait. Within 10 minutes, here comes the food - it looks normal and smaller in portion. The taste is rather salty and a

鋪頭位於尖沙咀繁忙嘅十字路口，咁啱Lunch唔知食乜好，就一支公去幫襯。嗌左個lunch set，一支公覓食黎講，非常滿足。- 水門雞飯可以加多十蚊轉雞髀。個雞好有泰國水門雞嘅感覺，肉質厚實，唔會太肥，配上佢個辣醬食，十分過癮。個飯就較遜色，不過仍係水準之上，只係未吸引到想不停食。- 紅蝦醬芥蘭苗呢個要另外加20蚊，但我個人十分推薦一試。芥蘭苗爽口，配上香濃紅蝦醬，又唔會一味死咸。加上靚嘅芥蘭苗好難搵到，呢個廿蚊我覺得抵比！餐廳十分乾淨，而且我嗌凍檸水走甜嘅時候，侍應特登建議我轉飲檸檬梳打，十分貼心！

黎到公眾假期，而最近疫情又有些少好轉，嚟到尖沙咀行街都有人頭湧湧嘅跡象，行到咁上下都已經到傍晚六點，一於決定同女朋友早早地食個晚飯，費事要大排長龍嚟到水門雞飯，見到門口已經有兩三個人排隊，排咗10分鐘，驚見後邊已經有長長嘅人龍，諗住呢間餐廳一定超級好食，竟然係咁嘅市況下都吸引到源源不絕嘅顧客一場黎到當然要食個水門雞飯，啲雞肉夠滑之餘又唔會太肥，飯都有落適當嘅油，令到成碟飯都變得香噴噴，再飲埋碗雞湯，都係一個唔錯嘅配搭，食完飯仲有啲口痕，所以叫咗杯泰式奶茶飲，奶味都相當之出位，加埋啲飯成餐都只不過係$70到，喺尖沙咀用呢個價錢食飯都算係物有所值

5.1黃金周 支持黃店小食今日4個朋友黎呢間食 叫左海南雞飯同 海南雞飯炸雞雙併飯 差2蚊 不過我冇叫炸雞😹飯會跟野飲同湯 湯就正常 野飲可以揀特色野飲 相當之抵 我揀左菠蘿冰😚 正 出面好少有得飲 講番個飯先 飯系油飯 粒粒分明 水量適合👍🏻 個雞就失息左 我地4個都系雞胸位果d 雞髀同雞鎚部位要加10銀（好似系） 個餐性價比唔高 普通海南雞飯味道 唔值咁貴另外我地叫左串燒魷魚 39蚊兩大隻 份量大 魷魚滑身 點汁食 汁甜甜 辣辣地 值得推介仲有叫雞腳同菜 雞腳飽滿好食😋👍🏻整體黎講都算唔錯 略嫌貴左少少 👍🏻

6點去到都要排15分鐘先入到去食😫多人幫襯到，一定要試！選擇算多，價錢十分合理❤️旺區黎講算平靚正💁🏻‍♀️餐枱有用酒精消毒，門面好乾淨👍🏻叫左碗雞絲金邊粉，$45已經幾大碗餐牌上有寫到係辣，但睇顏色以為只係小小辣點知成日食中辣椒🌶️辣到食唔出啲雞有咩特別😂😂😂加多杯泰式奶茶$20，好濃好泰國嘅味道😋😋😋雖然門口好多人等緊，但staff們都冇催促我食快啲，反而見我又怕辣又要快快地食，叫我慢慢黎😂😂搞到好唔好意思朋友叫左杯泰式鴛鴦，我試左啖，發現都幾好飲，好飲過某連所飲品店果啲

位於尖沙咀嘅泰國人氣水門雞飯 等我試下水準如何🙆🏻‍♀️-🔸水門雞飯 $50雞嘅份量岩岩好 唔會太多太少 有一半雞胸嘅肉質鞋鞋地 另外有一半就嫩 整體黎講覺得不過不失 唔算有很大驚喜 但一試無防-🔸泰式豬手飯 $50雖然無影出黎 但呢個飯真係幾有驚喜 比起水門雞飯更值得一試🤘🏻豬手嘅肥瘦分佈好好 仲要煮到好入味同好焾🥰-跟餐送嘅冬瓜湯好重胡椒味 如果鍾意胡椒湯的應該會喜歡🙈以呢個價位係尖沙咀食到呢個質素 真係超哂值啦💗

今日啲朋友推介嚟咗呢間水門雞度試食嗰個水門雞飯。間餐廳嘅生意真係唔錯架，係而家呢個情況每人都留係屋企嘅時候都仍然要排隊排足20分鐘😚😚呢間餐廳侍應嘅服務幾快手，環境都唔錯幾乾淨清新朋友話叫水門雞飯，我費事同佢一樣所以叫咗個豬手飯，另外仲叫咗個雞雜同埋嗰個烤麵包個豬手飯整得幾好味架，唔會太乾，而且幾臨雞雜食就比較乾一啲囉，但係其實整得都幾好食，係唔錯㗎最後就到佢呢間餐廳嘅特色水門雞飯啊，個雞係幾滑嘅，不過略嫌淡左少少，如果有醬點下就更好啦🙈🙈

又係一間出名嘅黃店~原本諗住趁呢排疫症關係會比較少啲人去食...點知去到都係要排隊😂可以睇到佢係幾咁受歡迎👏🏼大約等咗20分鐘左右就有得入去啦🤗即刻嗌嘢食先！一場嚟到，我同朋友當然要嗌呢到最出名嘅水門雞飯啦🐣另外我哋仲嗌咗燒魷魚🦑share添🥰水門雞飯係跟咗一個湯既~胡椒味偏濃🙈不個人認為都可以接受🤓主角水門雞飯嘅雞肉肉質鮮嫩，肥瘦適中，連皮一齊食都無乜油膩感👏🏼點埋啲泰式醬汁一齊食就夠哂味啦☺️至於燒魷魚係原條上，進食有少少困難😂但係味道都加翻哂分，而且入口爽韌有咬口😋見到都有唔少人嗌㗎😛

個個都話抵食，經過冇理由唔試下架.▪️水門雙拼雞飯 $64海南雞同炸雞各一半，但個人覺得其實個醬汁先係精髓🤓▫️海鮮冬陰功湯金邊粉 $58湯底夠重味，料都幾足，有鮮蝦魷魚青口，份量十足！

過去一年，除了冰室、台式飲品和抗爭運動，泰國雞飯也突然在香港遍地開花。因為政府無能，香港被很多國家封關，惟有在香港吃個雞飯，當去了泰國。吃在限聚令之前，雖受疫情影響，但還是要等一等位。 選擇不少，除了主打雞飯、豬髀飯，還有Pad Thai、通菜等常見泰國菜，連生蝦也有呢。 不想吃飯，還有麵食，總有一款適合你。 水門雞飯 $50第一次來，先試試招牌雞飯。話明泰式快餐，落order不久就上枱，超有效率，還跟個雞湯。没有特登加錢要髀。雞件夠皮薄肉嫩，但雞味不算突出。 油飯飯粒還算分明，但有點白，不夠香也不太入味。 我認為泰式雞飯的精髓是個辣汁。這個醬汁與以往吃的不同，以薑為主，豆醬、辣味不重，用來撈飯有點失色。 泰式奶茶 $20雖然雞飯不太合我口味，但這個Thai milk tea不錯。 聽聞這個泰式奶茶以著名的手標紅茶制作，茶味夠香濃，甜度因應香港人的口味調較得剛好，但我還是覺得多甜才是泰式奶茶的真締。

之前去尖沙咀行完街見到呢間水門雞飯 好多人去食👥所以都試下係點🤔所以揀咗呢間食晚飯，朋友揀咗招牌菜水門雞飯🐔雞肉上枱之前已經起晒骨，雞皮好薄，食落啖啖肉🤤皮滑肉嫩，有雞味，仲可以點埋個醬汁食😉油飯夠香🍚附送一碗雞骨湯，胡椒味非常香濃☺️咖哩雞麵🍜咖哩湯底濃而不辣，麵條掛滿咖哩湯🍛表面係白滑嘅雞肉😋水門炸雞件🐓雞件炸得金黃香脆😍仲有少少肉汁，口感亦唔鞋😆最後喺眾多嘅飲品之中揀左凍鴛鴦🥤凍泰式奶茶、鮮檸梳打🍹泰式奶茶茶味濃滑，味道偏甜👍🏻鮮檸梳打檸檬味好夠🍋酸酸哋好清新💦最後都要叫番支蒸餾水解一解膩