水剌間 (已結業)

舖頭裝修簡潔乾淨 座位寬敞舒適 空氣流通員工熱心服務 會主動留意客人需要食物好食又大份 好容易眼闊肚窄全部落咗單既食物都冇失望炸雞同醬油蟹一定會再encore ！下次會再去試吓佢嘅烤肉醬油蟹 本身身都冇太大期望 上到枱一試 好驚喜 爆膏 好正一隻蟹跟一大碗飯 落單前以為係細細碗嗰啲一嚟到一大碗 以為食唔晒啦 點知都只係啱啱好夠食 不愧係白飯小偷！仲叫咗半半炸雞 兩隻味都唔錯芝士蛋捲不過不失 好大一份拉麵年糕 叫咗小辣 不錯仲有個海鮮豆腐湯 又跟一碗飯 三個人食 大家都飽到不得了

食物質素好，成日都帶唔同朋友嚟幫襯～呢度有專人幫你燒肉，坐喺度等食就得，正到暈…不過今次有啲不愉快經歷……食晒嗌咗嘅嘢食之後覺得唔夠飽，諗住嗌多半份炸雞，點知被老闆娘？唔溫馨嘅溫馨提示你仲有35mins就要交枱，炸雞製作時間要20mins，食到先好嗌。其實要食15mins點會食唔晒，你啲嘢食準時到嘅話，半份一人一件都無咗啦～但你講到咁，錢多唔想賺，我哋又無理由迫你賺錢，只好傾偈傾到夠鐘轉場啦～

呢間餐廳有韓國 O-Bba招待. 有最低消費,每位$150. 又有限時, 90分鐘. 餐廳打家re-confirm我個booking. 我要求坐耐D,佢同我講,你食200蚊可以食120分鍾. 當然無問題啦,叫多D嘢！坐低嗌咗啤酒,一盒海鮮煎餅一下韓式豬手！到朋友嚟咗之後再點咗半份炸雞一客牛肉韓燒餐.海鮮煎餅中規中矩,豬手幾好食. 炸雞個皮都算ok但係啲肉就比較淋, 韓式牛肉飯做得唔錯👍燒牛肉還有這都覺得中規中矩. 自攜咗一支意大利紅酒去. 唔需要收開瓶費,但係冇紅酒杯😅自攜得紅酒當然都自攜紅酒杯啦🤣 人家都唔收你開瓶費喇冇酒杯都好正常啦☺️

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯九龍城除咗高質泰菜之外，其實仲有好多地道特色小店值得支持。今次介紹嘅韓國餐廳「水剌間」就係其中一間，大廚係正宗韓國人，所以對家鄉傳統嘅味道有一份執着。炆牛肋骨 $168第一次見食材滿到就嚟瀉哂出嚟。主角當然係牛肋骨，長時間炆煮肉質好輕易分離，夠軟腍又入味。配料亦都見到有白蘿蔔、紅蘿蔔和洋蔥等等，餸飯都一流啊。蔘雞湯 $128入面真係有足料成隻雞，仲有人蔘和韓國米飯。湯身清澈又有雞肉嘅鮮甜和人蔘嘅香味，飲完成個肚都暖哂。韓式炸雞 （原味/辣味）我就揀咗每種味道半份，分別有原味和醃醬辣味炸雞。炸雞外皮夠香脆，內層滿滿嘅肉汁。我自己就比較鍾意辣味，食得夠晒過癮。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯水剌間 (九龍城)九龍城南角道60號地舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

平時去九龍城都係食泰國菜，行過見到水剌間非常多人，於是就入去試吓，餐廳位於地鐵站B2出口一直行就到非常方便。我哋叫咗一個芝士雞，炆牛肋骨及韓式炸雞。份量10分驚人，比起其他韓國餐廳份量多。call人非常喜歡佢哋嘅牛肋骨，炆得非常入味，另外芝士雞蛋卷係出邊嘅兩倍份量，海量芝士一切開流出來，非常邪惡。韓式炸雞配甜辣醬亦非常惹味，唔會太油，甜辣醬，亦唔會太辣非常推薦。水剌間係個人喺香港其中一間非常喜歡的韓國餐廳。

朋友介紹下終於黎到呢間傳聞中既韓國食堂啦，擺喺面前既泡菜餅，香脆得黎唔會辣到喊，口感掂晒啊！湯底清甜既魚餅湯，啖啖飽滿既魚餅爽口得滯，簡直係療愈系美食。而家講吓我最鍾意既炆牛肋骨啦，嗰種肉我諗連啲牙口唔好既老人家都咬得動，咬一啖，香滑、肉質霎眼即溶咁濟👵🤤。仲有個海鮮蔥餅，滿滿既海鮮，每啖都食到那種鮮味，加埋個酸酸甜甜既特製醬汁，真係爽口又開胃！至於個芝士雞蛋卷就正到喊出黎，芝士拉絲扯到冇完，雞蛋卷充滿奶香，幾乎係每個打邊爐必備既嘢啊！表面唔講得，但我已經諗住聽晚訂位再黎探下底喇！最後，食物同環境都算係正，服務如果再提升少少咁就全晒咁啦🌟👍🔥。

小編今次嚟到九龍城一間頗有名氣嘅韓國餐廳，一入去，嗰份親切加上店員嘅笑容，真係令人有種窩心嘅感覺。頭盤係韓式燒烤豬肩胛肉，肉質彈牙得滯，唔使出力就食得，咬落去即刻覺得係個完美嘅開始。炭火香噴噴，啖啖肉嘅厚度恰到好處，微微焦香嘅邊，伴隨著醃製嘅甜味，令人回味無窮。跟住係辣味炆牛肋骨，煮到肉同骨就咁一扯就分離，辣味夠哂kick，但又唔會辣到你飲涷水，同埋個湯頭夠曬暖笠笠，冬天嚟食正！最後，當然唔少得冷麵作結。麵條Q彈得黎唔會黏牙，個湯野青草嘅清新，再加上隱約嘅雪梨甜意，食完肉食完辣，嚟個涼爽，真係抵死！哩間嘢飲嘢食高質，招呼又得體，確實適合搵食、想親嘗韓風味嘅食客。我食完都覺得仲想再嚟，寫緊都仲想快啲約埋一班friend再衝返轉頭去食番轉！🤤👍🏼

🇰🇷🇰🇷🇰🇷黎到九龍城就會諗起泰國菜～今次黎到九龍城我地唔走平常路！是我一年後也二刷的高質韓式餐廳喔😆係黎到呢間由韓國老闆打理既韓國餐廳～環境乾淨闊落有韓式版既TATAMI坐位&一般Table坐位🪑仲想講佢地用料都唔吝嗇！算大份呢！！✨Ordered:·芝士雞蛋卷🧀🍳SIZE係其他相比之下既double份量～中間仲要有拉絲既芝士喺中間！！( °‪꒳​° )夾埋面層既醬酸酸地中和芝士既膩同蛋香既淡味*建議上菜快啲食啦～放太耐餘溫會令到雞蛋太熟·魚餅湯🍢佢用平時一般湯飯既煲（小心睇熱！！）無諗過魚餅魚糕多到食整都食唔完～～味道開頭有點偏重味，但有食過韓國街邊阿豬媽版既魚糕湯！就會覺得完全係嗰回事！好夠味又夠熱岩晒冬天暖下胃🫡掛住阿豬媽又未飛韓國既真係可以黎試試！· 半半炸雞🍗為左符合返香港人咩都想試下既心態！呢度有得嗌半半炸雞真係勁細心🤍包左原味炸雞同醃醬辣味炸雞！外皮香脆之餘，味道都好夠味！有醬既炸雞外皮都唔會變得勁淋～～值得加分✨可惜只差一點點雞就瘦削啲唔夠肥美🥲· 海鮮蔥餅🐙🌮呢個真係冇得頂！推推推‼️用料極度之豐富‪ ♡゛仲真係加咗超多蔥😆為左每一啖都食到海鮮同蔥！廚師真真真落足料！

上網見佢有d塌塌米座位不過好似燒肉先可以坐 環境安靜幾適合聚下舊傾下計假日都有午市套餐 最基本嘅韓國嘢👌🏼不過我哋冇叫午市套餐叫咗魚糕湯 ($128)雖然價錢唔平 但係份量都唔少有一大串魚糕 仲有其他唔同形狀嘅另外都有好多蘿蔔索晒啲湯好入味魚糕都幾煙韌 個湯偏重胡椒味 都好飲😎另外叫咗半份醬油炸雞 ($108)得六舊 仲要炸到好乾水 好細件味道都算還好 不過唔係好正宗嗰隻都唔係好重醬油味 所以性價比好低🫠如果試都係試佢其他比較好🫣

呢一間韓國嘅餐廳，喺疫情期間基本上係無訂位一定入唔到去。因為本身九龍城就好少韓國餐廳，而且佢地味道都係非常之好。開關之後由於大家都出國旅行，終於今日有機會試下佢啦！ 🍖 個甜辣炸雞真係好好味，叫左半份，個粉漿唔厚又足以令到雞皮炸得脆卜卜，有辣嘅味道但係甜度多d,但係又唔會互相搶過對方，加埋芝麻嘅香味，無論男女都好適合食用。 🍖牛肉湯相對辣啲，但係因為配埋個飯，又啱啱好中和左。牛肉係一絲絲手撕出黎嘅。喺有心煮好嘅牛肉，唔係求求其攞d美國肥牛就放落去，而且又有d菇同大葱，湯好飲之餘又不失口感。 🍖泡菜煎餅，夠曬泡菜味，薄薄地，唔會質飽個肚，又有個酸酸地既汁配搭。就算面積咁大，都可以食得哂。 🍺✨️開關後本地食店生意整體差左，小店用心做，大家繼續撑。

九龍城食肆林立，星期日中午，當大部份家庭選擇去酒樓吃點心，當他區人士專誠乘坐沙中綫等交通工具到這區走走，去泰國菜館和日本餐廳飽餐，又或到這區的特色小店、咖啡店和西餐廳打卡時，我們一行四人選擇到這間不用排隊等位，地方雖然不大但也算舒適，食物夠地道又價格公道的韓國餐廳，午市特價菜式大多只$60-70一款，拉麵炒年糕、泡菜炒飯、水冷麵、餃子年糕湯和燒牛肉配珍珠米飯，如何決擇呢？4個人點5款也不算太過吧？？？

第四次到訪，之前食過3次，覺得都唔錯😋今次四個人食，晚餐有限時90分鐘。今次叫左醬油蟹（$260）跟一兜紫菜飯，醬油蟹鮮甜，唔太咸，撈埋紫菜飯一齊好食另外再叫左一隻原味炸雞（$198）炸雞外脆內嫩、調味剛剛好，炸漿唔會太厚，雞胸都唔會好老，份量都夠3-4人分享。海鮮煎餅（$130）新鮮熱辣，有啲蔥、韮菜、紅椒、魷魚、蝦等等，仲有個汁可以點，份量夠，不過如果煎得再脆口啲更好😋炆牛肋骨煲（$170）雖然要$170，但份量好多，通常係出面食都係蘿蔔多過肉，但呢間起碼有十幾舊肉，而且炆到好淋好入味，抵食之選，送飯一流👍🏽最後叫左個海鮮豆腐湯（$90），會跟一個飯。入面有幾隻蝦、蜆、青口、豆腐同埋打左隻蛋，熱辣辣，都抵食。四個人總共食左9百幾蚊，係九龍城都算係一個好選擇

Seafood Tofu SoupThe soft tofu added a soothing creaminess to the mix, balancing out the spiciness of the broth perfectly. This dish was the ultimate comfort food, providing a burst of warmth and flavor with every spoonful.Braised Beef RibsThe dish was garnished with an assortment of fresh vegetables that added  a touch of crunch and brightness. Each bite was a heavenly combination of succulent meat and savory goodness.Half Half Fried ChickenThis dish featured a unique combination of two distinc

九龍城不只是泰國菜，還有好多選擇呢！行經南角道，被一間韓國餐廳吸引，好耐冇去韓國旅行，一於食咗當去咗，開心一下。二人點了一隻醬油蟹，蟹膏飽滿，肉質鮮甜。海鮮蔥餅口感豐富，蝦，魷魚….. 還有蔥嘅配搭，那獨有嘅青蔥香和蛋香，一塊接一塊，全部吃光。食韓國菜，豈能沒有燒烤呢！三款牛肉： 特大牛肋骨，調味牛肋骨肉，雪花牛。特大牛肋骨啖啖肉香，軟腍。牛肋骨肉質軟熟，味道十分之惹味。雪花牛紋理均勻，散發出油脂香，滋味！

比想像中好今次大約6點到食晚市walk in一入服務都好勤快 即刻上小菜同埋落單好快食物上菜都好快仲要食完小菜問佢加 都會問我地需要邊一款加比我😋👍🏻-最令人驚喜係炸雞因為怕食唔晒，所以只係叫咗半份甜辣味份量剛好 好快上枱熱辣辣醬汁足夠炸得夠脆熱已經贏咗未係驚為天人但呢個價錢唔錯-仲有海鮮豆腐湯配白飯味道剛好 亦足料 不過就有啲沙-海鮮煎餅，就比較失望小小個人口味鍾意食脆啲呢一款就比較厚身，同多啲韭菜夾起嚟比較易散但味道都一流只係個人口味唔同-總結 區內值得一食韓國菜