影片
早幾日我去香港大學附近搵朋友食晚飯，朋友提議食羊腩煲+小菜，於是我地黎到石塘咀熟食中心望下，我地經過呢間水上人家，個店員就熱情推介呢間餐廳的招牌----羊腩煲、黑醋骨，我地諗住一試無妨，就坐低叫了羊腩煲、黑醋骨、柚子蜜豬扒、翠玉瓜炒豬頸肉。我地等左陣就先黎個羊腩煲，閞頭我仲擔心羊腩會羶，點知我食落口唔止唔羶，仲好腍好入味，食完當堂暖笠笠。黑醋骨、柚子蜜豬扒酸酸甜甜適中，都幾開胃，搞到我地都食多碗飯!翠玉瓜炒豬頸肉都係好正，豬頸肉好惹味又腍!我覺得呢四樣都係必食，估唔到熟食中心都有好野食，我會再黎食架!
繼續閱讀
網上看到這家店新開，就來試試！叫了秘製黑醋骨，柚子汁雞翼，羊腩煲，其中黑醋骨超好味，送飯一流！羊腩煲好濃，細煲158，抵食啊！老細還會出來詢問食客意見，證明有心去做！下次會再光顧~
繼續閱讀
我哋成班friend經常去石塘咀熟食中心食嘢。 今晚一入到去，見到有一間掛咗幅好大嘅banner，好有藝術feel。經店員介紹，知道間舖原來係新開張，見價錢唔貴，所以坐低試下。呢間係食中式小菜， 有唔少煲仔系列，價錢唔貴。 首先叫咗秘製豬軟骨煲。呢個豬軟骨同出面嘅唔同味道。酸酸甜甜，好開胃，飯都食多幾碗。 同埋，啲豬軟骨好林，下次可以帶埋小朋友嚟試下。天氣凍凍地， 特登叫個羊腩煲。成班friend一齊十下十下，超開心。個羊腩煲味道唔錯， 甜甜地，配埋佢嗰腐乳一齊食， 味道好夾。而且可以加其他配料食（ 生菜、響鈴、 滑牛、 枝竹) 正! 食到一半， 店員即刻幫我哋加番啲羊腩湯水，服務一流， 抵讚！其中有個朋友想食清淡啲，老闆推薦台式肉燥豆腐。個豆腐好滑， 連埋個肉燥一齊食，個效果出奇地好，朋友大讚。食完之後，老闆特登出嚟問下味道點樣。原來老闆就係主廚，負責我哋今晚嘅所有餸菜。佢之前原來喺唔少大酒樓都做過，經驗豐富。 呢次係佢第一次創業， 我哋都好支持佢。因為而家做生意需要嘅勇氣真係好大。 希望佢嘅生意越做越好。
繼續閱讀