民華餐廳 (已結業)

此茶餐廳有舒適的裝潢, 同時有著超級親民的價錢, 讚!!! 紅豆冰: 此紅豆冰底是花奶加椰漿的, 略嫌椰漿味道偏淡, 再濃郁一點會更好!!! 粒粒紅豆與花奶椰漿的比例幾乎是1:1, 粒粒紅豆都紅潤飽滿, 讚!!! 而且口感非常軟糯QQ又甜蜜, 讚!!! 魚湯浸菜芯: 菜芯熟成程度剛剛好, 讚!!! 不會太o林又不會太脆, 讚!!! 但魚湯就不太像是魚湯了... 西多士: 整塊西多士脹卜卜的, 金黃色的, 賣相是很吸引的!!! 可是蛋香的濃郁度不太足夠...  總的來說, 如此親民的價錢, 可以享受如此舒適的裝潢, 已經是物超所值lalala!!!

朋友剛搬入堅尼地城，打攪完新居齊齊落街搵食醫下肚仔先~附近都係連鎖餐廳居多，見到呢間民華餐廳好似比較光猛就入去試下!其實都係茶餐廳，不過地方都好闊落，可能再加上已經好夜，所以都唔算太多人好肚餓即刻叫咗個皇牌推介嘅咖喱牛腩飯同一碗豬軟骨湯河~不過估唔到茶記都會有點心，所以嗌多個秘製金錢肚加餸，哈哈!好快就有嘢食嚕，咖喱牛腩真係幾唔錯，咖喱汁好濃郁，用嚟送飯真係一流!! 同埋佢唔止有牛腩仲有牛筋架，薯仔又夠腍，果然係皇牌推介!天氣咁凍，食返碗湯河暖笠笠真係好正，豬軟骨好腍好入味~我自己推介!!哈哈!!金錢肚都有酒樓嘅質素，唔錯唔錯!其實睇menu仲有好多選擇，常餐都好吸引下次再去就試下先同埋呢度開到11點，想食宵夜都絕對冇問題啦～😝

今日經過西環去左間好正既茶餐廳，由於天氣忽然凍左好多， 於是揀左個咖哩牛肋腩暖下肚，牛腩同牛筋比例恰到好處， 配上薯仔、青椒、洋蔥，無論主菜同配菜都燘得好林好入味， 香辣咖哩初初入口會覺得辣，但好快辣度散去，變得非常惹味又暖身， 再將荷包蛋浸落咖哩汁度餸飯，食到全身熱騰騰, 之後再飲番杯冰凍嘅鹹檸七, 簡直味覺大刺激，好過癮! 豉汁鳳爪和醬汁金錢肚一樣都好有水準, 鳳爪下面有腐竹，金錢肚配上白蘿白。 最吸引我的要說方魚肉碎粥, 方魚其實就是大地魚， 那種鹹香有一種獨特的風味，除咗咬起來有口感之外， 將整碗粥同埋肉碎嘅香味融合在一起，令人回味無窮。 媽咪喉嚨痛叫左杯熱檸樂煲薑，話好夠薑味, 也不是隨處可找到的。 總體樣樣都好, 食物好味又坐得舒服，堅尼地城B出口行兩分鐘便到， 媽咪話下次要做領隊, 帶埋班老友記一齊來開餐, 食飽飽後再去海洋公園一日遊。​民華餐廳西環堅尼地城卑路乍街68號Imperial Kennedy地下9號舖

今日入西環玩，早餐當然要豐富啲啦🤤一入去坐低就見到有我最愛既番茄湯😛一於試下距。茄味濃郁，配埋通粉真係一流，無得頂 啲通粉索曬番茄湯，連湯一淡過，真係力量翻曬黎炒蛋夠滑夠嫩 呢間茶記特別就在於距仲有點心可以叫，每小時新鮮出爐，滾燙燙的點心， 今次試左飲茶必點既鳳爪，燒賣同金錢肚 唔會死鹹，好食過唔少既所謂大酒樓炸魚皮爽脆可口，食到連相都唔記得影🤣 唯有偷影炸魚皮個櫃啦🤣🤣最後配埋杯熱檸水暖下個肚，解下膩

今日約左hku 既朋友仔係附近食野 佢話想食下點心就揀左而間入去試下啦🍳🥢🥢其實入到去係一間平平無奇既餐廳，但估唔到真係好有驚喜喔餐廳講明點心係每小時新鮮出爐架包你食得安心又放心啦今次我就叫左個蕃茄叉燒米粉 蕃茄味超濃郁唷好飲到可以濃都飲埋啊叉燒又好入味唔會好乾身認真一流仲配埋個太陽蛋同牛油多士 多士焗到勁脆燒賣完全酒店及既質素！ 其實而間野既點心都good 啊燒賣真係有大大粒蝦係入面 超值得試！金錢肚朋友超愛吃喔！清囇成碟 因為我比較小食內臟所以就無試到！ 鐘意食既可以試下架鳳爪份量好多好入味啊飲茶必點！ 而到都做到好出色啊最後，當然要食翻個菜啦加埋杯飲品好飽飽啦

星期日訓到好晏起身，去左西環民華餐廳食港式點心同地道野。睇完餐牌決定點d邪惡食物。食得滿足最緊要！西多士（$20）西多士係草根姐妹👭嘅兒時回憶，細個草爸成日同兩姐妹放學後去茶餐廳食，好令人懷念呢份味道👶🏻。呢到可以揀煉奶同糖漿，草根揀咗前者。剛炸好嘅西多士上塗上煉奶同牛油，真係好香✨！細個會瘋狂加糖漿🍯，而家當然冇quota 🙈，不過加咗煉奶都唔會覺得過膩🤤。西多口感鬆軟，牛油勁邪惡勁惹味，偶然放縱下都不為過😆👍🏻！食完d邪惡野飲番熱檸茶解解膩，正！豉椒鳳爪（$17）鳳爪夠入味，不過鳳爪膠質少，未算入口融化，不過不失啦。鵪鶉蛋燒賣（$17）「鵪鶉蛋燒賣」算得上係懷舊點心，而家好難係酒樓搵到。燒賣柔軟多肉汁，但鵪鶉蛋🥚過熟👉🏻👈🏻，有d失色😞。炸魚皮（$20）魚皮薄身，不過炸到脆卜卜，唔會好油膩。食物味道重要，但呢一餐更滿足嘅係心靈港式食物果然係comfort food 呢

星期六，一早來到了西環探朋友，到了下午茶時間，就到他家樓下的食店開餐廳。 民華餐廳其實在港九也有不少分店，而餐廳出名有質素，價錢大眾化及親民。餐廳的選擇超多，西餐、蒸飯、茶餐、湯河，各式其式，應有盡用。章魚肉餅飯天氣變凍，特別愛吃蒸飯，這個章魚肉餅飯的味道很好，肉餅的調味剛好，不會過啖過鹹，而且口感嫰滑，加上有咬口的章魚粒粒，令整個蒸飯變得非常美味。豉椒鳯爪除了蒸飯還有點心，鳯爪的份量足，口感軟淋入味，不會過份油膩。紫菜五寶湯紫菜的份量有點少，不過，口感滑溜溜，而且不帶沙，而五寶包括墨魚丸、牛丸，魚旦、魚皮餃田及魚片，個人最愛就是墨魚丸，因為口感超級彈牙，而魚皮餃入口帶有肉香的油潤感。咖喱牛筋腩飯送上來時已經有陣陣的咖喱香味傳來，咖喱的味道香而不辣，而牛筋口感煙韌富膠質，牛腩肉質軟淋入味，佐飯一流。朋友還確外點了一個鮮茄火腿通茶餐，配餐肉炒蛋及牛油果沾多，不過，我們忘了拍照，鮮茄火腿通皂份量挺多，大大碗，而蕃茄湯湯底偏向濃杰，蕃茄味香濃，味道帶點偏酸，令人越食越開胃。 個人私心推介炒蛋，因為蛋味香濃而且蛋汁豐富，口感滑溜，牛油果沾多口感香脆又不失鬆軟。

今日去開西環附近，食晏嘅時候就同朋友去咗民華餐廳。我地點左兩個常餐食。睇menu先知原來呢一間茶餐廳唔止有平時茶餐常餐，原來仲有飲茶點心，所以同朋友就叫埋金錢肚同埋糯米雞食！呢一度嘅裝修都幾靚，有別出面一般嘅茶餐廳，亦都幾乾淨！沙嗲牛肉公仔麵，公仔麵唔會煮得太淋，牛肉都算好多，都幾入味架！另一個常餐就配番茄牛肉通粉，蕃茄湯好濃，仲有好多蕃茄蓉，鍾意食蕃茄嘅人一定會好滿足！蕃茄湯底唔會太酸，入口都幾好味，而佢嘅份量都好多架！火腿炒蛋加多士炒蛋炒得好滑，多士有滿滿嘅牛油😋飲品方面，佢嘅凍咖啡入口好滑，唔同平時嘅茶餐廳凍咖啡，唔會剩係得苦澀味，加上唔會好甜，好飲！而另一杯茶走都好飲，因為入口好滑又唔會太甜！點心方面，金錢肚十分入味，亦都蒸得好淋👍🏻$17有呢一個份量都算抵食！糯米雞都係好大舊，送上的時候是熱辣辣，有好香嘅荷葉味。糯米軟硬度適中，調味都幾好，唔會太咸。配料方面都十分多，有冬菇、雞，仲有一大舊蛋黃，食到好飽！

什麼是港式All Day Breakfast 🍳？屬於香港人的味道🇭🇰！滋味常餐（$41）草根姐妹👩🏻👧🏻認為常餐就是港式All Day Breakfast🍳，更是香港人的Comfort Food，相信一定可以引起大家共鳴！想點叉燒通粉，點知當日沽清👉🏻👈🏻。轉而點了鮮茄牛肉通粉、餐肉炒蛋🍳配多士。鮮茄湯底味道非常濃郁🍅，味道比想像中更突出，通粉及牛肉的份量不少，炒蛋夠滑溜，再加上餐肉🐖同多士🍞，整體就是不錯😋！淨五香牛筋腩（$56）另外，單點了個淨牛筋腩🐃。但來到後發現原來當中並沒有牛筋，只有牛腩😖。不過每件牛腩都厚切🔪，加上油份十足👍🏻，肉質夠香腍軟嫩，口感令人好滿足。同時，牛肉醃得非常入味，五香味突出✨。最後加番杯凍檸水爽晒🍋💧

上星期三和朋友去瑪麗醫院探朋友，朋友說肚餓，所以就在小巴站附近找餐廳醫肚！一眼望見餐廳門面光鮮企理，我和友人便決定入內！因時間關係，我倆亦選擇食魚蛋河加飲品的套餐吃，以求果腹！很快便端來兩碗魚蛋河，賣相ok, 心諗這麼普通的食物應該沒大問題吧！殊不知當咬下魚片的一剎那間，一陣濃濃的腥味在口內迴盪，那刻真想直接吐出來！以為只是魚片出事，原來魚蛋也出現同樣腥味，只是沒有那麼強烈罷了！我問朋友吃到腥味嗎？她說吃得出！但因為趕時間，所以她用辣椒油點著吃來蓋腥味，我用醋來蓋腥味吃著吧！最後我實在難忍那股腥味，放棄剩下的兩片魚片便急急埋單走人！

今日過堅尼地城做野，忙左成朝lunch都無食，忙完先識餓，落去食個下午茶先，食完先有力做野嘛！行過見尼間民華餐廳🍴嘅茶餐抵食又啱食，入去嘆番份先店面整潔光猛，裝潢時尚，感覺不錯茶餐好抵食又多選擇，有我最愛嘅炒蛋多士飯類套餐亦有不少選擇，價錢同樣親民仲有潮式粉麵點，非常多樣化最特別係竟然有盅飯同點心叫，好創新呢沙嗲牛肉湯麵🍜，賣相吸引沙嗲牛肉大大塊，夠林夠入味，沙嗲味好濃好惹味麵質軟硬適中，不錯啊香腸炒蛋配牛油多士，好豐富啊炒蛋好香滑炒得好有水準，顏色又靚牛油多士熱辣辣，非常香脆，牛油滿滿的，超香滑牛油多士配滑滑炒蛋，Perfect Match 配埋杯紅豆冰就完美了超爽紅豆又大又林，不會太甜，梗曬我口味埋單44蚊，好抵食！港島區咼！大家都不妨來試試丫

媽媽好鍾意食茶餐廳，是日中午就帶咗佢去西環堅尼地城嘅民華餐廳食lunch啦呢度非常鄰近堅尼地城站，夠晒方便啊！午飯時間非常熱鬧，座無虛席！而餐廳環境都好舒適，唔會有擠迫嘅感覺餐牌色彩繽紛，圖文並茂，圖片上嘅食物都好吸引！由於我地都唔太肚餓，所以只點左一個常餐同一款點心鮮茄牛肉通+火腿炒蛋配厚方包呢個常餐$38都幾抵食，炒蛋係必點的，好嫩滑又充滿蛋汁香，正！厚多士我轉左做齋方包，包包好鬆軟的鮮茄牛肉通粉大大碗，湯底好杰身，蕃茄味好濃郁啊男仔食都一定夠飽燒賣估唔到茶餐廳有點心可以食，除左燒賣仲有其他幾款點心選擇架！豬肉燒賣熱辣辣，好大粒，豬肉餡裡面仲有蝦肉，調味剛好，好味道啊！價錢仲好優惠添$17咋！熱奶茶茶餐廳嘅港式絲襪奶茶絕對係品質保證，茶香奶滑，如果茶味可以再濃烈少少就更好

位於堅尼地城嘅民華餐廳係一間頗有名氣的茶餐廳，餐廳裝修簡潔明亮好乾淨，早午晚飯繁忙時間店內都擠滿客人哦除左有傳統經典茶餐廳食物之外，仲有埋中式蒸飯同點心，熱辣辣的食物，冬天食就啱晒！熱奶茶去茶餐廳點可以唔飲返杯港式奶茶，茶夠濃，奶夠滑，好飲啊紫菜五寶湯天氣凍就想飲返碗熱湯，於是就叫左呢個紫菜五寶湯，湯底都幾清甜！裏面除咗有紫菜碎，仲有魚蛋、墨丸、牛丸、魚皮餃等等，味道唔錯，最好味係墨丸同牛丸，用料充足鳳爪排骨飯$27一個嘅鳳爪排骨飯都幾抵食，排骨同鳳爪份量都唔少，而且好入味！白飯粒粒分明好有咬口，仲吸收晒鳳爪排骨嘅精華，令人不知不覺就食晒成個飯雞札雞札大大件好抵食，滑溜的腐皮包裹着厚切滑雞件、嫩滑豬皮、仲有超粉糯的芋頭，好好味啊！

一間好街坊既餐廳！當日入到鋪頭聞到一陣好香嘅咖喱味，搵位嗰時見到原來有好多客人都喺度好食緊佢地嗰咖喱牛筋腩飯！坐低睇下menu，種類唔算多。有常餐、潮洲粉麵、蒸飯、點心等~頭先聞到咁香咖哩味，我都當然唔例外叫番碟皇牌推介啦~《咖喱牛筋腩飯》$56 跟餐飲果然係皇牌！咖喱真係好香好惹味👍🏻👍🏻👍🏻👍🏻👍🏻（雖然賣相麻麻地🤭🤭）開頭食果時係甜甜地，好易入口...但一唔小心食多左就會‘賴’野！因為佢之後有後勁... 辛辣味係湧出黎！👍🏻👍🏻👍🏻啱晒我呢d愛辣之人❤️❤️❤️❤️❤️愈辣愈過癮！ 而且牛腩炆得好腍好香～配飯真係一流呀🥰🥰另外仲要左一個《秘製豬軟骨撈公仔麵》$47豬軟骨應該被滷水汁醃過，食落有一陣甜甜地既滷水汁味！而且豬軟骨炆得好‘淋’，舊軟骨已經完全變咗啫喱，入口即溶！正👍🏻👍🏻👍🏻👍🏻👍🏻係我好鍾意既質感❤️❤️❤️因為個咖喱牛筋腩飯有好多汁，所以我地自己用咖喱汁配公仔麵食😂😂😂😂😂 非 常 好 食！強烈建議佢哋出一個咖喱汁撈公仔麵😂😂😂跟餐要左一杯紅豆冰！ 紅豆唔合太甜，又有紅豆味👍🏻👍🏻👍🏻我哋仲加咗一碟魚湯浸時蔬只需要$10呢個就不過不失啦😋

今日放假，約咗男朋友一日遊。我們第一步當然要食個豐富早餐！因為做運動的原因，黎到堅尼地城，見這間民華新開又滿滿客人，所以入黎食。坐位都幾多，又光猛乾淨，以綠色及白色作主色，配上圓圓掛燈！食物方面，一向都唔錯的質素，更有中、西式選擇，有飯有點心又有粉麵，麵包也很出息。我們點了一個中、西合壁的早餐。早晨常餐（火腿炒蛋牛油多士配番茄叉燒通粉）🍞🍅🥚炒蛋好香好滑，份量都唔少；多士好香脆，配上中間的牛油，美味可口；火腿就正常質素金黃色炒蛋！多士美味脆口叉燒番茄通粉份量都幾大碗，叉燒唔肥但好腍，健康點；番茄酸酸甜甜，開胃美味又健康，更有紅蘿白作配菜通粉質地唔會太軟腍，軟硬適中，幾好口感凍檸茶走甜，好香茶味，檸檬有3片，夠凍！中式點心（鳳爪）入味又香，唔會煮得太腍，都幾野味又正，都幾野味鮮竹卷好入味，內餡好香有肉有菜，鮮竹好吸汁美味服務都唔錯，多服務員，態度都唔錯