民華餐廳

營業中

休息中

假日同女朋友去試下d特色既茶餐廳上網好多都推薦宜間🤤結果係無失望既！😎會再來菠蘿火腿炒蛋包係我想黎宜到食好耐嫁啦！黎到泥到一定要試下呢間野既特色火腿炒蛋而至個包都係即叫即整同菠蘿包既味道完全無違和😝😝個包同出面食既真係好唔同 佢整到好鬆好有口感同時包入面又勁鬆軟🤗黎宜到要試下唷😎重點推薦常餐系列😋多士烘底配番茄牛肉通粉茄牛通既番茄味湯底真係好濃 忍唔住飲曬牛肉同通粉既份量都好多烘多士就無咩特別不過炒蛋既味道就好似淡左dAnyway都整到好嫩滑同香總括黎講咁有水準既常餐40蚊食到真係好抵

夜晚8:30入坐，吾算多人👭 好快就有位 🙂因經常聽到好多人都讚茄牛通好食👍 所以念都無念到就叫左一碗 $43 包一杯熱飲品+炒蛋+多士💕果然茄牛通有好濃番茄味，但牛肉有些硬😖 不過整體都不錯 值得一試😋

牛腩河呀！😱// $37自澳洲打後，有年幾無食過😂😂😂真係好好食嘅，牛腩冧到化，而且我果碗有2大舊牛筋😆😆😆yeah yeah!7/10#牛腩河 #beefnoodle #HK #HongKong

昨晚與男友行街，經過這間餐廳時見主食常餐，厚厚的多士非常吸睛，晚飯時間又剛到便內進！常餐款式真的很多，但為免太多麵包類，最後我兩點了蕃茄豬潤通粉跟火腿抄蛋，牛油厚多及特製豬軟骨煎蛋飯！上餐很快，通粉彈牙，豬潤用薑絲齊煮不腥亦不會過老，個湯底有蕃茄肉，結身香濃但不膩抄蛋咸香滑dodo, 火腿正常味唔多講了，多士真係厚身既，見到都開心，質感軟棉且牛油份量夠所以好好味！豬軟骨骨位居然很林，肉質厚而滑，個秘制汁應該煲了很久，非常入味，撈飯一流雖然得3件但都好飽肚，煎蛋亦做得水嫩！不過餐飲熱咖啡認真麻麻，奶太多又不夠香希望下次有改善啦！

時常都去食早/茶餐。多士、西多士一向水準好好，番茄湯米、通有時失準，但最欣賞是啡走。不是聞落很香果種，但飲落有濃濃的臻子味，落肚後口中仍有餘香。每次邊飲邊食多士、西多，非常合拍的配撘

呢間餐廳次次都食豬潤通加多士己非常滿意今次試下佢既西多士，由於好怕炸到濃曬所以叫佢小火，拎到黎真係好靚呀 ，有得選擇糖漿定練奶，我要左糖漿唔太甜岩曬怕熱氣既食客！ 但杯熱檸茶就好黑好濃 要拎滾水整淡佢，真係濃到好似廿五味咁

中午時份進到民華，人多時常識吧，還好我們只有兩個人，比較易搭枱。點了蕃茄牛肉通、多士，再加一份西多士和一份鵪鶉蛋燒賣。鵪鶉蛋燒賣先上，可惜一上已經有點凍，挻失望的，下次可以不點這個；再來就是西多士，厚厚西多要一到即食，才可享受到恰到好處的脆身，西多口感實在，不像吃風似的；可惜，西多裡沒有花生醬，不知道是本身沒有，還是我的這客漏加了......美中大不足。蕃茄牛肉通湯底濃郁，容器的手柄，根本就用來驅使你拿起來飲湯，香香的蕃茄湯加通粉，夠惹味。至於牛肉......就變得可有可無，看其他人的食評，都讚不絶口的，但我這次的牛肉卻硬得咬不下口，有幾片都吃不下了。跟餐的多士和蛋，一到的時候，看著還好，只是在想為甚麼蛋這麼淡色，直到對面搭枱那位的蛋上枱，分別更甚......人家的又黃又大份，可能我的是那一水的水尾吧，但坦白說，如果沒有比較，的確是還好的。這次經驗，是民華差了，還是只是我的不幸呢？

女朋友啱啱落機 凌晨一點 要去旺角轉車返沙田 中途肚餓 唯有去一去茶餐廳啦 雖然係深夜 但係食物一啲都唔會馬虎 叫咗一個常餐 同埋西多士 常餐嘅選擇種類特別多 其實好多人都post咗個餐牌 所以我諗大家都知道西多士可以選擇落糖漿或者煉奶 而且大大片牛油 邪惡嘅嘢最啱我😎😎沙嗲牛肉幾多夠林 蛋都夠滑 不過多士可以兩面都查牛油 而且午餐肉有啲凍 （我最後鮮食午餐肉）😂😂 雖然深夜嘅價錢比日頭貴 但係總算物有所值

燒賣平時飲茶就食得多喇 不過一盅三件既鵪鶉蛋燒賣就真係第一次食 每粒燒賣上面都有一隻鵪鶉蛋🍳 一咬開雲吞皮就品嚐到好香既蛋黃味 下面既燒賣包住大大隻鮮蝦🍤 好爽口彈牙😁 我覺得比起坊間既鮑魚燒賣更好食😂 另外民華餐廳既咖哩牛筋腩飯🐮都好正 啲牛筋腩好嫩好入味😋 店鋪衛生望落還可以 但因為多食客 被迫搭枱好麻麻食得有啲唔自在 而且我咁岩坐正門口位 一開門就熱到飛起😓

價值$46蕃茄牛肉公仔麵, 超濃湯, 麵正過出前一丁【唔好話我知其實佢就係出前一丁, 只係平時自己煮得太衰先無佢嘅效果......午餐肉有午餐肉味 (而家好似係興咁讚啲食物), 蛋幾嫩滑, 重點係堅厚牛油多士今日奶茶甜左啲, 上個月嗰杯好飲好多, 其實佢嘅凍檸茶先係我至愛

今日係旺角行街行到餓，食小食又滿足唔到我，決定去茶餐廳坐低食個下午茶，下午茶一定要叫西多士，依度有得揀要煉奶定蜜糖，識食一定食蜜糖，送黎已齊整分好九件，面頭放左塊半溶既牛油牛油塗滿多士面再加糖漿，西多士炸到金黃色剛剛好，口感外脆內軟，入面雖然無花生醬餡，淨牛油糖漿已經好好食，平時出面好多茶餐廳會炸得太耐，令個多士口感失色，但依度既西多士真係食唔停口，的確唔錯

黎呢度一定係食常餐～這是常識吧餐肉蛋，多士再配上一個不能睇少既豬潤通蕃茄濃湯加埋豬潤通真係冇得輸! 湯品好濃架冇偷工減料! 豬潤就一般般麻麻地最後整多杯凍奶茶, 男人既浪漫 點只得豆腐火腩飯

今晚睇完戲都已經晚上10:00了..MOKO好多餐廳都已經收左舖🙄男朋友諗起呢度收得好晏, 所以就提議左黎呢度, 二話不說地一睇完戲就向著目標出發~😀😀😀入夜關係, 人都冇早上咁多咁迫, 2個人都可以自行坐一張卡位枱, 輕動d真係舒服得多! 而且呢度既營業時間至凌晨3:00, 唔使怕行街行到好夜冇野食😁黎得民華必食佢地既常餐 $43 – 蕃茄豬潤通, 因為個人關係對通粉麻麻所以轉左蕃茄豬潤米粉 + 火腿炒蛋 + 烘底多士 🍞蕃茄湯底十分濃郁, 濃厚既味道唔係其他茶餐廳可以比得上, 蕃茄湯味濃而且味道適中, 配上米粉味道真係一流! 😍😍😍👍🏻不過呢度既豬潤口感唔算好優越, 豬潤比較薄身而且口感林身唔算好有咬口, 不過不失~不過份量都算幾多… 晚上黎一碗蕃茄豬潤米真係好邪惡!😈火腿炒蛋 炒蛋都幾滑流不過未至於好香蛋香味~ 反而對佢既烘底多士有興趣d~~其實客人要唔要多士呢個價錢早已加埋落個餐價度, 所以黎得叫得一定會叫烘底🙈🙈🙈多士以『新鮮』🍞麵包做材料~真係新鮮嫁!!! 👍🏻『新鮮』 詞解~~冇放過夜, 因為多士食落外脆內軟, 中間既麵包口感好軟熟, 而且多士mi出黎食係見到麵包絲呈現一

星期日工作後，想要搵啲平靚正既麵，就最好來呢度啦環境：講真唔好預坐得舒服，因為人多關係，會無限的撘枱，所以不會傾到好多計食物：佢個沙嗲真的好食，不會太濃，又入味，麵既熟度又正價格：約40-50一位啦

夜晚上完堂嚟哩度食糯米雞同鵪鶉蛋燒賣。鵪鶉蛋燒賣比較乾身，但味道唔錯，不過一個人食3粒就好啦，膽固醇好高。😂糯米雞，好大隻，糯米蒸到好軟綿綿同埋幾有黏性👍 糯米入面有雞肉，叉燒，鵪鶉蛋，豬肉碎做涵，味道ok收貨，不過如果加埋咸蛋黃碎就更perfect。服務方面本來都無乜特別，但我食完無幾耐，前後都只係坐咗半個鐘就催我交枱，話有人我等緊枱……我都知你趕住做生意，但我都係客有俾錢，食完就催你走，感覺好差，你話坐喺度幾個鐘就話jer，香港啲茶餐廳嘅弊病。