民華餐廳

營業中

休息中

上菜快，轉枱快，等左十零分鐘就有位。【咖哩牛筋腩飯】$50飯量勁多，咖啡香濃郁厚，牛腩厚切大件，吾會好硬，牛筋系最正，口感黏滑軟腍。【蕃茄牛肉通粉&炒蛋腸仔&牛油多士】$46蕃茄通系常餐中既招牌，香甜濃郁蕃茄湯，加埋煙韌既通粉好配，不過呢間牛肉就冇東涌果間甘好食，牛肉細碎且冇乜肉汁。【西多士】 $20 有得揀糖漿定煉奶香脆既麵包塗上牛油蘸埋甜滋滋既煉奶好邪惡，食完今晚要跑步。呢到啲點心好抵食，十幾蚊碟又冇加一。【豉椒鳳爪】$17【秘製金錢肚】$17

經過太子金魚街、又來到好多人排隊的民華餐廳、等了一會就有位。這裡的服務員都很有禮貌、值得一讚！五香牛筋腩湯河粉 牛筋腩好軟淋入味、份量不少、我地兩個人share吃都夠。梅菜蒸肉餅飯暖暖的、肉餅甜甜的很好吃！秘製金錢肚幾爽口、不過蘿蔔有點硬。加$16 有魚湯灼菜、菜心好嫩又甜、有驚喜～厚切西多士另外外帶了雪菜肉絲通粉常餐給家人～跟煎雙蛋同烘牛油多士、多士好香脆～餐牌選擇都挺多的、有蒸飯、點心、常餐、粉麵、西多士、菠蘿油等、難怪有不少遊客跟街坊。

好耐無食茶記，係因為怕食得急同太多人太迫，但估唔到呢間「民華餐廳」，除左可以慢慢食慢慢嘆，仲要坐得舒服，唔會迫住食，係可以好好享受一餐既地方，又可食返港式茶記既味道。常餐真係必點，因為咩時段都食到早餐既炒蛋，而且有包有粉麵實飽。常餐$46，揀左蕃茄叉燒通、火腿炒蛋、即烘牛油多士，配凍檸茶+$3。好嫩滑好有蛋黃香既炒蛋，配埋烘多士，一嫩一脆口感一流。超級好食既多士，即叫即烘，厚身多士夠鬆軟，烘得香脆，仲有溶化牛油滲出，忍唔到口要食哂。蕃茄湯好濃好重茄味，微微酸好開胃唔膩，叉燒亦唔肥仲好腍身，通粉連大啖蕃茄湯食，秒清除左茶餐，呢度仲有點心、盅頭飯.....有少見既鵪鶉蛋燒賣$17。燒賣幾彈幾有肉感，肥肉唔算多，配鵪鶉蛋特別香特別惹味。仲叫左個皇牌推介的咖哩牛筋腩飯套餐$59包飲品。個飯仲有埋煎蛋，正喎！一次滿足兩個食慾，有齊牛筋、牛腩，咖哩都有點辣，但易接受同辣味好快散，反而越黎越想食，仲好有咖哩香料味。牛筋好腍好彈，軟綿綿好有膠質，牛腩睇相就知入味鬆化，肉既紋理都出哂黎，勁吸引。只係薯仔硬左少少。西多士$20，食到好飽，但見隔離個西多太正，就叫埋黎食，我比較鐘意配煉奶。沾滿半溶牛油同煉奶

呢間位於金魚街嘅民華無論咩時間經過都覺得人山人海。幸好嘅今次等位等10分鐘就有位喇！男友話必食佢地嘅常餐，的確係有9款選擇之多。呢度除左常餐外，仲有蒸飯、點心、咖喱客飯、包類供應。以餐廳嘅格局，民華收費都算經濟合理。而且staff人數足夠，遞手點餐秒速有回應。單點魚蛋河 $36魚片頭兩片、白魚蛋四粒、驚喜嘅係河粉面仲有兩、三塊炸魚皮。 魚皮脆卜卜唔厚粉、魚蛋都有魚味嘅，河粉唔會一夾就散，不過湯底就偏淡。常餐：蕃茄叉燒通粉叉燒有四、五塊，蕃茄湯底超濃郁，飲得出唔係茄膏嘅味道。驚喜部分係通粉口感滑而煙韌。腸仔炒蛋多士炒蛋雖然無加牛奶炒，但都算幾滑。多士厚身，脆邊好味。凍奶茶 就一般茶記正常貨色。鵪𪂹蛋燒賣$17懷舊嘅點心呢度都可以食到，不錯。最後見隔壁桌點了一份西多士，忍唔住就叫埋當甜品，盛惠$20一上桌已分好9件，淋上煉奶、糖漿同舖上牛油。屬於傳統西多士，用厚身方包，中間唔會夾住花生醬。外層炸得好鬆脆、入面又有軟軟嘅口感，值得一食。

中午同女朋友係太子行完街,黎左民華餐廳食野,價錢大眾化，選擇多,基本上咩都有得食。 我地2個人都叫左好多樣野一齊share。 西多士,餐廳好細心,會幫客人切埋,上碟仲熱既,外脆內軟。餐廳出名有質素既常餐,今次叫沙嗲牛通粉 腸仔炒蛋厚多士炒蛋夠滑,通粉夠彈牙,湯底好正。咖喱牛筋腩飯,咖喱汁溶晒入牛筋牛腩,夠晒入味,而且牛保留到本身既肉味，一流。 飯上面仲有一隻煎蛋， 煎得好靚,仲係流心蛋最後仲加單叫左碟燒賣,都非常唔錯,有出面酒樓水準。餐飲:凍華田!

跟朋友去旺角睇寵物，之後就選擇了最近的民華冰室醫肚，幸好早一步不用等就有位，全場差不多坐無虛席。茶餐廳我最喜歡點常餐，因為價錢親民、有多款食物。先來凍咖啡，表面有咖啡粉裝飾幾有心思，咖啡味相當香濃，醒神一流！還有我熱檸檬菜蜜，滋潤美顏。滋味常餐 $48有火腿番茄通粉，腸仔炒蛋配牛油多士番茄湯底超濃郁美味，火腿超級多多士好香脆，牛油味香濃，而炒蛋也嫩滑。魚湯魚蛋河粉 $36河粉好滑，魚蛋都有好幾粒，份量幾多，而魚片頭相當彈牙，魚皮都好脆。今餐好飽好滿足。

裝修好復古 有電影入面冰室嘅味道食物好多元化 有我最喜歡既茶餐之外 仲有點心可以叫即使係晚市亦都可以叫常餐同點心等等選擇超級多咖喱牛腩飯呢度嘅咖喱牛腩同飯係分開上嘅而且飯上面仲有隻半生熟嘅蛋整個視覺就已經超吸引份量都幾多下個咖哩汁真係勁濃勁香口不錯不錯牛腩入味之餘仲要好林滑特別鍾意食佢嘅牛筋吸收晒咖喱汁嘅香味同味道超級好味金錢肚突然想食點心當然係叫我嘅最愛金錢肚味道唔會太咸 而且勁入味！呢啲蘿蔔都係一舊不淨！

能夠在晚市都坐到爆哂棚既茶餐廳都表示佢係有d料到呢間我由細食到大價錢親民之外d野食質素唔錯！常餐到晚市都有常餐揀既餐廳的確唔多呢間都可以選擇蕃茄牛肉通粉最愛既通粉組合蕃茄味濃 通粉吸收左牛肉同蕃茄既味道超好味香腸炒蛋黎食常餐有90%都係想食佢既炒蛋無得頂！滑蛋係70%熟既口感同質感都令人垂涎三尺啊～係一種享受阿識食一定係食即烘牛油多士脆卜卜既咬口加埋杯正宗茶餐廳熱奶茶就岩哂喇性價比超高港式茶餐廳香港旅遊點可以少得去茶餐廳食今日要介紹嘅就係連香港人都會食嘅

今日同個朋友趕住返學，所以好隨便咁係旺角揀咗間餐廳就入去食啦🙈🙈但呢間民華餐廳令到我哋都有少少驚喜🥰🥰我同朋友total叫左一份西多士+兩個餐share，食完真係好飽好滿足😂😂常餐：叉燒通粉+腸仔煎熟蛋+即烘牛油多士叉燒通粉嘅叉燒份量夠晒多，而且叉燒亦都好夠淋，做得幾出色👍🏻👍🏻煎熟蛋嘅外型亦都煎得唔錯，見到已經令人好想食🙈🙈牛油多士亦都有好多口味選擇，但我地今日就試咗原味，多士烘得啱啱好，而且牛油嘅份量都夠多，所以做到好香🥰🥰五香牛筋腩河粉呢碗湯河嘅牛腩同河粉份量同樣好多，而且牛筋亦都做到好淋好入味🙈🙈西多士見到好多台嘅食客都叫咗招牌嘅西多士，我同我朋友都決定叫返一份嚟試吓，果然係冇令我地失望，西多士真係做到外脆內軟，而且都做到有好濃既蛋香👍🏻👍🏻

在這附近的茶記，最喜歡的是康年。新鮮出爐的麵包尤其好吃，蛋治亦是個驚喜。轉個口味，去了旁邊的民華。午飯時間，全場滿座，正好有人埋單，我們才有卡位。我們入座後不久，即使茶餐廳人流轉得很快，還是要排隊。豉椒排骨飯一叫即來，賣相不算吸引，看起來很乾。味道卻過得去。排骨不噻不韌，沒有酒樓出品般油膩，沒那麼濃味但不淡，反而幾健康。飯還好，不濕不腍，乾而不硬，沒有一般盅飯的油膩。五香牛筋腩湯河粉是爸的，沒有嚐。賣相可以，他說普通。我一心來吃常餐。我選了蕃茄叉燒米粉，餐肉炒蛋，多士。炒蛋看似濕潤，但沒有光澤。入口還好，夠濕，有少少牛油香。餐肉薄切，煎至全乾，偏硬，兩樣都是機械式出品，欠神粹，欠靈魂。厚多士出奇意料地鬆，外乾脆，內濕軟，烘得恰到好處，走了牛油，吃到新鮮的麵包味，忍不住要讚美一下。蕃茄叉燒米，未放入口已聞到蕃茄湯的香。裡面還有鮮茄。叉燒的肉質不嚡，以湯麵的叉燒來說算是不俗，但略嫌叉燒的調味偏重。米粉不腍，有少少咬口，掛滿濃郁的蕃茄湯，味道不俗。西多士想吃甜品就三個人分了一份西多士。下面全是煉奶，只沾了一面，甜度可以接受。可惜，多士的中間完全沒有浸過蛋漿，跟一片普通的厚多士無異，沒有期待的

今日食下午茶，到旺角這裡，見有民華餐廳，好喜歡這裡的常餐，見有位就入去了！環境光猛又舒適，白色為主又有簡潔設計；牆上有不同美味圖畫，好吸引服務生又勤快又有禮友善，大家都好落力用心，難怪咁多客人喜歡這裡中式西式都可選擇，今日就來個中西合併。點了一個抵食常餐、一個咖哩雞湯河及2點中式點心。常餐的水準一路都咁好，下午餐更是抵食，$38有飲品、粉麵及炒蛋多士！好吸引、熱辣辣上枱！叫完好快上枱 🥚炒蛋的顏色真的好靚，炒得剛剛好；嫩滑又有少少蛋汁喜歡熱熱炒蛋配上咸香午餐飲放在焗好熱熱脆脆的多士上，美味可口🍅番茄湯底好香濃又開胃又健康，🐮牛肉好腍好易咬，麵質口感剛剛好咖哩雞湯河喜歡這裡細心地將香蔥粒放在小匙中，讓客人自行選擇放下與否！香噴噴咖喱！更有菜芯河粉好幼滑，咖喱味好香好濃郁，🐔雞肉嫩滑入味（中式點心）🐥🐥鵪鶉蛋燒賣：好懷舊的點心，3大大粒，賣相正蛋黃香又黃、皮薄又軟、豬肉軟腍又有蝦肉爽口（秘製金錢肚）秘製汁香、金錢肚好入味又有口感，蘿蔔在底部吸汁（飲料）檸檬水有3片檸檬，開胃又夠酸，可自行加糖；🍋🍋🍋☕️☕️熱朱古力好濃郁，好香好滑

香港最特色嘅餐廳，一定係茶餐廳。茶餐廳常餐係必食的。滋味常餐（$46）A+B+C 加飲品，但係通粉類已經有9款，仲有四款蛋類，再加方包或多士。鮮茄牛肉通粉：番茄味好濃，牛肉算嫩滑，通粉好索湯。牛油多士配煎雙蛋：煎蛋做到脆邊效果，多士搽左牛油好香。咖喱牛筋腩飯（$50）咖喱唔算好辣，好送飯。白飯上面有隻煎蛋，撈埋咖喱食更好。呢度仲有點心食，有驚喜。鵪鶉蛋燒賣（$17）由細到大都好鍾意食嘅懷舊點心，估唔到呢度係茶餐廳，但竟然有得食！雞扎（$18）雞扎裏面有芋頭、雞肉等等，好多餡，質素穩打穩紮，常餐以外嘅好選擇。

若果說來到香港一定要吃過茶餐廳，那茶餐廳中必點食物之一絕對是「常餐」。最受歡迎的常餐組合，大概就是火腿炒蛋、烘多士、火腿通粉，然後喝一杯濃郁的熱奶茶。自從某茶餐廳因炒蛋聞名，人潮不斷，「常餐」在一眾茶餐廳的餐牌上就更為耀眼。民華冰廳也算是一家老字號，炒蛋質素也絕對比大多數茶餐廳高。閒時想一個人吃個豐富早餐，食物質素有保證之餘，亦快、靚、正。這天特別選了鮮茄牛肉通粉，想嚐一下這裡的鮮茄湯底。濃郁的蕃茄味，連帶蕃茄碎粒，味道有點像羅宋湯，跟牛肉也十分合襯。店家貼心提議，可以把炒蛋放進蕃茄湯內吃。這個食法就像家常菜，蕃茄炒蛋一樣，不過個人還是更愛單獨吃炒蛋，不會蓋過本身的蛋香。牛油烘多士，配上火腿炒蛋是我的最愛。這裡的炒蛋滑溜，火喉精準，剛好熟透還帶著少許蛋汁。蛋味十足，一層層的非常嫩滑。將炒蛋放上多士之上，多士沾滿牛油和蛋汁，極其滋味。港式奶茶亦是香港之寶，是在其他國家喝不到的美味。惜這裡的熱奶茶略欠香濃，感覺稀釋一些，若更為濃醇，整頓早餐便很完美。

喺旺角行街行到肚餓，成日喺街食小食醫肚都唔係辦法, 企街邊食污糟之餘冇得坐唔舒服， 於是就同朋友去咗民華食下午茶。去旺角民華，最方便就係餐廳大，坐位多， 無論幾點去 唔使等好耐都實有位坐。食民華最出名就係佢嘅常餐，無論幾點鐘都有得食， 咁我哋當然會叫啦。常餐牛油多士烘底腸仔炒蛋， 炒蛋非常嫩滑， 牛油多士趁熱食， 多士外脆內軟，配埋半溶嘅牛油食， 非常好味。番茄牛肉湯非常有誠意， 個湯一望落去已經非常靚仔又濃郁。 牛肉非常多片，通粉有夠多， 食完一大碗通粉夜晚都唔使食囉。另外一個常餐叫咗 沙爹牛肉通， 沙爹牛肉炆得非常入味，最重要係啲牛肉唔似有鬆肉粉「嗱」過黎， 真材實料。配搭嘅牛油多士配餐肉煎蛋， 餐肉煎香咗，唔算太多油， 配搭嫩滑非常嘅炒蛋 ，有少少鹹香幾好食。另外大隻嘅朋友叫咗咖哩牛筋腩飯， 民華嘅咖哩飯， 係咁多間港式茶餐廳之中算係數一數二， 牛腩大大嚿，炆得非常 軟淋入味。 遷就返港人嘅口味咖哩唔會太辣， 最重要係份量夠曬一個成年男人食。 飯上高仲有一隻煎蛋， 煎蛋係流心蛋， 一切開蛋黃就流曬出嚟， 齋煎蛋配白飯已經夠曬好食。順帶一提 ，餐飲叫咗 熱檸水同凍檸水， 想講個檸檬

茶餐廳幾時都係香港人快靚正嘅首選， 佢就好似7-eleven或者ok咁樣， 總有一間喺就近總有一樣嘢適合 任何人嘅需要。 今日去咗花園街間民華餐廳， 餐廳大坐得舒服又可以容納好多人， 最正係好多卡位， 無論嘢食同餐廳設計都迎合我同屋企人的嘅需要。今日就叫咗兩個飯加一個常餐秘製豬軟骨飯入口鬆化， 軟骨 一咬即溶，濃濃的醬汁夾雜著小小豬肉的肥膏， 搭配燶邊而且流心的煎雞蛋， 好吃到要把咀手指都要咀的地步。 而且白飯也夠多夠大碗，男士 絕對夠食，將醬汁餸飯絕對一流。咖哩雞飯港式咖哩雞飯， 味道不會像泰式的搶猴， 也不會像日式的 咖哩 過於溫純。 這裡的咖哩完全是香港人的口味， 不會太辣但又會有點惹味， 用嚟送飯絕對一流。嫩滑的雞肉，開胃好味 而且份量也很多， 一定夠飽。常餐另外食得民華當然要食埋這裏最出名的常餐， 炒蛋嫩滑， 內有滿滿的蛋汁， 搭配 微微 煎香了的火腿， 有肉香又有蛋香簡單好味。 多士烤的 外脆內軟的， 一定要趁熱食呢！鮮茄叉燒湯 通粉咪睇小這個常餐， 這碗 蕃茄叉燒湯通粉十分大碗，鮮茄叉燒湯 通粉 濃濃的蕃茄湯， 蕃茄味十分濃郁， 配搭叉燒， 不會怕太寡。最後以凍檸茶作結，