民聲冰室

營業中

休息中

28-1-08 (一)今次叫了梅菜蒸肉餅和蘿蔔炒魚崧，肉餅仍然蒸得又鬆軟又入味，魚崧也不錯。可能來的大多是熟客，這裏吃飯的氣氛很好，大廚和客人溝通甚好，有商有量。着校服的學生們，還有折扣呢。

呢間野出左名好耐，又多明星幫襯，終於有機會去，全新裝潢，位置竟不足十個，廚房卻超大，聽老闆娘說正申請露天茶座，所以短期內當試試新的營運模式，廢話到此為止，今日一試咸蛋肉餅，驚為天人，超級惹味又超級鬆軟，細細份的肉餅卻能我食足幾碗飯，可想而知，無論是否好此道者均記緊必需去試試什麼是"過哂份的肉餅"，可惜店舖位置較為不就腳，而且附近又有小弟至愛的華姐，否則又是另一個必然食堂。

27-12-07 (四)這裏著名的咸蛋蒸肉餅，果然名不虛傳，Ｔ連吃兩碗白飯，真想知道怎能蒸得又惹味又夠“鬆”，今天還有清蒸石斑魚，家常的味道，合理的價錢，想下次試炸菜蒸牛肉、豉汁蒸烏頭……

民聲係大坑老店，好多司機大佬都鍾意依度開飯，而我近來則會依度買外賣套餐。唔堂食係因為依度真係有污糟，尤其店內其實只有四張，其他座位全部街上面，側邊係街市同車房，周不時都會見到有小強經過，如果大家喜歡大排檔格局不妨一試。雖然依間其貌不揚，但廚房手勢真係唔錯，各款菜式都好惹味，例如我第一次幫襯鹹蛋肉餅就好得，佢個汁唔知落乜秘方鹹中帶點甜好好味。亦因此據聞依間鋪都幾多明星捧場，我上次等外賣時睇佢牆上面貼剪報，正疑惑佢有冇吹水，點知一擰轉頭就發現原來徐濠縈坐正牆角個位。不過依度都唔算平，一個小菜都要四、五十蚊，但外賣套餐跟湯跟飯兼有獨立包裝都唔錯。

雖然冰室早餐,不外乎也是一個方程式- 麵包煎蛋/菴列炒蛋,甚至煎條腸仔,主食大多什麼火腿通/沙爹通等等.新意欠奉.不過吃得多,水準高低也能吃得出,這間在大坑內的民聲冰室,其雪菜比外面的新鮮,雪菜爽脆鮮甜,奶茶亦夠滑,只是奶味略嫌重手少少.當然麵身,並不是出前一丁,可是雪菜的鮮甜,已彌補不足.晚市就未必有機會過來,早餐也是"人棄我取",如非順興休息,否則也未必會來到.大坑飲食選擇甚多,連大一附近也有間Pizza店,還有其他英超球星為名的街道- 布朗同京治街內,也有很多小店.不愁寂寞.對面的浣沙廚房,應是下一個目標,希望不要是另一間留家廚房...

估唔到可以係呢度搵到民聲因為呢間野真係由細陪到我大所以真係有好多回憶係度一向對呢間野真係又愛又恨愛佢有好幾道菜都真係一流好似瑞士腩肉,肉餅類,水煮牛肉等...都係我同屋企人嘅favourite而飲過呢度奶茶嘅人都會讚好飲加上價錢真係幾抵午市29蚊有飯有餸有湯or飲品(凍飲加兩蚊)仲有佢d餸都係每朝早新鮮去街市買特別係魚類所以佢d蒸魚都真係好食佢早餐又係幾普通都係果d行貨野不過不失咁囉!恨就係衛生差左d成日見佢唔開都係因為比衛生幫停牌真係幾個月又停一次(住係度十幾年都係咁)同埋真係要接受好多人食煙同講粗口(好大聲- -)如果接受到呢d問題(就如我)民聲真係一間幾正嘅restaurant

had a sunday morning breakfast there. Heard that it is a very famous hk style cafe, so just gave it a try. I ordered a set with ham omelette, a sweet bun with butter and a beef macaroni in soup. The macaroni was disapointing, the soup base is pretty oily. The sweet bun was cold with a bit of butter (only in the center). The omelette was the best among the whole set... but still.. not as good as i expected. Boyfriend ordered another combo, nothing special either

行過...見到....冇期望下入去幫襯但有意外收獲.....兩個人食左:鹽焗手撕雞: 超好味...水準之作....賣相/味道都值5分....西蘭花炒牛肉: 好味...D牛肉都好滑....加一碟炒菜/兩碗白飯/一杯飲品...埋單$8X...飽哂....又平又好味.....

叫左豉汁烝烏頭西蘭花牛肉腐皮卷，鑊氣好夠，味味菜都係熱辣辣，好似舊時的大排檔，當然現在是搬了入舖了，但是仍然可以在街邊露天食野，睇住電視食野，今次去天氣涼涼地，感覺好好再加上好味的菜式，好似舊時八十年代的大排檔的風味！烏頭好有鮮味，老板話條條魚都係新鮮檔，臨走見隔離台客指明要肉餅，原來衣間店舖好出名的是咸魚烝肉餅，下次去應該會試試，而且價錢都幾平，叫左三個菜兩碗白飯一百蚊都唔使，但係己經食到飽飽了！值得注意的是衛生，如果不習慣這裏的大排檔清潔程度，如會有貓貓在你腳低下走過、隔離菜檔倒垃圾、氣車噴氣等等，最好就不要來！

有八十年代風味, 不過見到間鋪地當街當巷處理食物, 睇落衛生水準都係八十年代水準

個人覺得，蒸肉餅來說，除了要夠味及肥肉/廋肉的比例合度之外，還要夠「鬆」。夠「鬆」的肉餅才有肉汁，口感才好，相反，「實的的」的肉餅就不合個人口味。這裡的肉餅，是有水準的。來了大坑找個朋友幫手，原本想去附近食薄餅，點知星期一關門，去另一間街角西餐，又係是日休息。想起肉餅，就拿拿林來了這裡。找了個卡位坐下，呢度係的士佬加附近工友的飯堂，環境會差一點點，如個個都人手一支煙的。肉餅幾時都係這裡的頭牌，是日就是配鹹蛋，如不喜歡，亦有幾款蒸魚可以選擇，都不錯的。肉餅仍舊好味又夠鬆，肉汁豐富，用來下飯不錯。午市套餐，有肉有菜有飯有飲品，只30蚊，已吃得飽飽，夠經濟抵食。