153
56
30
港鐵天后站 B 出口, 步行約8分鐘 繼續閱讀
所有分店 (2)
開飯介紹
Being in a competitive restaurant district, 民聲冰室 has certainly surpassed other restaurant from one simple dish- Steamed minced pork. Loved by all ages, this dish is said to be worth the wait by the customers. In addition, the "char siu" fried egg and "Saliva Chicken" are other star dishes of this restaurant. 繼續閱讀
獎項殊榮
最優秀銅鑼灣開飯熱店 (2012)
特色
適合駕駛人士
營業時間
星期一至日: 12:00-15:00; 18:00-22:00
付款方式
現金
食評 (249)
肉餅塔 焦點食評
等級4 2017-02-01
428 瀏覽
某日同朋友去完山頂野餐,坐番車落山決定晚餐定喺民聲冰室。本來都近另一分店,但睇過評語,好似都係大坑呢邊分店穩陣啲…週六晚上6點零鐘,當然要等位啦,因為座位少到爆,大概20分鐘有位。等位途中做乜好?店員已經會同你落定單。咸蛋肉餅塔 $58男朋友知道我好鬼鐘意食咸蛋同肉餅,所以以前喺銅鑼灣工作都有帶過我黎食。蒸呢個肉餅都有難度,由於係塔嘅形狀,要蒸到中心熟而外面唔會老都考功夫。至於有冇影響味道,個人認為都係噱頭。不過豬肉偏肥,肥膏都多,如果唔鐘意肥肉嘅人未必啱食口水雞 $78手撕雞造型同肉餅塔一樣,都係砌高左。個人認為比肉餅塔更值得食。雞肉嫩滑,麻油味香,我地光速清碟。羔蟹蒸水蛋 除左鐘意肉餅,其實我都好鐘意食水蛋,喺街好難食到好食嘅肉餅,通常蒸得好鬼老…呢度嘅水蛋好滑,讚!不過羔蟹就冇乜特別,又冇乜膏,亦都冇令個蛋有鮮味,所以可以點番普通果款蒸水蛋,又平啲。泰式排骨 $58其實就係普通排骨加左泰式辣醬…哈哈。不過送飯都唔錯。馬拉盞炒通菜豆豉綾魚油麥菜 (冇影相)民聲唔同一般嘅小菜館,其實菜單比較單一,選擇唔多,尤其是菜,只有兩款…而且食過兩款都覺得好一般,馬拉盞通菜炒得冇乜味,豆豉綾魚油麥菜超少豆豉綾魚。對我黎講,民聲係我喺銅鑼灣短暫工作嘅一個回憶,就係想食靚靚蒸水蛋同肥肉餅先會黎。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-02-11
143 瀏覽
作為街坊,點可以未食過聞名的肉餅山?此民聲冰室細到只能容納10零人及長期有人坐門口等位靠的是那10零個餸,已知他們不是善男信女,仲要睇晒餐牌準備好叫餸方可入座架好彩我幾年前已諗定,叫咗肉餅山及馬拉盞通菜。向來怕食太多肉既我,一路好驚招架不住呢個肉餅山!好彩上枱後發覺'山'比想像的細。肉同肥肉比例均勻我懷疑肥肉多啲添因為吃下去肉很鬆,一啲都唔實。豉油提鮮,連埋鹹蛋黃食,鹹香又鮮甜,確係無懈可擊!馬拉盞通菜理論上冇得輸,佢又竟然落重左手,太鹹了⋯⋯另有一次買咗佢哋嘅口水雞回家加餸,滿心歡喜見佢好豐富咁有芫茜花生薯粉等。汁料很重要,佢正正就衰咗係個汁度,甜甜酸酸冇咩麻辣,雞肉又鞋又UN, 更莫講話佢皮骨多過肉...暫時來說,我只建議好鍾意食肉餅既人黎,對其他餸別抱太大希望,以免失望 繼續閱讀
(以上食評乃用戶個人意見 , 並不代表OpenRice之觀點。)
等級2 2017-01-30
275 瀏覽
年廿九晚放工,約了幾個朋友去開餐。要等齊人先入得,餓到扁了。好彩入到去即叫餸,都好快上枱!- 招牌咸蛋蒸肉餅外型雖然不太漂亮,但肉質鮮甜嫩滑,蒸肉餅的精髓在於用上半肥瘦的豬肉,蒸至淋身。堆成一座山去蒸,火侯一定要控制得宜,加上甜甜的豉油汁,可以送兩碗飯呀真係!(明顯晚飯的肉餅比午飯的肉餅份量多)- 炒豆苗菜,唔少得既!新鮮就好味呀!- 芝麻手撕雞芝麻夠多夠香!手撕雞都係堆到一座山咁,份量ok,肉質都嫩滑。- 豉汁帶子蒸豆腐 $62抱歉忘了拍照帶子煮得啱啱好熟,唔會「鞋」。豉汁送飯又係好好味,豆腐配上個汁真係生色不少!- 椒鹽豬扒唔夠喉再追加一個椒鹽豬扒,香口惹味。- 飲品、白飯另外計錢多幾個朋友一齊食既好處就係可以試多幾樣,又抵食啲!p.s. 原本說只吃半碗飯的朋友最後也忍不住加多左個白飯滿足了,飽肚了,去維園行返個年宵先! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-01-14
359 瀏覽
前幾天工作忙碌, 今天則較悠閒, 於是坐電車叮了幾站, 到了大坑的民聲冰室.之前看其他人的食評, 排隊的人也不少, 今天到達時, 可能是中午的關係, 店裏只坐了一桌. 我也是第一次來, 請求店員要餐牌, 他則拿了店外的大餐牌, 並親自解釋給我聽.我也沒有甚麼好想的, 當然是 咸蛋蒸肉餅.肉餅香軟, 送飯一流. 飯碗精緻, 飯香甜. 一口肉餅一口飯, 很快就吃完了.我也叫了凍檸茶, 午飯連飲品 $50, 價錢合理. 吃到尾聲時, 來了三個人, 三個也叫了咸蛋蒸肉餅.簡單的家常菜, 反而百吃不厭. 繼續閱讀
(以上食評乃用戶個人意見 , 並不代表OpenRice之觀點。)
服務 一般  得4個人開檔 , 老板企係門口問   問食咩講先  。 咁樣初頭係幾好店鋪面用開放式廚房, 但睇落令人不爽,好似殘舊。尤其廚房有漬。筷子看落殘舊 ,而且碟邊有水垢。雖然碟面無咩污糟,但咁樣令人覺得係咪唔乾淨?, 但魚又無 , 好彩炒仲有炒蛋 。  炒蛋賣相沒咩特別, 但食落去又真係幾好尤其係最簡單的蛋 , 炒得熟又真係唔老。 叉燒 好有彈性。反而蒽花 好似雪過, 無咩鮮味同唔爽口。 飯夠熱 。 但無咩特別。食野都有彈性 唔鐘意飯 可以轉公仔面, 但得六個餐簡。 而且蒸魚久奉。得返五個。令人覺得整蛋有特別技巧, 咁快 但又整到咁的蛋尼,算勁而且$42都唔算貴。 但平時出街食 都慣左 要用滾水洗筷子 , 水每杯都要落單 ,2蚊一杯。 令人感到麻煩。飲品比平時大杯 , 但檸檬不夠份量。 但勝在幾快可以揸車去同有路天位簡, 繼續閱讀
(以上食評乃用戶個人意見 , 並不代表OpenRice之觀點。)