影片
港鐵銅鑼灣站 D4 出口, 步行約2分鐘
繼續閱讀
電話號碼
26616880
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
以上資料只供參考, 請與餐廳確認詳情
真係估唔到維他奶都有串燒🤣 今次來訪依間港味濃厚嘅串燒店❤️ 大大盞霓虹燈裝飾、經典嘅麻雀牌片點綴，以及老實不客氣嘅標語😆 完美呈現香港直來直往嘅情懷🥴 首選必點維他奶芝士串燒系列😚 一口氣叫咗免治雞肉條、翠玉瓜、獅子狗、豆卜、小甜薯同埋芝士年糕😋 全部即叫即燒👍 再淋上維他奶芝士，當中嘅香濃滋味令人難忘又深刻🤩 驚喜美味之作😘 另點了三味燒物，包括汁燒牛胸爽、燒菠蘿同埋陀地正燒豬頸肉😋 尤其喜歡豬頸肉，烤得脆卜卜好香口😎 味道鹹鮮可口😍 用黎送酒啤一啤一流👍 蒜蓉燒蠔一樣不得不食🥰 隻隻飽滿啖啖肉😋 食落彈牙又多汁，嫩滑又鮮美😚 配埋惹味嘅蒜蓉真係完美配搭👍 㨂咗兩款主食填肚🥴 唔L同沙嗲牛麵✅ 牛麵由餐廳自家研發獨家口味👍 保證重口味😈 D 沙爹汁濃稠又辛香，搭落軟嫩嘅滑牛同埋彈牙嘅公仔麵到，真係滋味滿分❤️ 和牛炒飯炒得乾身，鑊氣十足✅ 入口充滿迷人嘅牛香滋味😚 嚼感一流🤤 食維他奶串燒當然要配返支維他奶😋 除咗原支維他奶，餐廳仲有自家製維奶特飲🥰 味道好掂勁正👍 同串燒勁夾喲😚
繼續閱讀
今日同老公嚟咗銅鑼灣呢間毫無分串食串燒，環境裝修好靚，嘢食質素唔錯，介紹畀大家。蒜蓉燒蠔 $68/半打好好味 無沙新鮮又鮮甜💯唔L同既沙嗲牛肉麵 $58(晚市價)香濃沙嗲味 食到有花生醬 牛肉大大塊 勁入味湯底濃郁 但係食落又唔會鹹得滯 完美 配搭面底 爽口 維他奶芝士醬芝士年糕 $28/份流心芝士，真係好好味維他奶芝士獅子狗 $18/串日式熔岩芝士 拉絲效果誇張維他奶芝士小甜薯 $12/串日本紫薯加芝士甜鹹交織維他奶芝士醬免治雞肉條 $28/串維他奶芝士醬翠玉瓜 $14/串維他奶芝士醬獅子狗 $18/串維他奶芝士醬豆卜 $24/串維他奶芝士嘅配搭都幾好食，不過記得趁熱食厚燒五花肉 $24/串三層肉肥瘦相間，烤至微焦，配秘製燒汁，油香四溢和牛炒飯 $48/份好多和牛粒粒 米粒飽滿帶飯香原條蒜香燒茄子 $48/份蒜香味一上枱就傳出，食落熱辣辣勁多蒜好入味飲品凍維他奶黑芝麻冰芝麻味濃郁 底層有豆腐粒維他奶紅豆冰 原粒紅豆 有豆香 維他奶同紅豆好夾最後真係搞到個人無哂分串😏食到大滿足變肥肥人
繼續閱讀
喺銅鑼灣行街發現咗間超有香港特色嘅串燒店「毫無分串陀地串燒酒場」，入面仲有麻將牆🀄️同霓虹燈牌寫住「不醉無歸」等港式潮語，打卡位多到影唔哂！食物方面玩味十足，由經典串燒到維他奶芝士系列，仲有「和牛炒飯」同「唔L同沙嗲牛麵」壓陣～ 必食串燒清單🍢 🌟汁燒牛胸爽：牛胸腺燒到外脆內軟，送啤酒一流🍻 🌟陀地燒豬頸肉：秘製陀地醬醃到入味，炭火逼出焦香，肉質彈牙唔乾柴！ 🌟燒菠蘿：菠蘿厚切多汁，焦糖化表面帶炭香，酸甜解膩～ 🌟維他奶芝士醬系列🤯 - 免治雞肉條：外脆內滑，芝士流心奶香爆棚 - 翠玉瓜：清新爽脆又爆汁撞濃郁芝士- 獅子狗+豆卜：吸汁力Max，芝士控必試 - 小甜薯+芝士年糕：甜薯軟糯，年糕Q彈🌟蒜蓉燒蠔半打：蒜蓉香蔥鋪滿生蠔面，鮮味直逼大排檔 主食壓軸：鑊氣爆燈🔥 🌟和牛炒飯：鑊氣十足！飯粒分明兼索盡醬油香，仲有蛋碎同蔥花提鮮🌟唔L同沙嗲牛麵沙嗲醬濃到掛汁，牛肉厚切軟腍，公仔麵煮到啱啱好🌟維他奶奶凍甜品🧊 - 紅豆冰：紅豆煮到起沙，奶香順滑，甜度啱啱好- 芝麻冰：芝麻味濃到似食緊芝麻糊，養生派必點！
繼續閱讀
朋友帶我去到銅鑼灣呢間新開嘅港式燒烤店～ 餐廳掛滿港式招牌同抵死標語，仲有啲霓虹燈，影相打卡一流❤️ 入面仲播住懷舊金曲，好有Feel！今次試咗一堆招牌菜，由串燒到小食，味道都有驚喜😌⭐️維他奶芝士串燒系列都係必食~ 全部都用上維他奶+芝士，揀左6款~ 免治雞肉條、翠玉瓜、獅子狗、豆卜、小甜薯、芝士年糕~ 每樣都有淡淡維他奶味，再加芝士拉絲，真係幾正~ 當中最鍾意小甜薯同芝士年糕🥢唔L同嘅沙嗲牛肉麵：個名已經贏晒！好似話係店主特製！湯底沙嗲味比出面食到嘅更濃到爆，牛肉厚切有咬口。啱晒「重口味」嘅朋友⭐️老銅牛叉燒：叉燒肉質軟滑，焦香四溢，醬汁濃郁，咀嚼時肉汁四溢，真係一試就愛上🥢惹味雞腎：燒得爽脆🥢蒜蓉燒蠔：雖然唔係巨型，但隻隻咬落都好Juicy又爆汁，食完即刻再叫多份🥢腐乳多士：真係創意滿分！腐乳整成creamy醬汁，搽滿多士烤到外脆內軟，鹹香微甜，味道夾到好似天生一對❤️ 🥢鹽燒牛舌心：Juicy又彈牙🥢飲品：緊係要試埋「維他奶奶凍紅豆冰」奶凍好味唔太甜🌟PS🌟原來入五毫子($0.5) 現金入大錢罌就可以升級加大勁量凍飲
繼續閱讀
放假約咗朋友去銅鑼灣，喺SOGO後面一條街其實有好多餐廳，而呢一間餐廳店面好搶眼，滿佈霓虹燈好有香港特色。店舖主打串燒同維他奶食物，而且仲有好多打卡位。食物都好有特色，所以今日特別嗌咗好多維他奶芝士味嘅串燒，芝士係澳門喺串燒出邊，好重芝士味，但係維他奶味就相對比較淡少少。而佢哋個沙嗲牛肉麵都好特別，特別在於味道特別濃。最開心係喺呢度竟然叫到玻璃樽版嘅維他奶，超滿足。串燒/燒物惹味辣雞腎鹽燒牛舌芯老銅牛叉燒維他奶芝士雞肉免治串維他奶芝士翠玉瓜維他奶芝士獅子狗維他奶芝士豆卜維他奶芝士小甜薯維他奶芝士芝士年糕蒜蓉燒蠔半打主食和牛炒飯唔L同沙嗲牛麵飲品維他奶奶凍黑芝麻冰支裝維他奶
繼續閱讀
您可能會有興趣的...