比利餐廳 (已結業)

意粉碎濕濕，牛扒6成熟變3成熟，味道超西，招呼普通，整體水平，拖低香港水平！絕對係垃圾中嘅垃圾。個人未試過，想一試，真估唔到喺西九可以有D咁差嘅鋪！.......

今早經過西九龍中心,見到間新餐廳就上去試過早餐,叫左個豬扒蛋出前一丁加奶茶,早餐價37元奶茶都可以,但個出前一丁就不敢恭維😥剛煮完出嚟完全唔淋未煮熟就叫店員幫我再煮過,她都樂意幫我再整,碗麵再拿出嚟再食,麵係熟嘅我從未食過如此的出前一丁😥😥塊豬排硬同(鞋),食左一啖放棄,成碗麵就食左隻蛋,飲完柸奶茶走人!埋單時店員問我有咩意見(因為佢地門口寫住試業中)我坦白同佢講好唔掂同冇下次囉！

三個人夜晚7：00到，叫三個小菜加一碟油菜，238蚊， 包例湯同飯，雖然新開幾多人客，但係落單后5分鐘飲品到，10分鐘餐品到，都可以接受。飯菜到左之後，三人15分鐘已經食曬，渣都不剩，算係高分。一個咕嚕肉，一個菜遠牛肉，一條蒸倉魚，一蝶油菜係小唐菜（18蚊，分量都幾足）。咕嚕肉D芡都可以拉到出來，個名都算起得恰當， 叫拔絲咕嚕肉，用梅頭肉，肉質有彈性，菜遠牛肉，菜新鮮，嫩口，牛肉唔係葉到滑神神過種，有牛肉味，條魚可以讚下，新鮮入喂。聼侍應係隔離台講海南雞賣曬，下次應該會過來試下海南雞。之後三個人係度傾解到10點幾先走，感覺幾好坐，台凳寬落。

去西九食飯, 見到試業中嘅比利餐廳, 係外面見到部65吋高清大電視播放新聞, 吸引我入去食晏, 點左海南雞飯配中湯, 估唔到海南雞咁好食, 中湯夠料又無味精, 熱奶茶又香又滑

今日和一班同事o係西九食LUNCH，見到六樓有間紅白藍招牌o既餐廳相當EYE CATCHING👀，決定入去會一會～餐廳坐位舒適，裝修風格西式，食物味道港式：🐔海南白切雞飯，本身雞肉已夠入味😋，無需再點調味汁都ＯＫ。例湯大大碗＋油飯都係大大碟🍚＝肚餓必食👅