比利餐廳 (已結業)

比利餐廳再次幫襯 午自助餐送飲品 $68食物款式冇大變化 今次冇出蒸旦(至愛) 轉咗 涼瓜排骨 苦瓜苦味夠 豉味濃 12點零到達 但食物係唔夠熱 例湯~冬瓜紅蘿蔔豬骨老火湯 味道好雜唔睇材料 真係估唔倒係咩湯水 豉油王炒麵 & 炒河 都係干爭爭粟米肉粒飯~ 醬汁美味 但 白飯 乾 硬 唔夠熱肉醬長通粉 個人鐘意肉醬意粉多啲 掛汁 低食嘅 但有要注意嘅地方

記得中學時期, 時不時都會約同學仔去西九龍中心行街買野貪果度D嘢又平又齊款事隔多年, 再次黎到呢個地方, 就係約返當年嘅舊同學聚舊。今次選擇左呢間<比利餐廳>係因為上網睇到評價, 大多數都讚譽有加,而且環境不錯, 方便我同多年冇見嘅舊同學詳談, 互報近況。餐廳做緊開業一週年優惠, 全線小菜7折, 我地嗌左個拔絲咕嚕肉, 一個香煎蓮藕餅, 一個節瓜粉絲蝦米煲同一set美國牛扒配薯菜及紅湯。拔絲咕嚕肉外皮酥脆, 肉質嫩滑, 口感同味道一流. 酸酸甜甜, 非常醒胃, 係我全晚最喜歡的一道菜; 香煎蓮藕餅咸香十足, 咬落一粒粒蓮藕肉, 充滿口感, 用黎送飯簡直係絕配; 由於咕嚕肉同蓮藕餅都比較乾身, 所以我地再嗌左個節瓜粉絲蝦米煲, 湯汁香濃, 亦係一個唔錯嘅選擇。雖然牛扒同以上幾道菜相比, 感覺有點格格不入, 但由於價格實在太吸引, 所以我地都忍唔住嗌左份,$59有扒食, 仲要連埋薯菜同湯, 性價比真係超高~咪以為平野冇好野, 塊扒肉味濃而不羶, 質素非常不錯。服務方面也算周到, 我地有任何疑問, 侍應們都好耐心解答。如果大家想搵一間位於西九龍區,食物性價比高, 裝修寬敞,

近年香港的自助餐真的日新月異，連茶記都有自助，真有創意。我本人好認同此概念，因為平日去茶記都有選擇困難，又想食西多，又想食奶油豬，干炒牛河或是星洲炒米？每日都食就一定肥路一條，所以茶記放題實在可以滿足到個人期望，每樣食少少，免耐究又可以食到喜歡的茶記食品。今日12到，唔多人，一坐低就起動了，有涼拌，中湯，薯條，西多，厚多，口水雞，粥，排骨，胡椒豬肚，肉醬通粉，星洲炒米，干炒牛河，燒賣，十分十分滑的蒸蛋。食物質素相當唔錯，中湯好濃蜜棗味，花生醬厚多唔會因為擺耐咗而影響口感。蒸蛋及肉醬通粉都好好食，胡椒豬肚水準同過預期。推介！

今晚同女朋友去咗西九龍中心行街，諗住求其搵間餐廳食野，見到呢間好似新開幾新淨就入去試下我地叫左個貴妃蝦球 & 蝦醬鮮魷炒通菜 share個貴妃蝦球外面係一層薄脆漿，入面係大大隻蝦球，上面加左 d 蛋黃醬，真係超好食！蝦醬鮮魷炒通菜都唔野少，一上就聞到好香既鑊氣。通菜都幾爽，加埋淡淡既蝦醬味，又唔會太鹹之後我地叫左兩杯野飲凍檸檬柚子蜜，入面真係有好多檸檬同埋柚子杏仁霜，有好香既杏仁味，不過女朋友唔中意呢陣味，叫我拎遠 d，哈哈 😂埋單時發現，而家做緊優惠，成張單有七折，平左好多，呢一餐真係超值

比利餐廳一個古老的名字，但內裡包含著新式的裝潢及特色，這餐廳座落於深水埗西九龍中心6樓，非常及受學生及打族歡迎。 我點了以下小菜：金銀蛋浸莧菜湯底不咸，菜爽脆不老，剛剛好。拔絲咕嚕肉終於明白什麼叫拔絲，每夾起一塊都會有拉絲的感覺，所要叫拔絲，終於明白。瑤池香妃雞每個部位都非常滑白飯2碗分量都夠飽要講一下晚上還有扒吃，牛扒有美國平鐵牛扒，平鐵意思是牛背平時餐廳是吃不到的，挺特別的。 最值得一提是有VIP房可預定的，可以唱K。

嚟到深水埗，就咁入去蘋果商場行吓啦，行行吓街，我同朋友就覺得有啲肚餓，咁我哋就一齊入咗一間餐廳度食嘢。呢度好特別，佢嘅環境設計，好似食緊自助餐咁。另外就係，呢度嘅環境設計都好靚。我知道呢一度嘅小菜特別好食，仲有好出名添，我下次一定會再嚟依度試佢嘅小菜。但係，由於我哋係晏晝入去食野，咁就食咗個下午茶。識食下午茶，就一定係食西多士，同埋奶油多，再飲埋杯雜果賓治，真係冇得頂。西多士：佢嘅牛油加埋糖漿，加落個西多士度非常香濃，亦都唔會孤寒俾埋糖漿簡直係天衣無縫。糖漿嘅甜度你可以自己落幾多，可以自己調校。西多士嘅精髓，就係夠晒熱，同埋外脆內軟，炸得均勻，依間餐廳，佢嘅西多士就完全做到呢一個超班嘅水準。奶油多：首先，香港已經小之見小嘅奶油多，佢有已經相當唔錯，爖得來又唔會有黑色一點點，再加埋牛油同埋煉奶，簡直好似返返去細個之前食嘅一樣，令人回味無窮。雜果賓治：呢度嘅雜果賓治，絕對係可以講，以前啲感覺全部都返晒黎，真係好有懷舊嘅感覺。

有冇聽過小菜都可以食放題？你冇聽錯啊，深水埗依一間餐廳只要需要$68，就可以任食小菜，另外仲包你一杯野飲。即係等於你喺茶餐廳叫兩個餸一樣，係依度就係任食。佢哋冇一個特定嘅餐牌，基本上就係會不斷咁樣上菜。最鍾意係佢哋嘅咕嚕肉，唔會剩係得舊骨，啖啖肉都可以食回本。另外仲有滷水雞翼，都係好大隻，而且滷水味重一定要試。西多士亦都係我好推薦，但係數量唔多，大家記得坐門口位置，咁就可以睇到佢有乜嘢新款上菜啦。

平價午餐任食 $68 省時唔使煮家常味道 唔重味 大廚制作食1小時 (其實都冇趕客走)粥粉麵飯 老火湯 齊燒賣 麵包 包1杯飲品(冷/熱)西多士 ~ 有糖醬牛奶提供 冇牛油 蒸旦~滑滑 仲以為係豆腐冇海鮮 有虾米炒大白菜粉絲 湯水咁夾唔到粉絲食 碎碎 豉油王炒麵 干炒河粉 河粉碎 斷 油膩肉醬長通粉 ~ 肉醬濃香 唔膩 個人喜歡意粉多啲……青紅蘿蔔豬骨湯~ 湯水濃混濁 味雜 麻麻地豬扒 雞亦 炸得較乾 比較黑鹹菜豬肚支竹湯 ~芹菜香 豬肚夠淋 柱侯豬手 夠淋 好味 最緊要冇毛乾淨口水雞 ~ 好受歡迎 好快清碟 都有refill唔會專登去食 走過路過就唔好錯過 (西九泊車 電子消費 $200 free 1小時)

今日到西九龍的蘋果商場逛街，發現6樓的"比利餐廳"在做開業一周年優惠，全線小菜7折，看看宣傳十分抵食，今日决定一試。看看菜單，除了主打扒類外，還有多款小菜選擇，而定更有5折和7折優惠。美國平鐵牛扒(Flat Iron Steak) 原價$118 週年價$59意粉，奉送餐湯、熱飲。店員特別介紹餐廳用的是平鐵牛扒，是牛的肩背部位，牛肉味格外香濃，輕輕便可切開，色澤粉嫩，帶點筋位有口感而不韌，牛扒高質，性價比一流。跟餐油菜 $28跟餐紅豆冰 +$7豉汁蒸倉魚 原價$78 週年價$55今日真幸運，倉魚厚身又大條，真係超級抵食，魚新鮮嫩滑。節瓜蝦米粉絲煲 原價$68 週年價$4份量好足又足料，配搭不錯，愛吃粉絲的我十分喜歡。

一周年勁抵餐同男友去娘家，之後喺西九龍中心入面搵緊餐廳食個晚餐，見到呢個餐廳有一週年勁蛋優惠，餐廳環境好寬闊，二個人都可以坐卡位，唔洗同人迫，正！男朋友鐘意大排檔味道既小菜依家做緊7折，更加岩佢心意。我哋叫咗三個嘢食，瑤池香妃雞，什扒同埋金銀蛋莧菜。瑤池香妃雞瑤池香妃雞係配一碗白飯，雞係凍食既，都幾多肉，唔係好多骨，雞肉又算係嫩滑嗰種，不鞋口，味道係有雞味既，吾係腌料味，加埋佢個蔥油吾錯。什扒我就比較鐘意西餐，所以叫什扒，抵食呀，配埋羅宋湯同野飲。什扒餐有火腿，香腸，雞扒，豬扒同牛扒配上薯菜，雞扒同豬扒好大塊，配埋個黑椒汁，夠晒。加上而家一周年優惠，扒餐半價，所以呢個真抵食之選！金銀蛋莧菜用咗鹹蛋，雞蛋同皮蛋，鹹香夠，咁食莧菜好食d，補充下纖維。咁樣都係$194，抵又勁飽。

仲記得曾幾何時西九紅極一時，咩當紅藝人歌手組合出show都一定黎呢度，可惜物是人非，依家都鮮少人行呢個商場不過正因為咁，呢度保留左唔少價錢親民又夠大坐得夠舒服既餐廳，亦係油尖旺區搵食既好去處。就好似呢間茶記，近排就推出左必回本既$68午餐同$48下午茶放題下午茶時段有炸物同粉麵，即叫即製，一定食得飽！最好既一點係餐廳老闆主張唔浪費，所以午市既野食都會照供應，直到無為止雖然係放題，但食物絕不馬虎。咕嚕肉外脆內軟，調味酸甜適中，厚肉唔係得炸粉魚蛋大大粒夠彈牙。老火湯清甜無味精，瘦肉煲得稔軟唔鞋，又有肉又有老黃瓜又有蜜棗，好足料。下午茶時段新鮮出爐既西多同奶油豬，聽老闆講係最受歡迎既小食奶油豬塗上厚厚既牛油同練奶，香甜不漏，邊位好香脆好似食薯片咁，中間又唔會太硬好𠝹口。炸雞翼外皮薄脆，又唔乾，雞肉部分夠juicy。肉醬意粉雖然無加芝士焗，但勝在肉粒夠大粒，有咬口。除左放題外，餐廳仲設有卡啦Ok大房做party room，夠哂多元化～

話說最近去開深水埗，就近近地係西九龍中心揾地方食lunch，見到一間寫住60分鐘$68任食放題🍞🍗🍲🍤仲要包飲品免加一😧平時一個lunch分分鐘都唔只呢個價錢啦🤔望入去又好多人食喎，應該都唔係伏😂所以決定試一試😎.款式都唔少，由小菜到小食到前菜都有！🤩有炸雞翼、滷水雞翼、椒鹽豬扒、乾炒牛河、豉油皇炒麵、肉醬長通粉、 咕嚕肉、奶油豬、西多士、咖哩魚蛋、老火湯、炒菜等😍😍😍而所有熱食小菜都有爐熱住，職員會keep住check下啲火同加餸👍🏻.食完重點推介以下呢幾款俾大家😋❤️炸雞翼，夠熱，個皮都仲脆的，重點係醃得好入味！🧡椒鹽豬扒都係勁正！外脆內軟，又非常入味，仲要超香，邪惡到不得了😈連戒緊熱氣野嘅我都破哂戒食左幾塊🤫🤫🤫💛乾炒牛河炒得都好有水準，同茶餐廳既炒河有得揮！💚蒜蓉粉絲茄子都好好食，又香又惹味😛💙奶油豬都係必食！咁啱遇到佢新鮮出爐，即刻好多人走去拎，轉個頭就俾人掃哂🤣🤣🤣💜老火湯俾足料煲，好有住家湯既感覺🥰重點係冇落味精👍🏻味道清甜。.呢個價錢有咁多款式仲有咁好既質素，完全係良心價！😇難怪好多街坊或者係附近既上班一族黎幫襯🤗不過始終佢間餐廳係6樓，唔知個啲未必個個都會走到上黎。🌟佢

最近發現公司附近有間食自助午餐嘅餐廳，所以就約左班同事去試下～食物種類都幾豐富下～前菜有雲耳、涼拌榨菜雞腎、涼拌青瓜等～主菜有炒河粉、炸雞翼、椒鹽肉排、皮蛋瘦肉粥、咖哩魚蛋、炒菜、釀豆腐同生炒骨等。另外仲有奶油豬同西多士添！值得一讚嘅係仲有老火湯飲，飲落一啲都唔味精，真材實料呀！我覺得每樣餸菜嘅味道都相當唔錯，最好味係粥同炒河粉。重點係呢個自助餐係超級抵食嘅，我地四個人都係食左200幾蚊咋！真係性價比高～

估唔到真係$68自助餐而且仲冇額外嘅收費(●°u°●)​ 」，我以為係嘢飲要另外加錢先有得飲，不過原來$68已經包一杯凍/熱飲！喺西九龍中心入邊，有一間好抵食嘅自助餐，其實想食好耐㗎啦，今日經過難得有時間就入去試吓，入面嘅空間好大唔使迫，食物嘅款式其實都幾多，$68呢個價錢係絕對合理，因為任食嘅，refill食物嘅速度都幾快！我比較推薦佢嘅涼拌小菜，例如辣青瓜，木耳，佢仲有口水雞㗎！真係全隻雞上，大大嚿，質素一啲都唔差！另外推薦佢嘅雞翼，我食咗勁多隻，炸雞翼同埋豉油雞翼都好好味，炸雞翼真係外脆內軟，金黃色炸得均勻！佢包類款式幾多， 除咗有奶油豬三文治之外佢仲有厚多士，好多時入邊包住左花生醬，食落去口感好豐富！值得一試啊♪(´ε｀ )仲有仲有！依到既湯超好飲，係冇味精，足料㗎！

之前好多次經過西九龍中心見到呢度開左間午市放題的比利餐廳，價錢好貼地$68每位，今次同朋友一行四人，諗住來試試午餐放題。一入到餐廳環境算係幾寬敞舒適的，都幾多人來食，而且呢度餐具好warm，有心心碟，立即開胃了好多，哈哈哈哈。 我地每個人都會包一支罐裝飲料，一杯熱/凍飲品。如果想飲用檸檬水or清水，外面可以自助無限添飲料。食物方面，有麵食，意粉，皮蛋瘦肉粥，老火湯，炒飯，炸雞，雞翼，豆腐，魚，小炒，魚蛋燒賣，三文治，多士，奶油多等。印象最深刻是粥好綿同埋好都味道，另外就系老火湯，好鮮甜，飲完不會覺得口渴，好足料。