毓民私房牛肉麵 (已結業)

今日經過，冇特別心水，決定幫襯。叫個午市特價餐：蘇坑咕嚕肉連白飯一碗，送時菜包飲品，都係$25 蚊。天氣太熱，加$2 轉凍奶茶。原來依家一杯好飲o既奶茶已經好難搵到，呢道o既奶茶都係得個甜字。咕嚕肉油"益"味好重，肉質偏硬，味道方面亦過酸。今日油菜係白菜仔，菜本身冇味，但附碟o既豉油汁就非常之咸。整體只屬於勉勉強強，如果只得招牌牛肉麵好食，而其餘都唔掂，似乎講唔通...由於未食過佢o既招牌牛肉麵，所以今次唔俾喊喊口住...

本人吃麵，通常都會有一個壞習慣，就是不理那個湯底有多少味精，第一口都會先嚐嚐麵的湯底。而這個湯一入口已有一種熟悉既感覺，味道就像媽媒常常煲的青紅蘿蔔豬蹍湯。這個麵的材料與經常喝的湯頗為相似：包括紅蘿蔔及白蘿蔔，均帶出非常獨特的甜味。而招牌牛肉麵的牛肉略微遜色

由於以前已在中港城店，試過其招牌牛肉麵，今次到旺角店就吃吃別的。蒜泥肉青- 肉青好靚，入口爽而不韌，醬油味濃但稍嫌蒜味不足。有段小插曲：最初見只有一小碟醬油，全倒入碟後覺得不夠, 於是向侍應多取一碟，驚動到黃太，走來跟我們說：「你們不要學阿蘇呀！一碟醬油已經足夠的了！」冤枉呀，我沒有學阿蘇！不過試味後證實，一碟醬油的確也夠鹹了。鹽酥雞- 好香口, 質地又軟硬適中. 我好怕吃那些硬到會刮損口腔的炸物......私房涼麵- 天氣酷熱, 選了個涼麵, 但這味就比較平凡失色, 無甚特別。肉鬆蛋卷- 台北常見的小吃，簡單但可口，卷皮質感QQ的，menu上有幾款餡料選擇，相信肉鬆最惹味。 小店屬於「快食」類型，冷氣有點兒不足，食物卻不錯，有機會翻兜的。

今午同哥哥於這兒用餐\，兩個都點了牛肉麵。上來時只見蘿蔔同牛展，食時才見原來多多的麵給大大的蘿蔔淹沒了。蘿蔔同湯都要讚，非常『林』，仲要充滿了香香的牛肉湯，食落滿口濃湯，異常滿足。麵一開始食時覺得好似有點粉，食食下就覺得都ok的。最後試牛展，見到她比上次女人街食的薄，口感、味道都差一點，始終別人是specialize in台灣食品，不過這裡的都算幾好。試也無妨，只是她不會令您好有衝動回頭再吃。

星期日, 一行五人晚上去吃飯,本想吃大快活,後來看見毓民私房牛肉麵, 於是入內光顧,叫了酥炸豬排飯,魯肉飯,雞絲飯, 牛肉飯,豬排飯好似放一放下獲就撈起放在碟上, 沒有金黃鬆趣, 飯也沒有任何汁,雞絲飯,雞絲少得可憐...魯肉飯一般,其它食物都一般無論各方面整體都比我第一次吃變差了35元一個飯包一杯凍飲臨走時看見毓民,算是一點驚喜~而我們對待應生最為不滿, 要叫才懂得走過來添茶,唉~應該不會才來光顧了~

滷肉豆腐好好味，配白飯一流，而且碗白飯好好味~ 軟身但不會淋或濕。仲有一碟菜~ 飲品+一坐低有杯茶~表面睇落服務一流，但女侍應黑面，影響食欲。紙巾要問先有，奇怪。味道搭救。

每一次去毓民也是一個人或兩個人,這一夜與數名朋友,在此擺下龍門陣,不試其太后雞不心息.標價$180一隻,分兩碟上,無須我們"飛象過河"般狼狽.外表同豉油雞無異,味道也同豉油雞差不多,雞肉味道不夠.其中一位友人說叫做試過囉.)人多自然好辦事,吃罷太后雞之外,更可吃其他小吃,豬肝連聽過沒有?就是與豬肝同豬肺相連的瘦肉,這些下欄菜,往往成為我輩之恩物.只要略點些豉油,已經吃出其鮮味,口感也挺爽.鹽酥雞是炸雞塊,個人更愛這味雞,炸得酥香,雞肉亦仍然嫩滑.蒜香肉青的蒜味不搶,漸漸散發出來.又是點些醬油已可提鮮.肉鬆蛋餅外表如炸兩,蛋皮薄得來又夠煙齦,充滿著蛋香,包著肉鬆來吃,感覺很健康.六個人仍可分五碗麵,牛肉麵已吃得多,今次就來一碗擔仔麵,上桌見到的份量與牛肉麵無異,擔仔麵應該很"的式",不是嗎?麵條與牛肉麵同出一撤,質感煙齦有致,但肉味道不夠濃.眼見黃金時段生意興隆,座無虛席,我們一行六人,感覺也頗劑逼,如果一定要這段時間前來,二人行好了.友人說之前來毓民個人消費最多都係不過$60,今次真係吃得高興.)是的,今次我們真的吃得窮兇極惡.所以之前也說過牛肉麵要幾狼都有.)

I tried the "most famous beef noodles" of this restaurant with my husband yesterday. However, it is not really "Taiwanese". I think it is just like "Cantonese beef noodles". I know the real taste of Taiwanese beef noodles cos I lived in Taiwan for many years. I think many people go there because of the name of Yuk Man.....We spent $110 for a lunch in 25 minutes, quite expensive! It is just like fastfood and we don't think we will go there again.

第一次食招牌牛肉麵,蒜泥肉青及肉鬆蛋餅毓民牛肉麵($28)睇圖片以為湯底會好濃,原來好清,聽說沒有味精,若無味精都做到此清甜效果也不錯,配料有好多紅蘿蔔及白蘿蔔,大大件好腍好入味,牛肉份量適中,夠腍(不過個人較喜歡食大婆牛肉麵,因大婆湯底勁香濃,應該是落了很多香料煲長時間的效果,牛肉炆到好入味,雖然味精會多些,但真係一試難忘)再試毓民的蒜泥肉青($28),白灼過的肉味好淡,即使點了濃醬油也吊不起什麼肉味肉鬆蛋餅($25)油淋淋,蛋皮過腍,肉鬆餡少,稱得上難食會再去,但只會叫招牌牛肉麵,牛肉麵來說都做得算健康

之前聽日講大婆既前身係毓民牛肉麵, 上幾個星期又聽亞蘇既介紹, 今日考完試又同老公出動試新!入到去一個人都無, 坐位好細, 連我都覺得唔舒服, 我地叫四樣, 毓民牛肉麵, $28, 豬肝連, $28灼白菜仔, $10, 同涼拌青瓜, $20! 以我個人而言, 我覺得佢既金錢"月展"好薄, 唔腍, 大婆既好食好多, 不過, 佢有埋紅白蘿蔔, 就幾好食! 豬肝連, 唔係好明好食係邊度, 以肉為主, 有少少筋連住, 完全唔識欣賞! 白菜仔過硬, 最好食既係青瓜, 夠凍, 夠爽脆, 其他既唔會再試啦, 只此一次!

睇完阿so 推介, 一條友去試下, 叫了一碗招牌牛肉麵同埋一碟蒜泥肉青, 個麵唔怕"林pat pat", 幾好, 可能有d 人重會嫌佢硬添, 但係d 牛肉反而唔係幾好食, 我食左兩舊都無食啦.個蒜泥肉青抵讚, 尤其是沾了蒜香的醬油之後, 十分美味. 如果下次再去, 都係因為想食蒜泥肉青, 而唔係碗麵!

叫左招牌牛肉面同豬肝連牛肉面湯底唔錯,有d係似九份食牛肉湯面既味道不過牛肉就唔算好食law~豬肝連係白灼的,係要點醬先好味...不過都唔錯既有機會都再會試其他野

夜晚黎毓民食dinner, 點左香蔥雞飯, 牛肉麵, 酥炸排骨. 飲品有青檸柑桔同香蔥雞飯的雞絲好味, 肉質唔鞋牛肉麵o既牛肉, 蘿蔔都好林, 好有味, 個湯o既味道都好好薑蜜o既薑味好足, 如果鍾意薑味o既, 應該會覺得幾好飲

都係睇完阿蘇話好先去試下，琴日同男朋友兩個人去食，唔洗等位，不過要搭台～～我地叫左：牛肉麵–麵質OK, 大大件蘿白及紅蘿白非常入味好好味．不過，牛肉好似有點硬．香蔥雞肉飯–好入味，不過，有可能無撈混食，所以有點咸肉鬆卷蛋( OR 叫蛋卷啦) －必試, 只係$25但好好味天后雞(例牌) –都好入味，好香．雞胸都好滑．大大舊肉．非常正（本來諗住食“蒜泥肉青”點知買晒~ 幾失望!）不過, 我就覺得坐位太迫喇，啲侍應會成日係後面行來行去傳菜撞到我．同埋，老闆娘係度，班侍應都好似游魂一樣．不過，埋單都唔洗$150．都算係咁！

同男友拍拖八週年紀念,無乜地方想去,又想返到屋企睇溏心,早排睇電視阿蘇介紹過哩間好似都ok,咪去試試個肉鬆包蛋真係好好食,個牛肉麵本人就不太愛吃,可能不習慣那個味道,但我男友就覺得好食,仲有個青肉都ok,但個涼伴青瓜就有點失望大部份飲品仲有半價哩,旺角黎講算底食!!食物都值得一試!