殿 大喜屋

營業中

休息中

放題在港九新界依舊遍地開花，「殿 大喜屋日式放題」可以話係城中熱門及好評相當多的一間。「殿 大喜屋」是眾多「極尚大喜屋」放題中走更精緻的路線。上次來吃午餐，今次則和幾位食友聚舊食晚鈑，又係飽到及笑到抱住個肚皮走！外出自助是任取區域，主要是沙律、開胃前菜、海鮮等：推介「藥膳燉雞腳湯」，非常多滋補原材料燉成，因為料足，味精感不強，良心餐廳。呢排返工行路多，要飲多兩碗補返腳骨力 XD接著是任點任吃部分，是 scan QR code 用手機落單，更環保，上菜速度也快。刺身與海鮮先上拼盤「三文魚、油甘魚、池魚、北寄貝、赤海蝦、北海道帶子、赤貝、松葉蟹腳」今趟我喜歡赤海蝦；亦因為人客多，食物流量快，刺身均相當新鮮。壽司 / 手卷無限量供應的「海膽手卷」，必食鐵膽：海膽明顯見到一塊塊新鮮完整，甜美。加上是即叫即做，紫菜仍在脆的狀態，這是吃手卷的重點。誰人又會想吃紫菜腍晒枯萎了的手卷呢？！手功卷物一向是這裡的招牌，飯細細粒，花款多多，賣相也漂亮。「燕窩魚籽花之戀 / 拖羅蓉火山卷 / 蜜桃三文魚加州卷」「左口魚邊壽司」新推出的「春之精選」燒物 / 揚物今趟大家都很喜歡吃串燒，就來個串燒の夜吧！「串燒

我哋book咗五點半食，諗住可以平就享有食buffet嘅價錢。五點半食到七點半，可以食足兩個鐘既價錢有85折優惠，價錢除翻開、計返加一都係唔駛$300一個人。我哋未到五點半就去到，佢哋好準時五點半先放人。入去入到去佢哋會叫我哋用WeChat scan QR code黎落單，可以減少用order紙，依樣野抵讚。除咗有啲嘢食要用WeChat落單之外，出邊會有啲小食或者湯可以就咁拎，好多選擇。坐低第一件事就係嗌壽司同埋刺身，刺身都幾新鮮食落唔會有腥味。你寫既件數，佢地係會黎足，所以唔駛驚寫十件都係黎得一、兩件海膽手卷就係要坐低食左一陣之後等佢ready好先可以排隊拎，我哋見到海膽手卷都幾受歡迎，條隊keep住有人。但係壽司師傅整得好有效率，條隊都唔會等好耐，平均3分鐘左右就會拎到。個人鐘意飲湯， 個椰子雞湯唔錯，我encore左兩次😂😂甜品款式都有20幾種，雪糕同雪條都有好多款可以揀。

閑日放工約咗朋友去食放題，點解食放題呢，因爲我朋友係大胃王嚟嘅，有小林專之稱。約佢去食放題呢就最開心，因為佢可以點好多好多嘢食，食放題最抵食👍講返呢間餐廳嘅放題啦，之前食過唔錯，今次再encore有幾樣嘢係值得推介嘅，食放題邊少得刺身，除左平常既三文魚帆立貝仲有蟹腳食，好新鮮另外串燒蝦、牛舌同雞翼都唔錯，蝦新鮮，肉質幾有彈性，牛舌燒得好香呢度仲有海膽同三文魚手卷，海膽唔腥幾鮮甜仲叫左唔同壽司，份量唔多，可以試多d 唔同野食仲叫左個補品-椰汁木瓜燉燕窩，好正食完一大輪食物之後呢，噉我哋就食甜品喇，呢度除咗一般嘅甜品之外，仲有生果同埋豆腐花，最正有haagen Dazs 雪糕野飲款式都好多整體嚟講呢間放題環境大，價錢就畀出邊嘅貴少少，但系啲嘢食同埋啲甜品係比出邊嗰啲好食嘅。

明天五一勞動節，男友話要帶我去做運動😰。 佢話成日食好野，我就黎變🐷了。好啦！咁我提出做運動前要食餐好先😆為食既男友當然冇異議啦！今次揀左我最愛既殿大喜屋放題。-鍾意殿餐廳既寬敞環境。而且，食物飲品款式都幾多！ 每次食放題，當然一開波就叫刺身。 另外，餐廳改用了用QR code 落單！ 方便又環保♻️ 讚！-先黎一大盤高質刺身有拖羅、油甘魚、北海道帶子、赤貝、赤海蝦、希靈魚、仲有松葉蟹腳等，賣相新鮮又冇漏單😂 最鍾意厚切拖羅及油甘魚。拖羅紋理漂亮冇筋，入口溶化。油甘魚腩油潤甘香；可以任食刺身太幸福了。-除了刺身外，餐廳的壽司亦很吸引，試了好幾款。料多少飯不怕飽滯。「牛油果🥑軟殼蟹卷」！香滑牛油果夠熟夠甜配上脆卜卜的軟殻蟹。 另外好鍾意「龍蝦膏芒果壽司」，配搭特別。-另外熱盤料理方面選擇多而且有水準。 「瑤柱竹笙扒西蘭花」：食材新鮮、西蘭花爽脆！ 「海南椰子雞湯」：好清甜！有粟米及雪耳「花甲蟹粥」：粥煲得很軟綿，不會水浠浠的。味道鮮甜-除了電子order, 外邊還有熟食、沙律區。娃娃菜、青口、螺肉等等，選擇多又refill 快。-飲品都好多選擇，除了大雪櫃裡面的，還有多款酒精飲品。有最愛的

細佬下個月要去外國培訓一段日子，今晚兩姊弟出街食餐好；細佬一向都鍾情任飲任食既日式放題，我地選擇左尖沙咀依間殿堂級放題。 -環境方面，地方果然夠「殿」，餐廳舒適寬敞，有好多大大小小的沙發卡位。而且餐單改用了QR code 落單，環保之餘又可以方便睇番自己order 了的食物，免重覆浪費。食物款式選擇多，外面還有沙律熟食自助區。-飲品選擇亦都冇得輸，除咗大雪櫃各式飲品，連酒精飲品如梅酒、凍熱清酒、紅白酒、鮮橙汁、咖啡茶熱茶等。同細佬傾心事，當然要飲酒暢談啦。-刺身賣相相當吸睛，每款刺身都整齊地在冰盤排列著，視覺及味覺都大滿足。 刺身款色選擇到多，例如拖羅、鮮帶子、赤貝、甜蝦等等。百吃不厭的刺身，賣相色澤鮮美。赤貝大片又爽甜；甜蝦有光澤透亮味甜。Encore 了幾round 呢。-壽司的款式亦有心思，例如：千層海膽杯；指定時段的海膽手卷，橘黃色的海膽鮮甜。另外黑松露油甘玫瑰、火炙左口魚也是最愛，魚香味濃。-炸物也很出色！食了好幾隻芝麻雞翼！即叫即製，皮脆得很！ 仲有大大塊香口薯格！-其他料理如：鮑魚花膠黃金翅有多麼大片的花膠！原粒鮑魚😍正！-最後甜品、雪糕種類選擇亦多不勝數，少數有放題店咁

星期三放工之後約咗個朋友去食放題，噉我哋食之前就係open rice度睇下有邊間好食啦，跟住就睇到有間尖沙咀嘅，噉見到佢嗰個環境唔錯，噉於是就去食下喇。一入到去裏邊個環境好大好寬敞嘅，噉因爲我哋早收工，六點幾收工，所以去到唔係話好多人嘅。但過咗一陣七點幾左右，哩間餐廳都坐到七七八八喇。我發覺香港人真係好鍾意食放題喎。星期三都咁多人嚟食。一入坐我哋點咗好多嘢啊，刺身，串燒，蝦，蟹等等。我覺得個串燒蝦比別家嘅放題大隻少少，我一點就點咗四串，全部食曬之後，再點多3串來食。另外我食左個雪糕啊，我唔記得左個牌子，但係我攞咗朱古力味，杯雪糕有雙重朱古力味，都幾特別。埋單300元左右啦。今日食咗一餐滿足嘅放題。

朋友推介這間吾錯就話下次帶我來，今日來到好早食六點未多人，我地坐下都位置好大又舒服，而這裡用QR CODE叫食物都幾方便又慳返不少紙張，叫完我就就出去拿熱食，飲品仲有紅白酒都多選擇。出面有熱食，冬菇夠厚身，魚蛋夠辣。細細杯的千層海膽杯原來入面都有不少料，有海膽之餘仲有魚腩蓉，啖啖鮮甜。海膽手卷和三文魚手卷，有限定時間可以出去取，今次每款要了一個，夠新鮮又好味，份量岩岩好。柚子胡椒和牛燒，蒜片不少夾牛肉一齊加醬汁好味道。之後叫了必叫的一口甜蕃薯吾太油不錯又脆口。 沒想到這裡有麻辣酸菜魚鍋，魚都幾嫩滑又夠辣。湯就要了海南椰子雞湯都幾清甜。蒲燒鰻魚勁厚肉。朋友都讚好的北海道燒帆立貝，醬汁好味而帆立貝都幾大粒。串燒海蝦，都幾新鮮。微溫的天婦羅蝦，南瓜，油份不多又脆口而且入面的食物都幾新鮮。最後我地再出去拿了甜品馬卡龍，咖啡凍，朱古力蛋糕，甜度適中而且都幾濃味好味道。食到中段開始多人差不多全滿座，好彩今日早到。

食物跟極尚大喜屋差不多 比極尚差左啲但係價錢就貴左啲 所以殿 大喜屋同極尚比係差左少少嘅 不過啲雪糕係高質 回到本🤙🏻9點3去都有優惠嘅 不過都唔係話好優惠 不過都值得一試

呢間放題以殿為名， 喻意食物都比一般放題高質，今次就陪一個幾年無食放題既朋友去嘆一下…刺身部分唔差，平時放題餐廳第一轉無論你點乜點幾多，都會先上一大盤刺身比你，呢間就好好，跟單出食物，甘就唔會浪費太多，都唔會比刺身食飽個胃先…三文魚，甜蝦，北寄貝都好新鮮，長腳蟹有滿滿既海水，所以比較咸海膽千層杯的確唔錯扇貝醬汁略多，但味道不錯，而且熱辣辣最正係呢個即整既海膽手卷，脆卜卜既紫菜 ，大大啖既海膽必定要食…烤物全部跟單數量熱辣辣上台，但略為過左火，燶得濟，所以無影相，唯獨燒菠蘿，鰻魚係正既仲有大量甜品，不同牌子嘅雪糕，飲品選擇多，紅白酒，梅酒清酒都有…服務生全程黑面無笑容，好似得罪佢甘…

看一室高貴的擺設和高樓底水晶吊燈，大家是否以為車媽媽在吃Fine Dining是嗎？ 但其實我這天是到我最愛的放題店殿 大喜屋日本料理吃晚餐，說到放題車媽媽幾乎吃勻港九新界的店子，皆因車爸爸天生有黑洞的胃口，所以吃放題是最佳的選擇！這兒收費為星期一至三(公眾假期前夕及當日除外）成人＄308、小童＄178(任吃兩小時)，其它日子也只是成人加多＄20位！ 大喜屋從來都是我吃放題的首選所有分店也品嚐過，見著它越開越多越發精彩，如這夜的殿大喜屋便是俱質素的放題店，餐廳內有自助區放有炆冬菇、炒烏冬、芝士番茄肉丸、瑞士雞翼、辣魚蛋、炸物和前菜等等！ 另外還有藥膳雞腳湯味道十分香濃亦好好味道不客錯過啊！ 另一邊廂有多款沙律、泡菜、漬物、水果、煙鴨胸等豐富自選前菜，最合我這些減肥人仕慢慢揀健康的食物！ 往前走有貼心的熱飲櫃！內有罐裝烏龍茶、菊花茶、咖啡，和紙包裝的檸檬茶、維他奶和竹蔗茅根！！不愛熱飲另有自助的果汁供應！ 再者更有龐大的雪櫃供應各式各樣的飲品！款式多得令人咋舌！！ 另有熱水、茶包、咖啡機，真係未吃先飲飽哈哈哈........ 而甜品生果等則放在衛

朋友生日專登同佢再佢喜歡的殿食放題，今日去到都吾少人已經食緊，當然即時叫野食再出去拿飲品和熱食啦，首先我們一齊去拿海膽手卷，都幾鮮甜又大片。牛油果軟殼蟹卷，牛油果都幾香細細件一口岩晒。我最愛的芥辣八爪魚軍艦，夠芥苿味又惹味，紫菜夠脆口。之前另外的壽司皇帝蟹棒和鰻魚，燒得不錯帶微溫。朋友最愛的海鹽燒左口魚邊壽司，少少咸再加魚香好味道。不久刺身盤就來到，赤貝，北海道帶子，赤蝦，甜蝦刺身，好鮮甜又新鮮，唔錯。出面都有唔同的食物，其中有款藥膳雞腳仲可以當湯，幾清點中藥香都幾特別。 燒物到了，川燒秋葵，帶微辣又香口，鹽燒雞翼和牛舌加上檸檬汁再惹味點又有肉汁。原來是熱的海燕窩椰汁燉木瓜，木瓜好甜而椰汁幾香又足料。和牛燒牛汁勁多好味再叫了一,次。當然仲有我最愛的溫室燒菠蘿，沒想到甜又多汁，最後食了五件添。食完咁多壽司就叫左碗熱嘢，牛肉湯烏冬，烏冬都幾滑，牛肉正常都可以，再加多個超甜甜粟米。最尾就食期間限定的甜品雪糕食飽飽離開。

復活節有四日假可以慢慢嘆，平時一直都好想食放題，但係到到都要等好耐位，今次就醒目啦，預先book定枱，橫掂第二日都唔使返工，食夜場都好方便，而且仲平啲添就算係夜場，都有好多人食，出面有飲品、前菜、小食、甜品同雪糕雪條都係自己拎呢度仲出咗電子落單系統，咁就可以既方便又環保而且仲可以減少漏單嘅情況添。係我哋等緊嘢食嘅時候，我哋就出去拎左少少飲品同小食食住等，過咗冇幾耐就開始呀有嘢食上喇呢度有我最愛食嘅油甘魚同拖羅，第一輪我哋叫咗少少睇下新唔新鮮先，刺身每一件都係厚切，好有口感而且非常新鮮，我最愛食嘅油甘魚就有好香魚油味，非常鮮甜。壽司方面我比較鍾意食火焰系列，款式選擇多，值得一讚嘅係呢度嘅壽司飯細細舊，咁就唔會非常飽肚又可以食到好多款唔同嘅壽司，我叫嘅呢四款都非常之好味，特別係火炙左口魚，有入口即溶嘅感覺，油香豐富，芝士帝王蟹壽司啖啖肉。我哋仲出去拎咗海膽手卷，製作一啲都唔馬虎，係即做，海膽非常之鮮甜而且非常之足料，口感非常幼滑。開始到咗食熟食嘅時候喇，我地點左燒雞翼同燒牛舌，雞翼燒得外脆內亂，仲可以保留肉汁，食之前加上少少檸檬汁，咁樣就會更加滋味燒牛舌外面有少少黑椒，識落有少少辣味都幾惹

好耐無食放題，對上一次係食極尚大喜屋，殿大喜屋因爲價錢比較貴所以一直都未嘗試，不過一直以黎都知評價唔錯，禁岩出完糧，就決定慰勞自己食好啲！相比一般嘅放題店，呢度環境好高雅、企理，而且唔會好逼狹，卡位闊落，坐得好舒適。呢間放題比較特別，大堂仲有自助沙津吧同小食吧，有薯格、炸餃、湯、蒸魚、扒菇，味道都幾好，可以食小小開定胃先🤣深圳好多餐廳已經採用手機落單，估唔到放題店都引入左呢個技術，好先進又方便！食物方面，有幾款自己特別鐘意，仲食左幾round添！卷物呢度嘅壽司都係細細件，唔使驚好快就食濟😀吉列炸蝦卷外面有芝士、沙津醬，包住香脆既吉列蝦，一啖過口感超豐富，好好味！而牛油果芝士卷都唔錯，中間係cream cheese，香滑濃郁。壽司壽司飯係微暖，個人更鐘意帶有少少熱度既壽司👍🏻皇帝蟹棒壽司真係好正！略略燒過所以食落更加香，配埋芝士同沙津醬真係一流！花之戀壽司上面仲有燕窩添，好高質！燒蝦咸焦香十足，食唔停！鐵板和牛和牛未熟透，食落十分juicy，而且牛味好濃，入口軟嫩，口感好好，表面更有蒜片，提昇層次🤤🤤椰子雞湯雞湯味道好清甜，唔會好油膩，而且細細碗湯但十分足料，仲有花膠添！蟹粥蟹粥唔係得粥

大喜屋集團既放題店只食過極尚大喜屋，印象中質素都唔錯，每次經過尖沙咀都見到大排長龍，而呢間殿大喜屋應該係極尚大喜屋嘅再upgrade版，食材再高貴少少，更加吸引我，於是就揀左黎呢度食放題。呢度嘅裝修真係有別於一般嘅放題店，好華麗、雅致，好似去左高級嘅中餐廳。而落單方面採用電子化形式，掃碼下單，呢個方法我幾欣賞，好方便又減少漏單問題👍🏻除左要自己落單嘅嘢食之外，大堂仲有自助沙律吧同埋小食吧，款式都幾多。小食吧仲有蒸魚同藥膳雞腳湯👍🏻更估唔到嘅事放題都有紅白酒同梅酒供應，感覺級數即時提升🥰！ 以下既食物都係個人好推薦。《刺身》基本嘅放題刺身都有齊，質素唔錯，都算新鮮，拖羅雖然唔及得單點禁高質，但油脂都好豐富，而且都有係口慢慢化開嘅感覺👍🏻《北海道帆立貝》帆立貝上有蟹子、芝士同千島醬，焗至金黃色，味道豐富好惹味，食左幾round!不過就比較漏。《蜜椒一口牛柳粒》呢個真係好好味，甜甜地又有黑椒香，而且牛柳粒好軟嫩入味，必食！《牛舌》超爽口又夠稔，放題都食到呢個質素真係好有驚喜，同好多出面嘅串燒店有得揮！encore再encore!《極品海鮮炒飯》無咩期望之下又係好有驚喜！炒得粒粒分明，飯粒

上次因為打風無機會食，終於今天周末假期約到親戚一齊晚上食放題，五點半開始，早在五點十分到達攞定飛入座，是日食兩小時有八五折優惠，算低食。原來無用紙仔落單，無紙化，用客人的手機微信落單，真係快捷方便，服務員工作效率非常高，話咁快手機落單不到十分鐘有得食。我們先點了刺身，期間各人都到出面攞飲品，有凍熱清酒、紅白酒，藥膳雞腳湯，清酒夠凍，湯夠熱，好多料、有龍眼肉丶鷄腳、紅棗、紀子等，好滋補益氣，味道淸甜。出面有其他飲料zero、茘枝玉露等。刺身帶子鮮甜、吞拿魚腩好夠凍肉質嫩滑、三文魚挪威來的可以放心食，鮮甜，油甘魚和池魚都好新鮮，無腥味，鮮嫩肥美，每次都點三次。花膠鮑魚好味，每客有兩件鮑魚，好容易飽，煙靱，有咬口，花蓮花膠好滑夠𣺉，又係好容易飽，吃過就算了，唔會Encore。熱食炸物、串燒如炸榴連，齒夾流香，炸吉列蠔，外皮酥脆，蠔肉好滑配秘製醬汁，好好味，真係一啲都唔馬虎。牛舌、秋葵串燒、燒波蘿都好味，串燒好處無咁油膩。蟹粥和咖哩蟹味道一般。推介海膽手卷，好甘香清甜，非常好味，唔腥，排隊每次攞兩件，手卷師傅好快手，十五分鐘好快清倉，再等下一輪。甜品有不同品牌的，吃了哈根牌茉莉花石榴紅梅味雪糕